茶木‧台式休閒餐廳 (Citylink)

營業中

休息中

以前食過幾次茶木既甜品都覺得一般，今日見出去沙田做野，又諗唔到食咩 於是黎左呢間茶木分店。同事話牛肉麵好食，咁我就試下啦🤔試左蘿蔔先，幾入味清甜又無根，唔錯牛筋好腍唔會有渣，牛味都ok!雖然得三舊但每舊都好大份好足料👍只係個湯太濃味咸左啲，同埋凍左會有微酸，清啖番少少會更好。

今日假日見茶木排隊的人不多，於是和友人一起去吃吃看排隊時見到很吸引的蛋糕甜點，不過今次食完個午餐因太飽而無緣一試店內雖然坐滿了人，但坐位不算是很迫，空間感都尚算可以我選擇了這個紅燒牛肉麵友人選擇了酥炸排骨麵有很多不同款式的花果茶可供選擇，最後決定要個水蜜桃花果茶2人共享先來的是水蜜桃花果茶，配上蜜糖味道很好再來的是紅燒牛肉麵，麵身很彈牙，牛肉也處理得很好，整體來說很不錯友人的酥炸排骨麵，試吃了那個炸排骨，真的很鬆化，喜愛香口的真的很推薦最後埋單2位共$207.9，真是假日聚聚的好地方

茶木一直以黎都係我嘅心水餐廳，第一因為佢價格合宜，第二係我一直偏好台式料理，特別係台灣牛肉麵。沙田嘅茶木往往比較少人排隊，店員都會好親切同你閒談一兩句～今次我同樣叫左我嘅最愛—紅燒牛肉麵～湯底本身已經好濃牛肉味，麵條都有手工製嘅感覺！每次食茶木都唔會令我失望🤤💕

之前食過幾次茶木，感覺一般，今次係無咩選擇下食多次，叫左幾樣同之次不一樣的食物，蠔仔泡飯，麻辣雞腎，流心竹碳吐司同黑糖紅豆珍珠奶茶。兩個人份量岩岩好👍🏼👍🏼👍🏼個蠔仔泡飯都幾多蠔仔，味道很不錯🤤麻辣雞腎好出色，不時食果啲都好硬，但今次食好lum, 個辣醬好香🤤竹碳吐司都不錯，無其他吐司咁多包，一切中間都係流心，應該係即刻order 即係刻做，新鮮👍🏼👍🏼杯珍珠奶茶正常，味道不錯，但無咩驚喜

沙田呢間茶木喺個角落，真係唔行入黎都見唔到rmv,不過夜晚都幾多人排隊食。一行四人叫左唔同嘅主食，最後食埋個招牌吐司甜品朋友點左新野：松露起司帶子紅糟麵，幾好味喔，有松露嘅香味，麵嘅質地都好彈牙。而我就最喜歡佢嘅豬軟骨，夠晒淋。當然個吐司甜品好新鮮，好好味喇。不過而家已經要$68喇，都幾貴。不過自己懶得整，無計🤣

今日同朋友仔喺沙田行街，行到攰就睇下有冇地方可以坐下、飲杯野咁啱citylink有間茶木，就即刻坐低休息下3點半左右入到去，冇咩人。個度裝潢係鐵路軌，幾有格調我叫左杯凍mocha ($35)，朋友叫左杯熱桃花茶($41)。朋友杯花茶先上，好大壺！超級多桃肉試左啖好香桃味，佢本身仲有一小兜蜜糖，係桂圓味，同個花茶好夾之後我杯mocha到喇好靚好大杯呀，朱古力味好濃又唔會太甜我地傾傾講講一路飲環境好舒服，服務員又好態度

想找個地方坐坐，吃一點東西，見到平時大排長龍但今天人少少，便走進這間好久沒光顧的茶木我叫了麻糬洛神慕昔 和松露帶子起司紅糟麵看起來跟照片沒出入！ 但不像menu説的喝著這個飲料，就像陪你感受人生的複雜程度，而是酸酸甜甜好味道！飲品賣相吸引，淋了少許果醬，士多啤梨很甜。份量挺多的麻糬十分QQ，裡面有很大個香草味的雪糕球，但整體不會過甜，有洛神花果醬的酸中和一下，大大的喝一口，滿足~賣相也是很吸引呢舖上少許松露的兩大塊帶子口感彈牙鮮美，伴隨著淡淡的松露香氣。紅糟麵顏色十分美麗。這個紅糟麵是手工麵，至於顏色是是由紅酒糟或紅麴酒發酵後而得的酒糟加入麵條中。麵條比較粗，十分彈牙有口感，上面掛著芝士忌廉汁和一些菌類，味道香濃，令人一口接一口。但紅糟麵可能是被濃厚的忌廉汁蓋過，沒有一點紅糟的微酸和酒味，不過廚師可能只是用來令麵條顏色更美，不關味道事，哈哈 另外麵條份量可以再多一點～

茶木每間店嘅主題都唔不一， 所以店內嘅擺設都不一。沙田分店正正望向火車站，所以分店以火車為主題， 牆上畫有火車路軌圖案。當日用餐正遇上好天氣 ，藍天白雲下，一路用餐， 一路向窗外景色 ，心情大好🤗之前去過其他嘅茶木分店， lunch都有套餐 。好可惜沙田呢一間係冇lunch set 。飲品要另外單叫，最平都要30幾蚊。所以我們都只係單叫食物而已。參考餐牌的圖片，泡飯滿佈蚵仔，其實到真品到餐桌時，也不令我們失望 😊泡飯內有不少蚵仔、肉碎、芫茜 、切了的絲魷及蒜片。整碗泡飯味道好濃厚，食材份量不少，口感好豐富。但由於泡飯湯底加了不少調味料，邊食邊擔心餐後會好口渴。肉碎中的瘦肉偏多，整體不會太肥膩 。用上台灣香腸，脂肪比例較我地平時食既雞肉腸高，所以特別香口。餐碟側有配菜，用欖油調味後的雪菜味道不是太討好。提外話: 用膳當日是平日，我地在餐廳外等待的時候，見到餐廳內有不少空桌。但侍應遲遲還未給我們安排座位。用膳時，也不時看到侍應開玩笑，邊收拾餐桌邊玩，不太專業。到我們結賬時，同樣的事情又發生。餐廳環境、食物也不錯，服務則有待改善。

俗語話忙裏偷閒，時間真是要偷回來的。要在忙忙碌碌的平日工作生活裏，真要在適時適當適量地去愛錫自己。貪吃的我，一向都以美食去慰勞自己一天辛勞的工作，今日，係早咗少少，特意在這炎炎夏日中給自己多點喘息的時間。在沙田火車站樓上這間茶木，給我一個中場休息的好地方，望向落地大玻璃外的景色，綠油油的樹景，當堂身心舒暢。點上一個醬燒豬軟骨麵，湯汁濃郁芳香，豬軟骨入口即溶，加上面前的香菜，提升起食慾。而那杯鮮果冰紅茶，不太甜，茶中有粒粒的雜果肉，更令火熱熊熊的我頓感暑氣全消。這裏店員誠懇的服務態度，更令顧客份外感到滿意。在這閒坐一會，仿似脫離繁瑣的工作，讓內心放一個假期，給稍後從新上路的我注入動力。

唔講唔知， 原來身邊好多人鍾意茶木， 今日回家途中， 有人話想去食台式野， 於是就走左去沙田茶木。有少少奇怪， 沙田店呢度係冇下午茶set嘅，點解呢？散叫我有選擇困難症喎😅。樣樣都想食， 於是點左炸豬排肉燥飯；有人要想食濕濕地嘅野， 就點左蠔仔肉碎泡飯，再點一份芝士雞翼。飲品呢，天氣悶熱，我就點左招牌綜合鮮果茶，人家就點麻糬竹炭奶昔。豬排肉燥飯份量好大，塊豬排大個我隻大手掌，不過就薄左啲， 但味道都好台式，唔算太乾。個泡飯係好大一個湯碗呀，我諗可以兩個人share囉。好多蠔仔， 好鮮味，正！反而個雞翼就普通左啲冇乜特別。全場我最like係杯水果茶，酸酸味味好開胃好fresh， 有好大粒話梅呢。而竹炭呢， 係冇味架🤭我覺得久唔久轉下口味食下台式茶餐都唔錯嘅

因為之前係屯門食過一次覺得幾好味，今日係呢間再食。見到第一眼，心覺不妙，只係夾起一次，已經散曬既炸豬排。 肉質有得你睇到既粗糙。 本來都唔想寫甘多字既評論，但係有位服務員態度真係令我好訝異。 其實，你唔想做，可以唔返工。返工就比d基本禮貌比食客。唔講尊唔尊重，基本服務態度都無。明白連鎖餐廳係比較難控制食物質素，但係培訓方面係唔係可以好少少呢？或者hr請人係米可以唔好甘求其?

中午跟朋友到一田瘋狂購物，連lunch都忘記食添！到了下午茶時間，發覺沙田都開了間 "茶木"， 印像中喺銅鑼灣亦試過佢嘅午餐，水準唔錯，於是我主動介紹朋友去沙田呢間試下，估唔到唔同區份，水準可以有咁大偏差！呢個開心果橙味蛋糕，餅底係已經氧化咗嘅消化餅，不單止不脆口， 仲有些餅乾走氣嘅感覺！綠色部份估計係開心果奶油， 不過完全沒有味道， 蛋糕部份都沒有橙味，只有奶油口感及放耐左嘅表面， 有啲乾身，好難食！好彩飲品方面都保持水準，呢杯鮮果冰紅茶，勝在唔會太甜，入口好 fresh！ 有西瓜，火龍果，芭樂，柑桔，話梅同百香果嘅味道， 夏日消暑一流！

好耐無食茶木,今日行開沙田,晚飯時間又唔算太多人等位,就順便去食紅燒牛肉麵個湯底好濃郁,又唔會太鹹,我覺得味道啱啱好.....牛肉又大件,煮得好淋,好入味D羅白又好甜,好入味...D麵口感爽口又有咬勁蚵嗲肉碎泡飯好足料,有肉碎,魷魚乾&蚵仔...蚵仔好大粒又新鮮,湯底好鮮甜但就覺得略鹹咗少少....草莓香草蜜糖磚塊好吸引呀多士烘得好香脆,加上士多啤梨雪糕&香滑嘅Cream真喺絕配青檸甘桔蘆薈酸酸甜甜好好味

牛肉鮮嫩可口，好軟好正(๑•̀ㅂ•́)و✧差不多可以說是達到了入口即化的程度ψ(｀∇´)ψ麵是粗麵，口感配合這熟悉的紅燒湯底簡直是絕配！下次再去試試甜品~((好吸引

11點嚟到商場想食好嘢，點知舖頭好多都11：30先開我哋hea咗陣係茶木出面等，估唔到平日都好多人食，12點左右餐廳都已經坐滿叫咗3碗紅燒牛肉麵，一個蔥油拌麵，一個手作麵同一個海鮮飯另外小食叫咗鹽酥雞小食嚟先，雞粒唔油，外面炸得酥脆，入面白雪雪好滑嫩，呢個價錢質素唔錯入面夾雜住好多炸咗嘅紫蘇葉，睇個人喜好，我就麻麻地呢隻味呢個蔥油麵簡直係我嚟親必叫item，除咗個麵質做得出色，調味同材料配搭簡直滿分蔥油撈過嘅麵已經好香，加埋花生，炸咗嘅乾蔥同菇，最後仲有上面嘅乾貝所有食材嘅配搭係如此惹味，食完返唔到轉頭，雖然好邪惡，但間唔中食吓都唔過份牛肉麵正常水準有朋友想食辣，原來可以特別要求辣油(雖然都唔係好辣，不過好過冇呢個海鮮飯就最爲失色，可能始終唔係台灣嘢，食唔正佢個飯上面嘅魚較乾，入面嘅魚肉雖然都幾靚，一瓣瓣，但係冇咩味望住呢個景食嘢都幾舒服overall係唔錯嘅