茶茶Go

營業中

休息中

呢日喺旺角行街 行到油麻地廣華附近朋友話想買嘢飲登打士街成條街都係食店 有選擇困難症嘅我當然係交俾朋友選擇佢話想試下茶茶go店面雖然細啲 但佈置好用心 同店面寫嘅「純粹而簡單」好吻合仲一直播緊國語歌 有種去咗台灣嘅感覺我要咗黑糖珍珠奶茶 中杯$26顏色好靚 黑糖有少少掛杯飲落去黑糖同奶茶比例剛剛好 甜度適中 珍珠勁多 粒粒都彈牙帶黑糖味 好滿足朋友嘅夏夜白桃烏龍 $24係呢度嘅人氣產品都幾大杯 白桃幾香 飲得出唔係假假嘅人造味道加埋烏龍好解渴 好啱夏天飲除咗飲品 呢度仲有蛋糕盒子、巴斯克、同肉鬆小貝買咗2件返屋企試下要咗近期大熱嘅開心果味巴斯克 同埋伯爵味巴斯克 各$35包裝得好好 攞到返屋企都冇散幾大件幾抵食 仲有原隻賣 都只係$50勁抵顏色好靚 表面微焦 食落去口感好柔軟好綿滑芝士味幾濃郁 食得出有開心果味伯爵味就好突出 鍾意英國茶嘅必點！學生仲有優惠 真係勁抵食

夏天解渴首選 走了很多路 看到這間台式飲品有很多不同飲品及甜品選擇這一次選擇了莓沙冰 非常解渴另外店員姐姐非常友善有禮貌 看到她對遊客都非常友善有耐性 不過可能人手就唔係好足夠 等候時間有點長

番工咁辛苦，lunchtime梗喺買杯肥仔水飲，苦中一點甜。公司附近好多選擇，今次就試吓茶茶GO。今次嗌咗杯大杯嘅真.岩燒黑糖鮮奶，另外仲買咗佢嘅紫菜肉鬆小方，$38一盒有四件，拎返去同同事share食啱啱好。呢杯岩燒黑糖鮮奶口感順滑，珍珠都好多，加咗黑糖又唔會過甜，黑糖味同牛奶味好夾，兩樣味道都入唔到，都飲得出牛奶味道好濃郁。另外，平時嗌嘢飲會叫少甜或者走甜嘅我，覺得呢杯甜度好啱我心水。珍珠口感彈牙，咬落去好有煙韌，同埋珍珠應該有同黑糖一齊處理過，所以都食到少少甜味。至於紫菜肉鬆小方，味道亦都好正！紫菜香口，配上肉鬆嘅鹹香味，真係一絕。佢個口感好得意，比起麵包軟熟，又未去到蛋糕口嘅質地，食完飯當甜品都唔錯。

經過旺角小食街見到依間台式食店嘅甜品小食櫃幾吸引🐰🐰🐰小食：👉🏻芋泥肉鬆盒子芋泥肉鬆盒子好靚，芋泥香濃滑順，配上鬆軟的肉鬆，大滿足❤️飲品：👉🏻夏夜白桃烏龍芝士舞霜（少冰無糖）：芝土奶蓋配上清新的白桃味道，叫左少冰無糖可以冇咁heavy🐰👉🏻檸檬若葉梳打（少冰無糖）：清新的檸檬味道，搭配若葉，飲落去清涼又開胃！佢罐裝嘅造型都好靚，又唔怕會整瀉👍🏻佢仲有啲巴士斯克蛋糕睇落都幾吸引，不過今日唔太肚餓，下次再戰🐰🐰🐰

登打士街這邊真的好多好吃的 經常路過這家店 終於買來試了 已經安 利給飯搭子了不止有喝的 還有自制的甜品 蛋糕 肉鬆小貝等 還不貴 它家巴斯克看著很好吃 準備下次試試 看·紫菜肉鬆小貝招牌 可以單買或者整盒 味道完全不輸內地 很鬆軟 外面紫菜跟肉鬆搭配吃起來也不膩 奶油 餡好吃得我一口半個金煌楊枝甘露料很足!帶著去看月天 結果!!!原來喝的不能帶進去 真的好好喝 在門口聽著鼓鼓怒吸登打士街这边真的好多好吃的 经常路过这家店 终于买来试了 已经安 利给饭搭子了不止有喝的 还有自制的甜品 蛋糕 肉松小贝等 还不贵 它家巴斯克看着很好吃 准备下次试试 看·紫菜肉松小贝招牌 可以单买或者整盒 味道完全不输内地 很松软 外面紫菜跟肉松搭配吃起来也不腻 奶油 馅好吃得我一口半个金煌杨枝甘露料很足!带着去看月天 结果!!!原来喝的不能带进去 真的好好喝 在门口听着鼓鼓怒吸

天氣太熱啦☀️最好飲返杯冰凍嘅飲品解渴喺旺角油麻地一帶都有好多唔同嘅台式茶飲經過呢間茶茶Go見到佢有茶飲之餘仲有好多唔同嘅甜品 就決定要試吓先.我地叫左🍍春滿金黃鳳梨$36茶底清新 帶着好清甜嘅菠蘿味飲落去淡淡果肉 仲有原片鳳梨.🍊櫻羽水果甘露$36(寒天條+$5)有原片鳳梨同橙片 真材實料飲落去，真係超fresh夠解渴.🍘紫菜肉鬆小貝$38一盒有四個，仲要係大大件滿滿嘅肉鬆同紫菜 內層係軟綿綿嘅戚風蛋糕加cream真係食唔停口🤤

旺角登打士街一向是美食集中地，密密麻麻的食肆總是目不暇給，但係一間來自台灣的手搖飲品小店總是吸引住我，佢除咗賣解渴嘅飲品之外，仲會賣少量嘅甜品同熟食，我同朋友仲未食正餐，剛好留肚可以光顧手搖飲品小店的茶飲和甜品，唔會太飽，繼續我哋嘅掃街之旅😆我哋分別試咗嵐山鳥龍烤奶（凍飲）L清爽嘅烏龍茶配搭厚厚嘅烤鮮奶，散發烏龍陣陣嘅茶韻，又唔會蓋過鮮奶嘅濃味，適合想飲奶茶，但係唔想茶底咁厚既人春滿金旺鳳梨（凍飲）L酸甜可口的鳳梨一向深受大家喜愛，新鮮份量頗多的果肉配合清新的茶飲，開胃消暑，瞬間解渴補充水份法式檸檬撻外型可愛滿分的檸檬撻， 黃油外殼層層疊疊圍著一朵小花及香濃的檸檬奶油，夏天吃酸甜口味的食物，檸檬的清香令人心神清爽，檸檬酸味中和甜度的法式檸檬撻應該是你的杯中茶

係openrice叫左外賣自取，同預計時間差不多，冇等好耐叫左2杯野飲，一個芋泥盒，一件開心果巴斯克蛋糕野飲其中一杯係鮮奶茶，簡左小冰小甜，飲左幾啖發現原來已經冇晒😂因為入面有勁多冰，明明叫左小冰，但感覺仲好似多冰過正常咁，感覺好似比人搵左笨咁，但味道正常既，冇特別好唔好味芋泥盒上面白色既cream狀我唔知係乜黎(冇問店員)，唔知係咪酸奶？因為我食到酸酸地既味🤢如果唔係酸奶係咪即係壞左？d cream我食左2啖冇食了，下層既芋泥同蛋糕都正常發揮，唔難食既到個開心果巴斯克蛋糕。。店員有打開個盒比我望下先賣比我，但我之後食既時候發現原來好L硬。。硬過我條命😂(如果佢呢度賣既蛋糕係咁樣的話，我都冇野講了，只可以話冇下次，因為我從來冇食過"巴斯克”係咁L硬，以我既認知，只會有放左好L耐先會係呢個質地，我講得衰啲，可能佢已經放咗幾日)今次嘅飲食體驗，我會形容為十分差

仙草拿鐵叫左走甜，奶味好濃，啲仙草唔係好薄好細塊，係一大夠厚實，有得少嚼既，好食，平時飲開啲仙草野飲都係食曬仙草都仲有奶茶剩，呢個癲，調番轉，啖啖仙草之餘仲要飲曬都仲有開心果巴斯克蛋糕鍾意食開心果嘅人真係一定要試吓呢個蛋糕，開心果嘅味道好濃郁，呢個芝士蛋糕個質感，厚實，外面燒焦咗芝士外皮好香， feel到個蛋糕好足料，成個都係cream cheese. 自己一個會食唔晒個蛋糕，一定要同我哋share，50 蚊黎講真係超抵！

今日嚟開旺角呢邊食飯，食完經過呢一間茶飲店，就同媽咪叫咗一人一杯嘢飲同埋蛋糕🙆🏻‍♀️我叫咗白玉珍珠奶茶 ($30)，一入口覺得佢嘅奶味非常濃，而佢嘅白玉亦都比普通一般珍珠更加煙靭，啱晒我呢啲鍾意咬口嘅朋友🤗而媽咪嗰杯就係桑葚沙冰芝士奶蓋 ($42)，桑葚真係喺台飲店好少見，酸酸甜甜，非常解渴，而芝士奶蓋嘅鹹甜度亦都調校得好好，加埋一齊飲又有另一種風味☺️另外就係我好期待嘅開心果巴斯克蛋糕 ($35)😍呢件蛋糕嘅芝士味非常香濃，亦都營造到巴斯克嘅嗰種中間軟心感覺🤤而開心果味亦都唔會比芝士味搶咗，兩者味道非常平衡，係一件好好食嘅蛋糕😋呢間店嘅位置都好方便，如果大家經開都可以買嚟試吓😗

呢幾日特然間又熱返，難得放假又可以出下街行。 黎到旺角，就好想買返杯茶飲，咁多間之中，就簡左茶茶Go, 一黎係近近地地鐵站，二黎行過見佢不斷有人攞大包細包外賣同埋個餅櫃咁快就吉左大半，即係証明好好飲啦，所以就決定要試下。 再睇真啲先知原來仲係台灣既茶，咁睇黎應該唔會差得去邊。佢地餐牌好多選擇，我同朋友就簡左2杯最受歡迎既：黑糖珍珠奶茶，同紫暮葡萄雪見沙，再加多個紫菜肉鬆小貝，呢樣上網見到超受歡迎，見唔淨返好多，就即刻買埋啦。杯黑糖珍珠好香，似落奶味都濃，而且唔會好甜，最正係佢既珍珠好好咬，即係証明係新鮮煮，成杯都配合得好好。而另一杯紫暮葡萄雪見沙，真係好啱今日飲，超解渴又透心涼。 佢既沙冰好細，茶味好香，夾埋葡萄味好清爽，唔會覺得好甜膩，再加上佢入面仲有愛玉同蘆薈，食落更加好味。而個紫菜肉鬆小貝真係好香又有少少咸味，同2杯茶真係超級夾，唔怪之咁好賣咁受歡迎啦。

登打士街一向美食雲集，想係旺角掃街就一定會嚟哩到，「茶茶Go」就係其中一間過江龍茶飲店，店內第一名係芋泥飲品，唔鍾意芋泥嘅都有好多唔同選擇，冬瓜茶、水果茶、奶茶等等，有數十款選擇🤭🤩除咗茶飲之外，呢度仲有供應自家製甜品，芝士蛋糕、肉鬆小貝、盒子蛋糕等，樣樣都食🤭紫菜肉鬆小貝係其中一款人氣產品，最貼心嘅係仲可以一粒單購，或者一盒咁買👍🏻小貝其實係戚風蛋糕，濕潤嘅戚風蛋糕外層沾上蛋黃醬在鋪滿紫菜肉鬆，鹹甜交集，特別好味😋😋錫蘭紅茶拿鐵錫蘭紅茶每日新鮮沖泡，紅茶嘅茶味會比較濃，茶色亦較深色，加入鮮牛奶沖製而成嘅拿鐵，除咗奶香茶味濃郁之外，口感亦相當順滑，甜度冰度亦可以自我調製OREO黑糖珍珠奶茶🧋Oreo加入牛奶🥛、紅茶☕️、碎冰一齊打碎攪勻，黑糖珍珠每日新鮮製成，煙煙韌韌口感唔錯，因為黑糖珍珠本身同Oreo牛奶都有一定甜到，所以建議大家可以嗌少甜版本👍🏻😋😋

呢間舖頭想試好耐，之前去灣仔嘅時候仲特登諗住去買，但搵極都搵唔到間舖頭喺邊🤣🤣今次黎到旺角終於成功搵到間鋪，咁就一於試吓🥰我其實最想試嘅係餐廳嘅甜品,例如有肉鬆小貝同芝士蛋糕等等，但係當日已經食咗晚餐，咁就淨係嗌飲品先，下次再嚟一定要再試吓甜品黑糖珍珠奶茶 少甜少冰 $26黑糖掛晒杯，有虎紋，賣相非常吸引，黑糖味亦非常濃郁，珍珠大粒彈牙，抵飲夕燒荔枝玉荷 $36平時手搖店比較少有荔枝嘅飲品，呢個都算係呢度嘅特色，荔枝味濃郁，唔會太甜，飲晒成杯都唔會覺得heavy，好解膩

茶茶Go呢排天氣爆熱，經過旺角突然想飲珍珠奶茶，記得之前有一間茶飲店幾好飲，於是走去回訪多一次，順便買埋開心果巴斯克，最後一件都畀我買到，真係好！1.芋頭逮丸叁號（挖出黑糖珍珠）$45（8/10）芋頭芋泥好多好香，珍珠比較足料，但係硬心，甜道比較甜，下次會叫少甜，要讚一讚個樽，圓碌碌好得意！2.黑糖珍珠奶茶加奶蓋$37（7/10）呢杯黑糖珍珠奶茶加奶蓋比較貼，唔記得咗叫少甜，珍珠好足料，但係有少少硬心，奶茶香濃好滑！3.開心果切件巴斯克$35（8.5/10）好彩最後一件都比我買到，開心果味唔算濃，不過口感軟滑！2人總共價錢$117個人口味總評分：7.83/10@chachago.hk地址：旺角登打士街43P-43S號鴻輝大廈地下9B號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#茶茶Go #旺角 #香港美食 #旺角美食 #旺角好去處 #茶飲店 #hkig #hkboy #hkfoodie #hkfoodblogger #hkfoodpic #hkfoods

Oreo 抹茶沙冰口感幾特別，有碎左嘅Oreo飲得出有 Oreo味，幾得意綠茶味唔會太濃烈/苦，偏奶味粉綠色掛杯，好靚岩燒黑糖珍珠奶茶珍珠份量不少，口感軟糯彈牙黑糖甜味剛剛好黑糖掛杯，見到好療癒開心果奶油泡芙賣相好 cute一啖入口好滿足有開心果味，唔會太甜喺悶熱天氣下，真是 very good!飲品多種類可選擇甜品賣相可愛地點就腳，嘉樂商場/廣華醫院 斜對面