茶木‧台式休閒餐廳 (Citylink) (裝修中)

茶木每間店嘅主題都唔不一， 所以店內嘅擺設都不一。沙田分店正正望向火車站，所以分店以火車為主題， 牆上畫有火車路軌圖案。當日用餐正遇上好天氣 ，藍天白雲下，一路用餐， 一路向窗外景色 ，心情大好🤗之前去過其他嘅茶木分店， lunch都有套餐 。好可惜沙田呢一間係冇lunch set 。飲品要另外單叫，最平都要30幾蚊。所以我們都只係單叫食物而已。參考餐牌的圖片，泡飯滿佈蚵仔，其實到真品到餐桌時，也不令我們失望 😊泡飯內有不少蚵仔、肉碎、芫茜 、切了的絲魷及蒜片。整碗泡飯味道好濃厚，食材份量不少，口感好豐富。但由於泡飯湯底加了不少調味料，邊食邊擔心餐後會好口渴。肉碎中的瘦肉偏多，整體不會太肥膩 。用上台灣香腸，脂肪比例較我地平時食既雞肉腸高，所以特別香口。餐碟側有配菜，用欖油調味後的雪菜味道不是太討好。提外話: 用膳當日是平日，我地在餐廳外等待的時候，見到餐廳內有不少空桌。但侍應遲遲還未給我們安排座位。用膳時，也不時看到侍應開玩笑，邊收拾餐桌邊玩，不太專業。到我們結賬時，同樣的事情又發生。餐廳環境、食物也不錯，服務則有待改善。