英記巷仔雲吞麵

營業中

休息中

呢間餐廳就經常聽到人介紹☺️無論係街坊定係係附近既打工仔，😜所以我都要黎試下佢🥳我係平日既中午時段黎到🤨見到店面同出面都好多人等叫外賣 😗我相信都有一定既水準係到啦 今次我就試左水餃既😊😋水餃河多蔥河粉店鋪就用左幼身個隻 我就係鍾意幼身既多D 因為食起上黎冇咁濟😊而且滑身D🙂要讚既係做到皮夠薄，餡又夠足料，蝦又唔會有雪味，又有雲耳又有筍，口感十分豐富😚舔舔脷指數👉🏻7😋/10😋滿分 可以一試😋

之前去朋友屋企打邊爐食過一次佢嘅雲吞就念念不忘，因為佢啲雲吞裏便係有蝦籽。今次出開嚟新蒲崗攞嘢，就順便食個下午茶，本來諗住嗌個雲吞牛腩河，但係見佢牆上寫有懷舊撈麵即刻改返做撈麵。不過懷舊撈麵係冇餸嘅，所以唔知我叫個撈麵同懷舊撈麵有咩分別。不過呢個都好好食，尤其是佢有埋個醃蘿蔔，而家啲粉麵舖真係好少有。食完真係添完又添。其實個人口味就鍾意清湯牛腩，但係食親撈麵嘅話都係柱侯牛腩係夾啲。同埋佢啲牛筋都幾膠口。估唔到佢跟撈麵個湯，以為係普通淥雲吞嗰啲鹼水湯，點知原來係蝦籽湯，實在太滿足。

有次上網見到有新蒲崗街坊推介呢間英記雲吞麵，心諗既然住喺附近嘅街坊都讚得嘅話，一定唔會差啦！食咗豬油撈麵、雲吞、墨魚丸河同埋芥蘭，可能本身期望太高，味道好似比想像中嘅普通咗少少，不過睇住店員姐姐包雲吞嘅餡係好足蝦肉，好足料嘅！==============================📍 英記巷仔雲吞麵 (新蒲崗)新蒲崗康強街32-34號康強洋樓地下10號舖==============================

好耐未食過雲吞面，不喜歡遊客區的雲吞面店，實在太迫又要排隊，星期六誤打誤撞食了依間，香香的大地魚湯襯埋一口一口的雲吞，再加埋煙韌度適中嘅面，食落好正啊！下次返嚟香港一定再幫襯！

六十年代撈麵雖然豬油很香，可惜麵走鹼情序做得唔夠所以食落有少少苦味要加醋中和。雲吞略為實，可能因為用咗搞豬肉關係，湯頭就般一般。整體質素一般，但價錢相對可接受，未食過試吓無妨。

「米芝蓮推介」的麵店和小食店🏆六十年的老店是街坊的老字號✨到晚上依然滿座～最深刻是店舖滿滿的人情味～街坊一入去：「照舊！」老闆娘：「咦今日收工收晏咗喎！（閒聊..）」亦見到街坊同老闆充滿信任🥹例如賣單— 老闆：「得啦下次再俾啦！」見到有街坊話：「唔使找」老闆娘特登追出去俾返錢🤣仲聽到隔離枱剛加拿大返香港第一時間就來食🤣【雲吞麵】 $36⭐️⭐️⭐️⭐️雲吞每日新鮮製作，超級大粒、勁足料！見到原隻蝦喺入邊😍麵煮得剛剛好，好爽口。湯底都是無味精，食完不會覺得口渴！【懷舊豬油撈麵】 $36⭐️⭐️⭐️⭐️⭐️超級濃味但食落完全不覺得油！加埋辣椒油就更加好食！老闆娘話加埋枱面上的醃蘿蔔👍🏻一啖醃蘿蔔一啖麵會有初戀的感覺😍【牛筋牛肚雙拼】 $80⭐️⭐️⭐️⭐️ 嚟到嘅時候嚇親😂因為真係超級大份🙂‍↔️但牛筋牛肚都超級軟腍 好入味😋值得一試！【招牌潮州粉果、韭菜豬肉餃】 $6一隻、$11兩隻⭐️⭐️⭐️⭐️每日即場現做！每日經過都好多人排隊買，粉果皮同韭菜水晶皮煙煙韌韌，內餡都多！係高質嘅粉果和餃子🥟經過一定要買來試，但就唔建議特登揸車嚟食啦🤣餐點：4.5 / 5服務：5 / 5（人情味💯）環境：2.5 / 5 （需要搭枱）性價比

多年前去過英記（當年是好吃的）前日同朋友無所事事所以特登走過去再吃😅 入到去點咗净雲吞及水餃粗麵， 叫麵的時候已經多次提要爽麵， 店員也示意知道及明白淨雲吞嚟先， 一聞便知湯底偷工減料， 大地魚沒有用火槍燒夠， 所以味道不突出， 及湯底混濁。雲吞已經吃到第三隻水餃麵還未嚟🤣😂 心知不妙應該我哋個麵浸緊溫泉， 侍應只管打牙骹傾偈 ，我再次詢問侍應水餃麵才到 同雲吞麵一樣湯底非常非常一般，好失望， 麵咬落淋吃到第三口感覺是苦的😭😭 更要提及免費的蘿蔔， 非常之酸， 應該醃制的時候忘記加糖及辣椒🌶🌶🌶 真的是大不如前。

英記巷仔雲吞麵，位於新蒲崗康強街32-34號康強洋樓地下10號舖。間中都會到這裏食雲吞麵，小店地方唔算大，店員服務有禮。今晚點了炸醬麵、淨水餃、腐乳通菜和凍檸茶。 ▪️炸醬麵 ～ 炸醬麵味道偏甜唔辣，幼麵彈牙。 ▪️淨水餃 ～ 水餃一碗有五隻， 大大粒皮薄，但餡料比較淡。 ▪️腐乳通菜 ～ 通菜鮮嫩，配上鹹香味的腐乳，好吃。 ▪️凍檸茶 ～ 茶味夠濃， 唔會有好多冰，幾好。 整體價錢合理，是一間有人情味的小店。 🏷️溫馨提示～ 整個用餐體驗均屬個人分享意見， 只作參考😊。

想簡單快食，除了茶餐廳常餐，雲吞麵是不二之選。當大家搜尋新蒲崗美食，英記都排得幾前。可能係生活節奏太急促嘅關係，通常食嘢都想慢慢黎，同朋友傾多兩句。今日有d 趕時間，就係去試一試英記的機會😎坐低等了10幾分鐘，其實唔過份，只係內心少少心急，趕時間之餘，又要滿足一下肚腹🤨等待的過程，聽到侍應姨姨的對話，喺咁錯單，搭枱的食客，遲我10分鐘到，反而食物上枱的時間差唔多，算係我唔好彩🙂‍↕️4粒雲吞，加個麵，味道正常，湯底好普通，試左一啖係唔會想飲第二啖雲吞唔係特別大粒，唔係問題，但食落去，肉碎唔係特別香，蝦都唔係好有口感。成日餡冇特色。其實佢冇做錯啲咩，只係普通，唔係特別好食同會返轉頭，名過其實。唔知佢出名，然後行入去食碗麵，唔會失望的。

突然之間想食雲吞，見到OpenRice尼間，仲有米芝蓮推介，諗住實冇死，同同事一齊買咗淨雲吞同水餃，再加多一盒生雲吞。平時都唔會寫食評，但係今次真係頂唔順！一啖食落去，就知賴野，真係好鞋口，懷疑佢用啲蝦殼打爛佢做餡，而且又鹹。 點解甘多好評？ 唔通大家都鍾意食又鞋又鹹既雲吞？ 我同同事都覺得好難食，接受唔到😑 成世人未食過尼d咁既口感既雲吞！ 唉..好失望…而家望住果12粒生雲吞…. 都唔知點算… $48盒🥸真系灣仔碼頭仲好食過佢… 以上純粹個人口味，見解同感覺………..

宵夜一流~可推介~~臺面免費酸蘿蔔好味~雲吞麵湯底好~面體鹼水味唔重又爽口~正宗一口小雲吞~豬手都好好味~地點方便夜晚都有位泊車食唔食牛腩都好推介~爭啲唔記得仲有韭菜花~

前日收早趕得切睇戲，買完飛見有時間可以食D野，就去咗戲院附近呢間雲吞麵舖，舖頭唔大得幾張枱，每枱都有一樽酸蘿蔔，餐牌都貼喺場但冇價錢嘅，點左懷舊60年撈麵、雲吞麵油菜，同老闆娘大力推薦嘅滷水豬手拼牛筋！先嚟懷舊60年撈麵，冇餸嘅，但好香，聞下就知原來係豬油撈麵，食一啖味道似曾相識，記得細細個父母曾帶我去街邊鐵皮舖食過呢種味，隔咗咁多年先至食返，令我諗起好多回憶！老闆娘好熱情咁叫我一定要加埋酸蘿蔔一齊食，果然係令個麵更清新😃滷水豬手拼牛筋老闆娘真冇介紹錯！好腍又入味👍🏻至於雲吞麵有D失望，皮硬、雲吞餡都係霉嘅，個湯有D苦

六十年代撈麵，水餃非常好食。我其實好少食水餃，但係依度食過一次真係返唔到轉頭，木耳好爽，水餃好飽滿好大隻！******************************老細緊張食物品質，次次食親佢都喺鋪頭，又會問啲客人覺得食物點樣。韭菜花冇渣，通菜腐乳醬好好食!******************************豬手牛筋都好食，其實一句講晒就係用心出品。有心做，食客真係感受到，咁多年來品質都維持到！

自從老公幾年前帶我幫襯第一次英記之後，時不時都會掛住佢個超彈牙炸醬麵。今晚忍唔住揸車過去宵夜，突然返風有啲凍，於是叫咗湯麵。牛腩麵腩汁香，牛腩又多，阿姐問我跟唔跟餐，加碟菜心同飲品都係加$11，抵食。雖然個菜心碟係碟仔，但都砌得好滿。老公叫咗牛腩炸醬麵跟大地魚湯，真材實料又香。再叫咗淨水餃，阿姐又問要唔要餐，於是又加咗碟生菜。生菜都係一碟滿。兩個人食呢一餐，$150 有找，真係心滿意足。環境方面，雖然係舊式麵檔，但一啲都唔污糟，坐得又算寬敞，筷子都有套住，衛生算唔錯。係我又無打卡🤣

•ᴗ• 鮮蝦雲吞米線套餐（單餸粉麵套餐 ）$49套餐配時菜同野飲🥬🥤單餸揀咗鮮蝦雲吞🥟一碗單拼粉麵有四粒雲呑。雲吞係自家製，人手包（會見到佢地熟手技工咁包雲吞水餃，排得整整齊齊好治療☺️）大大粒，餡料好足，係滿滿嘅鮮蝦同豬肉，豬肉調味有一種好獨特（類似大地魚）嘅味道，真係好好好好味🥹一定要配酸蘿蔔食，酸酸地好開胃！湯頭係傳統大地魚湯底🍜清淡得黎有種鮮甜，食得出係無味精🥹•ᴗ• 牛腩拼雲呑粗麵 （雙併粉麵）$41牛腩都好出色🐃牛腩係半肥瘦，未到入口即溶，但都好淋好入味好juicy🤤大地魚湯底加咗腩汁好鮮甜🥺雙拼粉麵雲吞有三大粒，好抵食💯