茶木‧台式休閒餐廳 (V Walk)

營業中

休息中

中午黎到深水場南昌鐵路站的v walk茶木，行到去坐低近窗旁既位置，中午陽光好猛烈，好在室內冷氣都好足夠，所以都好舒適。我看到餐牌內既午市套餐，都幾好就點了這個。前菜有3樣，有少許菇，少許菜，少許肉腸，主菜我點了土豆牛復腩同埋肉燥飯，飲品就點了凍紅豆薏米水。前菜少少地味道都不錯，反而土豆牛復腩就幾入味有腩有根味道很好啊！肉燥飯既肉燥比較少了一點，但就叫剛剛好，凍既紅豆薏米水都不錯，可能我覺得會似紅豆沙，但其實只是一粒粒紅豆口感比較硬，但整體都不錯，可以再食。

茶木近幾年開得越來越多連落單都可以自己搞掂 咁店員就唔會咁忙又唔會又落錯單嘅情況出現😼加上自助落單有英文版本 所以男朋友都可以自己落單唔使我翻譯✌🏼我就叫咗個黑醋炆豬肉男朋友就叫咗個肉燥雞扒飯仲試埋杯芒果沙冰黑醋炆豬肉份量足夠味道夠入味 唔會太酸有大量嘅膠質 送飯一流！🫱🏾‍🫲🏽肉燥雞扒飯嘅肉燥可以選擇另上 份量男女都夠食！反而芒果沙冰就有啲過甜 味道有啲太化學但呢個價錢簡簡單單睇戲前食都差唔多環境唔會太嘈 平日去唔使等位我哋兩個人都有張四人枱👍🏼

第一次黎南昌呢個商場，都幾大幾好行，行到攰就想食個high tea，今次同朋友3個人一致決定揀係茶木食下午茶，安排坐係窗邊卡位，望岀去個環境都幾舒適！草莓香草蜜糖磚塊 賣相靚，打卡一流！士多啤梨都幾大粒，蜜糖磚塊好脆口，不過略嫌甜左少少！宇治抹茶奶蓋呢個有點失望，食到一粒粒未融的芝士，抹茶粉亦未融，奶蓋本來應該要好rich好濃厚，但呢杯好淡好失色！整體黎講，係個傾計談心嘅好地方，不過食物方面有進步空間！

星期日的晚餐梗係要食小朋友最鍾意的茶木，今日去了V·Walk度行街，又見到有茶木這間餐廳所以入咗去試下，因為是新開的裝修比較乾淨企理，陪小朋友食飯梗係要嗌返個兒童餐💋💋💋💋兒童套餐有一杯橙汁肉醬意粉炸魚旦、炸番薯條、炸雞翼、也有一些生果預備給小朋友👍👍👍👍👍有咁多款食物一次過滿足晒香煎沙朗肉燥飯茶木的肉比一般的台灣店好食，比較乾身唔會太濕配珍珠米一流，小牛扒細細塊易入口，充滿牛味😋😋😋😋

拌麵推介又去茶木食lunch，因為鍾意食佢嘅鴨血同埋拌麵，一直都是開松露塔塔醬雞絲拌麵，今次改為試佢嘅台式麻辣拌根本牛肉拌麵配菜同另一款餐一樣，都會有鴨血及素鴨各一，拌麵亦係同樣，再配上半隻半流心蛋主食既半筋半牛肉，麻辣程度一般，似十小辣等級。可惜牛肉全為肥牛，可能與期望有少少落差，以為係牛肉。另外大概有三舊牛筋，份量都算夠今次餐飲揀左紅豆薏仁水，感覺有驚喜，除了材料足，有大量紅豆外，更飲到一絲絲薑味，夏天飲非常好👍，值得一試

好耐冇食過茶木啦，以前仲記得茶木啱啱嚟香港嘅時候真係好多人成日都排隊走去食嘢！今次咁岩經過又好想食，所以就走咗入去啦！叫咗一個紅燒牛肉湯麵，另外仲有一個鹽酥炸雞！牛肉湯麵真係好香，呢一度嘅湯麵份量好多，而且面嘅質地亦都好有口感！紅燒牛肉就好好食，好林！

lunch推介難得可以平日食到lunch，點都要食餐牌上嘅lunch Menu，價錢相比晚市就會平好多今次揀咗松露塔塔雞絲拌麵，個餐嘅特點係有微辣鴨血，所以其實人人都啱食，另外亦有個腐皮。至於松露塔塔雞絲，其實係指一啲沙律汁撈雞絲，入邊亦有花生和芫荽，感覺上比較似食沙律，非常開胃。主食嘅拌麵好有口感，加上醬汁，麵身亦可以掛到汁，再加上半隻糖心蛋，整體都非常豐富。食set既好處係可以配一杯飲品，熱飲唔使加錢，所以揀咗黑糖薑母茶，食完成個餐全身暖笠笠，一定會再encore

又去咗茶木~其實主要係食佢個特價麵包磚😁今次發現冇咗芒果味！得返士多啤梨同埋朱古力味😥雖然佢做緊特價，麵包磚嘅份量都係同以前差唔多🤣然後我哋另外叫多咗個主食， 紅燒豬軟骨麵，其實就係豬軟骨+平時嘅台灣麵，佢個湯底應該有牛肉做嘅~ 所以如果唔食牛嘅人要注意啦😄然後我哋發現有一欄係加肉燥同埋白飯，白飯同肉燥一共係分別加10蚊同埋12蚊~我就試下各加一份睇下會唔會出到單🥰發現出到喎~飯都幾大碗，都夠曬你食㗎喇😁結果我哋就係180幾蚊可以出返去🤣都總算食飽咗🤭🤭🤭

【Teawood紅燒牛肉麵】$79好食的牛肉麵，牛肉夠腍，湯底夠濃，𣎴錯的午餐。【台式麻辣半筋半牛肉手工拌麵】$68麻辣撈麵好惹味，仲有半隻糖心蛋！！！！😋😋鴨血好食， 唔會太騷， 腐皮好脆！但唔吸味，所以普通。左邊果碗係牛，有肥牛同牛筋！不算超級辣，但勝在夠香😋😋【草莓沙冰】+$15沙冰普通，唔知點解放一陣，會分離左d水出黎，但要攪勻就無事，最有趣係杯沙冰會有枝可飲用的飲管，係士多啤梨味架🤣【瀑布珍珠鮮奶】+$14黑糖鮮奶味可以，但珍珠無味，所以麻麻地 😜😜回頭率：🐒🐒🐒🐒（max 5）抵食指數：🌕🌕🌕🌖🌑

冇錯，又去茶木！但係以往茶木比我嘅印象都係偏貴，因為裝修靚坐得舒服嘢食又OK。琴日我嗌左佢哋個晚市套餐，但係唔要套餐😂😂松露塔塔醬雞絲 $69呢個餐已經有一碗自家製椒麻拌麵（其實唔好辣，只係有輕微輕微嘅麻，我個五歲仔都食到兩條麵，你就真係唔辣），仲有一件鴨血同素鵝。加埋餐就唔抵啦，加$38有一杯嘢飲同一個小甜品。我覺得唔值所以冇嗌。在幫仔仔嗌咗一個兒童飛機餐$68，佢個名叫做興奮沖天飛！呢個餐就好食啦！小朋友冇可能唔鍾意！兩粒魚蛋，幾條番薯薯條，台式腸仔，超級好味！而家多士佢哋做緊優惠！$68有得食佢哋好出名嘅草莓香草蜜糖磚塊，原價$83 㗎！係有啲眼闊肚窄嘅，但係咁平冇可能唔嗌囉！

好食的鹽酥雞麵鹽酥雞大細剛好一啖一口，炸到脆卜卜又不會柴乾咁，非常香口好食。粗麵加上濃湯真係一碗唔夠食，如果可以多啲麵就好喇😝蚵仔煎配上辣醬味道剛好，不知是否煎過的關係，蚵仔腥味不太重🤔。反而個蚵仔麵線就較為遜色，蚵仔食落好腥，麵線分量亦較少，芡汁亦稀咗啲，似細碗版嘅蚵仔湯麵多啲。這個砵砵車是兒童餐，不是下午茶餐。肉醬意粉食得多，肉醬麵又ok喎。仲配埋雞翼、炸蕃薯條、炸花枝丸同埋水果，小朋友一定夠食仲非常飽添呀。

平時好少約朋友去南昌站食飯，始終東涌線唔係個個順路，但今晚同住青衣嘅舊同事食飯所以可以擇v walk✌🏻對比其他分店，南昌分店明顯比較細間，不過環境OK坐得舒服，我哋坐到窗邊位仲可以望到街景！台式拌麵、湯麵、飯類價錢都唔算太貴 ，飲品除咗台式奶茶之外，仲有一啲特式飲品，好似花茶、水果茶、沙冰、咖啡等等⋯ 「310溏心蛋肉燥飯」😋肉燥醬香濃，肥瘦適中，溏心蛋未去到流心效果，但食落口感軟滑，所有野夾埋超好撈飯！胚芽奶茶最底層有黑糖，飲落唔甜，最鐘意每一啖都有粒粒胚芽口感，如果胚芽再多啲就更好😛

未行過南昌站V Walk商場，就係西鐵站一行去出口就到，真係好方便。好耐冇食茶木，所以就決定去食下，平日夜晚都有晚餐set。入面裝修得幾靚，商場人流都多所以要等位，入到去安排左個窗邊位，最中意坐窗邊卡位，兩個人坐幾闊落。晚餐set叫左個滷水拼盤，款式夠多但個滷水汁就明顯唔夠，而且加上配飯就覺得好乾爭爭。飲品方面就揀左黑糖薑母茶，個薑茶我個人覺得唔太夠薑味。甜品揀左豆花仙草，賣相都唔差。追加左黃金鹽酥雞就正常水準，不過不失夠酥脆又唔會太多炸粉。另外再追加左碟白灼時蔬得幾條個人覺得唔太值。唔想食set就單點左個酥炸排骨肉燥飯，份量都幾大，所以食唔唒。不過今次因為太飽就冇叫到多士，見到做緊特價好吸引，下次再試。豆花仙草酥炸排骨肉燥飯台式滷味拼盤白灼時蔬

今晚又係同細妹撐枱腳嘅日子，我哋揀咗食台灣野，阿妹今日介紹咗我飲一杯黑糖珍珠奶茶，的確比一般係街邊飲嘅好好味，奶茶好滑，珍珠柔軟又淋好煙韌之後仲要整多碗鹽酥炸雞扒面，雞扒分量十足，面嘅湯底都好濃郁其實食完都好飽，但係最後都叫多咗個滷水拼盤，拼盤好入味，最鍾意食佢個滷水雞翼同埋滷水牛展，好入味，呢間又唔需要排隊，服務員態度好好，呢間啲嘢食又上得快，成個用餐過程又乾淨衛生，唔錯唔錯，餐廳亦都做足防疫措施，食得開心又放心

以前講起茶木，就會諗起大大件麵包多士甜品，疫情期間又推出外賣自取優惠，於是就試下。嗌咗個豬手和炸雞扒肉燥飯，肉燥份量唔錯 ，有少少油膩，不過這就是台灣肉燥的重點嘛。豬手有點硬身，可能外賣擺耐左嘅關係啦，炸雞扒份量算可以接受，總括來說食物質素喺合格有餘嘅