茶木‧台式休閒餐廳 (創紀之城五期(apm))

營業中

休息中

今日下午路經觀塘apm,唔想選擇就去間我都幾成日去食既餐廳-茶木（佢甜品好正所以成日陪女朋友食） 不過今日自己一條友去食，就食個飯算啦，咁我做健身教練都會選擇比較低卡既食物，而且因為我需要蛋白質，所以就選左三文魚時蔬藜麥飯，個人覺得都食得過，三文魚煎得有小小過左火，但唔算太大影響，而藜麥口感就有d似燴飯，但以我食量黎講，我大約有7成飽，我諗有運動開既女性都會覺得呢個藜麥飯係好好既選擇，不過我比較重口味，所以我加多左鹽落去，總括嚟講，我覺得食得過

其實我自己在附近番工，一直都好鐘意茶木，特別鐘意將軍澳個間，地方大，服務好，唔洗叫都會自動比水，真心唔明點解觀塘尼一間分店，收加一服務費，但係服務不知所謂，明明大把吉枱，見我得一個人就鐘意叫我去搭枱服務態度又好差，個個黑口黑面，好似得罪左全家甘，我得一個人就無水比我，人地有2個人你地又會自動比水？咁我一個人就唔洗飲買水？好心觀塘學下將軍澳甘改善下d服務la食物質素幾好，都只會比樓面同事整衰左成間公司。

雖然茶木開咗好耐 但我經常性經過 通常都係食完嘢先見到 今日去觀塘做嘢 即刻試一試佢先 因為當日係下午茶時間 我食完午飯仲飽飽哋 即管試下佢之前有個牌擺咗喺出面嘅蜜糖磚塊甜品今日食既呢個朱古力蜜糖磚塊 由於佢係即叫即整 所以都要等20分鐘 甜品嚟到嘅時候 我已經好滿意😍 因為冇圖文不符嘅情況 磚塊疊到好高 要兩個人食先食得完 都幾難切🤣佢係好似一棟大廈咁 有外框有內籠個外框就係嗰個多士個層皮 內籠就係蜜糖磚塊 都幾甜下但係由於我鍾意食甜嘢所以我ok 我朋友就話好甜 咁食蜜糖就梗係甜㗎喇😝 啲雪糕要食咗先 如果有淨嘅就用個多士去點一點佢基本上我覺得好正好豐富我同朋友就咁食一個都已經好飽加左一都係80蚊到我覺得幾抵下次試埋士多啤梨味先🤗

收咗我$80服務費，豈有此理好有禮貌咁樣叫佢斟杯水，個店員答：你已經飲咗好多水我真係未試過食一餐飯會咁嬲🤬 仲要個草莓toast 上面一舊雪糕底下全部都係麵包。＄890真心唔值

今日帶阿媽出去觀塘APM 行街行之前當然食飽個肚先咁就去左好耐冇去嘅茶木到幫襯下真係好耐冇去原來已經改用SCAN QR CODE 落單都幾方便睇到想食乜就直接叫今次簡簡單單叫左個紅燒牛肉麵同手工拌麵 麻辣半筋半牛肉仲有一杯香芋鮮奶(少甜)先講下紅燒牛肉麵湯底味濃麵質都係彈牙份量都幾足夠仍然係保持住大大舊既傳統雖然切得大舊但係牛肉都係腍嘅不過相同份量下如果可以切多幾刀嘅話食起上來應該會更加好..至於手工拌麵個麵嘅味道真係冇得輸少少麻辣拌麵嘅麵質比湯麵更加彈牙可能因為幾好食所以有少少覺得唔係幾夠喉香芋鮮奶其實幾香不過明明點左少甜但個甜度對我黎講都係有少少over唔知係唔係個app 落少甜有bug定係其他原因除左呢個少問題..其實個app 我覺得都寫得幾好因為會計埋條總數出黎一眼睇晒食左幾錢唔使自己另外計

好少食茶木, Lunch Time 我今次就同同事叫左微辣手工拌麵, 我覺得我最鍾意食手工拌麵, 幾夠辣, 我地都係叫台式麻辣半筋半牛肉, 呢款牛肉係肥牛黎, 有D辣油係面, 香口得黎又好食, 同埋手工拌麵係SET LUNCH, 一放低餐盤, 就直接食左個溏心蛋先同鴨血先再食拌麵, 呢兩款既賣相都好吸睛, 勁有台灣風味!其實望出去環境好好, 風景都好開揚, 玻璃窗好大，我地剛好坐窗邊，天氣好好, 如果想同朋友傾計, 都可以選擇呢度😋💕

困久了，想出走。走不了，就來一趟「偽出走」。「偽」得多，真的呢？這裡，國語「歡迎光臨」的入店招呼、餐牌和文宣中的台式中文文案 (「文宣」二字，也是台式中文，知道意思嗎？)，伴著「台式料理」的體驗。連鎖餐廳的標準製法，沒有驚喜也沒有失望；但至少，我踏進門口，知道可以期待些甚麼。那麼，這次再造訪的主要推動力是甚麼？「到期」。飲食集團app的積分快到期了，其他成員食肆的贈送菜式不合意，還是來此兌換。很曖昧，不是頂喜歡，又不是不想，像索然無味的感情？「飯，總是要吃的…」晚市後段，店內客人不算多，於是同伴詢問，是否可以不坐「一卡一椅」的二人座 (一張靠壁長椅，一Pair一Pair的坐法，你懂的)，改坐四人一桌的卡座：好幾張正在空置著。店員最初拒絕，但同伴客氣地堅持，於是店員徵詢上級後答應了。總算是有服務精神⋯積分已可換取寶島三小碟和黑糖珍珠奶茶，所以多點一個套餐就夠了。而且套餐可以追加食品，$22一款、$40兩款、$54三款。食盡佢，很「香港」的精神！前菜、追加、小碟，舖滿桌上，光吃完所有已經飽了，那本來是套餐主菜的，連一口也吃不下，最後原封不動，放進…自備的玻璃盒，變成外帶。原本放在盤子下面、

⭐️茶木⭐️同朋友行開APM諗咗好耐食咩經過茶木見到lunch set既吸引於是就走入去試吓///已經好耐冇試過茶木記得佢嘅牛肉麵幾好食🤤今次都嗌咗牛肉麵、再叫咗一個杯麵餐同兒童餐，另外加咗小食麻辣豬耳、鹽酥雞///個拌麵餐好好食，麵條煙韌，略嫌鴨血唔夠入味🫶🏻而牛肉麵就正常發揮，依舊好食😋兒童餐係肉醬配手工麵，啱小朋友口味另外加嘅麻辣豬耳都好入味反而今次個鹽酥雞好難食上碟嘅時候外面望落去已經黑黑地食落口覺得好腥，完全成碟無食記得以前食過唔係咁，唔知係咪今次啲油出咗事。。。🫠🫠🫠

除左吐司之外，我今次就同友人叫左每次黎茶木必食既微辣手工拌麵😍😍基本上所有手工拌麵既款式我都食過，我覺得我最鐘意食既款式係松露塔塔醬雞絲，有時手工拌麵會辣左少少，食呢個凍食既麻醬撈青瓜絲同埋雞絲完全解左啲辣！拌麵煙煙韌韌，好有口感！台式麻辣半筋半牛肉，呢款就有啲辣，同埋牛肉係肥牛黎，有啲辣油係面，香口得黎又好食👍🏻👍🏻通常叫手工拌麵set，staff一放低盤野，我就直接食左超好味既溏心蛋同鴨血先再食拌麵🤣🤣🤣呢兩款個賣相都超吸睛，勁有台灣風味，食完就當自己去左轉台灣旅行啦🤣🤣今次仲專登叫左兩個小食，蒜香麻辣豬耳同埋鹽酥雞翼！鹽酥雞翼係我最愛黎！！！新鮮滾熱辣，咬開啲皮，入面啲油係即刻湧出黎，雞肉又超嫩🤤🤤兩隻炸全翼同朋友一齊share就岩曬👍🏻👍🏻

茶木最令我念念不忘嘅就係佢哋嘅拌麵每一次過到嚟想試其他嘢嘅時候最後都係揀返拌麵❤️拌麵世一松露塔塔醬雞絲拌麵唔知係咪冇鴨血所以今次俾咗兩舊素鴨佢哋自家製嘅滕椒拌麵真係好出色個麵質相當有咬口麵條口感軟硬適中而且好掛汁醬汁方面微辣食落去有麻嘅感覺👍🏻👍🏻仲附送左一隻糖心蛋半熟糖心蛋好入味 得半隻真係唔夠喉好想再encore而且黑松露塔塔醬雞絲下面墊左多青瓜絲食落去爽爽脆脆感覺清新可以中和返拌麵嘅味道酥炸蚵嗲呢個有驚喜😲侍應捧到埋嚟我都嚇一跳 估唔到咁大份兩個人真係食唔晒炸粉炸得好酥脆 食落去索索聲蚵仔嘅份量都好多而且仲幾大粒不過由於佢係半生熟嘅關係海水味都幾濃如果唔食得蠔嘅朋友可能會覺得有少少腥整體來講好食過出面大排檔啲蠔餅

難得中午時間都唔洗點等位，梗系直接入去啦！太耐冇去旅行，有d掛住台灣添，朋友就叫我一齊去食茶木。 ⦁手工拌麵配松露塔塔醬雞絲 $68我就嗌左一份set lunch 入面有松露塔喜醬雞絲、麻辣鴨血拼素鴨、自家製椒麻伴麵。 松露塔喜醬雞絲有齊雞絲、青瓜、醬，輕輕一撈，松露塔塔醬就已經勁香。而鴨血就勁香麻辣味，超級入味。最後果拌麵就系台灣世一，麵質唔硬又有咬咩，調味又香口，食落好開胃。 朋友話入面有好多野食都好台灣，下次再黎試下先。

想食蜜糖吐司就想起了茶木, 招牌的草莓吐司, 食物水準仍然保持, 環境舒適今日點了草莓香草蜜糖磚塊滿滿的草莓, 綿花糖、草莓雪糕、忌廉及三塊厚吐司, 吐司烘烤得很脆身, 果然是招牌甜品蚵仔肉碎泡飯蚵仔份量都多, 每粒蚵仔都很肥美鮮甜配上肉碎的泡飯, 每一啖都好足料紅燒牛肉麵紅燒湯底濃, 牛肉炆得非常軟稔, 喜歡配上了酸菜, 很開胃蒜香麻辣豬耳朵蒜香味濃但麻辣略淡, 加上青瓜更加爽脆有咬口飲品🍹西瓜柳丁蘆薈橙味加上西瓜味道很清新, 非常解渴, 還有粒粒的蘆薈再增加口感檸檬愛玉天氣開始熱最適合飲清涼酸爽的檸檬系列, 酸甜可口、冰涼透心

去過好幾間唔同嘅分店，呢間比我嘅印象係最好，下午五點唔使排隊，由點菜到上菜都係10分鐘時間，一次過連埋甜品落單剛剛好，食物質素本身已經有保證，呢間分店仲特別好食，可以再去。

太耐無得去台灣就好想食台菜，講起茶木，一定會諗到佢既古早紅燒牛肉拌麵同蜜糖磚塊！Weekend下午茶時段去到門口都唔洗排隊可以直入，兩個人仲可以坐舒服既沙發位，枱同枱之間都隔得幾遠，疫情下都可以食得放心。先講佢嘅紅燒牛肉拌麵（$74），牛肉係半筋半肉，配料就有已經炆到好淋紅蘿蔔同白蘿蔔、鴨血、溏心蛋、豆乾，睇落去都好豐富，麵底既分量都好多。鴨血會有少少麻辣好惹味，拌麵既味道好夠但又不會太鹹，媽媽表示好滿意！跟住就係我好滿意既曲奇巧克力蜜糖磚塊（$68），最上層係曲奇碎、朱古力雪糕、cream、士多啤梨，下面就係蜜糖烤厚吐司，外層烤得好酥脆，入面仲好軟好香。整體口感好豐富，又凍又甜既雪糕加半融既cream，配上烤熱的吐司🍞，絕對係好完美既飯後甜品！

叫咗一個lunch Set有三款小前菜高麗菜配一啲沙律汁，唔錯茄子夠軟身，配左一啲類似照燒汁嘅醬汁，甜甜地幾好食糖心蛋夠粉甜, 不錯豬手分量就比較不多，只有兩舊但配以白蘿蔔、紅蘿蔔，同埋一啲洋蔥整體都夠豐富，營養亦都足夠豬手嘅醬汁係以酸味為主調，我稍微覺得酸咗少少但係都算唔錯嘅白飯配以魯肉，十分之開胃LUNCH 跟一杯飲品，有一些唔使加錢珍珠奶茶等等其他特別飲品，都係加幾蚊至10幾蚊整體需要+1 座位坐得幾舒服，而且乾淨所以性價比還可以