花斑茶社 (沙田中心)

營業中

休息中

今日經過沙田廣場「花斑茶社」買下飲品。原來以家有期間限定「 胡氏這一家」，當然我地唔會錯過啦，而且仲有打卡位，可以同胡老太影相，好可愛呀。珍珠奶茶（$28）連紙杯都用上「胡氏這一家」太可愛啦。但唔係款款飲品都係用「胡氏這一家」紙杯，所以到時要問下店員邊款飲品先會有限定紙杯啦。奶茶入口順滑不苦澀，甜度剛剛好，珍珠煙煙韌韌，好Q彈。可可鮮奶（熱）（$32）鮮奶味好濃郁，好幼滑，可可味濃郁，但因為走左糖，所以味道有點似谷咕。

完熟蘋果冰茶-四季春🌿🌿🌿自從天氣開始時熱時凍之後，真係好難適應呀，好彩沙中有間咁就腳嘅花斑，等我需要消暑就可以去買番杯冰茶爽下！今季新出嘅蘋果冰茶已經打敗咗橘子成為個人新寵💛💛本身鍾意叫無糖，呢款淨係飲蘋果粒粒本身嘅甜味已經好清新好夠味，配四季春茶味冇咁搶更加啱夏天飲！已經無限次翻焯花斑，間中又有新產品可以一試，就算隔離舖多咗兩三間茶飲都冇轉移過我視線，非常推薦大家嚟飲番杯！自備容器同飲管仲減多三蚊，好抵讚👍🏻👍🏻

悶熱的天氣，最適合是搵番杯消暑解渴的飲品去飲，在沙田中心經過，見到花斑茶社有新產品就買黎飲。 #abouteahk #胡氏這一家 #花斑茶社 完熟蘋果冰茶紅茶茶底，加上有爽脆的蘋果肉，解渴消暑。甜度剛剛好，果肉分量適中唔太多，真係抵飲，😍😍😍茘枝玫瑰烏龍陣陣的荔枝香味，配合玫瑰花味的烏龍茶，特別出色。玫瑰花香味濃及芳香，荔枝味在烏龍茶裏散發出來，是今次的最佳推薦飲品地點：沙田中心 L325G&H2688

去咗沙田睇lulu豬🐷行咗過隔離商場買花斑茶社，超中意佢地嘅黑糖珍珠厚鮮奶🧋咁啱附近就有一定要買😍✅黑糖珍珠厚鮮奶$32+芝士奶蓋$7加咗芝士奶蓋層次更豐富，帶小小咸味嘅奶蓋再加埋香甜嘅黑糖鮮奶，非常好飲🧋飲完成杯好滿足😙✅柳丁綠茶$28同胡氏這一家合作嘅限定飲品杯👵🏻用咗新鮮橙汁感覺好清新🍊橙汁配綠茶消暑解膩👍🏻🐻總結胡氏這一家嘅杯好可愛😻兩款都好好飲😙💛好味指數:4.8/5 💜回頭指數:4.1/5📍 花斑茶社 (沙田中心) (沙田)沙田橫壆街2-16號沙田中心3樓25G & H號舖

花斑茶社推出期間限定新飲品，岩晒春夏天既來臨！平時我多數飲白桃烏龍，鐘意佢有少少果肉又好清甜，今次兩款都係果茶，性質有啲似，解渴一流～🔸完熟蘋果冰茶 🍎可以揀四季春或者紅茶底，我揀左四季春，有粒粒蘋果肉，飲落非常清香！🔸荔枝玫瑰烏龍🌹呢款就只可正常冰同固定甜度，茶味出啲，有少少荔枝果肉同玫瑰花瓣，飲落有陣陣嘅花香味，玫瑰又可以安神養顏，真係唔錯～📍#花斑茶社 (多區有分店) 好搞笑，咁啱遇上慶祝姜濤生日，有應援物拎🤣

前幾天經過買了2杯野飲喝，結果等了後耐也沒有！收銀個男人只顧玩電話，落了單等很耐只見低頭玩電話，等候時間很長，飲品出來也不拿給客人，白白等了幾分鐘。飲品質素很飄忽，平時在其他分店飲，這次試一樣是微甜的飲品，沙田店的實在太甜，珍珠沒有味嘅！

公司附近最近開咗一間茶飲店 @abouteahk 而且有22間分店佈滿全港九新界 呢個系一個香港茶飲品牌🇭🇰傅承地道台灣茶製作工藝🍵以好水好茶好奶為原材料製作每一杯都飽含了製作者的匠心🥰甘有心思既茶飲店 好值得大家試吓🙌🏻佢地最近推出左兩款新果茶 清爽又好啱春夏天飲🔥▫️ 荔枝玫瑰烏龍呢款有漸層效果🌹融合左花香、果香與茶香既飲品 以烏龍茶做茶底 有甜/走甜選擇 入口有荔枝嘅天然甜香 加上淡淡玫瑰香氣 清甜舒爽 玫瑰能夠舒緩神經同消除疲勞 好岩女士飲用😍▫️大甲芋頭鮮奶糖同冰度都系固定左🙈味道香甜軟糯 仲有粒粒嘅芋頭蓉可以咬下 撈埋鮮奶一齊飲 減低甜度 口感一流！

🔅黑糖珍珠烏龍奶茶 $28黑糖做到掛杯，啱晒打卡。烏龍茶味道一般較清，比傳統淡，難得呢杯嘅奶同茶沖調比例平衡得到，奶味無蓋過茶香👍 。至於珍珠就煮得正正常常，煙韌有咬口。

間間花斑茶社分店都有飲，通常嗰日近邊間就買邊間，都明白唔會間間一樣質素。但沙田呢間質素真係好飄忽，非常撞手神。一向叫開無糖走冰 (因為會加蜂蜜珍珠 所以正常係點都有微微既甜味) 好可惜，平均買三次會伏一次。今日叫左”桂花烏龍奶茶 加鋒蜜珍珠 無糖走冰”，伏個點係 - 完全無甜味，完全無桂花、無桂花味。無甜係連珍珠都係清水咁淡🥲而桂花平時係點都有少少桂花碎，今日完全無⋯⋯同樣係伏既前一日飲同樣既野，無糖 但係超甜😅唔知咩玩法，返左屋企溝水先飲到🫂好想無伏咁幫襯，希望控制好質素🙏🏼

一直聽人講好飲，今次試下佢地推介，烏龍奶茶。要左熱既，係暖暖地，已叫少甜，但都係偏甜，奶味重啲，茶味唔出。可能要試下啲珍珠呀，奶蓋個啲先試出特色～有機會再買啦！

-收銀職員態度差，自己落錯單，反而推卸責任!!!-只顧低頭玩手機!!!-請謹記，就算是黃店亦需要有良好的態度！叫咗兩杯嘢飲，鳳梨冰綠茶正常，珍珠奶茶的珍珠偏淡無味。

分三次試過珍珠奶茶、奶蓋四季春、茶底芋圓糖水。三種應該是不同茶底，但三種的茶香都很有韻味，有驚喜。茶底和坊間不同，不是以苦味為主，很清很香，像是自己在家泡的茶的感覺。肯在茶底上用心的茶飲店，讓人很有好感。奶蓋奶香濃郁，質地綿密，相當有質素。珍珠亦煮得剛剛好，不會過軟或過硬。奶茶的奶味也沒有蓋過茶的底味。如果嘗試過的飲品質素很高，會讓人想要繼續嘗試其他種類的飲品。以普通手搖飲品的價格做到這樣的質素，又是良心小店，會一直支持，也會推薦給朋友。

聽聞花斑茶社的茶飲有質素, 但一直沒有機會品嚐, 得知在沙田中心開了分店, 而且試業期間有8折, 豈能錯過 (食評登出時, 折扣優惠可能已完, 請自行確認)。茶飲款式不少, 一於按其精選推薦, 選了黑糖珍珠烏龍奶茶, 要求了少糖少冰。黑糖珍珠烏龍奶茶 (少糖少冰, 試業期間8折, 原價$28) $22呷了一口, 烏龍茶味突出, 與奶味平衡剛好, 很久沒有嚐過如斯高質的茶飲, 有點驚喜。珍珠彈牙, 粒粒分明, 每口均滲出啖啖黑糖味, 不會過甜。整體味道搭配出色, 但略嫌份量少了點。

🌸花班茶社🌸消暑新品 😍熱辣辣行過再飲返就試吓佢poster上面好吸引嘅兩杯消暑新品。甘蔗四季春($26), 想試新嘢嘅我加咗個芝士奶蓋。個奶蓋打得好香滑，值得一讚。我覺得桃膠都好吸引下次再试吓先🖖🏻都係加$5蚊白葡萄綠茶🍵($26),個味好清新啊又好唔會有藥水味。個茶底真係好好味㗎。 濃得嚟又唔會澀。總括味道，包裝，價錢都贏晒！💪沙田友力撐❤️新開去支持吓

支持黃店 💛 @abouteahk 見花斑茶社越開越多仲開到嚟沙田市中心梗係要支持❣️我帶咗自己杯去買 🤘🏻..叫咗兩杯新飲品 寫明係summer🌞消暑之選甘蔗四季春 ($26) : 夠哂清香，叫咗微糖，但加上甘蔗嘅甜就變成好似半糖嘅程度，下次要叫無糖先啱我白葡萄綠茶 ($28) : 同樣係微糖，呢杯嘅甜度就啱啱好，茶味好出，市面上少見白葡萄口味，值得一試 🫶🏻本來想加桃膠 ($5)，可惜賣晒..沙田中心分店喺 k_c 隔離..