茶救星球蔬果茶

營業中

休息中

🥤苦瓜檸檬茶霸王桶 $48 (5/10)飲落去似苦瓜青檸水，食到苦瓜粒，好清新，成杯都係冰，1L份量唔多，冇乜茶味🤣麻麻哋。推薦指數: 5/10Like /follow 社交平台有隻苦瓜豬送，但飲品質數一般😂r

《茶救星球蔬果茶》近期開了很多間大陸手捶檸檬茶的茶飲店喱間就係首創加入苦瓜製作的苦瓜檸檬茶店。苦瓜檸檬茶 ($29) - 手捶檸檬茶入口清爽，帶有一種獨特的檸檬香氣，間中咬到啲苦瓜肉會有淡淡的甘味，係一種幾特別的味道。 。牛油果甘露 ($32) - 牛油果甘露底層有鮮芒果肉，再有牛油果泥打成的牛奶，另外加入爽口的椰子寒天及椰果，整體好夾好balance，非常美味。 每杯飲品上附送一隻迷你麻雀，買兩杯仲會送一隻苦瓜豬仔。

行到熱辣辣又口渴，又唔想再飲咩奶茶🥤，見到有間新嘅茶飲，#茶救星球蔬果茶， 平時火鍋都喜歡吃芫荽🌿，估唔到茶飲都有，一於買黎品嘗下先。🌿芫荽檸檬茶🍋，用新鮮的芫茜，榨成汁液加埋檸檬，叫埋走甜要飲佢嘅原汁原味🤭。飲落很香的芫茜味，加上檸檬的酸酸地，很自然清新口感，解口渴又健康。苦瓜檸檬茶🍋，老友超級喜歡，調較得比例相當好，苦瓜唔會有苦澀味，配上茉莉綠茶很清香，呢杯幫助解渴外，仲有清熱解毒功效。喜歡苦瓜的人經開一定要試吓😉。

手搖飲品店越開越多，無咩特色或者突圍而出既特點真係好難吸引人。但最近我就被【茶救星球】吸引左。茶救星球黎自大陸，裝修超吸睛既藍綠配色，有別於一般茶飲店，佢最出名就係首創苦瓜檸檬茶，仲有幾款意想不到既茶飲。例如斑斕薄荷檸檬茶、芫茜檸檬茶。但係我自己有D怕伏，所以除左苦瓜，另一杯叫普通野。 苦瓜檸檬茶：唔會太苦，就算我平時唔食苦瓜都覺得ok，之後會有少少微微甘苦。檸檬味會比較重，都幾清爽。 葡萄mojito：葡萄糖漿加梳打水、青檸同薄荷，葡萄味唔算重，不過好適合夏天。

熱賣既手搖飲品，店內有地方可以比客人坐低等，仲有賣紀念品，可以加錢購買😆😆.💕苦瓜檸檬茶檸檬味香，用上岩岩熟既苦瓜，幾乎無咩苦味～ 清熱解渴最適合不過！甜度適中，飲落好清新👍🏻.💕牛油果甘露甜度可選擇，冰量係設定好，係碎冰～牛油果味未到好重，反而甘露味更出🤓 食到果肉粒，足料☺️

炎炎夏日，最好來杯冰凍透心涼的飲料。 這間飲品店來自廣州，在當地相當受歡迎，產品採用當季的蔬果，主打天然健康的蔬果茶。當中包括苦瓜檸檬茶、香菜檸檬茶、番茄芭樂茶、斑斕薄荷檸檬茶等一系列出圈產品。 苦瓜檸檬茶這款是招牌首創款式，以香水檸檬配上茉莉花茶調配而成，加上粒粒苦瓜肉及薄荷葉，味道微苦不澀帶清甜。 白桃洛神冰檸白桃甜香怡人，配上酸咪咪的洛神花，搭配香水檸檬，冰涼清爽，開胃解渴。 每杯飲品都會附送小麻雀一粒，大家可以努力集齊一套。 現時新張期間購買茶飲兼拍照打卡，即會送「苦瓜豬」精品一件，茶飲控不要錯過了！

店名: 茶救星球蔬果茶地址: 旺角豉油街33號裕旺大廈地下B號舖旺角站E2出口，行5分鐘環境: 外賣價錢: 4/5味道: 4.5/5今次黎到旺角嘅茶救星球，佢地係苦瓜茶同蔬果茶首創店，夏天天氣太熱，決定試下佢哋嘅手打苦瓜檸檬茶，每杯仲會附送一隻小麻雀🀄️好cute🤣苦瓜檸檬茶❤️❤️❤️❤️❤️$29叫左半糖，甜度啱啱好，飲落有淡淡嘅苦瓜苦澀味，但唔會過多，配上檸檬茶飲落十分清新，仲可以清熱解毒添，消暑一流🥰斑斕薄荷檸檬茶❤️❤️❤️❤️$30同樣叫左半糖，見到真材實料，入面有好幾片薄荷葉，飲落有薄荷嘅清爽之外，亦有斑斕獨有嘅味道，加上檸檬茶意外地夾，大推🤩

香港苦瓜茶首創者，真係大膽又創新！一開頭聽到苦瓜茶即刻擰晒頭，點知又幾好飲～🥺打破咗我對苦瓜嘅固有印象。每一杯上面都有一粒迷你麻雀㗎，同埋買夠兩杯會有苦瓜豬送🐷🥤手打苦瓜檸檬茶 $29苦瓜嘅苦味唔會好出，完全冇苦澀味，而且同檸檬嘅酸味好夾，食到底會食到好多苦瓜果肉，但係講你都唔信真係唔係好苦，當有啲爽脆嘢咬下咁。超清熱解渴，夏天飲一流😙自從香港多咗呢啲檸檬茶/鮮果茶，我真係少咗飲珍珠奶茶🤣🥤草莓白桃冰檸 $32草莓嘅微酸配上白桃嘅鮮甜🍑酸酸甜甜咁好開胃清新，而且有好多草莓同埋白桃肉喺底，啖啖透心涼😛

茶救星球蔬果茶 @jo_s_cha📍旺角豉油街33號裕旺大廈地下B號舖茶救星球蔬果茶開到來旺角了🔥人氣首創苦瓜茶檸檬茶～蔬果茶首創店由細到大好抗拒苦瓜～經過見到超多人幫襯一於試下～估唔到有驚喜🩷🤩。手打苦瓜檸檬茶飲落好清新～完全不會苦澀配上檸檬茶～味道甘甜～夏天清暑一流🔥用上新鮮苦瓜同手打檸檬鮮製～有苦瓜粒同檸檬果肉～認真唔錯水蜜桃 MOJITO飲落帶蜜桃果香～配上青檸好清爽真材實料✅帶有水蜜桃果肉～口感豐富而且每杯茶飲都會跟一隻隨機小麻雀🀄️好可愛🤩🤣努力集下郵

手搖飲品款式眾多，比起加奶蓋加珍珠，蔬果類既會係健康既選擇👍🏻👍🏻👍🏻苦瓜好多人唔鐘意，而旺角呢間茶救星球，係蔬果茶首創店🥰招牌既苦瓜青檸汁睇落青青綠綠有唔少苦瓜肉，但出奇地唔算苦，仲酸爽解渴清熱解毒。另一杯我地叫左班蘭薄荷檸檬茶。同樣酸爽解渴，除左有薄荷既涼感，仲有班蘭既清香想飲健康d既手搖，值得一試😋店入面既苦瓜豬超得意，打卡一流👍🏻而且門面非常cyber好吸睛😍選擇多，又健康清新，想飲手搖既好選擇👍🏻

某日係旺角路過茶救星球，見到苦瓜檸檬茶，一聽到苦瓜即刻耍手零頭，苦瓜好似從小到大都係天敵但係老公好想試，於是買杯試下，價錢唔算貴，只係$29一杯等候時間有啲耐，天氣太熱，店內有冷氣有座位可使客人等候或用餐等左大概20分鐘，終於到手，每杯附送可愛麻雀一隻，真係好想儲齊一套苦瓜檸檬茶，飲落清新，一啲都唔苦，內有苦瓜肉，苦瓜同檸檬味好夾，消暑一流，仲有清熱解毒效果，飲多幾杯都無罪惡感下次試埋個芫茜檸檬茶先

早幾日喺旺角食完飯見到呢間好搶眼嘅茶飲店，成間舖頭都係螢光藍色，仲有好多隻豬仔公仔好得意！原來買每杯嘢飲都會送一隻麻雀，麻雀係隨機嘅，可以飲多幾次儲齊一套🤣我哋揀咗兩杯嘢飲，一杯係呢度嘅招牌亦都好少見嘅苦瓜檸檬茶，雖然我平時唔食苦瓜，但係呢個配搭好新鮮，而且苦瓜甘甜，唔會覺得好苦！另外一杯係牛油果甘露，類似牛油果沙冰加椰果粒，質感好smooth，牛油果係Superfood 所以覺得呢杯飲品幾健康👍🏻.📍 茶救星球蔬果茶 (旺角)旺角豉油街33號裕旺大廈地下B號舖

呢間手打檸檬茶係一間過江龍嘅檸檬茶飲品店，而家香港越來越多唔同主打手打檸檬茶嘅飲品店，今次呢間舖頭主打苦瓜檸檬茶已經飲過數次，今日經過見人流唔多又即刻買嚟飲🥤《斑斕薄荷檸檬茶少冰少甜》💰$30 呢杯有店舖👍🏻推介既，落order 叫咗少冰少甜，淡淡嘅斑斕味，味道唔錯，如果再少啲冰就更好好特別每一杯嘢都會送一隻麻雀🀄️多啲嚟買，飲吓飲吓就可以儲齊一套啦😂由落單到攞飲品嘅時間都唔等得耐，值得一讚

#cassiegomk -之前翻深圳已經有飲過手打苦瓜檸檬茶，一次就完全愛上。肥編本身都幾鐘意食苦瓜，因為苦瓜好健康，清熱解毒消滅暗瘡一流！大家都會擔心依隻苦瓜檸檬茶會唔會好苦，飲落唔苦，前段是檸檬清新的味道，後段會有點苦瓜甘涼的回甘味道，夏天消暑一流！-依間茶救星球係起源於廣州，主打蔬果茶，以苦瓜檸檬茶為店舖招牌，標榜為「全國首創」、「廣州製造」，買飲品仲會送苦瓜豬同杯蓋有小麻雀送，大家快啲儲齊一套啦！-肥編見啲職員都整得幾辛苦同埋每一杯整嘅時間都唔長，因為係採用手工捶打檸檬和苦瓜，每一杯都要用力手工捶打。肥編建議大家最好落完order去行下街先，30-45分鐘後應該攞得。-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4）回購評分▶️🌕🌕🌕🌕🌑 (4）-➡️ 茶救星球蔬果茶 (旺角)📍 旺角豉油街33號裕旺大廈地下B號舖-

啱啱去旺角，食完壽喜燒，想飲番杯嘢解下油膩， 一於試吓新開張的苦瓜檸檬茶🤩🤩🤩苦瓜檸檬茶呢杯茶有一種獨特嘅風味。苦瓜嘅苦味同檸檬嘅酸爽完美結合，帶嚟一種清新嘅口感。茶飲入面嘅茶味淡淡嘅，唔會太濃郁，係一個非常特別嘅選擇。非常清熱解渴。啱晒食完煎炸嘢😋😋😋斑斕薄荷檸檬茶更加令人驚喜。茶杯入面有薄荷葉同檸檬片，即刻就散發出一種清涼嘅香氣。第一口飲落肚，就感受到一陣涼爽嘅感覺。檸檬同薄荷嘅結合非常搭配，令整杯茶都有一種迷人嘅清香。味道清新而且爽口，特別適合喺炎熱嘅天氣飲用。因為新開張，所以排隊嘅人比較多，不過好嘢係值得等待🤪🤪🤪