茶木‧台式休閒餐廳 (V Walk)

營業中

休息中

好耐冇食過茶木啦，想當年成日同朋友黎食，最早既窩夫多士熱潮都好似係由佢開始架😂打開menu，已經見到好出名既姜濤bb推介新推出海鹽珍珠奶蓋岩漿蛋糕🤣有新野當然要一試。海鹽珍珠奶蓋岩漿蛋糕珍珠奶蓋奶茶就飲得多，變成蛋糕咁真係未試過。戚風蛋糕鬆軟，上面全部都係滿滿的奶蓋。奶蓋濃厚，加埋戚風蛋糕食唔會太膩。頂部的杏仁脆脆增添口感👍一切開入面的q彈珍珠湧出黎好正呀😋話梅粉地瓜條呢款地道台灣小食，我每次去台灣都必食😆新鮮炸好的蕃薯條，自身的 甜味加上話梅粉的酸味， 味道恰到好處。👍

想搵間餐廳同朋友坐底傾下計，茶木絕對係個好選擇。早幾日同朋友係新商場v walk不知不覺行到晚飯時間，於是就入茶木食埋晚飯。首先我地叫左個話梅粉地瓜條，地瓜條就食過不少次，但係配上話梅粉就第一次，食落酸酸甜甜咁去左啲炸地瓜條嘅油膩，係幾特別嘅一道小食。另外叫左個麻辣拼拼，拼了豬耳同雞腎，呢個麻辣味好突出，食到條脷都麻左，豬耳同雞腎好爽口，配上麻辣汁食到停唔到口。最後仲叫左個芋頭墨魚餅，墨魚滑打得好彈牙，配上芋頭食落多了一份軟糯感同香甜，味道不錯。

喺出邊見到茶木宣傳圖影得好靚，個蛋糕好似好吸引，所以就黎左試下。叫左個海鹽奶蓋威風蛋糕，淨係個賣相已經好吸引，影咗好多相，啱曬港女打卡😂😂😂😂個威風蛋糕堅香軟，幾重蛋味。而且加埋海鹽奶蓋，甜甜地鹹鹹地，同個蛋糕幾夾。最正係d珍珠，夠咬口，連埋蛋糕食好似食緊蛋糕版嘅珍珠奶茶😂 好特別同埋最頂嘅toppings 有爆谷 雪糕同杏仁，都幾好食。估唔到茶木出咗新款蛋糕，都真係幾正。而且價錢唔貴，下次試其他蛋糕先！😂😂

平時都係正餐時間黎幫襯，食牛肉麵或者台式小炒。下午餐時間又有乜野食呢？太耐無去台灣旅行，好掛住當地每個夜市必吃既梅子粉地瓜球/條。既然茶木都有，咁梗係要一試究竟，一解想去旅行既心癢癢。成個感覺絕對合格以上，唔淋油、脆漿唔厚同香脆。地瓜條切得唔幼，仍保留口感、內心唔會覺得生，梅粉既出現可以解到油膩感。甜品叫左朱古力曲奇蜜糖磚塊，上菜時令我wow一聲，賣相好誇張。表面朱古力粉蓋住雪糕球，中間係有蜜糖味嘅脆麵包粒。一凍一熱咁食，好過癮下。

記得中學時代，放學或者放Lunch Break都會同朋友仔過來茶木聚一聚。無論午飯或者下午茶都得到合心水的料理。就算再到出來工作也會偶爾過來吃，最近心血來潮想跟朋友坐低吃飯。想跟大家分享一下。每次過來都點選的話梅粉地瓜條，也沒有令我失望。這道菜完全是大愛。蕃薯肉很紮實和甜。小食來說很飽肚很抵食。麻辣豬耳和雞腎是超好吃的，愛吃麻辣小食的人應該很合他們的口胃，這裡的食物除了很多元化，也很大眾化。再來就是芋頭墨魚餅，肉質很結實，飽肚感十足的一道小食，再配特製醬汁，鹹甜的感覺很耳目一新。最後重點要點的兩個甜點，多朋友來一定要點呀，貪心一點，點了海鹽奶蓋戚風蛋糕，外觀賣相一流吸引了我們的眼球。吃起來也驚喜連連，最驚喜就是加入了珍珠，想不到平時我們常飲的珍珠奶茶可以見得到，甜度恰到好處，不會令你覺得很膩。當然，主打要吃的巧克力曲奇蜜糖磚塊是必吃呀，賣相完全是頂級，我個人很建議去吃個甜點，可以說是值回票價。

今日有事行開vwalk，剛好肚餓，朋友話坐低食下野，佢話想食台灣野，咁就決定入茶木食。環境都幾大下，員工接待好有禮貌，都幾舒服。跟住叫左個紅燒半根半腩牛肉麵，湯底以應該牛骨、花椒八角製成，濃而不膩。食一啖面條，好彈牙煙韌。而且牛腩好焾身，色澤平均，夠牛肉味。牛根入口即溶，份量都夠。聖女茄魚湯煮蛤蜊 : 朋友見到話好似好特別就試下，食落啖啖蕃茄粒，感覺好清新但又不失蛤蜊既鮮味。最後叫左黑糖草莓芋圓仙草豆花，啲草莓好甜，成個黑糖草莓芋圓仙草豆花好豐富既口感，有薏米、芋圓、仙草、珍珠、紅豆，呢個黑糖草莓芋圓仙草豆花做飯後甜品�一流��整體而言，都值得推介價錢唔算貴。