茗星粗菜館 (已結業)

注：下次一定要用openrice book 位，有機會有九折啊！！！！！今晚做節，吾搵茶記，搵間好小小啦哩間其實開左好多年，只是某些原因要系前面多了兩個字，但記憶同以前菜牌吾同，無咁粗啦優點- 菜式和味道都比好多酒樓好- 大部分客戶好像都是老客戶，吾會亂來。缺點-份量比茶記或者酒樓大，一個菜一個人去食系比較貴，但也可以說是優點，兩個人以上性價比就變高啦。-部分冷氣裝修發黑感覺吾好。話梅一字骨（$118）3分- 話梅味道調得幾好，吾太鹹，一字骨吾系好似其他酒樓咁炸得好油好乾，唯一系肉本身無乜肉味，肉質有小小”鞋”。蔡瀾鹹魚醬蒸肉餅 （$98）4分- 系哩間店，梗係要食一個同蔡瀾有關的菜啦。鹹魚醬有好多鹹魚，但絕對吾系死鹹爛鹹，真系吾錯，整個肉餅表面都鋪滿鹹魚醬，好捨得啊！蒸出來的肉餅都帶有鹹魚香味，唯一系肉餅吾夠滑同吾咬扣。豬油渣炒通菜（$68）4分- 沒有試過這個做法，豬油渣只是平時去吃豬油渣麵的一半乾身，仲睇到肥瘦分明，食落吾會太乾，但仍然有炸過的香味，加埋小蝦乾炒通菜，好香好滑，難得。豬油撈飯（$38）4分-同元朗x榮x比較，哩間無咁油亦無落頭抽咁鹹，仲有系用石鍋上，熱辣辣，服務員

韮菜豬肉超級油膩, 味道好普通。上菜慢, 服務態度極差, 有個四五十歲男待應串個客 on L 9 倒瀉嘢。其實間舖都唔係多客, 覺得壓力大唔好做啦, 無謂要D客受氣。

離開佐敦通常都會幫襯嘅操場玩因為係家常餸好好味！今晚兩個人清清地就嗌咗一個魚湯白菜，見到有蟶子皇就叫咗兩隻，同埋最重要係食西蘭花炒龍躉球！唔通白菜係夠稱好味因為佢所有嘢都冇落味精但係菜嘅份量就真係少咗D喇！蒜蓉蒸蟶子皇$78.1隻兩隻起上，上枱居然係普通size一啲都唔係巨大，比起之前喺布袋澳食嘅差好遠而且佢蒸到過咗火比較韌！👎🏻最後西蘭花炒龍躉，係好好味！夠味但係唔鹹！而且煎得好香西蘭花亦都好入味，呢碟餸係最好！推介！👍🏼今晚送咗番薯糖水！

在OpenRice 訂了這間中餐食，咁啱果個時段有85 折，叫了雲腿蒸田雞、香茜白菜仔皮蛋豆腐龍躉頭腩湯、蒜蓉蒸勝瓜及瑤柱冬瓜海鮮泡飯，先上泡飯，似淨冬瓜湯多過泡飯，好少飯，三分一都無，又無咩海鮮，於是叫了碗飯加落去，碗飯等到其他啲餸已上哂也未上，於是催下佢，飯來了，倒落個湯飯到食，點知，有條頭髮在啲飯內，叫個經理來，個經理問我們要不要再整過俾我們或叫過其他，最後我們決定取消order，其他餸就不過不失，個豆腐龍躉魚頭腩湯，煲到奶白色，係幾好飲的，這個可推介.

叫左外賣自取，返到屋企打開發現份量少得可憐,味道又好一般.叫左個南瓜淮山炒鮮魷， 數過淮山得4塊，南瓜片幾條，翠肉瓜8塊，鮮魷幾舊...8折左承惠80蚊，CP值好低！ 今時今日,甘嘅食物質素, 絕無下次!不過服務態度唔錯，一入門口笑容滿面。性價比: 1/5味道:2.5/5

到訪過幾次，今晚算是最差的一次，只是一味涼瓜支竹炆龍躉頭腩，一碟黑松露安格斯牛肉炒飯，沒有前菜兩人連茶錢加一承惠三百四十三元，貴不在話下，最弊是好咸好咸呀！相信不會有下次啦

今日晚上經過佐敦，看到地鐵站對面是茗星粗業館的招牌，就和朋友嘗試一下呢間店。店內裝修還算光鮮新潁，環境闊落，因人數多於4人，店員也願意給2張鄰座的卡位給我們，令朋友之間雖然分開坐，也可以談天之距離。坐下後點了5-6款小菜，味道偏重(習慣外出食飯者會合適)，但還算合理, 價錢算正常中式菜。嘗試了牛柳粒，魚腩及牛腩肉的菜式，做法也很特別，外面的中式餐廳未試過，有機會可再嘗嘗其他菜式

中午二人叫午市套餐，紫羅肉，䓤切雞。紫羅肉幾好， 雞就“鞋”口。另叫一碗豬油飯。豬油飯最好少些油，豉油份量ok.唯一較差例湯，用南瓜加雪耳湯但湯面多油。另外例湯不是主動送上，見周邊四枱客结賬時仍未送上。

今日下午和同事諗唔到食甚麼好?經過佐敦道，見到茗星粗菜館的招牌就進入去試一試。進去後目測8成滿堂，幸好剛有2人枱就入座了。我們看一看餐牌午市套餐只需58元，包老火湯及白飯，因完全無頭緒，經經理推介就決定點選"惠州梅菜扣肉" 和 "紫蘿咕嚕肉"，及改配 豬油撈飯。惠州梅菜扣肉食落唔油膩，唔會太過咸，份量剛好。而咕嚕肉也新鮮熱辣，不會有過硬的情況出現， 味道正常。我們最覺得有趣是豬油撈飯，因事前無試過， 原本會覺得一定好油膩好咸， 但食落原想好似麻油一樣， 不太油，主要是增加香味 配上豉油撈在一起，會令人開胃。最後經過門口見到他們推出了商務套餐， 有機會再一試， 總體感覺理想， 可再返食。

食皮蛋有時都係要睇彩數，今次入面係溏心～成晚最好味 呢個唔洗煮 哈哈魚皮唔夠爽，亦唔係川菜麻辣嗰隻風味，唔辣可以唔食🙅🏻‍♀️豬雜還好，但豬油撈飯啲豬油就唔夠香，有啲感覺名過於實🤔

9：30左右去到仲有吾少客人食緊睇完餐牌好快就嗌左野食爽滑脆魚皮呢個係前菜 魚皮好爽 撈埋啲薑絲 辣汁 好開胃燒汁雙子呢個即係茄子加玉子豆腐 感覺同魚香茄子差吾多鮑汁亂鴿乳鴿好淋 不過略嫌鮑汁太甜香煎魚塊鯇魚切塊 半煎炸用避風塘煮法煮到好香口 不過好咸豬油撈飯豬油 醬油獨立上 可根據自己喜好添加份量當晚食完$300有大閘蟹送👍呢餐飯食完好口渴 要同朋友狂飲汽水止渴😂

首先，睇下餐牌價錢先😍😍咁你實會懷疑，質數如何，咁又比你睇下光顧下午茶，叫左一碟係涼瓜牛肉，份量唔少，只不過係鹹左小小，但整體好正，有鑊氣連湯加飯只係$42元另一碟蔡瀾鹹魚醬蒸豆腐都好野味持長者卡仲有下午茶半價，半價喎⋯⋯質素同埋價錢絕對可以話係佐敦道之冠，良心餐廳，值得大家支持

開張儀式過後同屋企人去左歷史悠久既粗菜館食飯，細細個睇蔡瀾同李純恩食評話好食所以一直都想試~要左鱔煲，火候不錯，調味好，係個鱔多骨左 d ，食得唔夠暢快😅 豆腐好好食！小炒王水準不俗，腰果同魚仔夠脆而韮菜同魷魚好爽👍🏻 炸豬大腸無話炸到好乾，加埋個醬汁酸酸甜甜咁好易就食到停唔到口😆炒田雞都好香口，啖啖肉，送飯一流💁🏻‍♀️當日例湯係粉葛雞腳，好好飲！真。老火湯，娘煲既都無咁好飲🙈 仲要左想試好耐既豬油撈飯佢係石鍋上，撈勻之後堅好食啊，好香潤，我食左成碗飯🤤 雜菜煲都出色架！我地話以後家族食飯有地方了~~

午飯時間去幫公司買野 唯有一個人食午飯啦 走入去粗菜館一個餐$58 加一 有湯有飯有小菜選擇都幾多 我諗如果多點人一齊食應該可以試好多不同的小菜這裡有得加$5 改豬油飯 見隔離枱的是要自己慢慢撈 中意點就點我叫了一個沙薑雞餐 先來了湯 湯是足料的 味道不錯 感覺無咩味精 底有肉同蓮藕沙薑雞餐之前聽同事講過是幾大碟的但今次一望其實都係普通size 縮水了個餐只有肉無菜 入味不過有少少咸跟餐叫了白飯無叫粥 食落都夠食 最後埋單都不算貴只是多人食的話應該會更開心更好

今次要比讚了，佳因上月來過，例湯不夠熱度，店方好快有回應會改善，估不到事隔一月，真的改善了。青紅蘿蔔湯，熱辣辣暖心胃。味道淸甜夠火喉，好正👍讚過後又要彈了，今日選擇了沙薑雞，賣相似厨餘，為什麼沙薑雞會浸在沙薑水內，味道好濃，食後口乾。還有每件都有著不同部位，雞頸，雞翼尖，雞腔骨，雞尾....碎碎濕濕，有點似昨晚賣淨的撈在一碟，有點勉強食了兩三件己吃不下了👎。希望真係店方能正視一下品質。還有店員奉餐每次貪方便放在客人對面，抬側之類，其實是否應放在客人面前呢！