茶皇殿

營業中

休息中

衝著老人家優惠帶雙親飲茶，今天（7/31)光顧的點心蒸雞盅頭飯等了近45分鐘，催過兩次單，男部長一直說㕑房在煮，直到太久我自己到前台查詢才見沒有落單，前台收銀說我們沒叫，我要查單，她一直堅持沒落單但也不肯讓我查看，還很憤怒的回答多次現在已沒有盅飯，看到單也沒用，我第一次見做收錢的這樣兇，自己同事漏單還一副「是這樣的了」態度，酒樓真的要陪訓一下前線員工的態度。同場加演二手飯茶客，在旅行團桌離去後火速過去把餘餸逐碟包起來，連白飯也打包，真環保😒

今次去咗間名叫茶皇殿嘅餐廳，真係大失所望。首先點咗個燒肉拼盤，燒肉皮唔脆，肉又乾又老，完全冇燒肉該有嘅香脆多汁，食落好似食紙噉，冇咩味道。再講下佢哋嘅招牌烤鴨，鴨皮唔夠薄，又唔夠脆，鴨肉又冇咩鴨味，好似隨便整出嚟咁。搭配嘅醬料都唔夠香，薄餅又厚又硬，包起嚟食好唔方便。而且，餐廳嘅環境都好一般，裝修老土，燈光又唔夠亮。服務都唔係咁好，叫咗幾次都冇人理。價錢又唔平，但食物質素同服務完全唔匹配。總之，呢次用餐體驗好差，唔會再嚟第二次，亦唔會推介畀朋友。希望店家可以好好改進下食物質素同服務啦。

揾食肥華在YT介紹飲食頻道節目中，收到此品牌酒楼，在星期一至星期六，非公眾假期即是日曆紅色日子，持有綠悠咭每位人仕可享有$2茗茶優惠，於是在7月19日肥華和靚媽就衝着，此店呢個茗茶優惠及品嚐其特價孖寶點心餐，而專誠到此店飲早茶，至於今餐此店嘅出品點心，肥華俾嘅評語喺，除咗個又鹹又甜味道怪雞到，肥華無法接受嘅，嗰盅杏汁灌湯餃外其他點心(一)巧手叉燒包(二)蟹籽燒賣皇(三)柱候醬牛孖根(四)豉汁蒸排骨(五)四寶滑雞扎上列五款點心食品，味道都有一般酒楼水準，但用特價孖寶點心價及加埋$2一個茶位來衡量，肥華認為此店呢餐兩人周六早茶，唔講得超值，都一定喺抵食，此餐。⭐️⭐️⭐️⭐️⭐️

土瓜灣茶皇殿的員工應該要接受再培訓 ，女員工服務態度差，男經理服務態度極差，即刻上黎openrice睇睇有無同類事情發生，一睇發現5條食評，4條差評，omg ，開張無耐，原來都已經有咁多人話呢間野服務差，真心無下次！！！佢本身廚房出品點心其實還可以，蝦餃燒賣都大大粒，只係廳面員工影響哂成間公司，希望貴公司管理層會睇openrice 正視一下問題。 清除呢d雜草！！！唔正視問題嚴重性，都係無回頭客，連基本街坊客都做唔掂，又係等執粒。

見又轉手諗住俾次機會啦點知又！中！伏！片皮鴨係厚切，餐廳話係港式食法，甘樣先夠香🤷🏻‍♀️🤷🏻‍♀️🤷🏻‍♀️好食都算啦，鴨同啲皮都係凍既唔通港式食法係凍食？😂😂職員有幫我拎去門口電子爐度蒸返熱既😂都係果句～無下次啦

住在附近常來飲茶及晚飯，今日三月首天來飲早茶，雖然客人很少，但服務真有點差，多籠點心吃完後很久，蒸籠擱在枱面也不來收，越疊越高差不多要放在地上了，服務真的有待改進

新開張‼️轉手之後，首試食晚市味道好好，比上手好食好多👏🏼👏🏼👏🏼咁多年見證呢個位經歷過幾次轉手🫣今天呢間連鎖店算係味道好食😋叫餸食團年飯✅✅花膠雞🐣湯好好飲✅白灼蝦🦐夠新鮮，鮮甜✅粉絲雜菜煲🍲味道好✅上湯白菜🥬仔好鮮甜✅燒雞🐥燒鵝🪿都好味✅粉絲元貝都新鮮✅小炒王夠獲氣👍🏼食物夠熱🍲可以再去，性價比都高👍🏼服務都好好，會有個人專門負責幾張附近嘅枱唔會話搵唔到人✔️希望食物質數可以Keep住落去🙌🏼

新開張，集團式經營酒樓，呢間第一次食。試咗限定特價點心，南乳蒸豬手、蜜味叉燒酥。南乳蒸豬手偏硬，唔腍，個汁橙橙地色，味道麻麻。蜜味叉燒酥叫咗兩碟，一碟凍、一碟微暖，味道幾好，如果焗一焗，應該幾好味。春卷、炸雲吞，本身都好食，但個蝦餡好鹹，如果冇咁鹹就好好食。素翅餃又係好鹹，個餃皮一夾即散。叉燒飽個餡又係橙橙地色，味道一般。流沙飽夠熱又流沙，好味。但叉燒飽、流沙飽個飽有陣味，應該係d麵粉問題。煎蘿蔔糕、燒賣，正常發揮。山竹牛肉個餡唔香，冇乜馬蹄碎、芫荽碎。蒸排骨應該落咗好多粉，排骨(應該係肉)好腍，味道可以。服務一般，可能新開張未協調到，拎咗我壺滾水去加水，可以拎咗去第二張枱，人哋變咗一張細枱有兩壺水🤣可能食慣同商場另外一間酒樓，呢間應該唔會再試🫣

新開張試吓，估唔到大開眼界，挑戰底線：1. 坐低後發現地氈好多一嚿嚿塵，唔知佢係好吸塵定係新地氈冇攞去洗2. 開始時坐落冇耐，不停有承載菜嘅車經過，未人齊時還可以，就叫阿姐可唔可以行第二度，唔好推過嚟，因為有人坐時架車行唔到；第一次呆咗咁樣企咗喺度，然後第二次仲喺度過，同部長講先至唔推過嚟3. 點菜對住號碼，對住菜牌都可以點錯；點完之後張單嚟到發現錯，簡單嚟講係點咗A但係張單出現B；於是同另一部長講，佢竟然問係咪想取消！正常係咪應該要改返啱俾我呢？最後要搵個經理先搞返掂食物：龍蝦伊面、白切雞、海鮮雜菜煲、涼瓜排骨煲（偏少）、冬菇豆腐煲；味道OK。服務太差，無下次！