茶泰 (新都會廣場)

營業中

休息中

同一餐廳竟然有2種感覺，一日內幫襯2次茶泰估唔到2次感覺分別咁大，午餐同朋友到茶泰set lunch感覺做得唔錯味道也可以。到了晚上家人突然話想食泰國菜的名爐烏頭魚，因為午餐食過茶泰覺得唔錯於是晚餐再去食。首先係手機點餐，我哋Pm1830入座呢個時間尚算早，來泰國餐廳當然食咖哩乜乜啦！但餐牌竟然話咖喱售罄心諗咁早有冇咁快買晒呀？跟據中午來食時候店員話如顯示售罄既就代表冇喇！好啦..於是就點了以下菜式了。嗯⋯⋯怎知極之失望，叫一個名爐魚竟然冇得選擇要烏頭焗住要了鱸魚一個無骨鳳爪醬烤骨冬蔭公湯牛肉串燒蒜香牛油雞翼菠蘿炒飯整頓晚餐感覺廚師唔知係求其定還是懶惰呢！頭三樣菜式醬汁完全一模一樣，個明爐魚、無骨鳳爪同醬烤骨係同一種汁料同樣都是舖滿青青的辣辣的汁料，完全食唔出食物獨有味道失望，諗住期待中的冬蔭公湯⋯點知又係失望味道偏酸帶辣冇香茅香味完全不是正宗的泰國冬蔭公湯菠蘿炒飯完全不是泰國的菠蘿炒飯，菠蘿炒飯完全冇菠蘿、冇肉鬆、冇腰果同提子只可以形容為西炒飯吧了，最後得番平平穏穩的得串燒同雞翼。呢餐晚餐實在太差了，總結晚餐可以不來，午餐可以考慮。

行街到葵芳，試試新都會的茶泰，竟然發現新驚喜，呢次係幫襯晚市，2人入座，點了泰式醬烤骨，烤骨連爐上枱，超級惹味，大量蔥粒在烤骨上，已列作必回食之選，水準之作，黃咖哩軟殼蟹農夫包，認真，唔好食，包硬，軟殼蟹唔番脆，有點失望，泰式木瓜絲沙律，對我來說有點過辣，另一個辣椒膏炒花甲，濃味，好食，花甲都新鮮，另一水準之作，整體來說很好食，值得推介，是日人均消費約會$200，重提一次，醬烤骨是必食之選👍🏻👍🏻👍🏻

叫左個青咖喱雞做午餐，飯冇得選擇小飯，辣度冇得選小辣，雞肉冇味，薯仔好硬，味道一般，價錢不便宜，叫左好多次叫員工比餐具員工叫極冇反應，不會再黎，我終於明白點解冇乜人入嚟食

自問對食要求都唔係特別高 無去到吹毛求疵既水準首先有樣野要講既 1. 雞翼正常，有肉汁 ok2. 牛肉炒通菜，牛肉都算多 ok之後就要講下 呢片黑暗大陸 既三大災害1. 檸檬茶正常你去間茶廳叫檸檬茶，點都有兩塊檸檬俾你拮下，杯野一上到黎，我篤兩下，乜都無既？ ???起初以為有冰頂住左d 檸檬，再仔細d 睇，唔肯定係咪用濃縮檸檬汁+茶沖出黎既 "檸檬茶" 你又點會諗到，一間泰國餐廳 連檸檬茶都要沖出黎，唔係用新鮮檸檬呢。2. 石頭大碗白飯我9:52落單，等左廿幾分鐘左右個飯黎到，我心諗"嘩 我個飯點解堆到好似座山咁高，都幾有良心wor 間野"一食落去，我默默地將d 湯倒落個飯，希望可以整軟d 個飯，同行飯腳仲同我講，早知叫一碗share, 我就唔知平時都咁大碗定係就快收工先咁大碗，總之個飯 "好鬼硬".3. 頂級災難級爆腥鱸魚小弟都算食過好多間鱸魚，呢間鐵定係"最腥最難食"前面有打手話肉質肥美鮮甜，千祈唔好信！條魚一黎到 , 職員點火煮滾個湯，賣相都正常，咁我就淋d 湯上去，希望條魚再快d 煮熱。個湯滾左煮左一陣之後，我就試一啖。。。 不幸就此開端，條魚既腥味從味蕾開始走到

放工出街食個飯，商場行下行下見到呢間餐廳，唔知開左幾耐不過之前好似未見過，價錢同環境望落OＫ就入去啦。餐廳用手機掃QＲ落單都幾方便，不過竟然搵唔到餐廳外面其中一碟野，叫waiter過黎一問之下，幫我地人手落單。菠蘿炒飯先到，冇菠蘿做碗，但係有勁大片蝦片，蝦片超級脆，平時炒飯蝦片多數得個樣，味道普通or林哂，所以幾有驚喜，菠蘿炒飯發揮正常。另一碟出場嚇親，一大堆蔥之類既綠色物體係面，而且好大盆！呢碟係骨頭肉之類，要帶手套拎住食，別有一番風味，朋友主要就係想食呢碟野。味道非常濃，只可以話仲意香料既人會非常仲意，如果平時唔仲意蔥蒜就唔好試啦。。強調一次真係好大盤，最後2個人當然係食唔哂，已經好努力。。

呢間好似新開，當日呢度七-八點已經好full，食食吓，場面都有啲混亂，我哋張枱係咁比侍應推住架車碌過 ，成日搖到張枱，不過好彩食到尾聲，啲火都冇晒，如果唔係就有啲牙煙。去到嘅時候，見到個個都話點包，就試吓～(我係麵包控）黃咖喱豬頸肉農夫包 $108份量：好大一個，入邊啲料都多，多豬頸肉同咖喱，一個人食會超級飽（最後食唔晒）味道：個包好脆，同啲汁一齊食真係好正！但係就真係鹹咗少少，可能㗎你真係好多，當日差唔多自己食晒，所以有啲膩～泰式明爐鱸魚$138見呢個都好多人點，但當日整親唔食得辣，走咗辣。下次會想試冬陰功， 唔知係咪走咗辣嘅關係，呢個我就覺得一般 見到其他枱有一啲餐牌上冇嘅嘢～好似係燒肉之類，而且啲款式都有啲心思，但當日可能太晏入座，已經冇晒，依間都想再試多次。

星期六整完回鄉卡，一個人行去新都會等Hubby，點知有人自私食係屋企食左野先出黎，唯有自己一個人食個Tea等佢出黎喇…週末既新都會真係人山人海…為左避開人群上左5樓茶泰，揀左個高枱位置，今日天氣熱，胃口普通，揀左一食個輕量牛肉船粉配青檸梳打。船粉份量對女生黎講岩岩好！湯汁濃厚！配上炸豬皮吸汁…正！青檸梳打俾一支Singha梳打，天氣熱完全係解渴之選！舖頭環境寧靜，好岩靜靜地上下網消磨時間！

真係世界級難食…俾錢買難受入座時環境勁污糟 、梳化&地下& 成張檯 全部都係上手既醬汁竟然叫我地直接坐埋去😅叫佢地幫手抹下先點知佢地抹完張檯 梳化 就算、成地既醬汁又唔拖😅 佢地態度係ok既 、 唔係串77果d ,但真係好新手 ,乜都唔識咁，果陣心諗都伏伏地架啦 點知d野食仲伏，係用世界級災難黎形容！條魚 腥到….真係食唔落！個油飯 仲難食過白飯！ 一陣怪味生菜包 又冇味既 ！隔籬枱一大班人食 、 都聽到佢地討論 腥既問題最好笑係出去排隊埋單、前面個阿叔 寧轉頭同我地講 （ 真係好難食啊！！！！）我都好無奈😮‍💨咁 應返佢

葵芳除左葵廣入面D小食有時都真係唔知食乜好走左上頂樓見呢間泰菜好似都OK就試下啦原本坐門口附近坐低無耐調左我地入最裡面靠窗位遇著冷氣機滴水 不過無好大影響就算了但因為出面係兒童遊樂場好似好多人望住你食 又疑似有陣汗味傳入黎可能都係心理作用拿拿聲自助下單食嘢先！心思思想食好多唔同既野最後揀左個芝士雞焗飯同去開食泰國野都想叫的煎蛋肉碎炒飯芝士雞相當重芝士呀可以拉到絲D雞就幾滑嫩飯底係炒飯黎 有D似食緊大X樂一哥焗豬哈哈都唔差 係芝士漏左D肉碎炒飯隻蛋都煎得唔錯整體咸左少少 辣啲會好食啲叫左杯泰茶底既白珍珠奶茶估唔到野飲又幾好唔會好死甜 幾舒服 不過就一樣fat fat~整體感覺唔係好正宗既泰菜有D似係有泰菜食既茶餐廳/冰室食物都算OK 環境如果無滴水其實又未至於好差

終於開返晚市啦🥳，今次就去左葵芳新都會嘅茶泰食泰國嘢。朋友話lunch hour 成日都long queue架喎， 所以今晚我地就嚟個early dinner 啦🍽我地18:30就到達。。無人排隊嘅😅即刻有位，入到去比我想像中大，我地仲可以慢慢揀位😂裝修亦好明顯走年輕化路線，我哋兩個因為太肚餓啦，就立即點菜：1️⃣金不換炒金邊粉2️⃣蒜米炒通菜3️⃣黃咖喱軟殼蟹農夫包4️⃣香酥手爪餅5️⃣炭燒豬頸肉要讚一讚餐廳係用手機落單，好方便，叫某d菜式仲可以減油減鹽，難得難得👍🏻餐牌雖然選擇唔算多，都係d大路菜；最有驚喜就係個黃咖喱軟殼蟹農夫包，估唔到份量超多，食極都仲有☺️其他嘅就…一般般啦😅都係果句，味道嘅嘢好主觀嘅😂😂

估唔到上個舖位係泰國菜，執咗之後同樣開番泰國菜🤗太好！餐廳整左Led燈，裝修較新潮；有室內同室外座位，我地坐室外對住商場裡面，最特別係外面有個凍櫃賣小食、飲品、仲有個士多仔賣泰國零食，正！見到泰式醬烤骨好吸引，點知賣晒嚕😢轉食泰式冬蔭公鱸魚 ，冬蔭公湯底唔辣，魚肉軟嫰少骨。飛天通菜對我嚟講有啲辣🤪椰青清甜 正😊

今日想食泰國菜，見到呢間有位唔洗排隊就諗住入去試下，叫左個飛天通菜，炒金邊粉，豬肉串燒，牛肉串燒同冬陰功明爐魚飛天通菜一d都唔香，得個辣字，明爐魚肉質好唔新鮮，硬硬地，個火又無乜力，好快就熄左豬肉串個醬味道好奇怪，唔識欣賞炒金邊粉算係正常，但得個甜字，一d都唔香最正常係杯野飲，叫左2個棷青總括而言都算係我食過最難食嘅泰菜，請我食都唔會再食，仲要價錢又唔平，雖然環境係幾舒適，但食物質素認真麻麻，快快趣食完就走

We decided to have a bite after running some errands in the Kwai Fong area. Not really sure what to eat, we decided to try out Cha Thai. The place was clean with a tiny store in front selling Thai products. They even had a grab and go counter.When we were there, afternoon tea time had just begun. Menu is in English and Chinese. There is no 10% service charge. Set tea menu includes a drink with possible upgrades.I had the Pork Chop Boat Noodle in Soup (Light) ($45). This looked very nice but oddl

點解呢個世界可以有咁難食嘅嘢, 真係好難食, 好耐冇食過咁難食嘅嘢, 難食過自己煮, 食材唔新鮮, 味道一塌糊塗。好難得食完全部嘢, 冇一樣嘢覺得好食, 究竟呢間餐廳搞乜嘢，係咪廚師去咗放假, 求其搵個人嚟煮。泰國菜咁重味道都可以煮到雞沒有雞味, 牛沒有牛味, 奶茶沒有奶茶味, 連椰汁都冇味， 究竟啲食材擺咗幾耐，真係要畀個like, 煮到咁樣都可以喺香港開餐廳。。。難道香港人沒有味道觸覺, 食完直情覺得唔舒服, 煮啲咁嘅食物, 浪費食材, 浪費水電煤, 竟然仲夠膽收錢。 完全唔知點解會有咁難食嘅嘢, 求其微波爐食物都好食過佢, 不嬲冇寫開食評, 佢竟然難食到我專登開一個post, 真的有面子, 唔信自己去試下, 如果咁都有回頭客, 真係係人都可以開餐廳，寧願返屋企食出前一丁，真係請都唔會去食，簡直係災難， 已經唔想評論環境服務收費， 呢個味道真係百年難得一見， 究竟廚師老闆自己有冇試過，咁樣嘅嘢都煮出嚟畀個客。 點樣都要儲夠400字畀負評佢，呢啖氣真係忍唔落，浪費我嘅時間 😨

點了兩份午餐，首先是泰式冬蔭功炒金邊粉，食唔出有冬蔭功味及比較多油，味道一般，另一份是香茅豬扒蛋蓋飯，蛋炒得好嫩滑，豬扒亦炸得很香，肉質不會太硬，加$18蚊有一份沙嗲雞肉串燒，雞肉很香滑，加埋沙嗲醬，味道不錯，餐飲加$15蚊可點特飲，奶蓋仙草椰奶咖啡和奶蓋紅豆奶茶，食泰國菜配特色凍飲，好夾呀！