茶泰 (新都城中心三期)

營業中

休息中

今晚無住家飯食,又有機會試新野啦成日都經過哩間野,但都無機會食,今次終於有機會啦!!~清邁小菠蘿炒飯 $67一黎到見到大大塊蝦片好開心,點知咬左一啖之後........係淋既個飯我初時食左幾啖都以為食唔到菠蘿,點知細心搵下,發覺佢其實係有菠蘿既,但完全無菠蘿味~泰式金不換炒金邊粉 $66見人推介係甜甜酸酸,我以為係我平時食開個D味道啦,點知唔係既,佢既味道,我唔係好識形容

泰式酸辣無骨鳳爪作為前菜，辣辣地好開胃，加上啲青檸味幾清新，下面係青瓜同埋洋蔥，份量冇想像中咁多。泰式金不換冬陰功蝦球粉絲煲呢個係今餐最推薦嘅食物，好多隻大蝦，每一隻都好爽口彈牙，加埋個汁好濃好惹味，少少辣，撈埋啲索晒汁嘅粉絲一齊食，真係冇得頂！泰式金不換炒金邊粉味道合格，甜甜酸酸幾好味。芒椰西米露西米露唔太甜，加埋啲芒果汁酸酸地，絕佳配搭。

香茅豬排蛋蓋飯配泰皇汁，外賣賣相幾好，豬排有好多舊，煎得好香脆。泰式豬頸肉炒河份量好多，除左豬頸肉之外，仲有其他唔同既配料：洋蔥絲，芽菜，玉米梗，紅蘿蔔片。味道甜甜地，好惹味。

📍#寶琳 #茶泰#羊羊在寶琳#羊羊在新界之前跟家人吃飯，看到這家餐廳的二人套餐很划算，所以就試了😁不過在場八成都是吃火鍋，很久都沒位置🍲餐廳點評：人手不足，想下單都等了十分鐘😥食物都是偏港風，沒有太多泰國菜元素😗👯‍♂️二人套餐 $178✨脆炸春卷🦑泰式墨魚餅有時在中式酒樓也吃到，兩者偏油，要感受到泰風情要配泰式辣醬吃😂🐓水門雞百分百白切雞，吃下去雞味也有，肉質嫩滑😄雖然有不少醃蘿蔔墊底，但是仍是很大一份😉🐖芥蘭炒豬頸肉竟然有鑊氣，芥蘭正常，豬頸肉爽口👍🏻✨龍眼糖水 $26雖然很多冰，但是龍眼很甜(肯定罐頭)，配上椰奶也不錯😙很大一碗，兩人分剛剛好😝圖是吃了很多口才拍，好像好看點🤪總價錢－$204評分－回頭草指數（🍀🍀🍀🍀🍀滿分）食物：🍀🍀🍀環境：🍀服務：🍀

行過這間店幾次, 今日終於坐低食個下午茶 食物 : 輕量黃咖喱雞肉串燒撈脆麵 $43 ~ 求其坐低食過下午茶, 以為都係求其俾D嘢你食, 點知味道有驚喜, 脆麵真的好脆, 黃咖喱香濃少辣, 雞肉串正常OK, 值得一試 飲品 : 加錢$3 叫咗凍檸茶, 味道正常 環境 : 普通餐廳格式, 舒適乾淨, 茶餐時間不多人 服務 : 職員有禮貌 價錢 : HK$46 (無加一服務費)

今年夏天無得去泰國，行過茶泰，又見到有午餐special，不如去試下。見到個焗飯和其他的焗飯好似不太一樣，有個木架上的，有趣有趣。大人要$60，學生才$41，唔錯唔錯。最估唔到的是個芝士可以多到拉絲而個焗飯的汁和平時食開的不一樣，有少少粉紅色因為有辣椒的緣故。menu話個焗飯應該是辣的，我便食不出辣味🤷🏼‍♂️而泰式奶茶太重奶味，多過茶葉的味道，沖的時候要多加茶葉才可以。飲的時候因為多冰，會沖淡了茶味。

本身一行三人打算到壽司朗晚膳，可惜7點半到達已截龍，便到附近的茶泰，一試泰菜。意想不到味道不錯，且價格相宜，即使是堂食也不用加一。我們點了醬烤骨，泰式明爐烏頭🐟，飛天通菜🥬，泰香牛肉湯河🍜，另外加配了白飯🍚。另外可以半價加購飲品，我們點了泰式奶茶🧋，荔枝梳打和龍眼梳打。食物味道不錯，醬烤骨可以說是每枱必叫，鐵板上，一客有7至8舊大豬骨，醬汁酸酸的十分開胃，下面有明火暖著，不過留意吓我哋食物上枱時不是全熱，我們叫了店員再加火煮多一次才是全熱。泰式烏頭煮得過熟，相對較失色，但湯汁酸酸辣辣，也很開胃。如果不是煮得過熟會非常下飯。其他食物亦都不錯，特別一提龍眼梳打加入了龍眼蜜，很有驚喜。整體質素不錯，可以再訪。

第一次到茶泰食晚飯，點了個2人套餐，有水門雞和泰式咕嚕肉，包2個飯及2杯飲品，都係$158, 算是便宜水門雞肉質滑，加上雞唔太肥，不過雞油就多左啲；泰式咕嚕肉都炸得幾脆，甜酸汁味道適中，唔太甜和酸，非常惹味，而飯就一般般，乾咗啲

2023.02.25 lunch抵食抵食😃 一碟泰式冬蔭公炒金邊粉都只係$60！仲要有飲品！仲唔抵食？到見埋真樣，食埋落肚⋯⋯絕對超抵食😃👍🏼 雖然冬蔭公味唔重，同埋少少油，所以近碟底嘅都冇食晒，但味道唔錯，啲配菜亦好ok，幾隻蝦都唔細兼肉質都好，講緊只係$60，又有杯飲品送，揀咗熱奶茶，仲要係幾香茶味，好飲😌仲要冇加一添！👍🏼另外一個揀泰香扎肉肉丸湯河，不過呢個都要$52，比起炒碟粉都只係$60，相對呢個湯河就好似唔算平😅 一樣都係有飲品，我揀椰香咖啡，正😄👍🏼 只少我好鐘意，係好飲嘅咖啡😌 至於湯河就普普通通，冇乜特別。不過，一定會再嚟😁 餐廳仲有個小範圍有啲泰國食品賣，我哋都多多手買咗小小零食同一盒咖哩。其中一包咸蛋黃薯片都幾好味喎，雖然唔算勁有咸蛋黃味，但有少少辣，細好味！最主要係平，只係$12🤪

我既飯堂之一下午茶黎講款式多 份量都算正路今日試左豬頸肉炒河 味道夠 。豬頸肉算多不過係乾身左啲加埋啲爽口銀芽配菜真係好正 椰香咖啡其實佢相對其他連鎖快餐店味道更勝一籌 但唔明白客量唔多 PS 佢既咖喱都好出色

1.食野落單有個叫泰皇汁我: 我想問泰皇汁係咩黎？樓面: ea..佢有2隻汁俾你揀囉泰皇汁同咖哩汁我: …?（望住佢樓面: ea…我都未食過唔知 你試下啦請問這是應有既答覆嗎！？唔可以幫手問下其他人嗎！？未食過又答唔到我係咩嚟仲叫人試係咪有啲唔make sense呢？2.等左15分鐘食物未到有員工話幫我追 然後1直企喺出餐位是否應該要答覆我仲有幾耐到？希望佢哋會睇OpenRice評價😅第1件事既員工真係搞唔掂😅😅😅

今次真係人生經驗！叫個外賣（一個set飯,一碗粉,兩個小食, 一杯嘢飲）等極都無追九個九世攪成個鐘, 追親就話啲好多單排緊出緊嚟, 然後你後面啲單都仲會早過你嗰張出, 未試過嬲到要退錢走.堂食外賣個個都要死追爛追, 然後又幾個堂食都要Cut單. 其實見你人手可能唔夠嘅, 成個場咁大, 坐咗一半枱都無. 不過無能力做, 唔好做外賣囉, 仲學人接埋熊貓單. 揾錢都唔係咁做嘢啦！其實成個場亂七八糟, 無人似乎知自己做咩. 真心未”幫襯”過一間差到咁嘅餐廳.

今次黎到試試下午茶，十分有驚喜。由於夜d要食飯，又唔想食得太飽，只想搵個地方坐下休息下。叫左火腿芝士薄餅拼黑醬牛油雞翼，係新鮮即叫即做的。😎因為上枱時雞翼超級熱辣辣，薄餅都好夠熱，外脆內軟，咬開見到芝士半溶狀態，感覺很治癒。飲品方面依舊有椰香咖啡，保持水準，又不會太甜。啱哂現在要求健康的香港人口味。至於驚喜的地方是：價錢🤑一份有質素的下午茶連飲品先36元，以現時物價高漲，樣樣加價的香港經濟下，還有如此有質素的下午茶才36元，覺得很抵食，所以推薦大家可以一試。

新都城中心*茶泰*已經開左一段時間，食過幾次整體感覺良好，特別適合我地lee啲上班一族,最緊要快靚正價錢合理,環境舒適,食物乾淨。店員服務態度有善，食物上菜速度快，個人感覺好重視食物夠唔夠熱，上菜時食物熱熱的，正。餐廳環境用左黄燈，感覺柔和。枱與枱之間距離合適，感覺不會太壓逼。食物方面：推薦手爪餅，外脆內軟，中間有芝士好正。飲品推薦：椰香咖啡，椰香味濃郁，又不會太甜。以平民嘅價錢，有中上水平嘅食物及環境整體感覺不錯。80分！

價格死貴，味道難以忍受，甚至让我專門下了個openrice。晚上去吃的，点了份飯，炒菜，冬陰功烏頭魚，咖喱包。那個飯的鹹度令人懷疑盐和米的比例接近一比一，真當鹽不要钱？還有那條魚腥得彷彿剛從河里捞出來然後带着泥水生啃。調味料放了個寂寞，難以想像廚師如何做出一條除了腥味沒有味道只能擺拍的廢物。那個通菜味道还行，但裡面的蒜皮都没扒，衛生令人擔憂。咖喱包是這裡唯一能吃的菜了，除了鹹了一些，麵包硬了点勉強下口。综上所述，我是冤大頭，這家餐廳再也不見。