茶舍 (北帝街)

營業中

休息中

屯馬綫開通左當然要沿路去探索下啦，今次去咗土瓜灣站附近行吓，見到有間餐廳西式得來又帶點日式同港式嘅感覺，個餐牌睇落又好似有好多特色嘢食咁，就衝咗入去食喇😂講真食自己其實幾鍾意呢類型嘅西式嘅港式餐廳，因為價錢唔貴之餘又有好多啱胃口嘅食物，例如係鋸扒、咖喱、蛋包飯、西式意粉、日式丼飯、pizza等等。好，又到食評環節~安格斯牛扒 ($88): 竟然晚餐鋸扒只係$88？仲要隻牛真係幾好食，好腍咬落去唔渣，有肉汁有牛味，配埋個揸到脆卜卜既薯條同埋日式芝麻醬沙律，可以中和到食肉類嘅膩。呢個價錢配呢個組合，超值了吧。芝士汁魚柳滑蛋包飯($52): 魚柳大塊，炸粉唔厚，好食！注意到呢間餐廳嘅飯類都俾得好充足，一定夠飽😂 芝士汁唔會太濃太杰，配埋滑蛋撈飯一流。鮮芒果沙冰/ Oreo碎片沙冰 (+$18): 夏日炎炎梗係要飲沙冰啦，賣相好睇打卡一流之外，仲要非常refreshing，大愛😍柚子芝士蛋糕/朱古力芝士蛋糕(+$16): 食完正餐梗係要再配埋甜品啦。唔好睇佢咁精緻咁，芝士蛋糕呢個份量其實非常足夠，而且真係幾好食，$16有甜品簡直抵過出去甜品舖食多多聲。食晒正餐甜品真係非常之飽，仲要只係$200

呢間「茶舍」有啲特別，以為佢係間茶餐廳，但其實佢係一間西式嘅冰室，晚餐主打扒類、意粉、Pizza、焗飯等等。濃蝦湯海鮮飯呢排天氣好熱，熱到個人無乜胃口，湯飯係一個唔錯嘅選擇。一上枱，先呷啖湯，湯底濃郁夠味，鮮味十足，十分鮮甜！個湯飯亦非常足料，有原隻大蝦、帶子、青口、魷魚⋯軟殼蟹白酒海鮮天使麵呢個天氣，好想食返啲清爽、唔膩嘅食物，所以就揀呢個天使麵。成隻軟殼蟹喺面，非常吸睛！天使麵吸收晒海鮮汁嘅精華，唔錯！鮮芒果沙冰沙冰口感綿密，清甜味美，好fresh！既清涼又消暑！簡直係消暑良物！綜合水果紅茶混合多種新鮮水果，有士多啤梨、檸檬、青檸、藍莓、火龍果⋯再加上話梅，酸酸甜甜好好飲！而且色彩繽紛，未飲已經有透心涼嘅感覺！

今日坐屯馬線黎到土瓜灣揾食，路過北帝街，最鐘意睇門口餐牌，見到呢個轉角位嘅茶舍無諗過土瓜灣都可以食到呢種質素嘅西餐。一於決定坐低入去試吓先見到半隻龍蝦系列相當吸睛，一於叫左個龍蝦海鮮意大利飯，$148再送普通飲品，加錢可以試其他，一於飲下佢嘅星級飲品:綜合水果紅茶。坐低15分鐘食物就送到上枱喇👏🏼，賣相相當吸引，眼見有蜆、青口、魷魚筒，當然仲有半隻主角：香煎波士頓龍蝦🦞啦。意大利飯口感偏向黏口，掛汁但味道唔會好濃，剛好可以食到海鮮味道😛，係我喜愛嘅口感食飽，二話不說要飲返杯水果紅茶先，本身好擔心會好甜，點知一入口，覺得好清新，係水果嘅鮮甜，仲分量十足添，有士多啤梨、火龍果、檸檬、藍莓、話梅、青檸、薄荷葉，真係好適合夏天飲。最尾都要讚吓嗰度啲員工，佢哋嘅主動、熱心服務同禮貌，都幾值得讚賞完全冇諗過響土瓜灣都會有咁好質素嘅服務

今日放假陪媽子返土瓜灣探下舊街坊。自從開咗土瓜灣站之後,舊貌改變咗好多,亦開咗好多食市。俩母女行咗大半日,有啲攰攰哋,食埋個晚餐先返屋企!經過北帝街依間茶舍,見到幾新淨,晚餐有扒類、焗飯、pizza 、意粉等多種選擇,跟埋熱飲大部份都係60幾70蚊左右每張檯都放有消毒液,十分窩心。☕我哋點咗兩個套餐,送一杯熱杏仁霜,另以優惠價$18轉樽裝桂元紅枣茶。由於天氣太熱太口渴,再以正價$32要多樽洛神花茶。兩樽茶少少甜,健康又解渴！🍝🦐香濃茄汁鮮蝦蜆扁意粉扁意粉麵質煙韌有咬口,吸收酸酸甜甜茄汁,加上鮮冬菇、新鮮蜆肉同彈牙大蝦煮出嘅濃湯汁,仲有芫茜香味,好開胃!🍕千島海鮮pizzapizza 金黃多醬汁,熱辣辣,材料有粟米粒、洋蔥粒、磨菇粒、菠蘿片同墨魚圈等,批邊同餅底香脆。就算咁高温嘅天氣,一樣易入口完全吾覺漏,仲好多人嗌好受歡迎添。🥧意大利法式栗子布朗尼雖然非常十分飽,但都要食埋個香甜栗子泥嘅甜品。平民價錢嘅餐廳,味道有驚喜,年輕服務員有禮貌,下次去土瓜灣時會再幫襯!

如果你接受到天使麵和長通粉有芫萎，恭喜你，否則揀都揀到你傻，第一次買外賣，回家最忙唔係食飯，而係不停揀，打開份外賣，呆左，好想知道廚師用什麼理由要長通粉加芫萎law

一早幫朋友搬屋去土瓜灣，做完嘢之後朋友去買午餐回來食，佢話樓下茶舍係港式茶餐廳，食物水準都唔錯！慢煮咖喱牛腩飯，牛腩和薯仔入味夠林，咖喱汁又香又濃郁，撈飯食一流！米蘭肉醬焗扁意粉，碎肉加上特製醬汁，味道濃郁惹味，扁意粉軟硬適中。菠蘿鮮茄三層芝士焗豬扒飯，豬扒厚切好大塊，肉質鮮嫩唔會鞋，以菠蘿鮮茄加上三層芝士焗至金黃色，味道酸甜甚惹味，飯底用蛋炒香先去焗，特別香口。氹仔風味豬扒包，先將豬扒煎香，再將包焗脆，加上生菜和醬汁，又香又美味。豬扒入味肉質軟嫩。滋味脆薯條係即炸，拎到返都有少許脆口，唔會好油膩。熱華田和鴛鴦夠濃夠味！

今日喺土瓜灣睇完醫生，呢頭有好多餐廳，所以就決定喺度買埋嘢食先返屋企。其中北帝街轉角位間「茶舍」門面幾靚喎，有小清新嘅感覺🌿。開頭以為佢係裝修靚啲嘅港式茶餐廳，但又唔係啵，佢係新派嘅西式冰室✨，提供嘅食物款式涵蓋意粉、薄餅、牛角包、蛋包飯同焗飯等。如果想食鑊氣小菜或炒粉麵就要稍移玉步啊🙈。冬陰功雞肉披薩($68)，原本對只售60幾蚊嘅Pizza無咩期望，但出到嚟超有驚喜🍕😍。薄餅直徑大約十吋，餅底薄脆得嚟又唔似餅乾咁乾噌噌，有啲質感。不過最令我歡喜嘅係餡料層，佢仲厚過塊餅皮，勁足料！🧀芝士濃香，富有拉絲效果，另外仲有菠蘿同火箭菜。冬陰功味亦係精華所在，辣度同酸味明顯，絕對能刺激味蕾。鮮蜆白酒煙肉蒜香天使麵($65)，🍝天使麵又係惹味之作，蒜香十足，即使無落醬汁，但麵條仍然夠晒油份，一啲都唔乾身。幼身嘅天使麵麵質彈牙，比起普通意粉好食得多。配料方面，蜆就屬正常水平啦，始終偏細隻。除此之外，仲有好多煙肉🥓同雜菌🍄，基本上啖啖都食到餸。Pasta嘅質素不比正宗西餐廳遜色。南瓜野菌皇烤雞意大利飯($62)，🍚Risotto份量激多，佢用呢個圓兜裝，仲要塞到勁滿添！我略嫌意大利飯口感濕少少，但南

兩個月前下午茶時間路經此地，當時有一堆人係餐廳門口等候，即刻上網睇食評，發現評價良好，所以mark低要試。星期六下午2點嚟到，場內幾乎滿坐!! 好好彩，我地唔駛等位可以直入。香脆魚柳包配薯條 $42餐牌個「原條魚柳包lunch set」圖片相當吸引，但價錢唔夠親民，加上下午茶都有個魚柳包，估計應該唔會差太遠。魚柳新鮮炸出嚟，外脆內嫩滑多汁，好高質!!! 就連個麵包都好有質素，麵包質地軟熟、有彈性，中間烘到焦脆，搽埋牛油，配埋個無得輸嘅千島醬，好味到令人想再食多個🤤。炸大雞髀配薯條 $42呢隻雞髀偏細，薯條份量亦唔多，感覺賣$38比較合理。生炸雞髀，無炸粉，油膩感大大減低。調味適中，亦入味，唔會過鹹。第一次送上嚟果隻髀中心位未熟，仲係生肉，結果炸過隻。等左十分鐘左右，送上一隻全新髀，但收盤果陣連薯條收走，我地當然要求比番d薯條。結果等多一個字，一個單點份量嘅薯條送到。抵讚，今次食嘅野都係即叫即炸，雖然要等2-3個字，但包保上枱果陣熱到出哂煙😏。加$16柚子芝士蛋糕蛋糕比想像中細件，不過味道比賣相好，柚子味好出，亦食得出濃郁芝士味。

土瓜灣新開咗幾間餐廳出面睇落幾靚決定試試軟殼蟹多士配薯條大大份適合2個人share，可惜軟殼蟹淋咗啲而且炸粉比較厚，薯條正正常常海鮮pizza配料算豐富但批邊有啲燶水果茶反而有驚喜，清涼爽甜，適合炎炎夏日但套餐加$18再加$6，cp值唔算太高

行土瓜灣嘅時候見到佢門口有個甜品凍櫃然後個名叫hi tea以為係似cafe chill chill地同埋擺得甜品係正門覺得啲甜品應該唔差啦但以上嘅幻想全部都有落差例如1。入面環境似連鎖茶記好噪2。坐得逼我同男朋友入去都1345近下午茶嘅位但因為都差唔多坐滿哂所以剩係坐得卡位嘅一邊張枱冇特別大 分一半就更加細3。甜品令人失望嗌咗個餐加配咗個栗子撻好香栗子味 但係入邊啲忌廉唔知咩嚟個底都唔鬆軟 味道偏甜4。畀塑膠餐具 蛋糕係跟膠叉但明明堂食有鐵叉係廚房個邊感覺係因為懶所以就唔環保執枝近嘅膠叉俾我另外都有嗌特飲 芒果沙冰個杯係好高但其實同普通份量一樣芒果粒剩係得面有幾粒唔建議嗌特飲 性價比低

土瓜灣北帝街有間新開嘅茶記，地鐵站行5分鐘就到，今日嚟買外賣返屋企食日式特製蒲燒鰻魚丼飯鰻魚都燒得幾香幾大件，食落有少少韌不過冇咩骨，珍珠米粒粒分明，加咗少少木魚絲調味。🦀脆炸軟殼蟹芬末醬吐司🍞配薯條🍟吐司香脆厚身，炸軟殼蟹都幾香脆，配埋蔬菜同沙律醬好開胃，薯條份量都幾多，不過可能因為外賣所以淋咗少少冬陰公雞肉pizza 🍕冬陰功Crossover pizza真係未試過，Pizza都幾大個，食落比較重芝士味，唔覺有冬陰功味。

無意間發掘了土瓜灣的一間西式茶餐廳對於個人來說 早餐好重要‼️一杯茶撐著全日的工作💪🏻呢間餐廳 光猛 帶點新派茶餐廳早餐令我很驚喜🌈奶茶☕️不錯沙嗲牛肉麵 大多數香港人最愛既早餐💗呢間既沙嗲牛肉麵會加入左蘑茹 又俾佢嘅夾到喎口感味道不錯👍🏻炒蛋滑 同好厚 份量唔少架佢哋配丹麥多士，超好味😋如果一個早餐有2塊就好 🤣🤣🤣沙嗲牛肉配通粉 米粉 公仔麵都一樣咁好食炸魚柳 佢哋都做得出色大大塊 麵粉不會過多 啖啖滑既魚柳炸得剛好 會配薯餅 及2款食物早餐比較多人 外賣🥡等待⌛️需要d時間我哋等左20分鐘左右員工熱誠 忙到爆場都親切待人👍🏻

我好少留食評，因文筆不好⋯⋯但今次我真的要留言表達一下我今次外賣用餐的感受。今早行去北帝街，想買份好點的外賣早餐回家食個，後過多間，眼見店內都有人坐，決定去試一試這一間一向想試的「茶舍」。因為我是第一次買，所以一開始就出師不利，行了去「外賣部」就以為是落單叫外賣，點知行到窗口位處表明想叫外賣可否給我早餐明細對住來落單，點知個黑衫阿姐一聽完後就拿了張外賣傳單一下「拍」在我面前，然後走了去。我認我不是熟客，不知落單原來是要行入店內落單，但她也不應該如此態度吧？一間店舖不只是看食物質素，也同時看服務的。之後我算，叫了早餐快快回家才重要！之後我得其他外賣客提醒入店中順利落單，我選了番茄午餐肉通粉同魚柳早餐，兩份均加$6 轉牛角飽，一杯熱咖啡少奶一杯熱奶茶少奶。取餐時間不算太耐，那樣我就拿了兩份早餐打算回家開動。回到家中，發現兩份餐飲用「血流成河」來形容，兩杯都漏了一半出來，根本個紙杯結構不是不耐防漏。再拿出麵包，因飲品流出，個飽已受濕氣，但點知只有一個牛角包，另一個是丹麥酥包，我多加了那$6.0 去了那裏？？說回個餐，吉列魚柳只評為可以，魚肉算厚，我配豬柳都是現成的，沒有什麼可要求，炒蛋OK，

呢間HI TEA 次次行過都見到好多人排隊，心諗一定要試番次~香煎波士頓龍蝦海鮮湯飯$128雖然價錢好似有少少貴，但係被幅圖完全吸引左!問店員龍蝦有幾大，店員話有半隻一來賣相好靚，有半隻大大的龍蝦，仲有滿滿的蟹膏，蟹肉好彈牙爽口(心心眼有4-5隻魷魚圈、蜆、青口，海鮮數量都唔少濃濃的龍蝦湯非常香嘖嘖，有芫茜，如果唔想食記住走青好食同吸晴指數10/10!有差唔同3-4碗飯 (珍珠米美國安格斯牛扒定食 $68呢個牛扒有3/4個前手臂甘長肉質同口感都非常高質黑椒汁好好味，唔會太咸配珍珠米白飯同埋沙律菜!真係大大大滿足的LUNCH涷飯+$3 ，特飲+$18個涷奶茶茶底好濃郁，係茶記的奶茶底!OREO碎片沙冰$18大大杯，唔會太甜，OREO味都夠。臨走先見到有個甜品+樽裝飲品櫃好吸引~下次可以再試下d甜品&樽裝飲品!

今日同朋友溫完書去咗土瓜灣附近呢一間嘅茶餐廳🙈本身純粹因為覺得個價錢幾抵食 所以入去食個下午茶～點知竟然有驚喜！！。首先佢入邊餐廳嘅裝修都非常之有心思🥰你完全唔會覺得好似求其入咗間好求其嘅茶記咁樣！🥰佢入面有好多裝飾 個感覺好Morden ✨但我覺得最重要嘅係 內部光線充足 同埋好乾淨～對於茶餐廳來講真係好難得！！我叫咗個三文魚沙律🙈呢個價錢真係嚇親我！！璟宜淨係需要40幾蚊😨仲要份量好多 一啲都唔孤寒！再配埋佢哋自己特製酸酸地嘅汁 又唔使食芝麻醬同埋沙律醬咁重負擔～朋友叫咗個牛扒餐😳佢竟然配沙律同埋餐湯！餐湯仲要係龍蝦湯啊😱😱😱真係俾佢驚喜親！而且牛扒大大分 我哋兩個share食都食唔晒🫣