花園餐廳 (淘大商場3期) (已結業)

點了兩個鐵板餐，包括蝴蝶型牛扒及海蝦蒜蓉雞扒甜品。今次食咗一個紐西蘭嘅肉眼扒揀咗五成熟相對嚟講呢就有少少薄身如果厚啲呢就可以更滿足啦。感覺上好似落咗好多鬆肉粉，質感唔夠厚實，性價比一流。至於大蝦雞扒鐵板，大蝦外層鋪滿炸粉，但內在蝦肉欠缺味道，雞扒份量十足。

放自己半日攞回鄉証去咗九龍灣，九龍灣站一出除咗德福花園就係淘大花園，行下街先去攞証，系淘大商場行左一陣肚餓又係下午茶時間，入咗花園餐廳食，下午茶時間樣樣扺食，叫左個牛扒餐跟意粉，超抵食$50，大大塊牛扒夠分量及意粉仲有粟米同埋小棠菜，跟埋杯熱飲，絕對係正餐份量，正👍加咗$12有湯有餐包，冇欺場，熱騰騰餐包配牛油，大大碗足料好味羅宋湯😋，成個餐$62🤩，2點半時間唔係太晏🤗咁嘅價錢，足夠份量，地方唔錯，座位舒服，真係超級平靚正😆，讚👍

花園餐廳作為香港老字號餐廳，食物品質保持一貫水準，十年如一日，非常難得。今日叫咗佢嘅午市套餐；鐵板西冷牛扒，同埋鐵板肉眼扒，我個人比較鍾意肉眼牛扒三成熟，鍾意肉眼比較多汁肉淋，而且難得地食唔到梳打粉嘅味道，值得一讚。餐廳客人10個有九個都係食鐵板扒餐，看着服務員拿着蒜蓉汁黑椒汁邊行邊問，濃汁灑上鐵板吱吱咋響，煙霧彌漫，很有一番復古扒房風光，更是懷念。 鋸扒餐始終都係要有塊鐵板先有風味，佢午市套餐入邊其實都有碟上，只不過碟上硬係爭緊啲嘢，我諗你哋都明啦，有陣時人做嘢就係要一種儀式感，黑椒汁淋落鐵板你舉起大餐紙擋住醬汁反彈那畫面就是港人回憶。

抵食鐵板餐今日要同阿仔食個快晚餐，一個餐兩個人食，於是選擇嚟咗呢間花園餐廳，環境比較昏暗，可能特登，想有情調啲。枱同枱之間尚算闊落，我哋選擇咗坐卡位。店員會講笑氹吓小朋友，都幾好服務。個餐來得好快。鐵板西冷牛扒薯菜配飯上菜時，店員會淋汁在鐵板上，嗰餐熱騰騰最好。牛扒較大塊，肉質唔靭，都算林，牛肉味龍，配有薯條，薯條夠粗，薯條點買蒜蓉汁食，好入味，正！莊沛有幾棵小棠菜。加$10要飯，飯量多，飯質煙韌，兩個人都夠飽。店員仲好貼心，另外俾咗碗蒜蓉汁我哋，等亞仔可以送飯食，不錯！

我都算係花園餐廳長期食客，自從觀塘果間執咗先少咗。咁今日去淘大試下，嘩，嬲到羅宋湯咸到癲包又凍濕嘅扒就又淋又梅服務無乜問題，但野食真係難食到癲我未試過食唔晒一塊扒

花園餐廳都好耐歷史，記得細個都經常去，但越大越少去。突然想食牛扒，近近地，就選擇去花園餐廳重溫一下「鐵板牛扒」六點左右去到，餐廳冇咩人，大把位，阿叔話隨便坐。晚餐選擇都幾多，有不同的鐵板餐，豐儉由人。西冷牛扒（紐西蘭）四成熟 $126牛扒嫩滑，有肉味，四成熟看上去比較生一點，可能諗住鐵板的熱度會慢慢熟。鐵板貴族豬扒（英國）$119豬扒比想像中好食，沒有鹼水味，豬扒也嫩。鐵板之前的餐湯，例牌都係紅湯或者白湯，羅宋湯， 蕃茄味濃郁，仲有幾塊牛肉。忌廉湯，就正正常常。薯條也是在鐵板餐上之前，薯片厚實， 很脆，還是熱的。最後一杯凍檸茶，味道感覺跟以前一樣。雖然店入邊都是一些上了年紀的叔叔和姨姨，但是他們的態度也是非常之熱情，執碟也是很勤快。

🍴羅宋湯餐包 (7/10)餐包都幾鬆軟，有牛油，都夠熱！湯都好多料有洋蔥白菜紅蘿蔔，有一塊牛肉，都夠酸味有蕃茄味嘅，正常！🍴 A級肉眼牛扒 紐西蘭 $149 另收加一 (7.3/10)牛扒都大塊，下面有椰菜墊底，鐵板非常之熱，牛扒肉質都幾滑，唔會有醃肉嘅味道，都幾嫩口，有一塊就有筯，比較韌！黑椒汁都夠濃，唔會鹹，味道OK，好有港式風味！比想像中有驚喜！幾欣賞佢薯條分開上，又唔會吸晒牛嘅油，都幾香脆，有薯仔味，份量都足！🍴凍檸茶 走甜少冰 (7/10)正常有紅茶嘅味，檸檬都新鮮！推薦指數: 7/10牛扒都唔錯，呢個價錢咁多嘢食都好飽！

花園餐廳 - 細個覺得佢係一間高級專食扒的地方。到出黎做野，就係同朋友聚餐嘅選擇。現在已經成為一間經典嘅西餐廳。點解我會話係經典？！因為好少有餐廳咁做法，就係鐵板到後，再有另一個專員會黎到問你要咩汁，即場「炸炸聲」煙霧香氣一肯黎🤩另外喜歡佢個配湯嘅餐包，因為餐廳會輕微叮暖，所以面包好鬆軟，茶埋牛油🧈一流👍🏻餐廳入面，燈光微亮，座位舒適。呢間服務都好好喎，你問要咩，都提供俾你（雖然我只係問攞茄汁，芥末）🤪而且職員好醒目🤓

淘大花園很多食肆多，我最喜歡去花園餐廳吃下午茶,又抵食又大份,而且比午餐的價錢便宜很多。下午茶的款式有幾十款之多, 雞扒豬扒牛扒都有, 飽肚的又有鮮蝦雞粒炒飯、馬來炒貴刁、黑椒牛柳絲炒烏冬、輕食的有西多士、豬扒包、連海南雞湯拉麵烏冬都有，選擇真的比很多餐廳為多！我知道這間餐廳的牛扒很好吃，但我不想吃黑椒汁，便詢問侍應可否轉其他汁。這裏的侍應很有禮貌，解釋可以轉汁，而且可以叫飯意粉或薯菜，態度十分親切牛扒好大塊，夠冧煎得香，不會太熟，蒜蓉汁很香配以牛扒10分美味意粉份量亦多。我叫咗杯咖啡，咖啡濃，味道香。

下午茶餐牌上邊寫住“外賣88折”，點知俾錢時才知道下午茶外賣無折，都算！一個下午茶要成$52，拍得住一個茶餐廳午餐。點知返屋企打開一睇，以為睇錯，份量少得可憐之餘，仲要無汁無菜，啲牛肉好乾又硬，而且無味！第一次真心覺得呃人唔好咁過份，唔駛旨意有下次！要叫所有親戚朋友唔好再上當，免得俾人搵笨激鬼氣！

去完淘大逛Donki就在附近搵飯食，周圍都好多人，間間餐廳都要排隊，見到有花園餐廳，竟然唔需要排隊就入去食。被安排到近門口的二人檯，位置唔算好好，不過唔駛等位就算啦。鐵板牛扒一向都比較吸引，難得來到一於就點鐵板牛扒啦。我們分別點了黑椒西冷扒及蒜蓉肉眼扒，配有餐湯，餐包及餐飲，每個餐$80左右另外再加一。餐湯不夠酸，味道稍淡。餐包微暖，熱力不至於溶化牛油，但都鬆軟，可以接受。鐵板牛扒上檯時有另一個侍應拿著一桶黑椒汁及一桶蒜蓉汁，即場為牛扒淋上，鐵板發出吱吱響，飄來陣陣香氣。牛扒軟淋，不韌，味道不錯，只是肉眼扒份量有點少。牛扒下面有薯條，吸收了醬汁的味道，不錯。

花園餐廳有很多分店，我試過不少，這間在淘大花園的非常不錯。首先，這間餐廳面積不少，座位寬闊，而且有很多卡位，特別是在疫情期間總喜歡去一些比較闊落的餐廳，增加社交距離，這間餐廳是一個不錯的選擇。今天下午茶時段到來一如以往下午茶餐油很多選擇輕食的有西多、🐷扒包、雞中翼等，飽肚的有焗飯、炒河、炒麵、炒烏冬，全部四五十元，又坐得舒服又抵食今天叫了黑椒牛扒飯，個份量都幾大，牛扒非常大塊，黑椒汁不算辣但很惹味，肉好冧，沒有強烈鬆肉粉味道。咖啡很香，做得不錯！另外要讚讚侍應的態度，每次去這間餐廳一到達，侍應定必有禮貌地招呼，而且態度親切非常友善。

星期六本來想食個扒餐，不知是不是疫情關係這裡的員工好似好不想做你生意，我坐低咗30分鐘都沒有服務員來點餐，終於有人來點餐我點左個豬扒餐結果出來是牛扒，我想問個員工有沒有得換，這個服務員同我講話冇得換，算啦冇得換就照食啦，不知是不是這裡換咗廚師連塊普通牛扒都可以煎到過熟這一刻真是連想繼續食的心情都冇，到咗埋單的時候個收銀女工亞琪黑口黑面好似我欠佢好多錢，雖然我不是你們這裡的熟客，但我平時嚟知道你們這裡的員工會有熟客私底下打賞比你哋雖然我沒有打賞比你們，但作為服務性行業應該對客人一視同仁要笑面迎人，難怪呢個餐廳出品同服務越嚟越差並不是無因，今時今日咁樣的服務態度真係遲早執，請問有沒有知道這裡投訴電話號碼同知道呢間餐廳老闆是誰。

我order咗個A餐跟意粉，佢黎咗雞扒跟飯俾我，我就麻煩佢地換返，點知個餐退咗入去，就影都無😵足足等咗25分鐘，隔離個檯都換咗轉，都未有得食😑大佬啊，你依間港式快餐黎wor，搞乜嘢拖咁耐～ 到上餐個刻，望見塊牛一邊Rare一邊 Well done🙄🙄 真係無奈～配菜求其 達上去，意粉就散修修😵😵真係痴線求其食咗熟個邊同d意粉就算，勁無癮，以後都唔再食依間嘢😒 建議：一百幾十蚊嘅野唔需要你地整到天花龍鳳，整整齊齊其實唔係好難掛？食物質素正正常常擺得落口依個要求唔難掛？

同同事黎個快·靚·正既lunch大家即時諗到花園餐廳午餐包餐湯及飲品·Lunch set選擇都算多羅宋湯配餐包港式羅宋湯配Tabasco 真係天下無敵而餐包熱熱地夠軟熟配牛油一流紐西蘭牛扒配黑椒汁鐵板牛扒上枱仲滋滋聲牛肉大大塊肉質唔會軟腍到無哂咬感黑椒汁夠哂濃味以$62蚊黎講佢算絕對稱職椰香咖喱魚柳咖哩味幾香但無咩椰香味魚柳份量算多 · 肉質實淨配飯一流整體而言不過不失既一餐唔會失望因為係花園唔會好大期望