茶泰 (新都會廣場)

營業中

休息中

放假同屋企人亂入咗呢間‘所謂’嘅泰式餐廳，點知中晒伏，不吐不快！叫咗三樣嘢：泰式蠔仔煎蛋 配白飯，泰式肉碎炒椰菜花，泰式冬陰公爐魚三樣菜中得炒椰菜花係比較正常蠔仔煎蛋飯：認真數過， 5隻蠔都無😅😅仲食到蛋殼碎🙄但價值$8x？？？冬陰公爐魚：災難級！！！我嗌冬陰公味，但個湯底係清湯咁款🫡同張menu個圖完全唔同！！問個職員咩事，係咪上錯咗？個職員覆我：你睇吓，有香茅㗎，呢個係冬陰公嚟㗎。我：你個menu張圖個湯底係紅色㗎啵職員：我哋轉咗師傅，會同張圖唔同我當堂o咗咗哦！咁你話係咪係囉！但我哋食落完全無冬陰公味囉！唔辣不特止，乜冬陰公湯底會有梅子㗎咩😅😅可能真係我見識少囉，fine🤷🏼‍♀️點知！！！！到我哋食完,行去俾錢沿途竟然見到人哋嘅爐魚係紅色湯底即刻再同職員理論我：點解人哋個湯底係紅色佢：佢加咗好多辣粉啫我再一次o咀，我哋用電話落單嘅時候根本都無‘加辣’呢個選項🤷🏼‍♀️🤷🏼‍♀️不過你哋繼續唔認上錯咗都無辦法最後我想講呢間嘢難食不特止，又貴，職員態度又差，俾錢買難受大家諗清楚先好食

茶泰1. 沙嗲牛肉即食伊麵+炒熟蛋+油多+熱黑咖啡 $38（6/10）沙嗲食到花生醬，有花生粒，但唔夠辣！2. 沙嗲牛肉米粉+炒熟蛋+油多+熱椰香咖啡 $38（6/10）3. 香茅豬米粉+煎蛋+油多+熱黑咖啡 $41（9/10）香茅豬扒份量多，有3舊，好過大集團早餐好多！👍👍👍3人總共價錢$117個人口味總評分：7/10地址：葵芳興芳路223號新都會廣場5樓501-510號舖#港式早餐 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

星期日到茶泰食午餐，因為貪這裡比較容易有位😆我點咗個泰式蠔仔煎蛋飯，備註少油少鹽，蛋煎得微燶很香口，蛋內配埋芽菜及芫茜，增加口感，蠔仔份量亦足加上熱辣辣嘅白飯，食完十分滿足😋老公就點咗香葉肉碎煎蛋餅，肉碎炒得很香很夠味又唔太肥，合格。

話說終於倆小口終於得閒一齊食個dinner, 我地去左葵芳望下有咩好食啦，星期六果然係排隊情況極多，所以搵左間相對無咁多人既泰國野。.我地就order 左：1. 泰式炒金邊粉2. 青咖哩牛肉 配油飯3. 沙嗲雞肉串4. 牛油雞翼.本身想oder 下菜同其他野，但無諗過一scan qr code 落單，好多野都sold out, 尼個情況真係有d 失望。.首先講下個金邊粉，有dd 濕，味道可以，有蝦，乾豆腐，蝦乾，炒蛋，洋蔥同芽菜。 基本野，正常發揮。.青咖哩牛肉油飯，青咖哩味道唔會太甜，牛肉數量可以，但油飯真係超油，食兩啖有d 濟。.沙嗲雞肉串幾嫩口，牛油雞翼外脆內有肉汁，可以。.整體係normal, 無太驚喜/唔得既地方，所以如果唔想係wkend 排隊，都算個選擇黎ʕ •ᴥ•ʔ

📍茶泰 (kwaifong)🍽 泰式乾炒牛河 + 香椰肉碎生菜包 + 奶茶 + 芒椰西米冰😋 就快食曬成個香港嘅泰國餐廳( ´▽｀)不過想飲泰奶嘅朋友要注意～因為佢哋係電話落order，我食嗰日唔知點解得特配奶茶呢個option，以為係泰奶點知唔係 🥢 泰式乾炒牛河 $75可以揀少油少鹽，感覺上健康好多😽牛河乾身，牛肉入口嫩滑，整得唔錯！🥬 香椰肉碎生菜包 $68將生菜同肉碎分開，由自己分配份量。餐廳有額外提供咗一塊檸檬，但本身啲肉碎已經有淡淡檸檬味～唔會太濟、份量適中，夜晚食啱曬！💰$195.8

葵芳｜茶泰🇹🇭𝑪𝒉𝒂 𝑻𝒉𝒂𝒊 炭燒豬頸肉 $45- 幾香口，豬頸肉唔會乾硬，好入味💕- 雖然只有6片，但勝在夠平，同埋每人都試到🤤清邁小菠蘿炒飯 $72- 配菜有蝦仁、三色豆、好多辣椒碎- 炒飯偏油，軟硬適中，算幾惹味～- 巨大蝦片，比炒飯嘅蒸氣整到淋咗、唔脆…泰式醬烤骨 $92- 絕對稱唔上必食推介🫠- 賣相唔討好，全部青BB💚💚💚- 同行三位男士都覺得味道好奇怪🤔我就覺得可以接受- 醬汁偏酸，用咗大量泰式蝦汁嚟煮- 豬骨份量幾多下，豬肉正常，一定唔係嫩滑但亦未至於好「諧」- 有少少似煲完湯嘅湯渣🙈- 幾飽肚😂👍🏻蝦醬牛肉炒通菜 $65- 牛肉軟身，好似落咗好多梳打粉…- 通菜幾新鮮💕- 蝦醬唔算好濃，但食得出～🔺有加一服務費整體而言▪️味道 3 / 5▪️環境 3 / 5▪️抵食 3 / 5📍葵芳興芳路223號新都會廣場5樓501-510號鋪

一直以為呢間泰國食店價錢唔平，所以行開都冇入去食，因為裝修好唔錯，同朋友慶祝生日決定一試。入到去，環境好好，佢有小部分位置係做超市嘅，賣泰國調味料同零食多。燈光裝修都好grand，平日夜晚人唔多，位置任揀，所以都坐得舒服。泰式酸辣鳳爪$42不是平日普通的甜酸口味，叫咗少辣，口感好爽脆，夠凍又無骨，可以泰式金不換炒金邊粉$75賣相味道都很不錯，偏甜但夠火候，推薦泰式冬陰功鱸魚$148好香，夠火🔥力，魚夠大條，不過肉質太厚，難入味，煎得唔夠香，冬陰功味太淡，少少失望😞🥥椰青$28平靚正，肉厚，新鮮，好味總括而言，味道也可以，適合平時食飯。

中伏首選，千祈唔好輕易嘗試試都唔好食魚/飲唔係罐裝嘅飲品同前面其他比喊喊嘅評論差唔多 個魚勁腥 食左一啖就唔想再食最無奈係龍眼梳打，個員工拎過嚟果陣杯入面得啲冰同幾粒龍眼 另一手見佢拎住梳打水都覺得中中地伏，龍眼梳打要我自己溝？咁都算啦，可能想夠氣啲…掛倒左啲梳打水落杯，以為有糖水係底都有搞搞佢啦第一啖飲，無味。篤篤啲龍眼再飲，都係無味！真係名乎其實！得龍眼同梳打唔明點解有人排隊入去食，真係勁後悔入左去食…..以後唔會幫襯，勸各位唔好輕易嘗試呢間野！中伏首選！

今朝我8:22分打電話叫外賣,9:45左右去到拎但個員工話唔識收錢,佢再問埋另一個員工兩個一齊研究左幾分鐘都唔識其間我見唔見外賣係度,就問佢地有無,但佢地兩個不停自已研究無理我,到之後搵左第三個阿姐黎先話識收錢但仍然唔見我份外賣,我不停追問到底有無,佢地不停話有但就搵唔到其實間鋪有幾大,你話無咪直接再整過囉,但完全無人咁做,剩係一味話有有有叫我等終於等到9:03我忍唔住走左8:22分叫既外賣到9:03分都未出,曆時差不多成40分鐘,成班員工完全無心幫你,只係自顧自的研究同傾計結果今朝返工要遲到仲要捱肚餓,垃圾餐廳同服務!!!

今日去左葵芳行街，依家葵芳新都會廣場都開左好多食肆，唔洗成日去葵涌廣場搵食。行完一田，媽媽話不如食埋飯先，於是係附近搵到間泰國菜，都幾大間，入到去座位都闊落，唔會好逼。我地叫左「泰式茄子肉碎飯」、「菠蘿炒飯」茄子肉碎飯炒得幾惹味，個汁芡辣辣地咁，送飯一流，好開胃。菠蘿炒飯炒得好靚，配料都足料，可惜唔係用半邊菠蘿壳做器皿，外表睇落唔似正宗既菠蘿炒飯，外觀遜色左少少⋯

如題，條魚食到一半開始勁猩，食到吐出黎，經理反問話我地食客點解食到一半先發現，即刻著佐火本身d野已經唔係好食，餐具有污漬，諗住食完郁無下次，點知食食下食到咁臭又咁猩，加上咁既態度，本身無寫開食評都即刻開post, 嬲到痴線

侍應勁無禮貌，排位混亂，尤其一名戴眼鏡，身形略胖的職員，極無禮貌，安排失當十分不推薦，去完只會一肚火，連最基本的禮貌都無，唔係要求佢有任何特別的服務或待遇，係連最基本的禮儀都無

未食過咁難食嘅泰國嘢，又貴，啲雞韌到飛起，個飯淡，得個油字，硬掘掘，總之真係差，金邊粉以為係炒米粉🥵🥵🥵🥵🥵🥵🥵🥵🥵🥵🥵🥵🤢🤢🤢🤢🤢

真係一間不知所謂餐廳1. 入去無人招待，9行9搵位2.枱面污糟到無人理無人執，叫3，4次至肯執3. 執完台落好單，等30分鐘之後無落單垃圾餐廳，員工質素咁差浪費時間

140蚊兩份午餐垃圾水平7月10日中午12點57分左右落單，單號尾數90770幾蚊午餐泰式炒牛河份量少之余得兩塊牛肉奶茶係奶水味無糖無茶味等半個鐘最後要催先出，仲要一催即有，即係廚房整好無人送出黎總結極度惡劣