茶木‧台式休閒餐廳 (創紀之城五期(apm))

營業中

休息中

夜晚要去住麗港城既朋友屋企聚會，去之前約左即將結婚既呢對couple朋友食個early dinner。茶木既服務態度其實好麻麻，價錢亦唔平，又要排隊，不過今日想食台灣野，佢亦都仍然算係主食同甜品都表現較平均既餐廳，事隔超過半年冇食，就再去會一會啦。主菜炸雞扒麵同台式肉燥拌麵不過不失啦，雞扒唔算油膩，麵條夠彈牙，不過份量真係有D少。今次特別係想講下呢杯新既飲品同埋甜品。呢杯係西瓜加唔記得咩水果既飲品，顏色好靚！西瓜味飲落好refreshing，係好正既夏天飲品，可惜叫左少冰都成1/3杯冰，飲幾啖就冇哂lu竹炭芝士流心吐司應該係近幾個月先新出既甜品(?)，芝士流心唔算太流，但我估芝士質感可能就係咁，竹炭麵包夠脆，加埋曲奇雪糕食係好既配搭，呢個idea唔錯~download茶木app可以用優惠價$58換，不過一定要order之前出示，我第二次同呀媽去旺角食，埋單先出示，就白白蝕左個優惠lu我地坐得好近整飲品既位置，所以好嘈呀>_<

响炮台山開完會都差不多放工，S君約去觀塘APM食晚飯，原來想食的上海菜已經結業，好肚餓，臨時改去茶木，都要等幾張枱。S君order炸雞排肉燥飯，唔想食飯，就叫咗個淨餸，慢煮梅子豬腳好似唔錯，一於就係佢啦。炸雞排肉燥飯，雞排外皮脆卜卜，雞肉嫩滑有肉汁，有點鹽酥的口感。肉燥汁液濃稠適度，獨少了點乾蔥的香味。慢煮梅子豬腳，以白色小瓷鍋盛豬腳，放在白色小瓷爐上溫著，凸顯出豬腳的醬紅色，上面再撒一把蔥花，顏色好看增加食趣。這個菜有3件豬腳、2件紅蘿蔔、1件蘿蔔和2粒梅子。豬腳諗得來仍有咬口，帶有梅子的清香味道偏甜，紅蘿蔔煮得諗甜不爛，梅子留有少許甜話梅的味道。在門外等位時已被甜品吸引，會員可以特價$58食用 (原價$78)，忍不住即時下載入會，追加一個流心起司竹炭吐司。流心起司竹炭吐司磚狀黑炆炆竹炭吐司，四角之上分放1片香蕉，中間平常多士厚度的小方塊作蓋，多士蓋斜角平放在中間，上面放了一球Oreo味雪糕，伴以草莓和藍莓裝飾，好想切開食呀！切落吐司feel到脆卜卜，內裡的流心緩緩流出，好邪惡呀！吐司外皮鬆脆香口，內裡麵包口感軟熟，流心如果唔知係起司，仲以為係溶掉的雪糕，因為無咩芝士味，但係醮麵包又

茶木通常都好多人去排隊，由此可見香港人幾鍾意台灣菜，我都唔例外，特別鍾意食台灣嘅肉燥飯，今次我地黎到位於APM嘅分店，意料之中要等一陣位，大概半小時就可以入座，室內座位算多，而且都好整潔，今次我地揀左：溏心蛋肉燥飯（$65）溏心蛋好正啊味道適中，流出黎嘅蛋黃撈埋肉燥飯食，可以一解想念台灣肉燥飯嘅癮，我覺得茶木同台灣嘅肉燥飯味道有九成半相似，薰衣草珍珠奶茶（跟餐加$9）薰衣草味唔係太出，幾乎只係一杯普通嘅珍珠奶茶，珍珠煙韌彈牙，奶茶甜味茶味適中，食台灣菜點可以唔配一杯珍珠奶茶呢，草莓香草蜜糖磚塊（$78）草莓有啲酸，磚塊脆得黎有啲硬，上面嘅草莓味雪糕唔錯，但係食一個都幾滯，所以以上份量對我地兩個人黎講啱啱好。總括黎講，如果掛住台灣嘅地道美食，黎茶木都可以解到吃貨癮。

前幾年香港開了很多台式咖啡店餐廳茶木由一間店愈開愈多 質素依然維持午市有前菜 主菜連一杯飲品 價錢在觀塘區十分合理所以午膳時間很多人在等位點了鴨肉配肉燥飯份量超多 味道不錯 飯完全不乾 有汁鴨也非常嫩

入坐前問一下店員要每人點一樣野食嗎，店員說冇低消，所以這點都幾好，萬一我地2個食一個甜品就要搵個個地方了😅😅。不過我們最後都叫了2款甜品黎食😂🤣😂🤣。2個加埋都係$105，都ok啦，不算太貴😋😋😉😉

食過好多次茶木 每次黎既最主要原因就係想食佢個蜜糖磚塊，真係無得輸-曲奇朱古力蜜糖磚塊食左禁多次都係一樣禁正，多士外脆內軟，而且唔會食到一半就變返林，點埋雪糕一齊食外冷內熱，好好味，忍唔住食完一啖又一啖😋除此之外，我地嗌左呢度既芋圓成碗野好多料，芋圓份量唔少，同埋有好多珍珠，薏米，但d芋圓唔煙韌，咬落去一舊粉咁，亦都無芋頭同地瓜味，好失望！而其他料亦都只係一般般⋯⋯⋯不會有下次！蜜糖磚塊應係茶木最好食既野❤️

同朋友飯後甜品，朋友好想食吐司甜品，所以揀左間最近有優惠的店，下載App就有「流心起司竹炭吐司」體驗價$58優惠，所以一於點個來食。【流心起司竹炭吐司】黑麻麻原來藏住流心滋味，外層焗得香脆，吐司鬆軟輕盈，麵包仲要每日新鮮製造，一切就流出芝士醬，芝士香濃軟滑，配上曲奇雪糕，凍熱口感一齊來，味道有層次又豐富，仲有藍莓、香蕉、草莓等生果，食完不膩。【黑糖芒果芋圓仙草】好大碗，食完頗飽。芋圓好Q好咬，配彈牙珍珠、煙韌薏米、爽滑仙草、香甜芒果，口感極豐富，糖水底甜而不膩，帶點薑味好溫和。服務有待改進，少客但不太理我地，漏單而且上菜後不提供餐具。

茶木比我既感覺係乾淨同寧靜，之不過平時同fd去食茶木都係食dessert，今次終於有機會去食晚餐喇。雖然我唔食得辣，但我都叫左個辣味意粉泥食。味道方面，我覺得都算OK同埋唔係好辣，但感覺無咩特別，唔係特別好食。甜品方面，我覺得甜品一向係茶木做得出色既area，所以唔會差得去邊，不過佢通常都好大份，要預幾個人先食得哂。而我泥次叫既甜品係上面係雪糕下面係熱既包，我自己個人就幾中意泥類甜品，一熱一涷，感覺好有層次感。

行行下街其中一個friend話想搵個位坐下,我地就入左茶木。天氣咁熱,我忍唔住叫份糖水食下。落完單15分鐘已經有得食啦最期待既芒果粒都幾酸…我寧願佢浸下糖水都好,芋圓唔q彈,食梗一舊粉團…仙草最好,同街市買到既涼粉無分別即使淋上黑糖糖水都唔會加分…最扣分係d餐具好污糟唔會encore

同朋友做完運動就補充下能量先，去食茶木，我地叫咗個牛肉麵同埋士多啤梨蜜糖磚塊，牛肉麵係無得輸，羅白超級入味同好濃，牛肉林到無牙既呀婆都食得，又林又入味，超正，次次都要叫，麵方面好彈牙，如果麵可以多一點就更加好，另外士多啤梨蜜糖磚塊都係，一路打就想食，佢D包有密糖味，雪糕足夠，可以令你一口包再點一點雪糕，夏天食好清涼。

去左幾間唔同location ge茶木, 每次我一定叫碗蠔仔肉碎湯飯。 琴日就去左apm e間, 鋪頭都幾大間, 裝修幾高雅, 坐位亦算寛敞。👍🏻 一入去, 冷氣開得幾大, 又對正風口位, 覺得好凍！好快望望menu後, 即刻點左必食蠔仔肉碎湯飯。 湯飯依舊大大碗, 材料有d蝦米仔、魷魚絲、香菇、芫莤...全部味道好鮮好夾, 每啖上湯都好香濃, 自己加左d胡椒, 有埋些少辛辣味, 好飲! 蠔仔都依舊粒粒飽滿新鮮！而半肥瘦肉有少少酒香。 但成碗泡飯成$76, 賣單加一成八十幾, 我覺得略貴, 再加價成百元, 我應該揀其他choice了！

久違了的茶木，對上一次幫趁已經係成半年前啦。咁岩朋友話想食甜品，就入左去食次次都會哪既多士磚。一睇張menu，感覺好清新好fresh，值得一讚！多士磚一共4款，好似新出左款抹茶紅豆？因為唔太好朱古力，而士多啤梨又唔係當造既關係，最後揀左芒果。一上枱依舊係咁吸引！多士烘得好脆，配上雪糕一流啊。可惜，越食越覺得太甜，而芒果亦出奇地甜，感覺好似浸左糖水咁。不過整體仍然好味！

每次同某某同事食lunch，多數都會話“不如食茶木囉“🤣呢度好似變咗我哋兩個嘅飯堂一樣。裝修幾靚坐位都寬敞嘅。見到餐牌有個酸味味嘅嘢餐，所以今日食佢😋Btw，佢嘅餐牌好有summer大自然嘅感覺，未食望完都開心一陣😂呢個餐有三款少量嘅前菜，分別係蒜香麻辣豬耳朵、 麻油醬大豆芽， 同埋醬燒汁玉子蛋。 豬耳朵食落幾有咬口，少少辣。大豆芽有輕微麻油味。玉子蛋少少甜，上面嘅醬汁似日式炒麵醬嘅味，我幾鍾意😊之後個主菜係鳳梨糖醋里肌，一睇個名就知係酸酸甜甜嘅，我好鍾意食酸酸甜甜嘅嘢開胃啲。 里肌肉炸得脆口，肉質嫩滑有嚼勁，不過見到都佢嘅油脂都唔少㗎，但每層都只係薄薄嘅。仲有個肉燥飯，幾好味，不過龍鳳號嘅肉燥飯味道再香口啲😁仲有少量燈籠椒同菠蘿，菠蘿可以消除肥膩感，又可以消滯，食完個餐都幾飽㗎，順便消吓膩滯感😅我平時好少飲凍嘢，見到有熱嘅黑糖冬瓜茶，夏天飲啱晒，可以消暑嘛😜

雖然菜單上有不同菜式可以選擇，但我幾乎每次都吃香辣牛肉麵😚 (HKD77)，而且每間的味道也是差不多的～湯底清得來味道濃郁，牛肉軟稔，麵又有咬口，整體帶有少少辣，很滋味。綜合鮮果茶也是我必點的。(HKD 37)滿滿一杯都是鮮果，這次酸甜味道比較平衡，又不會太澀。相比上次在沙田分店飲的又酸又澀，這次很滿意。同為茶木，不同分店的出品，原來味道也是有分別的！最後是朋友十分喜歡的草莓香草蜜糖磚塊(HKD 78)麵包烘得十分香脆，配上草莓雪糕，很幸福呢～本人不好甜，所以尤其喜歡麵包邊，因為沾到的蜜糖比較少😝

假期食艱難😕 好彩小秘書最後喺 「茶木」搵到位🍴 茶木比我嘅印象一向都係食甜品/下午茶嘅地方☕️ 估唔到今日誤打誤撞又比我哋搵到好嘢食🤤 黑糖紅豆奶茶🥤夠哂味；海鮮飯配埋濃濃嘅蕃茄醬汁🍅出奇地好味，如果件魚塊🐟可以換上銀雪魚或肉質比較幼細嘅魚肉，我相信會更完美；雖然食埋個飯已經好鬼飽，但係女人天生多個胃就係用嚟裝甜品，所以我哋都加咗個芒果凍嚟滿足吓味蕾😝 ⏱因為之前花咗太多時間去等位，所以呢餐必須要喺45分鐘內完成，再趕下場😉真係忙過開工呢！