花園餐廳 (英皇道)

營業中

休息中

中午過嚟北角食晏去左花園餐廳食野佢有好多野食個價錢大嘅係50-70蚊既區間而我就叫左個茄汁焗豬扒飯佢係岩岩焗好拎出嚟既我好鍾意佢係即叫即整既因為夠熱而且啲豬扒焗到有啲燶邊係好好味而且好juicy食個飯既時候唔會好dry真心一試

回憶是美好！以前讀大學，下午無堂，幾個大食男孩最鍾意食塊扒大過鐵板的牛扒lunch下午茶時段入座，決定仍然叫鐵板牛扒lunch.餐湯揀羅宋湯，一上枱，記憶中以前深色、濃好多。但係湯仍然正常夠味，而且有幾粒我最鍾意嘅連肥牛肉粒。餐包沒有重量，輕飄飄！今次叫肉眼扒，上枱仍然係塊扒大過塊鐵板！滿滿的回憶🤣 叫了黑椒汁，但今次最失望係個黑椒汁，我印象個汁「傑」身有黑椒同細細粒的青椒，但今次嗰汁「稀」又無黑椒味嗱塊扒$70唔好有期望，果然無牛味但好腍⋯⋯果然無期望無失望！

小朋友十歲，鋸開牛柳十分容易。注重容易咀嚼的您便一定滿意。下午時間大概2點到達，有卡位坐。四人卡位我和小朋友對坐非常寬敞鐡板餐較為昂貴HKD 150-200，但比較午餐HKD 50-80卻真心大份及好吃老人家行樓梯上餐廳會比較吃力，二樓門口有掃安心出行及消毒酒精。侍應態度ok, 香港長大的我們都不會要求太多。要求添清水有清水，要求拿餐巾有餐巾，夫復何求我喜歡餐包，牛油獨立包裝不是硬硬的那種，整塊放在餐包中間有種小時侯的回憶。

本來不時都會嚟食下嘢，食物質素同環境，呢個價錢，都收貨，不過今日去就受氣。一坐低就俾一位女侍應喝：「問極你都唔答我！」我極疑惑地回應：「你同我講？」她提高聲音：「係呀，問你幾位呀！」我一個人嚟，咁正常嘅問題我聽到實答喎。她竟然說：「問咗你兩次，都聽唔到！」這刻我覺得我要走人了。

由於天雨關係，諗住一落車，就帶小朋友上去食埋個晚餐先返屋企！點知⋯後悔極了！！服務態度：一入到去，一位不是操本地口音的長髮阿姨，堅持要我地掃左安心先可以搵位坐！（手抱小孩，又攞住一袋二袋嘢，仲有把濕濕的遮）無問題！政府政策要求啫！順口問句「有無窗口位？」「無！」「咁有無啲食到咁上下，差唔多走的？」「你起度等啦！」「有差唔多的，我地就等，無，我地可以坐其他位；有就有，無就無，我唔想傻等」「咪叫你等囉！做咩鬧我！」「⋯ ⋯ 」（我無聽錯吧）咁係鬧佢！最過份的係看似經理的男士，見狀，掉頭走，當睇唔到！可真是無話可說了！食物質素：可能係因為我哋「鬧咗」佢，於是被報復吧！今餐的食物質素差到一個點！明明記得之前食，唔係咁的！我兩個小朋友都唔肯食，寧願返屋企食杯面別的就不多說了，簡單如一碗意粉，又冰又乾小朋友問，點解呢度啲嘢全部都凍冰冰嘅？我以前鍾意食呢啲㗎咩？唔係呱

同男朋友晚飯時間入開北角 所以佢話帶我嚟依間花園餐廳試下 一入座，餐廳冇乜人，包埋我哋兩個 都好似只係得兩枱客因為好肚餓，所以即刻一人嗌咗個鐵板牛扒餐 男朋友嗌嘅係T骨扒，我嘅係西冷扒餐包大大件，雖然凍咗， 但係又腍又軟熟搽埋香噴噴嘅牛油入去再咬一啖醫住肚先簡直係一流加上因為太肚餓嘅關係所以成個餐包食曬啲湯就又大碗又足料，飲落去味道一流唔會話煲到好咸好重味精入唔到口湯料有啲牛肉碎 同埋椰菜喺入面 啲椰菜仲要係大大塊嘅添牛肉碎就好腍好滑，所以d湯好濃好好飲邊飲邊送個餐包都好足夠啲薯條都好好味，雖然唔係話好大條果種薯條 不過都好有薯味，食落去脆卜卜只係唔夠熱咁解至於啲牛扒就真係好有驚喜因為我以前食過銅鑼灣嘅花園餐廳但係啲牛扒好難食，所以本身對呢間就冇咩太大期望嘅，但係食落又發覺真心唔錯我哋叫咗七成熟，切開d扒見到的確係七成熟嘅樣子，唔會話太靭最屈機嘅係佢啲牛肉食落去一啲渣都冇真係啖啖肉，好有牛肉嘅香味再淋埋啲蒜蓉汁，簡直係無可挑剔啦！男朋友個T骨扒，一樣係好好味尤其是係啲筋位同埋啲脂肪位，超肥美 我哋兩個都照食，佢就係配黑椒汁所以塊扒更加惹味唔使再食飯都夠飽，因為真係好大塊肉又厚， 由塊扒

今日中午想和媽媽食個近近哋又快的午餐，所以就去了北角的花園餐廳。 地方好乾淨，又有懷舊feel 。 等了一分鐘就可以安排坐卡位。我叫了68元的鐵板肉眼扒，媽媽叫菠菜芝士龍利魚焗飯，真心說68元一個午餐，羅宋湯又香濃，麵包又軟又熱，鐵板牛扒的黑椒汁好味又夠熱d肉又淋，牛扒非常大件！真心介紹快捷又好味的午餐， 大大杯的餐飲，服務超級好又細心！

花園餐廳 (英皇道)北角英皇道275號南天大廈1樓細細個屋企人已經成日帶我黎花園餐廳鋸扒，真係有一種情意結，今日又黎左幫襯原來lunch都幾抵食架wo先嘆返個熱辣辣既牛油餐包，再加埋足料既羅宋湯，呢d都係食西餐必備啦主菜黎啦，今日食肉眼扒，叫左5成熟配埋黑椒汁係最正架，加上大量既薯條伴碟，非常豐富最後嘆埋杯凍奶茶就好完美啦，總括鐵板餐都係$68蚊加一，有咁既質素真心好抵心，感覺同晚餐既份量一模一樣，都照有湯有包，但價錢就平好多，值得推介多d黎幫襯

來到這間餐廳前，千萬不要給自己任何的期望。餐廳裝修簡陋陳舊，服務質素參差，座位坐得不太舒服，空調開得頗冷，賣點是能給老一輩人懷舊一番和仍有鐵板牛扒提供。我點了5成熟的巨型T骨牛扒餐，由於T骨扒太大件，我建議改用普通碟子上而不用鐵板，羅宋湯雖仍不錯但已沒有以前那種濃濃的牛香味，T骨扒的口感頗嫩頗有牛味，牛肉內有些筋難嚼，也有一條T型的骨頭，味道還好。朋友點了鐵板雜扒餐，鐵板上有牛扒、豬扒、雞扒、雞翅膀、火腿、烟肉，真的好豐富，但味道較為一般，而且比較難咬。

環境:環境陰暗, 比較嘈, 地面油滑.服務:坐好後發覺因枱面餐具不足, 問侍應攞, 補足後發現餐巾不足, 又問侍應攞, 侍應回應 "頭先咪比左你囉! 又囉!" 有性格.食物:T骨扒餐, 有少許黑椒汁(咸得嚟冇黑椒味), 15小時前炸好薯條8條, 小唐菜半棵x2, 塊扒20%肥, 40%筋, 10%骨. 菜最好味. 10分芝士焗肉醬意粉, 夠熱, 意粉為港式意粉, 好林. 60分.海南雞飯, 以前食過好好味所以今日encore. 油飯有 risotto風味, 有生米, 而雞冇味道之中帶一點咸魚仔香氣, 肉質煙韌, 冇去骨, 0分.焗豬扒飯, 飯中有好多硬塊, 豬扒算厚, 300%熟, 乾, 韌, 硬, 合非常有牙力人士, 0分雞扒意粉, 港式意粉底, 好林, 汁味道特別, 難以形容, 似KFC薯蓉面啲汁, 雞扒味道正常, 大家樂同質, 60分

今日星期日 見好耐無食過花園餐廳 跟住同老婆一行兩人去食個下午茶 叫左個干炒蝦醬牛肉河 同芝士肉醬魚柳意粉 計埋加一 總數$102 環境舒服 食物質素不錯 炒野幾有獲氣 加埋蝦醬也很惹味 疫情期間當放鬆一下也不錯

一直都覺得‘花園餐廳’很低調，地方做的舒服，扒餐也實惠。所以，想肉食時，牛扒之家就是必然選擇啦⋯⋯今天陪兒子在炮台山午餐，我選的地方，1點鐘先到了餐廳，跟侍應說想坐卡位，門口等了兩分鐘，即得！✌️入座，點餐，上麵包！餐飽上桌時還熱熱的，butter一塗上立即融化，餐飽兩三口就沒了，不占肚子😝羅宋湯和忌廉湯普普通通，兒子說他的羅宋湯里有牛肉，估計羅宋湯足料吧！兒子選的主菜：👇鐵板肉眼牛扒 -7成熟/黑椒汁這個扒的size像臉龐一樣大，有沒有！🤩幾條薯條，一條青菜，一粒車厘茄墊底，肉眼扒睇落去好豐滿喔...面對若大的一塊扒，男仔沒難度，很快掃清🤘🏿我選的主菜👇鐵板西冷牛扒 -7成熟/ 燒汁不喜歡黑椒汁，所以就淋的燒汁～原來，7成熟的牛扒外焦里嫩，但慢慢咀嚼，我品不出什麼好壞，甚至覺得和豬肉沒太差別🤪......勤力滴鉅啊⋯⋯鉅扒嘛！除了分些給兒子嚐試，我靠自己，也清了這塊鐵板✌️我倆都order了‘凍檸茶’，覺得檸檬茶能解牛扒的油～😍看著窗外的英皇道，時間好快，1小時搞定午餐！環境不錯，卡位寬敞，食物也OK ～買單：HKD174.-/ 2人，價格算合理！

其實吃這種西餐廳的牛扒，通常都是貪它大件夾抵食，而不是奢求有什麼專業的水準，有時候心癢想吃牛扒的時候，也不算是一個壞的選擇。這次點了價值$188的牛扒餐。佢聽聞這個是安格斯牛級別。那味道是如何呢，現在就讓我們客觀點評一下吧。首先我是點了五成熟的。當然就不是什麼五成熟，看這個顏色可以說是七成的，不過我也習慣了這種餐廳問你幾成熟實際上也沒有打算聽你的意見。 味道的話，是不差，不是那種傳統西式餐廳的牛扒風味，而是港式牛扒風味。被打軟爛但加了鬆肉粉的牛扒，吃下去的時候有着濃濃的牛味，就是那種不怎麼正經不怎麼傳統不怎麼高級的味道， 但是是港式茶餐廳的風味。 雖然我說一堆很像是再踩但是其實我覺得挺好吃。配上檸檬水酸酸甜甜的感覺非常好👍🏻

中午經過北角，進內一吃：點了一個鐵板肉眼：大塊但厚道簿左少少 ，有問要幾成熟 但其實沒有太大意思 因為都是預熟才放上鐵板，牛味濃 不錯 但配菜就只有一棵小棠菜 薯條只有數條 就不太好南海大蝦天使麵：天使麵本身太乾 痴埋一齊 汁似用白湯做汁 淡味 但蝦還好 炸得有香味 沒有太大油膩感 而且不霉餐包：即叮 不錯夠熱 牛油牌子是我喜歡的紅湯：紅湯有味 較甜 白湯：無乜味 口感唔錯 但飲到未溶麵粉粒鐵板排不錯 環境氣氛幾好 以午餐來說還幾好 不談公事來閒談是好地方

今日天熱超熱。很想找個安靜、夠冷氣的地方休息和食下午茶。這間餐廳是樓上餐廳🍴食客不太多。所以就選擇這裡當我中途休息的地方。因這裡很近巴士站。睇實報站系統結賬就最好的。這間食店第一次光顧。當然其他分店就已經試過才夠膽試一次啦。一上樓其實佢地沒有一個正式門面。你要好主動自己推門進去找職員。到有職員留意你，佢會帶你去佢覺得合適嘅位置。其實那個時段真係比較少人。冷氣溫度很高、光線很暗。不過扒房格局都無問題。講返食物方面：我本來想點雞翼+薯條🍟+沙津，因為天氣太熱。想食點小食就夠，但原來只可以選擇一樣，我見佢價錢那麼貴，以為兩樣都可以選擇最後就選擇湯米線就算了。這個米線湯底都可以。但食材真係好差。麵底太硬，肥牛太老。開頭見到肥牛那麼多，真係超開心。但原來根本咩味都無。分量多都無用呀今次經歷麻麻地，茶餐廳應該都比佢更好。花園餐廳都係食返扒會比較好⋯⋯