茶泰 (新都會廣場)

其實建議呢間野8:30後就唔好再接客，未到9:30竟然叫我哋食快啲，9:30鬆啲再催促我哋食快啲，佢哋要搞衛生，態度超級差，我從來未試過比服務員咁樣催促，叫佢叫經理過嚟同我講佢就叫我慢慢食，普通茶餐廳嘅服務態度都不如！唔會再幫襯…查看更多

茶泰嘅豬頸肉炒河🍜，如果你係午飯時間去，真係要有啲耐性⏳，等位都要d時間，3-4個字都要～不過都明嘅，人氣高嘛🔥。至於炒河本身，麵條口感都算彈牙，有啲咬口👍，但整體油份比較重，食到中段會有啲「油油地」嘅感覺😅。豬頸肉就唔算差，質地OK，但味道方面就還好啦，唔係嗰種一入口就「嘩」一聲嘅類型🤔～香料味就低調咗啲，如果你鍾意重口味，可能會覺得唔夠過癮🌶️。蔬菜方面，感覺上都只係ok 🥬，所以整體層次就冇咁豐富～但如果你只係想搵個地方坐低傾下計，呢碟炒河都叫做穩陣之選✅。服務員都有禮嘅，係等位要d時間啫🙂…查看更多

昨晚去呢間食晚飯，食物都算ok, 但態度真的麻麻，大熱天時比一杯好似剛煲完嘅熱水人飲，無野麻，仲話放涼就唔熱，想人叫野飲都唔洗咁呀，另外我第一次黎食都唔知佢有食滿100蚊就可以轉輪盤活動，既然做推廣就好應該話比人知咯，仲要衰到呢個活動係有時限，當我地食完諗住比小朋友轉下，佢話夠鐘無得玩，做得咁鬼鼠就唔好搞啦…查看更多

…..話說某天約咗人在葵芳，順便在新都會廣場食埋個lunch , 冇記錯係星期六日的時間, 此商場一向都好多人，咁所以是是但但搵一間嘢食快食左佢啦，搵依間就食泰國菜吧⋯⋯好在都仲有位，安排咗位之後咁叫左兩個午餐set，一個海南雞飯一個喇沙之類嘅麵和2 杯野飲，咁味道就正正常常或以下，啱啱有啲趕時間，而佢哋啲食物又遲遲都未嚟，咁左吹又請之下先到，好奇怪d staff有啲負責捧餐，有啲係order 😂😂感覺唔係太良好只此一次，快快速食完就走啦⋯⋯🤪…查看更多

入到去先發現係百份百餐廳集團旗下既品牌。同其他同集團既餐廳一樣，野食係below average，飲品唔係預制就係甜到嘔，想催單/其他需要時、啲樓面阿姐係唔會幫你。…查看更多

附近餐廳FULL曬, 咁啱經過見到呢間餐廳少人,而且只係需等一個籌. (開頭估可能地理位置所以先少人，最後發現原來係態度問題）！我哋拎左籌後係門口睇餐牌, 我地係C10, 完全無聽到佢嗌C10便叫左C11,門口個女侍應仲話佢叫左好多次無人應, 哇！我地3個人一直係門口, 無一個人聽到佢叫C10,個女侍應仲要態度唔友善. 之後掃CODE落ORDER, 叫套餐但揀唔到飲品,問女待應點整. 佢仲要大大聲(唉)左一聲, 感覺似嫌我地麻煩咁. 哇！如果唔係你個CODE有問題我地都唔想搵你幫手. 最好笑既係, 飲品未到主菜未到, 個甜品最先到.乜唔係甜品最後或客人通知先上咩？都算. 最好笑係2碗一樣既芒果西米露, 入面有冰塊(可能我見識少,但未見過甜品入面有冰塊)，最大問題係一碗水稀稀,一碗杰撻撻?味道仲怪怪地!上菜速度偏慢.而且白飯都追左幾次先到, 餐廳人唔多都做唔切. 想像唔到人多果陣係點. 講真, 食物質素都係一般般, 份量唔多,加上侍應既態度, 想再光顧都難啦.…查看更多

有3個鐘食lunch時間先好黎唔係一次半次 食過幾次都係咁想話係例外都唔得⋯⋯人多(6人或以上)永遠需要超過半個鐘先入座到侍應同廚師都慢到癲侍應似乎唔識安排入座唔會留枱無論後過我地幾多嘅2人座都早過我地入到入完去order完等超過半個鐘先食到（炒河類）如果某一類食品煮唔切不如考慮唔好放落menu?^_^等完40分鐘叫左少鹽少油都係咸到食唔到⋯⋯如果可以dislike 會撳10萬次:)…查看更多

呢間有下午茶，價錢唔貴，四十零五十蚊有個餐，我哋叫了相中食物味道賣相都不錯，可以坐得耐傾下計都唔錯，下次都會再來，會試豬油渣麵，我地選了椰香咖啡，味道不錯，香濃可口。…查看更多

在附近返工已幫襯數次，但每一次落單送餐都十分混亂，每一次同行朋友食完都總有人的餐食未到，午膳飯鐘得一個鐘經常搞到返唔切工，要職員跟進態度惡劣，推卸責任，樓面和廚房完全沒有溝通，已忍好多次不會再幫襯！就算食物質素過關都留不住客人！帶位、送餐同事沒有禮貌，有錯漏不願意跟進，推卸責任給廚房，解決不到顧客問題，試過送錯餐，試過多次等候都等不到野食，午膳時間繁忙可以理解，但少有餐廳會咁混亂，忍耐次數有限，希望管理層跟進改善！…查看更多

極不尊重！極不尊重！極不尊重！極不尊重！門口自取號等入座，前面個位阿姐撳極都撳唔到，幫佢拎取票，佢一人A24，我緊接佢其後A25，部機勁垃圾，反應緩慢。阿姐行前入去等，我就企喺餐廳門口睇餐牌，當時有四至五個1人拎左飛等候入座。但職員經過阿姐問佢幾多位，就俾佢入去，根本冇嗌飛，都算喇！職員撳左A23，但A23 係出面。意思係，職員有意識係要撳機叫號號碼！如是者，另外嗰兩三個都係咁樣入去，根本冇買飛，阿姐完全冇叫過我，亦都冇打算安排我入座。極不尊重！極不尊重！極不尊重！極不尊重！門口其實好臭呢間嘢唔使再食！今次再去，純粹因為下午茶幾十蚊，而且想快食完之後返工，戇居居喺度等叫咗15分鐘，完全被無視！極不尊重！極不尊重！極不尊重！極不尊重！…查看更多

我仲未食完野同飲完啤酒，服務員就同我講，好快啲埋單走人，佢話出面好多人排隊！咁我以為出面真係好多人排緊隊，我就啦啦聲飲咪啲啤酒出去埋單，但出到去一個人都冇，根本冇人排緊隊，我仲好奇點解隔離附近咁多位都唔叫啲人入黎，原來係趕人走，仲我枉一口氣飲咪啲啤酒，搞到個胃好辛苦，不知所謂餐廳😡😡我只不過係入去一個鐘頭到，就俾佢地趕走！但佢地啲啤酒差不多入座後半個鐘頭先上，我用左半個鐘要飲晒3支啤酒🤢🤢啲野又冇人執，叫極啲服務員又當睇唔到😡😡啲服務真係好差！！但食物味道係唔錯，同咪價錢都相宜既！！…查看更多

同太太二人食晚餐，第一之次食呢間就中伏，叫左半隻水門雞，黃咖喱大蝦農夫包，手抓餅，炒金邊粉，炸薯條，芒果糯米飯，三色冰，泰象啤，全程得支象啤係正常，點解？自助掃QR CODE點餐，一嚟就俾左碟豬扒飯跟三色冰，我話無叫豬扒飯，個侍應用好肯定嘅語氣同我地講咪54號枱，張單寫住，當我以為自己手殘㩒錯左，睇返個點餐紀錄時，真係無喎，原來佢仲有張紙仔，寫住其他枱嘅，就急急腳拎返碟豬扒飯俾其他客，唔該都無句就行左去，跟住仲精彩，第一道菜拎嚟嘅係芒果糯米飯，？？？？？都算，放一陣唔食住，第二道上嘅係個手抓餅。。。我都算，望下全場，又唔係好爆，大約坐左6成滿，忙中有錯掛，嚟埋支象啤，無柸嘅，咁近近地自己攞柸同碗啦，太太見到啲碗係仲有飯痴住未洗干淨，我都算啦抺左當乾淨照用，嚟到個黃咖哩，我唔識形容，只能夠講個農夫包好食過嗰三塊手抓餅（roti)，然後到個大蝦炒金邊粉，精彩，係痴埋一舊嘅，再試埋個水門雞，恭喜，鞋烚烚嘅雞肉又中一伏，你收緊食客$120半隻水門雞係咪可以整得好食啲？再嚟個芒果糯米飯，公道啲我唔係即時享用，佢係硬左變糯米餅，我唔會怪你第一樣就上左甜品先，係我唔識食，我唔應該出現喺呢間高級泰國餐廳，但我有個疑問，無服務無態度嘅餐廳收加一？落單同攞碗攞柸攞碟連埋單都係自已行出去你仲夠資格收加一服務費？只能祝福你生意好呀！…查看更多

行完街食返個下午茶輕量泰式乾炒雞肉河粉～比其他食肆下午茶份量少好多～有細條粟米仔、雞肉絲、洋蔥絲、河粉～味道似係老抽味～得深色冇乜味好淡輕量泰式豬扒船粉～冇乜湯～仲要船湯有色但係好淡～有：炸豬皮、炸豬扒、芽菜、蔥花粒、芫荽碎～炸豬皮淋嘅～一塊一開二細豬扒～泰式食物同蔥花粒都唔夾～好彩有D芫荽碎有D味～碗粉賣相可以嘅～但係成碗都冇咩味～好搵笨喎熱鴛鴦味道正常熱椰香咖啡好難飲坐得舒適嘅～不過食物真係好難食唔會有下次…查看更多

約朋友到葵廣shopping，買夠了，就去傍邊新都會廣場的茶泰吃晚餐，行程安排太順暢了。雖然人多，但座位也多，不用等位。點了生牛肉冬䕃功湯粉，泰式蠔仔煎蛋，及泰式酸辣無骨鳳爪，冬蔭功湯粉先上，大大碗，生牛肉好新鮮，肉質嫩滑，湯粉幼身吸收湯味，覺得辣味可以加多一點而減少甜味，會更有冬蔭功味道。蠔仔煎蛋，美味可口，蛋皮煎得金黃香脆，蠔仔也很鮮甜。點一些泰式蒜蓉酸汁更有驚喜，令蠔仔煎餅立時提鮮，有畫龍點睛效果。而無骨鳳爪的烹調頗有水準，很爽口，酸辣度適中而不太鹹，喜愛生洋蔥絲份量多，拌着鳳爪吃，既刺激又滋味。無骨鳳爪的調味酸汁原來同蠔仔煎餅的汁是一樣的，但可以令兩者味道有截然不同效果，非常特別。這裏的甜品很吸引，先來芒果糯米飯，芒果和椰漿用料不錯，很鮮甜，糯米飯夠熱，咬口煙煙韌韌，好治愈啊！泰式香蕉煎餅配朱古力醬，賣相已經很吸引，煎餅煎到香脆接近餅乾程度，放上香甜綿滑的切片香蕉，灑上濃香的朱古力醬，一起入口，是最幸福的香甜味道啊！大滿足！飲品點了一杯芒芒椰椰，是冬日特飲，好好味！芒果鮮甜，而椰汁味道很濃郁。另一杯椰汁三色冰，這裏的三色冰是以紅豆、西米、涼粉，味道也很夾，有港式風味又有泰式風味，是fusion飲品呢！…查看更多

葵芳新都會泰國菜🇹🇭Lunch hour去排咗條長龍諗住咁多人排應該唔差得去邊Lunch set: 海南雞飯份量少得嚇人🫡建議轉過隻碟豬頸肉炒河等咗幾個字都未嚟🫡同個staff追 佢就話炒河係要等成碟野都好油比一般茶記嘅炒河油好多豬頸肉難揾 全部係好細幼條手機app個setting都有啲虧揀完main係冇得揀野飲唔記得exact價錢 但性價比低🫡等候時間長 打工仔得1hr lunch就免談…查看更多