茶皇殿

營業中

休息中

我哋1:45下午茶開始已經落單，等到2:15覺得唔對路，第一次催單個侍應係度hea 我 到15分鐘後連遲過我哋落單嘅隔離枱都埋單走人，呢個時候再叫侍應先發現冇落過單，等到食物上枱都要45分鐘後。另外員工太忙，冇時間收碟，大部份時間要自助。唯一好評只係侍應態度好，食物一般，呢個價錢預左，只係員工真係唔好咁hea

酒樓格局佢都幾大光線又夠光猛試過中午飲茶食物質素一半甘次黎試試佢晚市羊腩煲足料夠晒入味 龍躉 一泊兩食做得一半 炸子雞野味到一口接一口 雜菜粉絲煲乳豬半隻$1優惠價6-7人先有半隻脆皮

原本無抱任何希望，因為前身係一間好難食的酒家，但試過呢次有驚喜，會再來！有幾個姐姐同哥哥服務好好，食飯時間來都好耐心等我地落單同埋解釋問題，仲教我地點叫最抵食最後4個人埋單700幾好抵食，每一個菜d份量都好大，所以食到好飽好飽，呢個人數可以唔洗叫甘多。真系真係有1蚊雞、燒鵝、乳豬三選一，優惠唔知幾時完，但每逢星期一至五都有！無任何奇奇怪怪的限制或條件，亦都無話每日限量幾多做飢餓營銷，我夜晚7點幾先去都有

{茶皇殿一般般點心 - $319}又講下飲茶，本麻甩有時放假就會同雙親去飲下茶，最近佢地屋企附近開咗一間新酒樓，好多人排隊諗住試下，今日放假一於早少少去霸定位，不過結果都幾失望。正常點心，燒賣蝦餃都做得非常麻麻地，燒賣入面肥肉比例去到90%，真係唔健康又唔好食，蝦餃D蝦係幾好，但D皮完全係甩晒，失敗。牛肉球用咗好差嘅牛肉，完全無口感而且味道唔好。不過公道講，佢地嘅春卷同埋菜苗餃都OK，除左甩皮甩骨呢個問題，燒鵝瀨同埋燒肉米都做得唔錯，抵讚嘅係佢有一個杏汁花膠灌湯餃，老母大讚佢幾好食。同埋公主包個樣幾得意。成件事就一般般啦~ 無咩必要本麻甩唔會再去~美味程度：😋😋😋環境指數：🎇🎇🎇番食機會：🦍🦍📍 #茶皇殿 (九龍城)九龍城沐虹街12號啟晴邨晴朗商場1樓A102號舖