茗星粗菜館 (已結業)

梅菜扣肉！你會想起那一家名店？這粗菜館應該也是首三位吧。昨天專程去這店原本是打算享受的，但結果不如預期。菜來了！砂窩裡熱熱騰騰的蒸氣冒上來，期待更大了。肥多瘦少是好事，可惜一嘗之下敗在「無味」！居然一道好送飯，應該肉香，咸香，梅菜酸甜可以和肥肉混天成的客家農家菜，變成白水煮白的淡。彷似整道遊了渡江泳（因為要是淡水的！），沒有扔乾水便端上檯面的一泡水。我倆另外點的雜菜煲相對味道強烈了，也是正常水平。梅莱吃起來像泡水的烚菜，偶爾有點肥肉的豬油味。不知怎麼吃下去。

回到過去曾經的味道。己有二十年沒有來過，當年盛極一時，以家庭風味，價錢實惠取勝。午市套餐一律$58，主菜+白飯+老火湯末坐定定，茶和老火湯己上場了。今天的老火湯是西洋菜㷛豬骨。湯味濃郁夠火喉，不過不夠熱，鄰座的嬸嬸也這樣認為呢！涼瓜炒牛肉熱辣辣，即叫即炒，咁咪好味囉！加入了豆豉，蒜頭和蔥的原素，特別惹味，牛肉鮮嫰，涼瓜爽口帶甘苦，伴白飯一流。

本身喺佐敦其實真系唔知有乜嘢食，咁啱經過依間casual 的中菜，於是決定一試！睇餐牌介紹先知道原來依一間係香港以前老字號的大排檔餐廳，最後在香港兩個地方都有分店。菜色睇嚟都算有到香港的味道，但系因為今日唔系太肚餓，所以只系點左兩個餸試一試。首先點左紅燒豆腐，值得一贊的是豆腐外脆內軟，非常入味嘅外層配上超滑嘅豆腐，調味做得啱啱好，真系值得一贊！另外點左芋頭雞煲，上菜時熱辣辣，充滿椰香。但我自己本身就鐘意食芋頭味重一點的做法。所以對我來講，椰汁重手了喧賓奪主。雞肉都算嫩但系就不算太多，整體來講不過不失啦。最後鋪頭都做緊一蚊一隻鮑魚推廣優惠，只要在Facebook like左佢哋個page，就可以試佢哋嘅姜蔥果皮蒸鮑魚仔。做得都不錯。整體來說，可以一試。但如果你問系唔系超級好食，本人覺得一般啦。

難得公眾假期全家人都在，今晚便與家人一起外出共進晚餐! 與家人吃飯，似乎還是吃中菜較適合他們口味呢! 今晚來到這間吃傳統粵菜! 希望他們也吃得滿意! 餐廳位置也算好找，店舖面積挺大的，可容納的客人不少! 餐牌上的菜式真的很多，多得不知如何選擇! 最後經店員推介和看家人口味才能選定幾賣菜式試試!來到知道店家為慶祝開店1週年，推出有$1鮑魚優惠! 只要其中一人like餐廳fb專頁同share個post，同行者也可以獲得此優惠，相當抵吃呢! 我們當然也不會錯過! 雖然只需$1，但鮑魚也不細呢! 而且用心煮過，爽彈惹味，很不錯!  椒鹽炸滑豆腐($88) 外層炸得香酥脆身，很有椒鹽香，內裡豆腐嫰滑，伴碟還有焦糖合桃脆脆，香口非常! 個人很推介此菜式! 招牌炒魚腩($85)魚塊頗多！每口啖啖肉，炒得香口之餘肉質也頗滑，愛魚的朋友值得一試啊！ 招牌炒豬雜($88) 有豬潤、豬腸、豬肚等，充滿港式風味，因全是豬的內臟，炒得香口入味! 但香口的代價是確實偏油了一點! 炸豬手($138)相當大碟！廚師把肉拆開，令人吃得更方便，豬手炸得香脆又富有鹹香!家人也都讚不絕口呢! 腰果西芹炒帶子($128)的帶子

去佐敦食$1鮑魚🤪茗星粗菜館晚市推出 HK$1 鮑魚😬除左食鮑魚，蕉蕉仲食左椒鹽鮮魷、招牌豬油撈飯、炒蜆、燒牛肋骨同椒絲腐乳炒通菜😍😍燒牛肋骨超有驚喜！肉質非常軟嫩，牛味濃郁，醬汁惹味。餐廳所有野都大大碟，價錢親民，岩哂鍾意叫餸食飯既朋友！$1鮑魚椒鹽鮮魷炸得剛剛好，金黃香脆，椒鹽味真係好正！招牌豬油撈飯上枱後，店員會幫客人撈埋豬油及豉油，用石鍋裝飯，熱辣辣好吸引！炒蜆好夠鑊氣，豉椒味好濃。椒絲腐乳炒通菜腐乳味好濃郁，通菜炒得剛剛好，夠哂翠綠。——————————————————茗星粗菜館 (佐敦)佐敦佐敦道10號地舖

呢間粗菜館菜式 味道夠同份量好足 性價比幾高😌 宜家仲有今個月限定$1鮑魚優惠😍 最啱同屋企人朋友一大班人去食～----------古法陳皮蒸鮑魚 ( 優惠$1 )落咗陳皮蒸真係好味啲 唔會韌 又夠香 重點係夠抵😬-招牌炒豬雜 ( $88 )牛雜就食得多 豬雜真係第一次試😂 洗得夠乾淨 又落大大片薑炒 一啲腥味都唔覺～-豬油撈飯 ( 小鍋$28 大鍋$78 )即場將豉油同豬油撈入熱鍋 食落幾香 平時都唔敢食豬油 但原來經過待別處理 一碗豬油嘅膽固醇只係相等於一隻雞蛋😆 懷舊之餘又也以健康啲～-蔡瀾鹹魚醬茄子煲 ( $88 )熱辣辣香噴噴 好香濃嘅鹹魚味 茄子入味夠淋 唔會太鹹 撈飯一流🤓-炸豬手 ( $138 )將醃製後嘅豬手拆肉再炸 外層微脆 肉質保持嫩滑 唔會過鹹 份量都唔少😝-只要like左佢地同share個post 就可以用$1試食古法陳皮蒸鮑魚*優惠期至10月31日*每日限定80隻*每枱只需有一人like&share即可全枱獲得優惠*優惠只適用於堂食及晚市*持長者卡並出示可免除like&share-*另收加一服務費 (不包括鮑魚優惠)*建議預先電話訂座

呢間店我細細過屋企人就帶我去食，近年再次重開終於到我帶番家人去食了，位置好方便一出佐敦港鐵行過對面就到，餐廳環境都幾大坐得幾舒適見到蔡蘭先生寫嘅字掛喺牆上，最記得就係佢個豬油撈飯，簡直人間美食當然要叫番個來食啦，豬油及醬油分成2小碟油滑嘅豬油再加上咸甜適中嘅醬油，再撈落飯到真係邪惡美味宜家爲慶祝佐敦店重開一週年，仲推出1蚊鮑魚添啊聽店員講係每日新鮮送到限定80隻咋，用上古法陳皮去蒸真係好正另外必食炒豬雜，真係炒得好惹味，點埋辣椒油食仲正炒魚腩都唔好錯過啊，走油再炒外層夠哂香口，入面好新鮮嫩滑～甜品有蕃薯湯水，夠哂香甜，薑湯微辣好暖胃，最啱秋冬天食價錢非常相宜，有埋1蚊鮑魚真係抵食

今日經過佐敦， 原本只係想去食下午茶，見到呢間舖寫住長者有優惠，覺得係有心企業，所以入去幫襯下 ， 用餐過程都正常，食物分量係少啲，不過見係下午茶都覺得可接受，點知埋單時，個侍應原來打錯咗價錢，跟住個收銀話已經埋咗數，要等經理處理，我哋等咗幾分鐘，經理先走出嚟處理完，之後個收銀員又找錯數，我用計數機撳一次畀佢睇，佢好似好忟憎，跟住逐個一蚊一毫子咁樣找畀我哋，仲喺我哋隔離不斷話嗰個侍應做錯嘢，完全冇理過我哋，我覺得呢間公司有責任要再培訓呢位員工，既無禮貌而且唔埋食客嘅感受， 一蚊一蚊咁畀我哋亦似係報復，今次真係食得好唔愉快，無下次！

粗菜館自小係Kowloon city 食到大，見到佐敦開左「茗星粗菜館」，就想試試同粗菜館是否一樣？必食招牌菜 1: 招牌炒豬雜豬心，豬腸，豬腰，豬潤樣樣有齊雖然唔係煲仔上，但有煲仔菜既效果！少少燶好有獲氣！必食招牌菜2: 招牌炸魚腩賣相很不錯，炸度剛剛好，魚唔腥也唔多骨，幾大件又抵食！勝瓜上湯浸大蜆呢個菜清清地，估唔到又係大大碟，又有粉絲，係夏天食好清新！不過，蜆洗得唔夠乾淨，食到有少少沙糖醋排骨，唔油，又有肉食，好ok! 肉鬆炒飯少少油，份量超多比起粗菜館，茗星粗菜館抵食得多，粗菜館好鐘意用大量薑蔥「墊」高主菜，但呢度茗星就堅係大大碟，唔會用配菜扮大碟！環境也舒適很多呢！

豬油撈飯必叫、炒豬什丶薑蔥魚腩必食推薦！而其次叫了吃沙薑雞丶椒絲腐乳通才、椒鹽豆腐丶也好味！基本上呢間啲小菜同湯都係OK嘅⋯⋯最啱三五知己家庭飯局必食推介！餐廳來的侍應服務非常周到！整體非常滿意地理方面亦很易達，坐地鐵啲出口過對面馬路便看到！

是日陪媽媽覆診，幸好大問題倒是沒有，但老人家還是應當要注意一下所以打算簡簡單單，清清地食一餐粗茶淡飯結果選了這家粗菜館雖然餐廳位處於佐敦工商區，沒想到平日的午飯時間也不用等位午飯時段有午市套餐，全部都是$58 (需加一)媽媽心儀的是招牌炒魚腩，雖然我是很想點東坡骨/茄子煲/梅菜扣肉/欖菜四季豆 等惹味小菜，但為媽媽健康着想，還是點一個有清淡D的，比較平衡選了鮮魚湯浸勝瓜套餐奉送例湯及白飯剛點完套，職員便送上例湯應該是南瓜湯呢~~味道濃郁又清甜，甚是美味!先來的是鮮魚湯浸勝瓜我最初以為是只有勝瓜，沒想到還有 魚菘呢!!除了勝瓜，還有少量菇菌類及粉絲魚湯顏色呈奶白色，入口鮮甜，用來撈飯一流魚菘有彈性，但有少少細魚骨，食時需要小心不過勝瓜未算太腍，索唔到魚湯的鮮味招牌炒魚腩意外的原來是乾身估計是魚腩先炸好，然後再用薑葱回鑊爆炒還好魚腩是醃過，鹹度適中，亦沒有腥味因是腩位，所以即使炸過，肉質不會乾巴巴的菜式不是走花巧路線，很平民但很入屋，用來送飯一流

小弟成日經過呢一間餐廳，但係就一次都無試過。聽聞搬遷走過，再搬翻入黎。咁今日撞岩又係樓下，咁就入去試下啦。我同友人一人嗌左一個餐，梅菜扣肉同魚湯浸勝瓜。首先黎碗例湯先，幾老火唔咸，應該無乜味精，幾好飲既。梅菜扣肉，唔係睇佢份量唔太多，食落好飽肚，肥瘦做到一層層，有口感，正！魚湯浸勝瓜，粉絲真係驚喜啦，好入味，魚湯底就咸左小小，勝瓜好淋。魚肉又大舊，幾好！總結，小菜做得唔錯 中午價錢做到呢個味道同份量唔錯，可以再去試其他餸！

粗菜館回歸佐敦舊舖，新的裝修，但味道依舊有家的味道。老火湯$80-老火湯的材料很足料，是粉葛豬骨湯，味道鮮甜，一煲都有五至六碗，可以喝到家裏老火湯的味道。蜜味東坡骨$68-東坡骨是用了一字排，味道甜甜帶點醋香，份量頗多。爽滑脆魚皮$45-這個小吃不是很多地方有得吃，所以見到有即刻叫一碟來吃。魚皮爽脆，沒有腥味，加埋葱薑，豉油，麻油，味道惹味。北菇扒時蔬$68-用了厚肉的北菇配小唐菜，蠔油味道的北菇很夠味，小唐菜爽甜。

剛剛知道粗菜館又再在佐敦出現，忍唔住要來懷舊一下（其實我都唔知點解叫茗星粗菜館），我地拍拖已經來食架喇，估唔到而家會帶埋小朋友來。裝修光猛左，服務都好好。我地叫返以前最愛既招牌炒豬什，蒜蓉蒸勝瓜，蜜味東坡骨。炒豬什都係以前既味道，好香口，夠火喉，不過失望既係東坡骨，無蜜味不特止，仲似煲完湯既豬骨加個咸既汁😥。。。蒸勝瓜不過不失。最後加煲老火湯，粉葛煲豬㬹，夠濃好好味，好飽呀！臨走見到隔離枱食豬油撈飯，感覺返晒來😌

去到粗菜館重回佐敦舊舖，喜歡吃這𥚃的家常小菜和老火湯，很有住家味道。老火湯$80， 今天的老火湯是蓮藕煲豬骨，味道鮮甜，二人可以分到每人兩至三碗，啱哂我們好日都無啖湯飲的人。秘製沙薑雞（半隻$90），沙薑雞很嫩滑，又不太肥，打了一個沙薑茨汁，汁不太鹹。炒時菜$55，本來想叫椒絲腐乳炒通菜，但冇通菜，叫咗個蒜蓉炒白菜，清清地，正常味道。白飯@$10，唔記得影相。總括來説，味道不錯，食物種類選擇多，㑹再來。