茶木‧台式休閒餐廳 (創紀之城五期(apm))

營業中

休息中

中午肚餓朋友話想食台灣餐廳，所以最後入咗茶木食。今次點左佢個鱸魚柳配古早肉燥飯，覺得佢個鱸魚好好食！酸酸甜甜好開胃，同埋岩岩炸起個皮好脆，但入面又好軟嘅魚肉，好夾好好食！肉燥飯就一般般，面頭凍左少少同有啲硬

唔洗排好耐就有得食嚟到梗係食牛肉麵肉汁豐富，個湯又rich麵質雖然唔係彈牙，硬硬地配上林林地牛腩總算叫做打和🤣今次唔要香酥雞轉戰排骨唔知點解等左勁耐已經食完牛肉麵先嚟排骨麵.... oh no 😅不過呢... 都炸得幾香脆只係太過肥肉多，個人嚟講唔太喜歡另一亮點梗係個甜品大大份多士加上caramel 超甜甜達！加埋個雪糕冷熱交融如果大舊d個雪糕就perfect 池❤️份量太多了，2個人根本食唔晒😜一份大概應該有3-4人先叫會好d

週末一家4人行完油塘魔鬼山， 囡囡話想飲珍珠奶茶，Ar 仔就想食台灣菜，於是諗起茶木，最近的teawood 係觀塘APM,行到茶木已經係下午2:30，竟然仍是大排長龍，等了大概20分鐘，因疫情限制二人一台，唯有分前後枱坐，叫咗一碟古早烤香腸肉燥飯（重點溫泉蛋），福州魚丸紫菜汤新竹米粉配上帶子肉燥飯，跟餐有黑糖珍珠奶茶，呢間的米饭好特别用珍珠米，加上肉燥汁超好味（最愛），Ar 仔超級鐘意食，香肠同出面的味道不同的，正宗台灣式腸，咬一啖會bi 出豬油香味，無得彈，这是大多是數小朋至愛，D🐟魚丸🍡夠弹牙，米粉是台湾正中新竹米粉，又细又Q，我🀄️意食，食完返尋味，在外面买唔到這種米粉，而黑糖珍珠奶茶，D珍珠唔会好硬，又弹牙.好飲。ar 仔like 茶木的肉燥飯，囡 愛珍珠奶茶，相信日後一定常光顧。😋

前排好多餐廳都做緊抗疫價推廣，而茶木都唔例外，經過見到餐廳門口有個牌介紹雞扒帆立貝拌麵做緊買一送一優惠，而且仲有兩杯飲品送，覺得好抵食，於是就同朋友入咗去。茶木嘅食物不嬲都唔差，台灣風味十足，而今次做推廣嘅拌麵仲有齊我最鍾意食嘅鹽酥雞扒同埋帆立貝。我一上枱見到咁大塊雞扒就覺得好滿足，絕對唔會因為做緊買一送一優惠而將貨就價，雞扒炸得乾乾脆脆，調味得啱啱好，陣陣鹽酥香味傳到鼻內，旁邊仲有兩大粒帆立貝同埋少少榨菜，加入拌麵裏面又有另一番風味。而拌麵份量一啲都唔小，而且本身已經調好味，唔會出現撈唔勻醬汁嘅情況出現，我覺得個份量係正常，唔會太多或者太少。附送嘅嘢飲係熱黑糖冬瓜茶，正正合我口味，甜味適中，亦帶有黑糖嘅濃郁味道。整體來講，呢個餐真係好抵食而且又好味，希望茶木會做多啲類似嘅推廣，吸引多啲人去食啦。

想食台式風味黎依間吾錯，除左服務員有服務好有禮貌外，重點係食物夠份量同食物台式風味不失色先分享一下餐廳服務員態度同專業🤗用餐當日我點完餐後，隔離枱客人打爛左水杯，結果玻璃彈到我腳同鞋周圍都係，餐廳侍應上前問侯客人有無事😊仲即時幫我轉對面張枱係客人未舉手叫侍應前，侍應即時問候客人處理寶係好專業同有禮貌，值得同大家分享餐廳食物推薦酥炸呵嗲，足份量而且多蠔仔🤤另一推介係餐廳特色飲品，仲意飲水果茶既我，依間水果餐無偏甜，吾錯餐廳裝修環境有特色同影相位📸️

平時排曬隊，今日十二點三去到無人排，於是入去，叫了個set A，有前菜：茄子、糖心蛋、麻醬菜，餸我選了牛腹腩、麵選了麵線。前菜茄子好味，蛋的流心剛好，菜略嫌暖咗d，應該冷食好d。牛腩稔，有牛筋、薯仔，但偏鹹。麵線算不錯架啦已經，碗仔翅味，有條魷魚鬚在裏頭，但不夠熱，台灣阿宗當然正好多。點了玫瑰花茶，茶包加玫瑰幾粒，還可以。包在set內，不必加錢。都算幾飽，埋單沒優惠有加一，total 76. 雖然不是很perfect ，但都會再去嘅，因為餐個size 啱我。

行完街冇嘢做朋友說不如坐低食個下午茶,在apm有很多選擇,但我都係最鍾意食甜品所以去了茶木,現在疫情我們三個人要隔開一埲牆先可以坐低,今天又是大雨天,但沒有影響我們的心情我們叫了三個甜品,茶木的甜品真的不錯心太軟$40幾元再加送飲品,如果你正價要$70一80元,這個下午的價錢都比較合理的其他地方搵唔到。但講到服務態度就真的一般般啦!可能關於疫情問題,有些員工都冇乜笑容,希望疫情快啲過去,多D見到食肆回復正常所有員工都開開心心面對客人。加油!加油!

以前我都好鍾意去茶木食嘢....因為佢哋有好出色嘅甜品...這台灣食嘅食物都目不暇給....但係今次去嘅茶木...好似有失水準諗住仲可以好似以前一樣今次乳鴿做緊買58元一送一...都幾抵食...乳鴿都皮脆肉嫩滑不過叫咗呢個奶油帶子扁意粉味道就真係一般般因為本身帶子好乾身...而且個奶油味道不是太配合呢個丸子涼粉都尚算可以...只是味道不太甜總括嚟講....好似打破咗我以往對茶木嘅觀感....不過可能每間都有不同嘅特色...希望下次有所改善

週末嘅午飯時間，一樓果間台式料理又係長期排長龍！所以立即決定轉食茶木，襯住仲未人頭湧湧，反正大家都係台式料理嘛！ 喺茶木嘅門口等左陣先有人安排量體温，坐位唔算濶落，4人卡位感覺幾迫，好彩枱與枱之間有膠版隔住，唔錯！食物上桌時間都好快！讚👍🏻 🥩🍚 香煎莎朗肉燥飯 $75 - 抵食指數 👍🏻👍🏻👍🏻肉燥香但比較油，莎朗肉有肉味，欠肉汁，而且比想像中難咬開，小小un，味道可以嘅，鹵水蛋好味，白飯一碗，一個人份量啱啱好！特別鐘意配菜青瓜同埋雪菜，讚！ 🍗 🍚炸雞排肉燥飯 $75 - 抵食指數 👍🏻👍🏻👍🏻炸雞排酥炸非常之香，雞肉薄身咬落好脆，味道偏咸，勝在送飯一流！但食完都幾口渴！ 🍜紅燒牛肉麵 $79 - 抵食指數 👍🏻👍🏻👍🏻冇影到相嘅招牌菜比較失色，牛肉同牛筋份量OK都算多，可惜拉麵偏硬份量少，湯頭比較油。🍓草莓香草蜜糖磚塊🥯 $80 - 抵食指數 👍🏻👍🏻👍🏻👍🏻先講賣相係靚嘅！草莓都甜有4-5粒，草莓雪糕加Cream 同埋棉花糖口感唔錯！三層嘅麵包其實份量都幾多，底層嘅磚塊唔夠蜜糖味，不過有咁多cream 味道可以搭夠嘅！值得推介！

第23次寫食評在APM行完街，去了【茶木】食晚餐睇完餐牌，二話不說，點了“買一送一“的雞排帆立貝拌麵。份量可以接受，但麵身比較乾及份量少，雞排夠脆，但帆立貝“無乜味“合共：96蚊( 未計加一)，連一杯熱冬瓜茶，抵食之選

一間食店會否再幫襯，除了食物質素外，服務質素同樣重要。服務完全吾得，開店後，我是第一張外賣自取單，竟然要等30分鐘先有，我落單時未算午市繁忙時間，已經吾算人多，也要等甘耐，食物質素又普通，不會有下次。

又到觀塘創紀之城apm的茶木， 食過咁多次， 大概都知道茶木的味道。 因為這裏經常會推出新款菜式， 令到客人保持新鮮感。 大約兩點鐘與朋友到達， 先要量體溫再入店內， 我們就點台式蚵仔煎$47， 追加肉燥飯$16， 熱咖啡， 甜蜜塘心蛋肉燥飯$64， 熱黑糖珍珠奶茶， 鐵板麵包布丁$48， 熱水蜜桃花果茶$41。台式蚵仔煎～ 好少蚵仔， 味道不過不失啦！可以追加肉燥飯，只需$16非常抵食。甜蜜塘心蛋肉燥飯～ 肉燥飯味道幾好， 肉燥 惹味送飯一流。鐵板麵包布丁～ 今次試下麵包布丁， 甜度適中， 外層脆脆的， 裏面軟淋淋。熱咖啡～ 咖啡味不算太濃。熱黑糖珍珠奶茶～ 比較甜， 但飲不到黑糖的香味。熱水蜜桃花果茶～ 感覺這杯味道怪怪的， 沒有水蜜桃的味道。整體食物質素中規中矩， 但服務質素真是有待改善， 每次叫店員的時候他們只會答等等， 又或者直接當看不到。甜品到的時候想轉兩隻碟食甜品，他們只給一隻， 真是一頭煙， 服務質素有待改善。

晏晝5點，覺得肚餓餓，經過茶木，見到大大個牌寫住買一送一（全日套餐），特惠款式得兩個，係雞排帆立貝拌麵，或者帆立貝小肉躁飯，附送一杯熱冬瓜茶，原價96一份，買一送一叫做半價啦。入食肆前要先量體溫，但呢間茶木，啲人吾理門口等嘅顧客，但大家好自律係門口叫唔該，等量體溫先入座，但叫左幾聲無人應最終要行去兩步遙嘅收銀櫃同佢講量體溫，先施施然量。得兩步路距離，櫃台及旁邊都有人，但都吾理啲客，態度吾掂叫左半會拌麵，麵有嚼勁，一貫水準，雞排酥脆，有台式風味，但略薄。帆立貝淡而無味，建議餐廳吾好攞黎做主打，會趕客。份量一般，女的食完略有飽意，飲完杯冬瓜茶啱啱好。但男性友人覺得份量細，一啲都吾飽。出去埋單先係櫃台發現，3月26日開始要收加一，佢一直無收開加一，如果佢貼係門口當眼處會好啲，最少顧客幫襯前有心理準備，而且疫情下，佢多立名目徵費都係理解的，但不一定每人都接受，尤其等入座時已叫極吾應，所以一早大大隻字寫明，吾洗食完先知—感覺吾良好囉。連加一，盛惠$106

好耐無去茶木了。朋友係會員，用會員價叫左芋頭炆牛腩加錢配搭飯和紅豆薏米水，另外還有流心芝士竹炭多士$38。炆牛腩的牛筋入口即融，牛腩都正常，但略嫌味道有點鹹。薏米水入面加薑，中和涼性，清甜。多士keep 住水準，流心芝士幾香，多士鬆脆，內脆內軟，優惠價$38，抵！

茶木現在開了很多間， 食物質素一向保持水準， 今次到觀塘APM的分店吃午餐。 好多時到茶木也會吃台式牛肉麵 ， 還有這裏的甜品， 今次就食花膠雞拌麵 ＋ 柚子蜜茶 $78 和甜蜜糖心蛋肉燥飯 ＋ 黑糖珍珠奶茶 $64。花膠雞拌麵～ 花膠雞湯材料十足， 拌麵帶點麻辣香， 口感煙韌又惹味。甜蜜糖心蛋肉燥飯～ 溏心蛋半熟的美味口感， 肉汁加上肉碎， 配上熱辣辣的白飯，正！柚子蜜茶～ 與平時茶餐廳飲得柚子蜜味道差不多。黑糖珍珠奶茶～ 奶茶甜度適中， 珍珠太軟腍沒有咬口。整體而言茶木是一間食物有水準的台式餐廳， 但服務質素有待改善。