茶木‧台式休閒餐廳 (創紀之城五期(apm))

營業中

休息中

茶木一間台式餐廳，晚飯時間有套餐，加$30店有飲品及甜品。當然散叫也可以，選擇多好多。今次叫咗一個晚飯套餐同散叫的酥炸雞排麵。晚飯套餐，選擇不多。今次叫咗沙茶小牛排，味道有啲咸，份量又不多。不過，有甜品加飲品，可以啦。heee...下次試三杯雞好過。酥炸雞排麵，雞排同麵分開上，非常好，雞排就唔會淋曬。可惜雞排已切成一件件，碎曬，本人喜愛一整塊會好啲。食完以上兩樣，多叫了一件甜品。紅豆綠茶冰淇淋層層疊，麵包好脆，加小小雪糕，加小小紅豆，就已經好好味，食完好飽啊。

這間觀塘店的侍應生,  由其是知客,  服務奇差,  餐廳用有鄉音的服務員唔緊要但這間觀塘店的員工的態度需要再培訓,   對客人應有的禮貌也沒有,   因為好生意, 便出這樣的服務態度?   食物再好食啲也不考慮光顧 !

今日一行五人，走左去茶木開餐我地瘋狂咁叫左一堆野食，我就最欣賞杯奶茶，d珍珠好有黑糖味，同街買到既珍珠奶茶真係好唔同，杯奶茶都算幾大杯，飲完覺得好邪惡，貴就係貴d，但一試無妨

牛肉麵類，本來個湯都幾好，點知佢D雪菜攪到個湯越食越咸，咸到食唔落，連飯都有雪菜本來夠味既野唔知整到咸死，豬軟骨原來係 展位，極軟冇渣，但想食少少肉感既人就…………什至唔知食緊食啫喱定肉芝士雞翼就好一般，炸完再燒外面太黑

三個人係apm，求其搵間冇咁多人架。佢地個午餐自選套餐$66都幾好幾多野揀！我揀左前菜：金黃鹽酥雞 幾好食，不太咸，可惜凍左 主食：燻海鱸魚 甜甜地既炸魚，幾好食，未食過覺得好特別飯麵：古早肉燥飯 好鍾意食肉燥飯，雖然唔係太有台灣既感覺，不過不失啦！隋餐附送飲品一杯，我就揀左紅豆薏米水，少少甜，有野咬下，幾好丫！朋友叫左Teawood 紅燒牛肉麵$75另一位朋友都叫套餐：金黃鹽酥雞 、地瓜燜牛肉腩同Teawood 紅燒牛肉麵再加錢換左檸檬愛肉冰，嘩！好酸好開胃啊！

今次dinner過黎茶木食飯，嗌左碗香辣牛肉麵，一杯紫薯奶蓋同埋一碟豬耳。先講下碗香辣牛肉麵，佢真系夠辣夠香，辣得好過癮，食到流鼻水，舊蘿蔔好冧好入味，舊牛肉好大舊好冧，碗牛肉麵真心正。而個豬耳都系夠辣夠香口，味道就好夠，唯獨是係唔夠爽脆，但都系夠辣好過癮。最後講下杯紫薯奶蓋，係好飲的，真係好香濃奶味，個奶蓋勁厚身，不過個紫薯都幾甜，一開始飲真係好好飲，但後尾真係勁飽好膩，真系2人share一杯都夠。

今日係觀塘做完野都成8點半，就去左創紀之城搵野食。心血來潮想食台灣野，就去左茶木。估唔到成8點半都仲要等位，仲等成20分鐘，好好生意。啲店員係零服務，千辛萬苦先叫到個人黎落單（可能佢地真係好忙喇）。<炸雞排肉燥飯，$65>以前一向都好鐘意食呢個炸雞排肉燥飯，不過味道越黎越差！啲雞排粉多過肉，以前食落係熱辣辣好香脆，雞排仲好多肉食。而家係少少硬，無肉食，淨係食到雞皮、雞脂肪同炸粉。不過好在，個肉燥飯都仲係不錯既！<地瓜花枝餅，$61>呢個花枝餅好食！不過都幾貴，$61得4粒，仲要係好似平時花枝丸咁大粒。食落真係有地瓜同墨魚粒，同埋都幾鮮甜香脆！仲叫左個炸排骨麵，呢個麵等到個肉燥飯食哂，要催先黎到！所以唔記得影相。以前既麵好煙韌，湯底亦好香濃。而家啲麵好腍，個湯既味奇奇怪怪，一啲都唔香濃。個炸排骨係第一次食，嘩！啲肉腍到完全無口感！以為等左咁耐會係熱辣辣，點知係凍既，完全唔掂！整體而言，以後無必要都唔會食茶木！而家實在差左太多，以前既質素好好多。呢個價錢，你可以搵到更好的。

幾年前去台灣旅行後,對台灣美食非常懷念,一直想再次嘗試,當知道apm開左間茶木,就約個朋友一齊去食, 因為時間尚早, 不用等位, 入到去坐低睇吓個餐牌, 選了台式滷味拼盆, 鳳梨鮮果甜酸肉再+$30轉套餐, 甜品要左黑森林櫻桃蛋糕及開心果香橙蛋糕,  飲品要紅荳薏米水,台式酸梅冰同2碗白飯台式滷味拼盆雞翼夠味, 豬肉腍滑, 牛肉夠味, 唔會靭 $71鳳梨鮮果甜酸肉, 鳳梨同豬肉份量唔少, 酸酸甜甜, 開胃好味 $78黑森林櫻桃蛋糕, 入面有細細粒櫻桃加埋朱古力, 味道出奇地夾開心果香橙蛋糕, 開心果混合橙香味, 香甜美味紅荳薏米水, 甜味啱啱好台式酸梅冰, 烏梅味濃蓋過酸梅味, 失敗

嗰日同朋友去完觀塘食飯，之後想搵地方食甜品，咪四圍行下囉，行行下見到有個地方食甜品嘅咪入去囉。之後叫咗個甜品試吓，甜品真係好大份，要兩個人先食得晒呀。士多啤梨好新鮮，兩個人食就差唔多啦。

APM新開既餐廳—茶木，雖然周圍都有，不過間唔中都會想食下佢地既肉燥飯🤣當然佢地最吸引既係吐司😍，不過當日實在太飽了，所以沒有食到。開係APM呢到個場都幾令，而且又大～裝修又幾令🤣食物肉燥飯最愛叫沙朗肉，比起其他食落冇咁熱氣，而且沙朗肉好好食！！😍本來想叫滷水雞翼，但發現比附多小小錢又有更多野食～呢個拼盤所有既食物都好入味，並唔會只得外層既味道！不錯！個人就不太喜蔥油麵，因為覺得好油～雖然食落都唔錯，但都略油，不過將蔥炸到好香脆又幾特別😁～～

剛去完APM茶木食lunch上星期來，其實同今個星期都係一樣。。。我指係杯珍珠奶茶啲珍珠細左成個碼咁，問左2個職員，都確實左係轉左珍珠珍珠奶茶個靈魂係珍珠，居然轉啲咁細粒無口感嘅珍珠，應該用返原本大大粒QQ彈口個隻嘛，呢杯野超難飲，我自己私下email左去反映而另外嘅lunch set大大份，食完好飽今日揀左醬油茄瓜+芝麻醬手撕雞+魯肉飯熱辣辣送上，有一次唔記得邊間食過醬油茄瓜係凍冰冰，以為呢個前菜係冷盤，無出聲，今日叫返，居然係熱手撕雞肉大大件，好味道

一心以為有下午茶餐就衝入去坐，點知原來無 要散叫，不過都ok 既呢間茶木裝修幾靚，有好多卡位，算係坐得舒服朱古力曲奇吐司必食item兩個人share 一個夠晒芋圓焦糖奶茶主要係想食芋圓，果然無令我失望好味

下午茶去，都要等一陣！一個人都咁，證明幾好生意😏叫咗牛柳滷肉飯，比想象中好味，d牛柳好嫩又juicy！雖然得三塊😆d飯好軟熟，滷肉汁唔鹹又香口，應該改良咗，唔似台灣滷肉咁！配菜係雪菜，感覺唔錯！珍珠奶茶叫咗少甜，果然唔甜👍🏻埋單成舊水，果然唔平！

自從apm 開咗茶木之後，諗唔到食乜就會嚟食，變咗飯堂咁。一來質素穩定，二來唔食海鮮魚生嘅朋友都照顧得到，仲可以一解想食鹽酥雞嘅相思之苦，最最重要一點係apm 推出嘅apps 可以攞位，變相唔駛再等咁耐，時間有預算，可以話一舉多得！今晚就試咗台式三小碟，因為我一向喜愛食雞蛋，尤其溏心蛋係至愛。呢個小食拼盤嘅溏心蛋正，色澤誘人中間嘅係甜辣炸雞，仲有地瓜花枝餅、三款都幾好味，用嚟送飯一流！另外叫左三杯雞，份量較少，加$30轉套餐白飯，指定飲品同沙律或蛋糕二選一。我地揀左新出嘅開心果香橙蛋糕。賣相都幾精緻，但食唔出開心果味，味道偏甜，裡面有橙皮絲，所以橙味較突出。埋單$206，星期五食飯嚟講，唔駛等位，環境幾好，坐得舒適，仲要無限時，值得推介！PS: 黑糖奶茶可以揀少甜，但食蛋糕就容易將奶茶味蓋過

今日又係係返觀塘食飯，見都有一排冇食茶木，又唔想再諗食咩好，所以都係來返茶木啦。好彩都算早到，唔洗點等位，為左唔想煩，都係一人叫一個餐。梅子豆乳燉肉排 - 肉排唔算滑，反而個蘿蔔幾好食，不過下次可以試其他款式的。地瓜燉嫩牛腩 - 地瓜好老下，朋友一早放棄左，得我D個唔想浪費食物的人默默咁食晒佢…牛腩偏濃味，但都可以接受的。紅豆薏米水 - 紅豆薏米水落足料，而且仲有少少薑粒，真係幾好飲的。而另一杯柚子茶都唔錯，但兩杯飲品其實都係偏甜。小茶木劇院 - 好香朱古力同咖啡味，而且唔會太甜，甜品果然係茶木強項。另一個餐跟左沙律，沙律菜都好新鮮。整體而言，食物都保持到平時的水準，下次可以再試下其他菜式。