茶啡檔

營業中

休息中

話說叫左一個牛扒餐少飯同一個羊扒餐跟意粉。跟餐個湯又係要問先識上，跟扒餐個飯同意粉唔問都唔上。成個場都有3個侍應，又唔係特別多客。野野樣唔叫就唔上，盡返少少做餐廳責任得唔得，上齊d客叫既野得唔得。

入到聯和墟見到有間門口裝修都幾好，同食西式既午餐，價錢又平見到就直接入左去食。我地2個人叫左瑞士雞翼撈丁$48，冇乜味🤣🤣🤣但係雞翼都幾淋，麵又吾會好硬。如果有瑞士汁味就好🤣🤣🤣另外叫左個煙三文魚all day$65 ，個沙律ok,清爽。蕃茄夠Juice。但煙肉好鹹同硬身，煙三文魚有d 腥味，食吾落口🥲。腸仔同雞蛋都正常👍🏻👍🏻👍🏻(最高5個💋）價💋💋💋💋💋景 💋💋💋味💋💋

The menu has large variety of both western and chinese sets and the lunch menu changes daily. Today I tried the fried fish which so fresh and the chef has very good technique to fry it very fragrant. Salads also all very fresh and this place has the BEST coffee in Luen Wo Hui. The fried rice is also very good and nothing is too oily or salty. It's really my favorite cha chaan teng in the New Territories.

未見過啲午餐土魷肉餅飯咁細份令人失望女仔都唔夠食 肉餅細過我隻手掌問過侍應係咪得咁細份佢答我:係呀，枱枱都係咁O晒嘴應該冇下次 勸喻大家唔好幫襯附近地盤佬應該一定唔會嚟食🤣

聯和墟茶記至少有10間以上，T Cafe係其中一間開得比較耐嘅，而且舖位係最大。疫情下最驚成班人痴住坐，地方闊落正好，無需等位之餘又唔使坐到背貼背佢午餐set分中西餐，中餐$48（5款）；西餐$55（3款），連野飲叫咗是日西餐－白汁焗雞扒飯，10分鐘內已到雞扒份量相當足，飯係蛋炒飯底，另外佢加咗少少蘑菇。因係即焗夠熱，個白汁可以連芝士撈飯（唔似得某大型連鎖餐廳，焗飯面頭嘅芝士凝固曬一pat pat）總體係相當唔錯，雖然午餐$55比同區其他餐廳貴，但供應焗飯又整得好食唔多，另外考慮到地方大坐得舒服，整體仍屬推薦。

平日的下午茶時段，剛巧沒有帶現金，見門口可用八達通，又不用等位，又試試 T-Cafe。下午茶餐牌都有不少選擇，選了茄茸豬扒意粉+凍檸茶少甜人客不多，等了不到五分鐘，意粉上枱，豬扒+意粉熱度十足豬扒大大件，外微焦，肉嫩有汁，味道不錯意粉份量適中，質感可再硬身一點更好，茄味不算濃，問侍應拿茄汁和辣椒仔自行再調味，侍應態度不錯，很快送到。凍檸茶點了少甜，但個人口味來說，還是有點甜。檸檬約有4片，夠酸。埋單$37，凍飲不用加錢，價錢唔貴，味道普普通通。

侍應服務態度勁差落左單話要湯三催四請都話黎繄再追問有個態度勁差既侍應話無湯不斷重覆同一句說話 無解釋過就走黎一碟焗豬長通粉乾身到爆蕃茄又燶衣間下次都唔再幫襯 食到一肚氣

今天去試咗呢間T-cafe 入到去位置都多 空曠 坐得都算舒服 之後嗌咗一個蕃茄焗德國腸長通粉。等咗大約十分鐘左右就到啦。都算大碗，最意外係條睇真係好大🤣🤣🤣仲有滿滿既蕃茄好足料！味道唔錯，粉嶺既朋友仔可以去💕💕

星期六一朝早踩單車🚴‍♀️, 入左聯和墟, 快食早餐, 呢個早餐收$38配熱飲。天呀! 咁普通嘅早餐, 佢係用難食黎形容！炸魚柳用好多梳打粉處理過, 紐倫堡腸係又硬又乾, 煎咗擺咗好耐的感覺。火腿冇咩要求...牛油多士都出事!!!! 個包本身好差, 嚟貨用好平嗰啲, 食得出個包本身有添加香味....😝😝😝 （有啲似國產什麼奶素小饅頭嗰陣味, 假到呢) 奶茶都係唔好飲😒有大大大進步空間！千祈唔好星期六黎, 破壞咗美好的周末!

餐廳環境尚算整潔 一入到餐廳員工就即刻過黎比茶比餐牌好有禮貌朋友叫左個印度咖喱牛腩飯 而我就叫左個芝士肉醬千層麵佢個飯好快就到左 我個千層麵應該就因為即叫即整 所以就要等耐少少個咖喱都幾有驚喜， 一般除左正宗咖喱店好少會跟埋塊印度薄餅雖然塊薄餅其實都無咩特別 但係都幾得意咖喱十分惹味 但係d牛腩就略嫌多根左少少不過份量十足 一個女仔真係未必食得曬成個飯。而我個芝士肉醬千層麵就賣相100分係普通茶餐廳入面食到呢個水準既千層麵真係好意外份量望落有d細 但係可能因為d芝士既關係 所以其實都好飽好滿足另外飲品方面我地每人都叫左一杯紫華田（唔記得影相sosad）幾特別幾好飲 有少少紫薯粒粒係入面 幾過癮～下次會再試過！

今晚同個女去搵食，成日揸車都經過T-Cafe門口，今晚就泊係門口食佢啦! 入到去係間茶記，見到佢個牛扒$148 咁抵食，就試一試佢。我食牛扒配薯角，亞女食西班牙豬鞍! 賣相唔錯，見到都會流口水囉! 牛扒7成岩岩好，裡面些小紅，好有牛味，夠淋! 亞女舊豬鞍配意粉，好厚好大件(真係估你唔到)呀!都係好淋，正呀! 認真有西餐廳水準!!GOOD GOOD GOOD! 仲跟一個例湯同飲品，抵呀! 出面食塊牛扒行行地都過$200啦! 樓面亞姐服務就...都係茶記服務啦~ 有問有答，不過不失啦!!推介~~ 下次試埋你D午餐先!!!

一直喜歡這裏的特色小食餐，但繁忙時間人多不易等位，所以有一年沒有來T-Cafe了，今天比較早食午餐，有位，但覺得比以前貴了不少。我們點了一個特色小食餐：豬柳漢堡、蘑菇炒蛋、薯餅，一個西式午餐：煙三文魚野菌長通粉。各款特色小食餐比去年加了幾塊錢，但內涵和份量都少了許多。蘑菇炒蛋炒得香滑美味，餐牌圖片有兩塊薯餅但上桌的只有一塊，雖然少了，整體仍是很好味。煙三文魚野菌長通粉雖然用焗盤上桌，但不是焗的，只是白汁長通粉上面放兩片煙三文魚，三文魚很快就變熟了，分量較少不過很好味。一如既往，這間餐廳十分嘈吵，每桌客人都高聲談話，我們二人來吃飯對面而坐，互相傾談基本都聽不到對方說什麼。另外一點值得一提，就是這間餐廳沒有安排專人派發等位籌和叫等位的人入座，有時進去想拿籌但等了很久都沒有人有空派籌，到有人派籌時四五人一擁而上拿籌，都不知道是誰先誰後，更有人根本沒有拿籌直接走入去自行找座位，店內的服務員一樣照樣招呼，拿了籌的看著乾著急。所以如果要等位拿籌的話，我就會放棄這間餐廳去另一處，這就是我為什麼一整年沒有來的原因。

今日來粉嶺睇完戲，然後搵野食，原本想試一間泰國菜，因為聽講吾錯，點知4點幾去到落左場，唯有去搵其它餐廳填肚。門口幾靚啲字，但入面係好普通港式西餐咁。下午茶時段我叫左滷汁雞翼撈丁：滷水汁吾算太咸，可以講偏淡味，但雞翼滷得好入味，啲麵煮得岩岩好，好爽口，雞翼有5隻豬扒包配薯角：有蕃茄，西生菜，酸青瓜，豬扒中等厚度，偏乾，調味吾差，但亦吾係好好味檸檬茶小甜總括而言，我見客人不停有入尼，證明有一班長期顧客，有吾少熟客，我覺得普普通通啦～

平日lunch有唔少選擇，以今日為例，中餐有五款（44蚊），西餐（51蚊）都有三款，包湯同餐飲。menu都仲有其他野食，但係價錢會貴啲同埋通常要等好耐先有，趕時間唔好叫。平日食飯一時間都幾多人，大部分時候都唔洗點等位，不過要併枱，會有啲迫。今日食香煎豬扒茄茸長通，豬扒好大塊，啖啖肉。醬汁唔咸唔淡味道剛好，仲有新鮮番茄係入面。長通份煮得剛好，唔會太軟。可能今日天氣比較凍，上面黎果時唔夠熱，涼涼地，依度有啲失分。可惜今日湯冇曬，平時老火湯都幾好飲又冇味精。

先講焗豬扒飯先一睇就知係香煎豬扒飯換左飯碟就收多我20蚊但都唔緊要重點係一黎凍既同埋難食到完全不能入口再講個肉醬千層麵基本上味道接受到既但份量令我想起幼稚園的午餐少到一黎我都o左咀我問佢呢個下午茶黎嫁？佢又唔答總結焗豬扒飯我覺得1蚊都唔值但千層麵收40幾我都覺得合理但60就⋯