英記巷仔雲吞麵

營業中

休息中

平日晚上去食麵，都算多人食，而且聽得出好多都係舊街坊舊顧客去食，所以充滿人情味。第二次幫襯，仲記得第一次嚟食嘅時候點咗呢到最出名嘅「六十年代撈麵」，即係豬油撈麵。但可能始終唔係食豬油撈飯大，對豬油無乜情義結，加上一向怕食好油嘅嘢，所以對豬油撈麵無乜特別感覺！今次點咗一碗鳳城水餃麵+腐乳通菜+可樂($47)，同埋一碗雲吞牛筋撈麵($46)！鳳城水餃係呢到熱賣食品之一，雖然只有3粒，但都大大粒！有肉有蝦有木耳，非常足料！好味！腐乳通菜略嫌油膩，但佢嘅腐乳醬係自家調製，咸中帶甜，幾好味幾特別！同樣雲吞只有3粒，少咗啲，但可能因為係雙拼，會少啲。牛筋煮得入味，香滑軟腍，非常出色！好喜歡佢嘅麵，因為佢嘅麵條夠彈牙，鐘意食硬麵嘅人會好滿足！但撈麵就略嫌太油，湯麵會清少少！而枱上有一樽醃蘿蔔，又係自家製，非常出色，配麵食一流！

今日係觀塘工作完，就趁掛8號風球前黎到呢間以六十年代撈麵和巷仔雲吞麵聞名 ，並於2016年上過米芝蓮港澳街頭小食榜既英記雲吞麵店。店內環境乾淨，少見雲吞麵店有呢種質素，仲要呢間已經係60年代的麵店，令人出乎意料。麵店老闆娘做事親力親為，會不斷同食客聊天，而且會極力推薦店內特式食物，勤奮既態度值得加許。-牛筋豬手雙拼牛筋、豬手炆得好入味，大部份牛筋都炆到好軟淋，感覺食落好有骨膠原，但有少部份位置相對硬身、不好咬，而豬手主要食層皮，骨肉比較難分離，對於我這種不食骨的人就只好放棄了。-套餐$47湯，麵，油菜，飲品湯的份量像白飯碗般大，有一點韮菜，味道正常，麵方面我選擇了撈麵，撈麵入面加入了豬油，食落幾順口，配埋自家製醃酸白蘿蔔，有種清新感，好像韓國人食水冷麵的感覺，而醃白蘿蔔是任食的，現在已經很少店舖會這樣提供小食了，所以值得讚揚，如果喜歡吃的話仲可以外賣回家。油菜點了腐乳通菜，份量夠大，不過腐乳醬味道偏甜，而且菜灼得比較淋，失去爽脆感。-淨雲吞大粒，足料，饀為蝦同豬肉，肉味濃，但雲吞皮唔夠唔算爽口。-鳳城水餃除左有蝦、豬肉，仲有木耳、蝦子，味道更豐富，更有鮮味，比雲吞更大粒、更好吃。雖然食

見英記勁多好評推介，今天剛好行開新浦崗就去試下，因為唔肚餓所以只是叫了一碗淨雲吞加汽水，雲吞包得好實淨，咬落覺得太硬，味道太咸，虾和豬肉調味都麻麻，虾唔甜，豬肉唔香欠肉味，湯底亦偏咸，飲左2啖就冇飲，奄羅白味淡，唔酸又唔辣，比較淋，只吃2塊便算，雖然比較失望，但知道此店出名撈麵，可能會再去試撈麵

唔係好肚餓，所以淨係叫左個淨雲吞。啲侍應姐姐幾友善，會問下你加唔加菜，又幾有禮貌。個雲吞就中規中舉，入面啲蝦都爽口，湯底唔會好鹹，食完都唔覺好口渴。仲有個酸蘿蔔，如果就咁食會太酸，配埋麵就應該啱啱好。

以前經過，完全無留意，睇咗網上食評介紹，專登去試。雲吞麵湯底鮮甜，但略為淡味，不過點都好過太鹹無得救。雲吞用半蝦半豬肉，大小適中。麵無梘水味，少少爽口彈牙，淥少一點時間可能好D。47蚊套餐碟菜都好大碟，不過杯凍檸茶就無乜茶味。六十年代懷舊撈麵豬油勁香，比湯麵更加好食，又大碟。侍應姐姐主動教放蘿蔔在撈麵中一起吃，但我都係鍾意唔放蘿蔔。地方雖細但都整潔。今日見到侍應、廚房全女班，有禮貌，同熟客有傾有講。

今次要介紹一間價錢平民雲吞麵店(⁎⁍̴̛ᴗ⁍̴̛⁎)係新蒲崗近mikiki附近 雖然夏天入去食有啲熱🥺食到我成身汗 入面都好多人食🙈坐滿哂人 但係都值得一去❤️ -牛腩墨魚丸河粉 (3/5分⭐️⭐️⭐️)牛腩夠淋 又唔會太肥或者太瘦，湯底好清甜 份量夠多 河粉多到食唔晒😂墨魚丸好好味 夠彈牙！ ！-炸醬牛丸撈麵(5/5分⭐️⭐️⭐️⭐️⭐️)牛丸好彈牙 咬落去會食到牛肉味 有時打邊爐嗰啲牛丸冇咩味(有啲仲會食到雪藏味) 仲會有少少爆汁 (≧▽≦) d炸醬撈麵又唔會太鹹 😋😋😋 推介大家去試下🤩🤩🤩鑽石山站行過去大概15分鐘左右~或者附近搭巴士去應該會方便啲❤️

新蒲崗小店選擇多，今次試下呢間幾年前曾經上過米芝蓮港澳街頭小食榜既英記，好多人都話呢間充滿懷舊風味。雖然舖頭唔大，但係入面都幾乎坐滿人。餐牌上都係傳統既粉麵選擇，可以揀湯麵或者撈麵。另外有套餐，可以加菜同飲品。枱面仲放左酸蘿蔔，任食唔嬲。不過我無食😂叫左個最出名既六十年代撈麵 ($39)，其實就係豬油撈麵，有豬油香味，但又唔會好油淋淋，幼麵係無梘水味，基本上就咁有豬油同豉油已經好夠味另外叫個招牌巷仔雲吞麵，特價套餐連油菜飲品就$47，湯底味道普通，雲吞size比起一般大粒少少，皮薄，餡方面蝦肉好似唔夠多，味道唔算好突出。套餐碟菜，份量都幾大，菜都新鮮另外仲叫咗個馳名鳳城水餃，都幾大粒，大量木耳絲，幾爽口。以粉麵店黎講價錢唔算好貴，但係食物質素未去到好出色，懷舊風味感覺上都係名過於實，試過就算😅

打波之前去一去英記, 好彩唔洗等位, 裝修完靚左好多, 入面空間都好似大左少少因為趕住去打波即刻叫番個牛筋撈粗麵黎食先, d牛筋大大條好抵食, 每次黎都唔會失望 飽住走人

4/5分數只係比超級好食懷舊撈麵，個豬油勁香，如果你同時間又叫咗一碗湯麵，你就知個香嘅程度爭幾遠。同埋嗰個醃蘿蔔嘅作用，就係同你食麵要落紅醋一樣，不過夾好多，又有口感。雲吞同水餃都唔得，唔好意思。(Google translate)The score is only compared to the super good food nostalgic lo noodles, a lard is strong and fragrant, if you call a bowl of noodle soup at the same time, you will know how far the flavour is. The effect of burying a pickled radish is the same as adding red vinegar to your noodles, but with a lot of sandwiches and a taste. Wonton and dumplings are not good, I'm sorry.