茶舍 (北帝街)

營業中

休息中

自從土瓜灣站開左之後，第一次經鐵路過黎 呢邊。原來呢區都有唔少餐廳嫁wo， 實在太大雨嘅情況下即刻搵一間餐廳入去先， 見到呢間茶舍門面靚靚哋，就佢啦。點咗一個日式鰻魚飯，價錢好似幾抵，平時日本野食都可能要over 80蚊， 重點係唔使加一喎呢度。 出到嚟冇失望，鰻魚好大塊， 味道唔錯。不過睇真啲原來餐牌有一款連埋蛋包飯嘅，應該揀個款會更出色另外點左煙肉蜆天使麵， 份量十足， 啲蜆冇沙， 有啲蕃茄仔做配菜幾juicy。一睇到飲品餐牌就覺得啲圖好吸引，揀咗一杯朱古力沙冰，同埋一杯水果茶。出到黎個size都幾驚人，實物同張相係似嘅，估唔到小店都有咁既特色飲品。 重點係可以坐喺度飲，又平過出面嘅飲品店。實在太大雨走唔到，又點多一個朱古力芝士蛋糕做甜品，的的骰骰但幾實淨。 食完呢餐捧住個肚走。

自從屯馬線開通後，去土瓜灣搵食真係方便左好多。除了街坊小店外，其實近年區內亦開左唔少新 Café 同特式餐廳。最近又喺北帝街搵到間親民價嘅西式冰室，餐廳門面光鮮企理，店內陳設簡約，配上一室柔和嘅色調，感覺清新舒服。店舖主打西式料理，午餐選擇非常豐富，由意粉、薄餅、焗飯、滑蛋包飯，以至魚柳包、吐司、甜品及飲品等，應有盡有。點左千島醬海鮮比薩 ($68) 同 菠蘿鮮茄三層芝士焗豬扒飯 ($56) 各一。Pizza 即叫即焗，上桌時仍熱辣辣，批邊完整香脆，餅心柔軟，咬下帶點煙韌。面頭嘅 Toppings 用料好豐富，有魷魚圈、粟米、紫洋蔥、蘑菇、菠蘿同火箭菜等，配上甜甜酸酸嘅千島醬，令人胃口大開。豬扒飯同樣係即叫即做，好有誠意。豬扒有兩塊，非常足料，肉質爽嫩有嚼勁。炒飯底蛋絲鬆香，米飯也粒粒分明，有鑊氣！醬汁濃稠適中，茄味鮮酸，加上三層芝士，芝香滿溢，令人吃得啖啖滋味。所有套餐均贈送熱飲，不過亦可以補錢轉其他特飲。點左樽裝冷萃咖啡 (+$18) 同 綜合水果紅茶 (+$24)，水果紅茶賣相好吸引，入面嘅材料有士多啤梨、檸檬、青檸、藍莓、火龍果同話梅等，入口好 fresh，充滿夏日氣息。跟餐

今日坐地鐵去土瓜灣行街，懷緬下讀中學的歲月，行到北帝街發覺有很多新的商店和食肆，剩下的舊鋪所餘無幾，有點唏噓。食飯時段肚子餓，見到北帝街街口有間叫茶舍的西餐廳有很多顧客，看看餐牌發覺選擇多，價錢大眾化，便决定買外賣回家吃。媽媽愛吃魚柳包，於是買了原條魚柳包配薯條好立克($68)。嘩，條魚柳真係好巨形，是平時吃過的兩三倍大，魚炸得香脆肉嫩，個包烘過，配埋開胃的醬汁，番茄和生菜等，整體效果佳，有口感，好味! 堂食應該更可口。薯條份量多，味道不錯。黑椒汁美國安格斯牛扒配和風沙律合我口味。牛扒大大塊肉質口感不錯，唔駛點汁都好味，$ 72算抵食。和風沙律新鮮爽脆。飲埋杯奶茶好滿足。千島海鮮pizza($68)即叫即做，值得等15至20分鐘。Pizza料豐富，味道酸甜惹味，我尤其喜歡魷魚菠蘿。三個午餐一家三口吃飽飽只需$214，不用加一，抵食好食。

今日有活動去咗土瓜灣，所以之後自己食餐飯 ，喺北帝街呢個轉角嘅位置！就揀咗呢間《茶舍》嚟食下！ 入到去幾光猛，地方乾淨整齊， 餐牌價錢眼前一亮！！因為真係好平民化👍而且選擇都好多！諗咗一陣揀左食呢個： 鰻魚滑蛋飯！先62蚊！加三蚊有凍飲！最正嘅就係免加一❤️😉落單之後唔使一陣就有得食，辣熱辣辣上碟，蛋係半熟咁！大大塊cover晒成個飯！正丫！ 鰻魚都大大嚿上面， 醬汁都好食！好好餸飯！一陣就食曬啦！入面嘅飯都 軟熟好味又有少少豉油 ！好味道！加凍飲就嗌咗杯凍檸茶，大大杯，有5片檸檬好抵飲 ！之後見到加件芝士蛋糕都係16蚊！嗌咗個柚子芝士蛋糕！ 好好味！芝士味濃， 但又唔會太膩同柚子味都食得出！食到飽飽！食埋甜品蛋糕， 都唔使一百蚊！免加一真係好正！一定會再嚟食👍❤️

今晚約咗朋友去土瓜灣食飯，之後搵到一間食西餐嘅餐廳，方便喺土瓜灣地鐵站，附近環境舒適，入到去裝修優雅！之後開始點餐餐牌易明，不論扒餐飯餐Pizza樣樣盡有，飲品方面齊全有多款特飲適合夏天飲用！之後點左個扒餐，嚟到大份快扒七成熟望落去肉汁豐富，配薯條加沙律，薯條軟熟鬆脆，塊扒切開啲汁流出黎，咬落去超有口感肉汁又有鮮味，比得上幾百蚊嘅扒餐，值得推介！飲品方面只係一般嘅普通奶茶但係奶茶十分之好飲，不似一般茶餐廳質素，比得上幾十蚊一杯的奶茶，買單一個人唔使$100食到個晚餐真係十分之抵！！very good！

最近要去土瓜灣上堂，留意多咗個邊食肆，見佢個濃蝦堡系列有個湯飯幾吸引，就入去試下啦。香煎波士頓龍蝦海鮮湯飯 ($138)個擺盤已經好豐富，半隻超大波士頓龍蝦，蝦膏又多又紅，很爽口又有海鮮味。唔好漏咗個蟹鉗啊，店員細心準備埋個鉗比你容易啲除殼，肉都幾多的。另外仲有幾隻鮮甜蜆、魷魚圈及一隻青口。菇片增加湯飯的口感，芫茜豐富咗湯飯的味道。龍蝦味的湯頭好鮮甜，配飯真係一流，每啖飯都索哂龍蝦湯。脆炸軟殼蟹芥末醬吐司配薯條 ($98)吐司的份量都好大，原隻軟殼蟹、大大片新鮮生菜、蕃茄片，兩個人SHARE 就啱啱好，驚喜的係個芥末醬，甜甜地又有啲攻鼻，非常刺激。個薯條真係勁過個吐司，唔係HEA 的，加粉漿要炸過，幼薯條炸出黎會比較香脆， 加埋有調過味，唔點茄醬都得。所有套餐加$18就有星級特飲，天氣咁熱，一定要飲沙冰，兩杯份量都好大！左：草莓沙冰 ($18)草莓味好香，藍莓唔係好酸，整體甜甜地似零食，小朋友一定好鐘意。右：芒果沙冰 ($18)呢個啱大人們，係夏日清涼嘅感覺，夏天黎食就要叫返杯了，本身都好配佢嘅龍蝦系列。

近排收工留意到附近開咗間港式茶餐廳,平時經過都見到好多人幫襯,今日特登嗌個外賣返屋企試下茶舍,地址喺土瓜灣北帝街15號地下。喺餐廳外面望入去裝修得好整潔,燈火通明,畀人感覺好乾淨望下個餐牌真係好多選擇,龍蝦沙律,意粉,焗飯,蛋包飯,牛扒, 估唔到連pizza都有。最特別係有個外賣部,仲有甜品,蛋糕,麵包可以選擇。菠蘿鮮茄三層芝士焗豬扒飯 58 元,豬扒真係好大塊,而且材料好豐富,焗到金黃色嘅豬扒,肉質仲係好嫩滑,芝士亦都做到拉絲,豬扒配蕃茄菠蘿真係絕配,將豬扒嘅味道提升,食到菠蘿同蕃茄嘅甜味,飯底亦都吸收咗豬扒汁,同蕃茄嘅香味,每食一啖飯都有濃濃嘅芝士味,感覺真係爽。白汁魚柳焗飯 58 元,外面一層白汁焗到好香,入面嘅魚柳仲係好滑,魚柳肉質比較結實食落去有口感,味道鮮甜,最好食就係白汁同魚柳混埋一齊,突出咗魚柳嘅香味,焗飯火侯控制得啱啱好,每粒飯都粒粒分明,唔會黐埋一舊舊。蛋黃煙肉卡邦尼長通粉 52 元,通粉配煙肉真係最夾,加上又卡邦尼嘅香味完全包住啲通粉,每一口通粉都食到煙肉同卡邦尼嘅香味,重點就係通粉仲係有咬口,完全唔會過林,呢方面真係好重要,食物質素都算高,性價比仲高。下次收工都

呢排成日都會去馬坑涌道一帶搵嘢食，有唔少隱世食店，例如呢間茶舍我就十分推薦！餐廳係長條形既，座位唔係太多，如果想食既朋友就要早啲嚟喇！入面都幾多精緻既裝飾，擺咗好多心思入去。我地兩個人嗌咗兩份午餐，第一個係呢度招牌既「香煎波士頓龍蝦湯海鮮扁意粉」（$138），一嚟到就嚇親：嘩，開邊龍蝦好大隻，個意粉份量都好足喎！食落湯底濃稠，十分足料，龍蝦味四溢。又貼心地畀埋隻鉗我地鉗蝦殼，可以方便啲食。龍蝦新鮮彈牙，浸咗一陣湯，吸咗湯底既味道就更好食。除咗龍蝦以外，湯入面仲有青口、蜆仔等海鮮，一啲都唔寡。呢個湯底除咗配龍蝦以外，仲可以配海鮮飯等等，相信都會十分惹味。另一個就叫咗「脆炸軟殼蟹芥末醬吐司」（$72），軟殼蟹成隻上，非常香脆，加埋又甜又香既芥末醬好開胃。吐司份量亦都好大，入面既生菜、蕃茄都好多，包保可以食飽。套餐可以跟沙律或者薯條，我地揀咗薯條，一上碟熱辣辣、脆卜卜，應該係啱啱炸起，格外好食。餐飲我地跟咗一杯熱奶茶、一杯凍奶茶，作為奶茶專家既我覺得都好唔錯，茶底都算香濃，做凍奶茶亦唔覺有奶精味道。整體嚟講，係舊區食到間咁高質素既餐廳都真係有啲驚喜，兩個人嚟食，一人一個餐肯定食得飽！值得推介

去到土瓜灣，6點左右見到入面幾多人食緊野，都應該唔錯wor🤔睇落環境又幾吸引。就同fd入去試下 Hi Tea。睇睇manual，哇 都似西餐廳，野食選擇多，賣相吸引眼球。落雨天濕濕，急不及待咁想叫個熱辣辣嘅西湯飲下。友人提醒，原來牛扒餐 跟沙律 同埋 濃蝦湯wor😋😋😋 好啦 咁貴dd食個谷飼牛扒5成熟，相信都唔失禮嘅。 難得系呢類餐廳有谷飼牛wor 應該再滑身香口d嘅先嚟左嗰沙律菜同濃蝦湯。到底濃蝦湯有無落龍蝦調味呢🤷🏿‍♂️唔理喇，入口真系好舒服。濃郁嘅蝦甜，帶出湯嘅creamy。湯身濃稠而不失細滑😀😀好正。味道可以比美高級餐廳嘅龍蝦湯。（似乎佢仲有好多其他蝦嘅食物🍲可以再試）鐵板牛扒嚟到，好明顯 真係5成熟，烹調控制得相當好呀。肉香又滑身。配菜系新鮮嘅翠玉瓜同玉米 有樣👍嘅系我覺得d薯條墊底，但因為飽滿，而無又乾又硬。好味！朋友叫左個 香蒜 蜆肉意粉， 有酒香同埋蒜香嘅包裹， 令意粉味道有提升。佢話份量好十足， 啲蜆肉隻隻好飽滿，計起都10隻8隻。

阿女約咗我去土瓜灣食晚餐，因為有屯馬線地鐵，而家去土瓜灣都好方便，去咗一間叫茶舍嘅茶餐廳，阿女話食過餐廳的食物都好好味，而且價錢唔貴，所以叫我嚟試吓！千層海鮮pizza ，pizza焗得好香脆，餅底厚薄適中，用料有魷魚、粟米、菇菌和紅洋蔥，加埋芝士，除咗有豐富口感還很惹味！濃蝦湯海鮮扁意粉，上枱時熱辣辣，蝦湯還在滾動中，首先喝一口湯，非常濃郁鮮甜，用料有青口、帶子、大蝦、蜆、魷魚。豐富又新鮮。扁意粉吸左蝦湯的精華，啖啖都充滿蝦的香甜味！芝士汁魚柳滑蛋包飯，魚柳炸得外脆肉嫩，包住飯的蛋好嫩滑，加左芝士汁更惹味！所有套餐都奉送熱飲，凍飲只需加$3，凍奶茶、凍檸茶、凍華田，冰凍夠濃夠味！

今次黎咗土瓜灣呢間餐廳，距離地鐵站行六分鐘左右就到，好方便😚門口同餐廳入面都裝咗一啲霓虹燈，幾有特色，而且座位幾闊落，坐得唔錯👍🏻👍🏻👍🏻餐牌選擇唔少，同埋真係好平😍😍😍四十幾蚊就可以食到蛋包飯，超啱平民或者學生🤣🤣🤣🌈軟殼蟹白酒海鮮天使麵 $78軟殼蟹超大隻！！而且仲有好多蜆同魷魚圈，超足料！天使麵煮得啱啱好，白酒味道都好出，唔錯😋😋😋🌈龍蝦湯海鮮飯 $72又係好足料！！見到勁大隻蝦，個湯勁入味，飲落好香好濃，配埋啲飯一齊食好正🤤🤤🌈玖瑰普洱茶（樽裝）跟餐+$18好大枝啊🤣🤣🤣未飲已經聞到超香玫瑰味，飲落好清，推薦！🌈Oreo碎片沙冰 跟餐+$18好正啊😍😍😍超多oreo，沙冰入口好甜，仲好大杯！💰💰兩個人Total $186 免加一

唔知食咩。 突然家人話試下e 間， 就試下可能係平日6點幾， 冇咩人， 做餐都好快， 6點半落單， 6點9 搞點。 叫左慢煮咖喱牛腩飯 同 豚斧頭扒煎蛋飯。返到屋企， 消毒下個身， 執D 野， 先至食飯。 咁樣放左係到先食， 我都預左咁遲先食冇好似買到返屋企放低野就即食咁好。 。。。 但食落OK豚扒煎蛋飯， 飯有落豉油汁， 蛋冇咩特別。 塊豚扒比我想像中好， 當初咁著係普通茶餐廳個D 有D 燶有D 油油地 有D 韌的豬扒。 食落口， 滑 嫩的， 唔硬 又唔會煎到窿曬。咖喱牛腩， D 汁幾好， 唔太辣（有D 店賣的好辣/ 有層油係面）, 牛腩係淋身， 唔錯e 間野， 暫時食物都ok, 會再翻食

坐低一肚氣，拍枱走人。！！！！！同太太共2位，11點入去問有冇位，佢話有。比咗張枱我哋坐低。唔夠3分鐘，話嗰張枱坐到6位，可唔可以幫手轉位，我話冇問題你安排啦，佢比咗個卡位我。轉個頭放晒隔板落我卡位話如果多人要坐一邊。我後面張卡位得1個人冇落隔板。於是我拍枱爆粗，拉太太走人。！！！！！痴Q線，我入嚟幫襯當我馬騮玩牙依家，永不錄用。今時今日咁嘅服務態度………………………………………………………………祝你生意興隆啦

自從開通咗屯馬線，真係漸漸地多咗喺九龍城、土瓜灣一帶出沒。今日嚟咗土瓜灣，嚟咗呢間開喺街口嘅 茶舍，未入座已經見到坐無虛席，出面排住等外賣嘅人都好多。既然咁多捧場客，入座當然都帶點期待。望見餐牌嘅款式同價錢，已經feel到CP值有幾高，亦都啱晒年輕人口味/打卡～最後點咗份安格斯牛配水果茶！唔知大家叫牛扒中意食幾成熟？我係食得生啲嘅，同時由於坊間好易煎牛扒煎到過龍，通常都嗌3成。點菜嘅時間店員都好好問番幾成熟（4/5/7成），我唔使諗就點咗4成熟。上到檯，必須要講，好，大，塊，比起餐牌張圖仲大。配菜正常發揮唔講了，講番塊牛扒，煎得非常好，請看看圖片，外層有焦香，內層平均地粉嫩，咁大塊牛扒基本上無筋，大大啖食都仲有得食嘅感覺很好。雖然正統西餐無4成呢個選項，但呢間餐廳嘅處理serve到客人心理又煎得恰到好處，很讚！🥰水果茶係呢間餐廳嘅highlight之一，橙香嘅茶底加咗好多水果：士多啤梨、青檸、藍莓、梅、火龍果，所以果香真係好夠，係大眾口味；純粹我平時唔食甜，如果少甜突顯茶香的話我會更喜歡。🤓穀飼安格斯牛賣相：⭐️⭐️⭐️⭐️⭐️味道：⭐️⭐️⭐️⭐️⭐️價錢：⭐️⭐️⭐️⭐️水果茶賣相：⭐️⭐️⭐️⭐️味道：⭐️⭐️⭐️⭐️價錢

茶舍一向都性價比高，晚餐既pizza、焗飯 ~$60就食到，仲送野飲添！🤣今晚我買左外賣返屋企食😋1.牛油果龍蝦沙律 $138份量非常有誠意！份量要2個盒先放得哂，有沙律菜之餘，仲有鮮果牛油果沙律、龍蝦半隻，龍蝦肉多，又鮮甜，不錯！🫶🏻2.煙三文魚火箭菜pizza $65Pizza用料豐富，芝士多到可以拉絲！餅底厚薄適中，脆得黎又帶點煙韌，幾好味！😋😋3.跟餐送熱飲，要左杯熱朱古力同熱檸茶😀