茜廊餐廳 (德福廣場1期)

營業中

休息中

今日去九龍灣德福廣場行街，見到茜廊餐廳這個四十年老店，見佢好似剛剛装修過，環境優雅，就走了入去，揾了一個窗口位坐低，叫了一份肉眼扒，配了羅宋湯和熱奶茶，肉眼扒超正，鐵板熱辣辣，煎了7熟剛剛好，好有口感，鮮嫩多汁，味道一流，埋單先佰幾蚊，超值

中午去九龍灣做嘢順便揾個朋友，出地鐵冇耐經過就見到茜廊見仲有時間就入咗去食埋個lunch先，以前成日都去，最近少去咗，試下水準有冇差到先，一入到店環境光猛，坐位都好新淨，坐底就掃QR睇下有乜食，見到個西冷扒好吸引，價錢又唔貴，跟埋湯同嘢飲都係$128就一於試下，首先嚟左個羅宋湯同以前一樣好好飲，之後嚟埋個扒，心入面嘩左一聲，好大塊好低食。食落味道唔錯，7成熟剛剛好又唔韌，下次去九龍灣唔洗諗食乜，一定會再食多幾次！

今日返晏可以慢慢嘆個早餐先。茜廊嘅早餐都唔錯，鍾意食佢嘅吉烈魚柳，大大件，仲炸得香香脆脆，上枱時熱辣辣，不會太乾，內裡juicy，食得出係即叫即炸，唔係炸好返炸。另外仲有雞朳，豬扒，牛扒揀，不過本人都係鍾愛炸魚柳，好食之餘份量又足，加埋煎雙蛋同多士，食飽飽到下午茶時段都ok。

Happy Friday~沿地鐵B出口行入德福商場，見到有幾間火鍋、燒肉，香港人至愛，門口都堆滿客人。行出平台見到茜廊餐廳，餐廳三面玻璃設計，在漆黑中特別明亮。餐廳好大間，不用等位直接入座，但好快都已經全場坐滿！見到有張長枱客人叫了三個椰青，先知同隔離泰菜餐廳係同一集團，因為滿座先坐過黎。雖然星期五晚全場滿座，但手機落單好快就上齊菜，高效率值得一讚👍。忌廉湯好大碗，飲哂已經飽左一半，蒜茸包仲好香脆！叫咗鐵板西冷配薯菜七成熟，西冷好淋，唔知點解有人評語寫話似合成肉，牛扒其實都好難用合成肉整！！配料薯菜份量好多，健康人士會喜歡👍。份量真係好多好抵食，蒜蓉汁好香👍朋友叫扒春雞薯角，除了雞脾，其他位置無想像中滑🙈。上菜時薯角變成薯條，不過女侍應好專業，立即道歉仲話薯條照送再加薯角，服務滿分！！好彩換番薯角，薯角非常脆口，真係好味喎！！

星期一去咗呢間店食下午茶，叫了一個牛扒餐，一個燒豬骨及一個煱海鮮飯，價錢及分量可以接受，質素冇乜特別，一般西餐廳質素，最特別就是收銀個男子，行埋去埋單掛住碌手機，十問九唔應，問佢收唔tap and go，佢就問返我係唔係信用卡，之後用咗tap and go消費券埋單，過咗30秒仍然未有反應，因為平時用支付寶好快就有反應，問下呢個收銀男子得未，佢依然掛住碌手機，之後好惡死回答我我點知，點解而家啲香港人咁鍾意返大陸消費，就係因為有呢啲人做出噉嘅服務質素而累死香港飲食業

偶然都會幫襯德福廣場平台呢間茜廊。唔係覺得佢特別好食，因為佢間舖頭夠大間，通常都好容易搵到位，而且唔想食澱粉質嘅時候，佢比較多肉類嘅選擇。今次就食咗一個雞髀薯條下午茶，好似40幾蚊。雞髀唔算大隻，比較鞋，唔係肉質鮮嫩嗰隻，真係好難俾個高分佢，睇相都睇到，其實沙律都好Hea 。另外一份就係豬肋骨，配薯條，呢一份唔知算唔算係下午茶餐，比較貴啲，好似80幾蚊。最唔喜歡就係醬太多，不過呢個係好食過雞髀嘅。薯條就唔熱唔脆。個樣就都係Hea Hea地 ，以佢作為一間餐廳而非茶餐廳的定位，又要收加一服務費來說，質素真的稱不上是好。CP值不高，唯一只係容易搵位。喜歡他有落地玻璃窗可以望吓條街，冇咁侷促。飲品就正正常常嘅，冇咩挑剔。總結：有得揀，揀第二間。

平日既Dinner set叫左份西冷牛扒 羅宋餐湯一般茶記水準 蒜蓉包還好重點塊牛扒難食到仲衰過連鎖快餐店 切開肉紋似足合成肉 塊肉冇牛味又硬 仲要收158蚊一份 又貴又唔抵以後都唔會再食…

每次如果係朝早去親九龍灣，都忍唔住想食莤廊嘅早餐😆性價比高，同埋好多選擇，港式早餐嚟講算係唔錯👍🏻好似呢個早餐麵餐，可以揀一般嘅公仔麵啊通粉，驚喜嘅位係可以揀烏冬！而餸方面可以揀一般嘅沙嗲牛肉啦，我就鍾意食雞扒😝感覺上抵啲🤑佢嘅麵包唔係普通嘅麵包，係有好多穀物喺裏面，飲品方面，亦都有特別嘅果茶可以選擇就讀學校嘅🤩餐具方面，亦都比普通茶餐廳靚，就算普通一個早餐打卡都靚仔。環境方面算好大，好彩嘅話可以一個人坐嗰啲梳化位貼近個玻璃，我自己就最鍾意😊繁忙時間就比較多人，基本上都係要等位

8號風球過後與家人外出食飯，茜廊餐廳歷史悠久，一於就去呢間餐廳食飯😀餐廳提供了不同款式的食物餐牌，連附近的中菜和泰國菜也可以選擇，因為8號風球過後的特別安排。😁睇完餐牌，大家都決定試吓客飯套餐，有咕嚕肉，梅菜扣肉，鹽焗雞，牛柳粒，另外叫咗碟肉醬焗薯角客飯套餐都好吸引，非常豐富，包括前菜，白飯，燉湯，菜，甜品。味道都算唔錯，而且價錢亦相當合理，大概68至80蚊左右一套。肉醬焗薯角新鮮焗好，上菜時十分吸引，入口前都要吹吹先，因為太熱喇😜新鮮焗製4份客飯加一個小食，已經5個人食到飽飽，大滿足了！

白汁蘑菇無蘑菇，除咗中間嗰兩嚿係牛脷隔離全部都係午餐肉咁樣偷工減料，個服務員落錯單之餘飲品仲要吹咗兩次先上，隔離枱都吹咗三次！！總結嚟講個湯白湯唔好飲個蒜蓉包唔熱個飯好難食，仲不如去食茶餐廳85 $90仲加埋啲服務費呢間嘢真係辣雞

放假約佐fd.去九龍灣行街街,行到攰攰哋想飲杯嘢抖下,經過茜廊,見環境算開揚喺商場外,又不需要等位入去食個tea先☕炸雞脾沙律炸脾炸得不夠香脆,有啲不夠熟透,沙律味就ok！公司三文治三層麵包,有番茄、薄片煙肉、蛋、生菜及沙律醬!味道一般!呢個冇驚喜又冇失望算收貨😅餐飲凍奶茶,熱朱古力飲品都ok,尤其奶茶茶味夠,糖係隨自己喜愛加減👍但係如果下午茶甘嘅價錢要加一服務不值,由入去坐底,完全沒有什麼服務,自己QR Code落單,連水都冇一杯😅

早上去咗依間餐廳食咗一個全日早餐，食物正常，唔係特別好味，價錢比一般餐廳貴少少，味道好似自己出街買嘅煙肉、漢堡扒、沙律菜、凍嘅茄汁豆放咗一個大碟到，只有蛋煎得好味少少。餐刀有一大撻啡色污跡，飲完阿華田，杯底有濕咗嘅紙碎，究竟依家餐廳有冇洗餐具同杯？飲完都想嘔返出嚟。本來餐廳都有空枱，啲侍應姐姐懶到叫人哋搭枱，方便執枱。出嚟食個早餐俾錢人賺，都係想舒舒服服，依間餐廳我唔會再想黎。核突！求其！未執笠真係好難得！

今日好開心：1. 看了Mario電影2. 和上世情人，去很久沒去過的餐廳 - 茜廊餐廳以前在九龍灣工作，和朋友打保齡球後，都會在這裏吃飯。環境沒有多變更，座位算是舒適，不會和別的枱太近。餐廳內侍應殷勤，也沒有催促食客離開 (因為我的小朋友食嘢比較慢和外面也有人等位）羅宋湯，足料炮製，味道很吸引，帶點辣。咖喱煮得非常入味，我很喜歡。意粉醬汁也很適合小朋友吃。我個小朋友竟然能夠全碟吃完。飲品方面，適合大人的奶茶咖啡少不了，小朋友喜愛的朱古力也是在午餐餐牌當中，免費提供。我覺得很窩心。😍😍😍

位於九龍灣的Sidewalk經常被稱為高級版的茶餐廳，雖然價格比其他茶餐廳稍高，但餐廳的質素也相對較高，而且食物的份量亦十分豐富。🍲 蒜蓉包忌廉湯蒜蓉包的外皮鬆軟，口感十分細緻，包裹着濃郁的蒜蓉香味。忌廉湯口感較為滑順，但整體味道較普通，沒有太多驚喜。不過，湯味道可以與蒜蓉包相輔相成，沾湯食好正。🍝 煙三文魚卡邦尼意粉煙三文魚少少咸香，加上卡邦尼醬汁，帶有少少奶香和芝士味，口感滑順，味道豐富，意粉質感尚算可以，唔算好軟嫩。🍛 香煎雞扒拼黑松露燴飯雞扒煎得恰到好處，表面酥脆，內裡肉汁豐富，搭配上黑松露燴飯更是一絕，飯粒鬆軟，黑松露香氣四溢，幾出色。🥩 特級西冷牛扒配薯菜牛扒肉質尚算嫩滑，口感正正常常，搭配上香煎薯菜夠哂飽，有比較底下就鐵板更好食。🥩 鐵板特級肉眼配薯菜依份肉眼煎得恰到好處，咬起來鮮嫩多汁，帶有淡淡的牛肉香味，中間都好粉嫩。總體來說，Sidewalk的菜式質素都的確比茶餐廳高，而且份量都算豐盛，性價比正常，都值得一試。

搵笨二人套餐$298小食拼盤兩件炸乾咗嘅雞翼，同埋接近深棕色嘅吉列蝦。。。主菜號稱特級西冷牛扒，舊肉出到嚟已經係死紅色唔使點汁都已經好咸。卡邦尼煙三文魚意粉？意粉一早撈定幹到成舊麵餅咁仲要係冇乜味。。。真係以後都唔會幫襯