茶木‧台式休閒餐廳 (創紀之城五期(apm))

營業中

休息中

太耐無得去台灣就好想食台菜，講起茶木，一定會諗到佢既古早紅燒牛肉拌麵同蜜糖磚塊！Weekend下午茶時段去到門口都唔洗排隊可以直入，兩個人仲可以坐舒服既沙發位，枱同枱之間都隔得幾遠，疫情下都可以食得放心。先講佢嘅紅燒牛肉拌麵（$74），牛肉係半筋半肉，配料就有已經炆到好淋紅蘿蔔同白蘿蔔、鴨血、溏心蛋、豆乾，睇落去都好豐富，麵底既分量都好多。鴨血會有少少麻辣好惹味，拌麵既味道好夠但又不會太鹹，媽媽表示好滿意！跟住就係我好滿意既曲奇巧克力蜜糖磚塊（$68），最上層係曲奇碎、朱古力雪糕、cream、士多啤梨，下面就係蜜糖烤厚吐司，外層烤得好酥脆，入面仲好軟好香。整體口感好豐富，又凍又甜既雪糕加半融既cream，配上烤熱的吐司🍞，絕對係好完美既飯後甜品！

叫咗一個lunch Set有三款小前菜高麗菜配一啲沙律汁，唔錯茄子夠軟身，配左一啲類似照燒汁嘅醬汁，甜甜地幾好食糖心蛋夠粉甜, 不錯豬手分量就比較不多，只有兩舊但配以白蘿蔔、紅蘿蔔，同埋一啲洋蔥整體都夠豐富，營養亦都足夠豬手嘅醬汁係以酸味為主調，我稍微覺得酸咗少少但係都算唔錯嘅白飯配以魯肉，十分之開胃LUNCH 跟一杯飲品，有一些唔使加錢珍珠奶茶等等其他特別飲品，都係加幾蚊至10幾蚊整體需要+1 座位坐得幾舒服，而且乾淨所以性價比還可以

行街行到累，就搵間坐得舒服少少既地方食晚餐想講吓佢個沙律雞絲撈面，沙律和雞絲既味道又幾夾，個撈面有少少辣幾開胃，值得一試另外杯白玉苦瓜汁，喜歡甜中帶苦既朋友應該會鍾意，但如果好似我咁，鍾意苦啲既朋友，落order時應該落埋少甜，咁個苦澀味應該會突出啲食物質素 75舒適度 78性價比 70

好耐都冇食過茶木，今日就去試下先😆茶木呢間都唔洗點介紹，好多人都識，但原來佢都出左好多新款野食，就等我介紹下啦💃🏻佢呢杯脆脆黑糖瀑布珍珠奶茶就真係超邪惡，不過好吸引，所以叫左😌😌唔食又點減呢😌杯野個底係黑糖珍珠奶茶，面頭有層奶蓋，再有芋圓做裝飾，外面仲圍住厚厚既朱古力醬加脆脆，真係好肥，但點都要試🙊🙊好味好濃之後叫左個鴨血伴麵，個麻辣鴨血真心好辣，佢係做到好麻果種感覺，好中意食辣既你一定要嗌，我就米搞啦😎個麵都ok既，唔會好乾個鹽酥炸雞扒麵我將佢轉左新竹米粉，快雞扒都好大塊佢都係炸到啱啱好，唔會好厚粉，肉質都幾嫩👍🏻🍗黑麻油雞翼就一般般，隻色睇落去好入味，但個味唔夠濃，唔係好帶出黑麻油嘅香味

連鎖餐廳茶木質素一向都唔會差太多，下午茶時分去唔使等位，仲有卡位坐。下午茶抵食在於包一杯$38飲品，多過$38就補返差價。紅燒牛肉麵，招牌，冇咩特別好講，幾好食，牛肉好嫩口，一兩啖就咬得開。

帶住小朋友出街最緊要坐得舒服、一入門口就已經問靚仔哥哥有冇BB櫈、哥哥話有！仲可以安排卡位俾我哋！行咗幾間都冇BB櫈真係無奈 😞今日係平日所以有午市套餐？帶返頭盔先星期六日我未去過唔知😹 叫咗三杯土豆牛復腩套餐！一上枱已經覺得抵食 😹 牛嘅份量好多！食落好有台灣滷水味、重點係咬落去一啲都唔韌、半筋半腩咁！份量多到我食唔晒分咗俾老公 😹滷肉飯唔會過鹹油淋淋非常好 、仲要係珍珠米 🤪 最鬼憎有啲滷肉飯食到成口油！配菜個糖心蛋做得非常好 😆 唯一覺得古怪個娃娃菜點解要加芝麻醬 😞 硬係覺得唔夾！套餐我揀咗冬瓜茶唔使加錢 😼 甜到啱啱好又有冬瓜味！之前去過另外一啲餐廳甜到飲唔到落去要叫佢加滾水 🥲老公叫咗手工拌麵套餐！啲面咬落去好煙韌、個辣到啱啱好好鬼過癮 🤪個半筋半腩份量好多！牛筋牛腩真係炆得好腍 🤤 我食晒成半碗牛筋🤭鴨血係一般貨色、反而個素鴨有驚喜咬落去好有口感 🤤 可能係因為佢厚身的關係 同埋好入味 🙈台式酸梅冰有啲甜下次可以揀少甜！總括來講喺觀塘來講呢一間值得再嚟 價錢合理服務又好

今日本身諗住食牛大人，點知去到嘅時候入咗已經要等8:30後🥲諗落感覺會食得無咁盡興，所以決定去APM求其搵間食🙈最後就選擇去食茶木😋紅燒牛肉麵湯食落好香好濃郁，而呢一個牛肉湯就係冇藥材味嘅，對藥材味反感嘅朋友們可以放心食呢個牛肉麵👍🏻入面有幾件牛筋腩，炆得好軟林林，亦有兩件紅蘿蔔同埋一件白蘿蔔，紅蘿蔔就冇嗰浸草青味，食落仲好甜添😋而佢嘅手工麵亦都好有口感，我幾鍾意嗰種粗幼不一嘅感覺，麵條亦都可以掛住湯汁，有一樣嘢要留意嘅係，佢碗麵係有芫荽，唔鍾意芫荽嘅朋友就記得要講聲走莤啦另外講一講送餐嘅時候發生嘅意外。係送上紅燒牛肉麵嘅時候，送餐嘅侍應唔小心倒瀉咗啲熱湯，令到我哋嘅口罩同埋枱面都濕左一半。所行嘅係佢哋都非常之有禮貌，不斷向我哋去道歉，而且應變嘅速度亦都非常之快，即時有其他同事送上濕紙巾同埋安排換枱（我哋冇要求過換枱）。喺埋單嘅時候，負責收銀嘅嗰位侍應仲記得我哋，同我哋講唔好意思添😄咁好禮貌同埋應變得咁快令我哋完全冇怨言‼️反而加分✨

茶木係一一間可以提供高質嘅台灣菜式的店舖，但係價格來講會比較偏高！但係佢哋嘅座位都好舒服，當日同朋友傾咗大概三個鐘頭，都冇俾侍應生趕走！ 係傾偈嘅途中覺得都需要食少少甜品配搭一下，就叫咗下面嘅甜品，呢個甜品係茶木最好食嘅！所以你都慘啦我嘅你一定要揀呢個甜品黎食吖！

又到Happy Friday🥳決定唔帶飯，同同事出去食揀咗茶木。台式嘢食原本我想食雞絲撈面，但賣晒所以最後我哋兩個都叫麻辣牛肉撈面啲面好煙韌 好有口感我覺得辣道啱啱好 帶小小麻但同事話嫌唔夠辣唔夠麻😅之後仲叫咗個甜品😋飽到要捧住個肚走🤰🏻😂

其實茶木我食咗唔少次係各個分店元朗屯門旺角⋯⋯但呢次係最奇怪嘅一次有可能呢次都係最後一次食我食緊嗰陣時問都唔問就整盤嘢端走而且我成個用餐時間都未够20分鐘我係快要食完得一舊排骨同埋幾啖飯趕人走都唔使咁吧呢次嘅排骨都幾好味小菜就求其啲基本上冇味道碗碟有啲油膩友人柯打嘅塩水雞翅就話係一啲味道都冇座位呢次都係最唔舒服嘅一次都唔算繁忙時段但係四人枱就隔成两人枱有啲難解釋佢係點隔嘅就係餐盤啱啱fit嗰個枱真係坐得好唔舒服（因為唔開心嘅體驗，所以呢一段有可能唔够主觀）

記得好幾年前茶木好紅，個個去都食佢打卡蜜糖磚，勁大舊。雖然而家冇之前咁多人講，但我依然仲記得咁岩經過，回憶味道湧出黎，就入左去再食下今次兩個人叫左草莓味蜜糖磚塊，味道同之前差唔多，但太大舊，同食食下又漏又頂胃，睇黎兩個女仔食要當正餐先得

是日假期同媽媽遊完車河，去到apm泊好車已經2點餓到傻，於是我地就決定邊間餐廳條隊最短就食邊間😂😂等左一陣茶木就位唔理3721就入去醫肚🤪假期沒有任何套餐，全部單點，我地各自叫左一個主食同一杯野飲😋炸雞排肉燥飯$72一個飯收70幾蚊，所以份量都算多😂雞排塊塊大大舊，肉燥加埋半隻流心蛋同咸酸菜撈飯食一流😋紅燒半根半腩牛肚麵$76牛嘅份量唔算多，反而蘿蔔就大大舊🥲不過加埋d麵媽媽都話夠哂飽嘅草莓櫻姬$40呢杯打卡一流，夏天飲完凍冰冰勁正，連隔離檯個姐姐望到都忍唔住要搭訕😂初初叫個陣唔知枝飲管原來食得，咬下咬下冇左少半枝，媽媽重以為我呃佢，好彩自己有帶環保飲管出街，如果唔係食剩半條飲管都唔知點飲埋杯野😂綜合鮮果茶$39都係一般水果茶咁入面放左幾種切片嘅生果啦，媽媽本身叫左少甜，但唔知係咪因為杯茶入面有熱情果，所以都幾甜😂怕甜嘅人就唔好叫呢杯茶喇😂😂

星期六嚟觀塘辦事，完事後已經三點幾，大家都有啲肚餓，於是就提議去APM食個下午茶。去到APM，睇水牌，好多餐廳唔知點揀好，於是就想去Food Court度碰吓運氣，但係點知原來Food Court全層關閉，究竟係裝修定係結業呢？再上多層，見到有間茶木，三點幾仍然要排隊。唔理喇，照排啦！等咗幾個字之後終於有位喇。店員帶咗我地入去埋邊，好多食客都高談闊論，環境有啲嘈吵，但係都冇辧法，個肚仔已經打曬鼓喇，唯有點餐啦！我地各自點咗牛肉麵，大大碗好多芫荽（我至愛）！男友點嗰份係香辣牛肉麵（$82），我嗰份係紅燒半筋半腩牛肚麵（$76），男友嗰份牛肉麵嘅牛肉好大舊，好軟腍，應該係牛𦟌位，非常好食。我嗰份因為係牛腩，所以質感比較粗鞋。下次有機會再去食的話，我都情願揀貴少少嘅牛肉麵喇！

尚記得當年茶木啱啱開嘅時候幾咁瘋魔香港當時台式餐廳都仲未好似依家咁成行成市而隨著台式餐廳愈開愈多 「茶木」亦都唔再屬於我口袋名單嘅「餐廳」不過呢日我忽然心血來潮想再會吓佢 點知咁就出咗事 嗰日係閒日嘅食TEA時間原以為會冇乜人 點知爆場結果都坐得幾逼 我叫咗滷牛肉刈包同福州魚丸紫菜湯 再配凍咖啡首先 賣相已經唔得 望落就知個包唔夠飽滿令我更懷念台灣地攤嘅刈包然後所有其他嘢都冇特別個魚丸食食吓仲有股「UP」味（得一粒係咁）感覺唔係好新鮮整體嚟講 食物係水平以下（唔係差得好嚴重嘅）但去到呢刻 其實覺得58蚊食啲咁嘅TEA已經好失落之後飲埋杯凍咖啡就更加唔KAI SIM 因為杯咖啡好重澀味 不過可能有人鍾意呢啲咖啡 只係我唔識欣賞其實我冇叫到甜品反而係隔籬嘅女士叫咗雖然我偷聽到佢出咗事個甜品等咗超過半個鐘都仲未上到枱但當甜品一到時 我齋望都感受到嗰股美味所以當時我就心諗 係咪只係我唔識叫嘢食 所以衰咗呢？

茶木既磚塊真係好誇張如果一個人肯定食唔晒所以記住有人一齊去至share都好食既不過其實岩影相呃like食唔係唔好食既普普通通正常雪糕正常甜甜地蜜糖多士勝在夠大不過都係試過一次就唔會特別再去食哈哈草莓香草蜜糖磚塊