影片
以上資料只供參考, 請與餐廳確認詳情
今次去咗間名叫茶皇殿嘅餐廳，真係大失所望。首先點咗個燒肉拼盤，燒肉皮唔脆，肉又乾又老，完全冇燒肉該有嘅香脆多汁，食落好似食紙噉，冇咩味道。再講下佢哋嘅招牌烤鴨，鴨皮唔夠薄，又唔夠脆，鴨肉又冇咩鴨味，好似隨便整出嚟咁。搭配嘅醬料都唔夠香，薄餅又厚又硬，包起嚟食好唔方便。而且，餐廳嘅環境都好一般，裝修老土，燈光又唔夠亮。服務都唔係咁好，叫咗幾次都冇人理。價錢又唔平，但食物質素同服務完全唔匹配。總之，呢次用餐體驗好差，唔會再嚟第二次，亦唔會推介畀朋友。希望店家可以好好改進下食物質素同服務啦。
繼續閱讀
揾食肥華在YT介紹飲食頻道節目中，收到此品牌酒楼，在星期一至星期六，非公眾假期即是日曆紅色日子，持有綠悠咭每位人仕可享有$2茗茶優惠，於是在7月19日肥華和靚媽就衝着，此店呢個茗茶優惠及品嚐其特價孖寶點心餐，而專誠到此店飲早茶，至於今餐此店嘅出品點心，肥華俾嘅評語喺，除咗個又鹹又甜味道怪雞到，肥華無法接受嘅，嗰盅杏汁灌湯餃外其他點心(一)巧手叉燒包(二)蟹籽燒賣皇(三)柱候醬牛孖根(四)豉汁蒸排骨(五)四寶滑雞扎上列五款點心食品，味道都有一般酒楼水準，但用特價孖寶點心價及加埋$2一個茶位來衡量，肥華認為此店呢餐兩人周六早茶，唔講得超值，都一定喺抵食，此餐。⭐️⭐️⭐️⭐️⭐️
繼續閱讀
土瓜灣茶皇殿的員工應該要接受再培訓 ，女員工服務態度差，男經理服務態度極差，即刻上黎openrice睇睇有無同類事情發生，一睇發現5條食評，4條差評，omg ，開張無耐，原來都已經有咁多人話呢間野服務差，真心無下次！！！佢本身廚房出品點心其實還可以，蝦餃燒賣都大大粒，只係廳面員工影響哂成間公司，希望貴公司管理層會睇openrice 正視一下問題。 清除呢d雜草！！！唔正視問題嚴重性，都係無回頭客，連基本街坊客都做唔掂，又係等執粒。
繼續閱讀
見又轉手諗住俾次機會啦點知又！中！伏！片皮鴨係厚切，餐廳話係港式食法，甘樣先夠香🤷🏻♀️🤷🏻♀️🤷🏻♀️好食都算啦，鴨同啲皮都係凍既唔通港式食法係凍食？😂😂職員有幫我拎去門口電子爐度蒸返熱既😂都係果句～無下次啦
繼續閱讀
住在附近常來飲茶及晚飯，今日三月首天來飲早茶，雖然客人很少，但服務真有點差，多籠點心吃完後很久，蒸籠擱在枱面也不來收，越疊越高差不多要放在地上了，服務真的有待改進
繼續閱讀
您可能會有興趣的...