茶木‧台式休閒餐廳 (黃埔天地)

營業中

休息中

平時都有食開茶木, 週末黎多數都要等一陣~今日同女女2個人一齊黎估唔到一黎就有位, 都幾好彩都係叫返平時食開既野, 半筋半肉拌麵呢個都係我同老公平時必食既套餐中意佢地既套餐會有D小食, 感覺多D野食~一舊鴨血 + 一件腐皮卷, 味道唔算好出色! 叫做正正常常平時都會追加小食, 鹽酥雞味道剛好~份量都好足!今日仲要得我自己一個人食, 食量要比平時+++半筋半肉拌麵最鍾意佢有D麻辣, 香得黎又有少少麻辣, 個麵煙UN度剛剛好~真係唔錯嫁!不過一個人食呢個餐對我黎講有D多, 仲要貪心叫多份小食, 不過自己又想食就.....唔緊要啦, hhahahaha....仲有杯柚子餐飲, 呢個唔使+$, 其他台式飲品都要加十幾蚊, 所以冇加到, 埋單百幾蚊不過食到好飽肚同埋坐得都舒服~都算係咁啦!

今晚同朋友去左茶木食晚餐😋😋晚市二人餐 $259 幾抵食！小食要左黃金鹽酥雞 (半份)、黑麻油雞翅(2隻)：鹽酥雞好酥脆，黑麻油雞翅外皮好滋味。主食要左茶香三文魚湯漬飯、香煎沙朗肉燥飯：菜湯漬飯健康又好味😋三文魚亦香。香煎沙朗肉質易咬，米飯粒粒分明。野飲要左(熱)佛手柑水果茶 +$19、愛文芒抹茶歐蕾(凍) +$19水果茶酸甜開胃。抹茶歐蕾有濃濃既抹茶味，仲有愛文芒既果肉！😋另加芒果吉士可頌窩夫 +$18窩夫脆口，充滿牛油味，同吉士好夾。另外仲叫左份鳳梨鮮果甜酸肉配地瓜米粉 $98，好開胃。台式奶茶茶凍 $28既奶茶味夠重，亦好香滑😋

其實都幾喜歡行黃埔花園，商場又多元化，多野買多野食，又近海邊，過去又得，今晚去左搵食，呢間茶木裝修都一樣靚同舒服，地方大。我地2人點了幾款鹽酥雞排肉燥飯， 古早杏鮑三杯雞，糖心蛋，同2個甜品， 草莓香草蜜糖磚塊歐軟，同雪糕芒果吉士窩夫。全部都好好食。先講肉燥飯，就咁食肉燥飯都夠食了，因為肉燥份量好多，又好食，吾會只係咸字，有少少甜同味菜入面，有咬口，炸雞冇得輸，香脆可口。三杯雞不會太辣，用個煲仔有火熱住上碟，好靚又好惹味熱辣辣好食，雞同菇都入味。糖心蛋好味道，價錢又吾貴，真流心，正啊。甜品去到茶木是必食的， 貌相好又好味，所以食完一個又想食多個，先講士多啤梨磚，好大份，但即叫即整，包磚炸得好香脆加上蜜糖同雪糕真係好好味啊！食完未夠喉，點多個窩夫！！超正啊！就算都已經勁飽，都要一食，窩夫外脆內嫩的，又軟的，又熱上碟，超正！呢餐用2個咁完美嘅甜品完結，充滿幸福感啊。

果晚去黃埔搵朋友，傾到有啲餓，見到茶木就入咗去食。櫻花蝦花枝餅炸得表面金黃，咬落去好有蝦味，又唔會太油，點埋個汁食啱啱好。溏心蛋溏心蛋整得好好，蛋白全熟，蛋黃呈半凝固狀，食落去好開胃。軟殼蟹龍蝦汁手作麵軟殼蟹炸得外脆內軟，唔會好粉，仲有好有蟹肉。手作麵果然係自家製，食落質感好好，加埋香濃嘅龍蝦汁食一流。墨魚鮮蝦茶香藜麥飯賣相好吸引，蝦好新鮮，墨魚丸好彈牙，意大利飯煮得恰到好處，軟硬適中，而且粒粒分明，配埋藜麥食好夾，不得不提旁邊嘅綠茶汁，第一次食感覺特別滋味。鳳梨水果茶水果茶可以揀茶湯，我哋揀咗茉莉綠茶。水果茶飲落帶住清淡嘅鳳梨味，同綠茶嘅甘香，倒出嚟份量有三四杯，除咗表面嘅菠蘿，入面仲有其他水果，包括士多啤梨、檸檬、鳳梨、紅桑子、藍莓，全部都好新鮮。粉紅櫻花燕麥拿鐵飲品賣相好適合打卡，表面有一粒棉花糖，同桃紅色嘅花，我哋揀咗少甜同少冰，再另外加仙草凍。飲品帶有燕麥奶香，味道唔算太甜。抹茶鮮果流心歐軟茶木甜品一向出名，即時製作，但絕對值得等，今次揀咗主題店限定嘅歐軟，果然冇令人失望。根據Menu嘅介紹，歐軟包嘅製作好注重酵母。我第一次食呢種包，就算外面用焗爐烤得香脆，入面咬落仍然好柔軟

一諗起食台灣菜好多時都會醒起「茶木」，貪佢選擇豐富味道又唔錯假期出咗好耐冇去嘅黃埔行街，行完街就喺「茶木」食晚飯簡約木系及黑白灰色系裝修感覺柔和，座位全屬沙發椅非常舒適；食物選擇比以前更多更廣，定價合理==========🔹台式滷味拼盤 $86有雞翅、牛𦟌、腩肉、金錢肚、豆腐及溏心蛋以上食材皆滷得入味，墊底花生淋中帶脆，非常香口雞翅飽滿大隻；牛𦟌嚼勁十足；腩肉肥瘦比例各半；金錢肚爽彈軟滑；豆腐超嫩滑帶點豆香；溏心蛋煮得剛好，蛋香不錯推介指數：8/10==========🔹黑麻油雞翅 $585隻雞翅排放整齊，上色均勻雞翅飽滿雞皮彈牙，雞肉緊緻入味推介指數：8/10==========🔹古早牛頰肉麵 $84份量豐富，加入兩大條小棠菜、適量雪菜、芫茜及蔥花牛頰肉軟腍細滑，牛味濃郁甘香手工麵細滑彈牙帶點煙韌；湯底鮮甜而不油膩推介指數：8.5/10==========🔹古早杏鮑三杯雞 $82加入薑片、蒜瓣及紅椒等配料三杯雞份量適中，雞肉外皮脆口，雞肉緊實，鹹甜辣平衡，夠滋味推介指數：8.5/10==========🔹櫻花蝦魚湯浸娃娃菜 $70櫻花蝦鮮甜，娃娃菜鮮嫩，上湯清甜不膩推介指數：8/10

茶木‧台式休閒餐廳 紅磡黃埔天地美食坊(第8期)1樓113號舖Shop 113, 1/F, Gourmet Place (Site 8), TheWhampoa Hung Hom說起茶木, 是台灣美食, 由飯麵小食都有,而最為人津津樂道絕對是他的甜品, 來到回憶一下我學下時期最愛的台食。$48鹽酥雞, 很大碟，酥香美味$38 溏心蛋，溏心蛋黃富蛋味，qq軟軟，黃蛋吸了甜豉油味，一口吞下叫了個黑醋味豬軟骨,很入味又夠軟腍，淡淡醋香加醬油香。自家製台式腸肉燥飯 $82 肉燥很下飯，仲有台灣香腸同半隻溏心蛋呢。清清地加個菜炒椰菜花先，不錯吃，仲有煙肉。TOAST 盒子$88抹茶流心歐軟, 有士夕啤梨, KIWI, FIG, MANGO , 個顏色好靚, 雪糕及生果上，沒人能抵擋這入甜美吃得超滿足，dessert 萬歲#香港旅行 #香港探店 #香港美食 #hkfood #hkfoodie #hktravel #yummy #foodporn #delicious #cuisine # #restaurant #dining #打卡 #網紅餐廳 #dinner #central #supper

開關後未有機會去台灣旅行，又掛住台式滋味，放工後就同家人去咗茶木晚飯。用餐當日係星期一，餐廳九成枱都有客人，但職員都好efficient好快安排到入座！路邊攤小食三種小食嘅拼盤，其中褔州魚丸有驚喜，肉汁多而彈牙，香腸皮烤得香脆，台式風味十足軟殼蟹龍蝦汁手作麵原隻軟殼蟹香脆肥美帶蟹膏，龍蝦汁鮮味，手作麵掛汁力強古早杏鮑三杯雞杏鮑菇份量多，雞肉惹味，配埋爆香咗嘅薑片，佐飯一流櫻花蝦魚湯浸娃娃菜櫻花蝦大大隻，帶出魚湯鮮甜，健康之選櫻花蝦花枝餅維持一貫水準，新鮮炸起熱辣辣，彈牙爽口有機台灣高山茉莉龍珠茶蠟燭保持住茶嘅温度，口感清香，食完煎炸嘢飲一啖消滯最好不過~

茶木一向都幾鍾意食茶木，貪佢坐得比較舒服同食物都唔錯。今次經開紅磡，所以就順路再幫襯！紅磡茶木環境都舒適， 燈光柔和，配番店面木系裝潢。茶香三文魚湯漬飯呢個係新品都幾有驚喜， 通常去茶木都會叫牛肉麵或者小菜，今次見推介呢個新菜式就一於試下。 三文魚煎得岩岩好外脆內軟，配上湯茶同埋櫻花蝦同木魚碎， 大大增加香味同口感！紅燒牛肉麵呢個係茶木必食嘅菜式， 我地今次都有食。牛肉夠淋入味， 麵條好有咬口，夠哂煙靭。黑麻油雞翅麻油味夠哂香濃，上枱已經聞到。黃金鹽酥雞香口又唔油， 夠脆！木柵鐵觀音奶茶呢個真心大推， 茶香， 珍珠有咬口但又唔會太硬！抹茶鮮果流心歐軟甜品一向係放喺另一個胃， 雖然食到好飽， 但都係要食甜品。 佢係鮮果配上綠茶雪糕加烘好嘅多士，個多士盒一切開就會見到流心同麻糬，多重口感，食得好滿足！#foodie #hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #hkfoodblog#hkfoodblogger #followforfollowback #likefo

茶木‧台式休閒餐廳 紅磡黃埔天地美食坊(第8期)1樓113號舖黃埔天地美食坊 住黃埔呢個小天地都幾幸福今日放假，嚟到這一小城區遊遊走走 見到呢間茶木裝修幾好 環境幾吸引入嚟食嘢唞一唞 發覺同以前嘅茶木好唔同新菜式 新面貌！金黃鹽酥雞$48名字來自於它的外觀和口感，外皮金黃酥脆，內裡鮮嫩多汁，帶有微微的鹽味黑麻油雞翅$58以黑麻油為主要調味料 一路食一路聞到黑麻味讓雞翅入味，口感香醇多汁烏魚子元貝手作麵$130融合台灣和日本美食元素的創意料理，口感獨特日式醬油、味噌、鰹魚粉等調味料調成湯汁口感鮮美 加上手工製作麵條 濃郁的湯汁 與別不同粉紅櫻花燕麥拿鐵 跟餐$19Teawood鳳梨酥禮盒(6件）$72鳳梨餡抵讚 外層包裹酥皮 口感鬆脆 香甜可口包裝精美 送禮好睇

小食：黃金鹽酥雞自家製台式烤香腸主食：鹽酥排骨肉燥飯茶香三文魚湯漬飯「推薦♥」310秒慢煮的溏心蛋，熟度剛好，溏心蛋味香濃，肉燥咸咸的送飯一流，鹽酥排骨熱辣辣鮮炸出爐上枱一碗好的茶泡飯，茶湯很重要，不同茶搭配出不同風味。茶香足，茶味清香帶甘，單飲當茶亦可，送飯清清的下暑。三文鱼肉厚實，燒得香脆，搭配茶湯、木鱼碎、米通和櫻花蝦，味道完全融合一齊甜品：芒果吉士可頌窩夫 「推薦♥」酥脆香口又綿綿的，口感不同於別家。近睇實似牛角包，鬆軟分了層次。窩夫熱身配凍身的芒果及吉士醬，邪惡得來也不得不說好吃！+$19 就有✌🏻飲品：有機臺灣高山巨峰烏龍茶「推薦♥」粉紅櫻花燕麥拿鐵原來以為是一杯很普通的凍飲，上枱時遞上好大的玻璃茶樽，旁邊玻璃杯放着用茶做成的冰，巨峰烏龍茶好甘甜，亦因為用了茶冰，不會愈飲愈淡，跟餐加配$19，超正！飲完這杯烏龍茶及食完茶潰飯後，不禁認同茶木的「茶」。記得幾年前，茶木出名是在佢的甜品和台灣面，那時的水果茶也只是用Lipton 茶包，現在見到它重視茶的質素而俾讚，也着重提供多款茶類選擇而開心！

茶木餐廳位於香港黃埔花園，係一間以台灣料理為主打嘅餐廳。店內環境十分舒適，裝潢簡約而有品味，氣氛十分輕鬆，十分適合家庭或朋友聚餐。我嘗試咗佢哋嘅招牌菜式當中，最令我印象深刻嘅係招牌滷肉飯。味道非常地道，肉質鮮嫩多汁，滷味調得剛好，加埋滑嫩嘅滷蛋，一碗飯下肚，非常滿足。另外，佢哋嘅三杯雞亦非常推薦，雞肉鮮嫩，加上滷汁香濃，非常美味，十分配合米飯食用。除咗這兩道招牌菜，我亦試咗佢哋嘅小籠包，皮薄餡多，湯汁鮮甜，十分道地。另外，佢哋嘅紅油抄手亦非常不錯，抄手皮薄餡嫩，加上麻辣的紅油醬汁，味道非常開胃。除了主菜之外，茶木餐廳亦提供多款台灣小吃，例如蔥油餅、珍珠奶茶等等。我試咗佢哋嘅珍珠奶茶，茶味濃郁，加上Q彈的珍珠，非常好味。整體而言，茶木餐廳係一間值得一試嘅台灣餐廳。食材新鮮，味道正宗，價格亦相對合理。店內氣氛舒適，服務亦十分友善，讓食客有一個愉快嘅用餐體驗。如果你鍾意台灣料理，或者想嘗試一下台灣小吃，茶木餐廳絕對係一個不錯嘅選擇。不過，由於餐廳比較細，座位並不太多，建議提早預訂，以免到時候爭搶座位。

茶木嘅麻辣拌麵係令人間唔中就想再食嘅味道，今日又同老婆嚟解解心癮。台式麻辣半筋半肉手工拌麵必點！無論麵質定味道都令人食上癮🤤手工拌麵麵條煙煙韌韌，麻中帶辣，辣中帶香。 牛肉同牛筋都夠軟腍，溏心蛋蛋香濃郁👍🏻紅蔥奶油培根手作麵奶油濃滑，帶有陣陣紅蔥香，撈埋啲煙肉同菇菇一齊食，有啲似食緊卡邦尼意粉噉，好creamy！金黃鹽酥雞份量都幾多，即叫即炸，熱焫焫新鮮炸起，點都好食啦😆黑糖奶茶（+珍珠，+奶蓋）佢啲珍珠奶茶本身都好好飲，加埋奶蓋就更加香滑邪惡😋黑糖奶茶（+紅豆）精選窩夫呢個跟餐嘅精選窩夫係冇吉士同雪糕嘅，但個窩夫本身都好好食，係牛角包窩夫嚟，非常酥脆，勁香牛油味，下次試吓佢啲吉士窩夫先～

黃埔美食坊真係好多嘢食，今日就去咗食茶木！先叫咗一個「台式滷味拼盤」（$86），一碟有齊雞翼、豆腐、牛栢葉、五花腩、牛𦟌同滷水蛋，認真抵食！每樣食材都好入味，特別鍾意食嚿豆腐，真係好香口！第一個餐叫咗「紅蔥地瓜燉牛頰肉配白飯」（$114），牛頰肉用小鍋上，底下有火暖住，放幾耐都熱辣辣！肉味十分濃重，而且炆到好腍，加上飽肚嘅蕃薯，令人好滿足。加咗兩款小食（$44），分別係「自家製台式烤香腸」同「黃金鹽酥雞」，呢個夜市組合好正，香腸加埋蒜片好夾，送飯一流，鹽酥雞份量就超多，而且炸得好香脆，肉質亦都好香嫩！嘢飲就叫咗「木柵鐵觀音奶茶配仙草凍」（加$14），另外再加咗胚芽（$5），奶茶可以配唔同嘅配料，選擇好多，加咗胚芽令個奶茶更香更濃！第二個餐就係「鳳梨鮮果甜酸肉配白飯」（$130），甜酸肉放在喺菠蘿上面，好Grand，個汁酸酸甜甜，好開胃，而配料有菠蘿、火龍果等，好甜好香，令個口感更加豐富！小食方面，又係加咗兩款（$44），分別係「蒜香麻辣豬耳朵」同「黑麻油雞翅」，豬耳份量有好多，唔算辣，但就好香口，撈飯一流；雞翼同拼盤果款好香麻油味，兩隻雞翼只係加廿零蚊，十分抵食！嘢飲就叫咗「雲頂咖啡」

喺黃埔行完街睇完戲，咁啱又到下午茶時間，近近地去咗茶木嘆下午茶。黃埔茶木的格調跟其他分店不同，比較優雅。🌟🌟見到Menu的甜品好吸引，而且我哋lunch食得飽，所以就決定order甜品同小食share。🌟🌟最後order左樱花蝦花枝餅、抹茶鮮果流心歐軟、冰淇淋拼綜合水果吉士可頌窩夫、飲品就叫冰淇淋鳯梨沙冰和四季青萱鮮果茶。🌟🌟樱花蝦花枝餅，口感香脆，清爽不油膩，用料扎實飽滿。🌟🌟抹茶鮮果歐軟係限定店才有，梗係要試吓，外層脆卜卜，裏面鬆軟，加埋抹茶味濃嘅流心和抹茶雪糕，十分之好嘅配搭，多重享受。四季青萱鮮果茶，烏龍茶加新鮮生果，味道清新，感覺健康。🌟🌟冰淇淋拼綜合水果吉士可頌窩夫，口感外酥內軟，比普通的窩夫口感更豐富，配上軟滑的吉士醬，好食到停唔到口😋🌟🌟鳳梨味香濃，冰冰涼涼很清爽也很消暑。

為了慶祝朋友生日，要揀一間好的台式食品。因為她非常喜歡食台式食物。黃埔的 茶木 ，在我腦海裏一想，就彈出這個名字。我們點了凍脆脆黑糖奶茶杯牙茶木香辣牛肉麵鳳梨沙冰配曲奇妙趣雪糕路邊攤小食黃埔的茶木，地方寬敞，裝修美輪美奐，很有台灣風格，非常適合聚會。凍脆脆黑糖奶茶杯牙非常好喝，茶味濃郁，加上黑糖的甜而不溜，黑糖促進血液循環。可加珍珠或杯牙或紅豆，我選擇了加杯牙，這是一個非常好的選擇，幫助消化。香辣牛肉麵非常好吃，辣度非常夠。牛肉肥瘦適中，牛肉大大嚼，一碗兩個人食都無問題。這道菜的味道帶有非常正宗台灣麵。我朋友就點了鳳梨沙冰配曲奇妙趣雪糕，這是一道非常特別的甜甜飲品。鳳梨沙冰非常清爽，而且配上曲奇妙趣雪糕，味道更加豐富。這是一道非常適合夏天的飲品，讓人吃得非常開心。路邊攤小食，是有趣的小食拼盤。台式腸非常香，保留了原有的台灣味道。炸雞扒的油炸味道非常正，不是那種返炸油的味道。炸魚蛋還保留了魚蛋的彈口感，非常好吃。價格非常實惠，店內員工非常友善，是個 完美的午飯體驗。朋友也非常開心。