花園餐廳 (淘大商場3期) (已結業)

又係同老公拍拖嘅日子，花園餐廳俾我嘅感覺都係好舊同埋無咩好食。點知今次黎到淘大分店有驚喜。餐廳裝修得幾好，同我印象中嘅花園差好遠。坐位都幾舒服，當晚去嘅時候都算多人，但唔會坐得太逼。講返食物餐湯好多料，成碗都係蔬菜，酸酸地，飲完好開胃，餐包我就無食，因為驚自己會飽左食唔到其他嘢。我嗌左雜扒餐，一上枱先知咁大份！有雞翼，豬扒，牛扒，札肉，煙肉同薯條。我慣左唔點汁，所以無落。叫得雜扒都預左唔會俾靚肉，但係成個餐嘅味道都幾好，重點係超級大份量，岩晒啲食肉獸！

星期日同老公去嘆午餐。不想太熱氣，選了鮮茄焗牛脷飯。牛脷夠淋夠厚，夠入味，汁亦好味，配合蛋炒飯底，是誠意之作!可改善的地方是配菜紅蘿蔔削削硬了一點點兒。老公點了吉列魚柳蕃茄豬扒，兩塊吉列魚柳配一塊豬扒，大滿足~魚柳普通，不夠調味，豬排好味!薯條仲要係老公最鍾意既波浪薯條!讚!服務唔錯，like.

食左第三次，食物質素越嚟越差。一嚟個紅湯同餐包，餐包微波爐叮到熱辣辣，牛油啱啱軟身，非常好食!再嚟個紅湯，oh, 個紅湯真夠淡，溝咁多水慳皮成咁，即刻扣晒分。主菜西冷牛，要5成熟，可惜塊扒質素太差，大廚都唔敢唔熟晒上比你食。呢塊野，筋又多又靱，個靈魂黑椒汁又慳皮溝到差唔多水咁稀，辣度十分不足，最後又左半塊，吐左1/4塊渣同筋.心諗緊我最愛的凍檸茶，上两次叫無失手，點知今次檸檬唔新鮮，茶又太稀，簡直失望到底。三次機會，越做越差，以後唔會再做羊牯了，你賺到我咁盡，賺得一蚊得一蚊，我就一蚊都唔會比你再賺了。有樣野值得讚，係佢請左啲年紀大少少的長者做樓面，雖然佢地唔似做開飲食，但睇得出佢地緊張啲客同細節(緊張自己個飯碗)， 比機會長者就業，即使佢地無咁快手無咁醒目，我都會支持同加分!

食得花園餐廳都冇乜期望雖然有支旗仔做decoration都幾cute嘅 不過食物方面呢鐵板龍脷 一個字 冇味雪糕紅豆冰淡奶真係超淡 而且超多冰 還好紅豆好稔 都算好味紐西蘭A級肉眼5成熟變9成冇乜牛味睇相都見到好hea

係淘大睇完戲之後揾野食，見到花園餐廳新開就試下啦！我叫咗個鐵板西冷牛排七成熟配蒜蓉汁，肉質都幾鞋口同老，叫七成熟但岀到來都係太生啦，薯條擺係最底浸到淋晒唔太好食，應該冇下次啦

早上拍拖後，男朋友提議和他家人吃晚餐，家人跟我一樣甚麼都吃，所以決定係九龍灣行下，一邊睇下食咩好~行行下，有人提議去食扒，所以就行去睇下邊間食西餐，行下行下，一家人就行到花園餐廳門口，睇完門口餐牌，我地決入去食晚餐，最後揀左4款不同晚餐，份量大大份，味道都幾好味，大家都好滿意之餘又食到好飽咁不過其中一份比目魚扒比較多骨，但豬手同雜扒就真係大大份，食唔哂呢！最後都食剩左啲食物添~

星期六又係家庭日，媽媽通知屋企附近開咗間新嘅西餐廳，佢食過幾次都覺得好好味，價廉物美，所以帶咗我去食。點解呢篇食評叫做午市大平反呢？因為我食食吓已經覺得呢間餐廳好好，所以想OpenRice睇吓係咪全部都係好評，點知發現好多劣評。。。。我留意到好多都係晚市，媽媽食過幾次都係午市，所以不予置評。大家下次黎可以試吓午市啊！九龍灣分店係新開，加上位置真係有少少偏僻，所以喺電梯旁都有啲宣傳品。午市餐牌真係好抵，特餐$55至$57，兩點前落單仲免收加一添！我哋叫咗兩個A餐，一個飯一個意粉。羅宋湯好好飲，唔辣，不過餐包就差左少少，係用微波爐嘅，所以有少少硬，不過$60樓下買單，咁樣已經係超水準。個牛扒超好味呀，點解$60可以有咁嘅肉質架？唔會醃到林晒，肥瘦均勻，牛肉紋理分明，果然係牛扒之家，正！啲粟米都幾甜，不過個人覺得西餐唔應該加棵小棠菜落去。意粉就好有咬口，廚房預設份量唔會落好多汁，但係我同媽媽都覺得蒜蓉汁太少，所以叫咗佢哋加。佢唔係比一兜仔醬汁你，而係用個大兜幫你淋落去，夠就叫停。返好有米香，真係好想衝入廚房問佢用邊隻米，不過今日煲林左少少，但都好高水準。因為位置冇咁旺，所以餐廳位置好多，兩個

頭十成熟！中間全部筋！尾一成熟！！🤬🤬🤬🤬🤬扒房？？？叫經理過嚟，佢一望即叫侍應搞掂佢，侍應話幫我叮一叮囉😨😨另一經理行嚟問我係咪食完，我問佢點食？！佢就收晒所有嘢當食完！超強服務質素！無言 埋單走

見好耐冇見個朋友 就約左佢去九龍灣諗住一齊食飯但行完德福淘大都吾知食咩好平時成日都食行到淘大本身諗住去之前間cafe 影下相點知變左呢間花園餐廳之前食過其他分店 既扒餐 以佢既價錢黎講我都吾會話對食物有太高要求又趕時間 就費事再揀餐廳咁就同朋友一齊食下呢間入面環境裝修就幾靚出面仲好多人排隊等位咁我哋就等左10分鐘左右啦因為兩個人就容易啲入座黎到就揀咗海鮮拼盤我個friend又唔知食咩～見我推介order埋同我一樣既餐蝦都幾好食好難難食乳鴿一般般賣相就幾靚啦但系塊扒就麻麻地 我覺得我自己煮仲好食平時揀餐廳我從來都唔會中伏但係今次

很感恩情人節嗰晚排長龍冇排隊等位食。今晚先再去encore結果奶曬嘢最精彩係個黑椒汁，冇味仲希個水.... 然後個侍應加汁仲加埋落我隻鞋度( 咁佢態度好好有講對唔住，主動話同我抹返，當然我唔使佢幫我抹啦！)牛扒質素就喺相片慢慢再同大家分享。長知識。 喺呢度問你要幾多成？你最好講清楚係要幾多成生定係幾多成熟 不過結果可能都係一樣， 建議你都係行入廚房望住廚師住好啲結論： 如果你在淘大想食牛扒嘅話 不如試下大家樂 一定好過花園！！！

突然好想鋸扒，喺淘大唔知食乜嘢，見到間花園餐廳便入去一試，眼見佢都幾光猛，不像一般花園餐廳般陰暗，應該幾好味啦，於是叫了兩個扒，一個價值應該$180左右的西冷，另外叫咗個黑椒牛柳，又叫咗個焗田螺，個焗田螺個薯蓉好好味淡淡的芝士香，田螺就一般般，個黑椒牛柳都尚算不錯，要五成熟應該差不多七八成左右，另一個西冷難食到不得了，只要五成熟但是落了汁之後已經變了10成熟，於是叫了侍應換另一客，點知另一客一切開都是10成熟，肉質硬到不得了完全不能入口，白白浪費了$180 ，雖然最後給了我們免+1但都不可接受，以後也不會再光顧

以前成日都食花園餐廳呢間新開既就試一試叫左廚師推介 黑椒牛柳難食到 我未食過咁難食既牛肉d 肉冇味 鞋十十 食落仲酸酸地唔知係咪劣肉想快d 散貨就擺係廚師推介早知唔應該叫廚師推介不過冇下次真係好難食

團年飯因為食悶左酒樓，見上次同媽咪嚟呢度食過下午茶印象幾好，就決定搞啲新意再嚟食團年飯，我哋9個人，驚星期日難搵位所以特登早幾日打去訂定位。訂6點半本身都諗住算係早少少，可能冇咁多人。結果6點半我準時到達餐廳，見到滿座。個職員連check下book位record嘅動作都冇 ，望下啲坐位就同我哋講要等下喎，跟手寫張等位紙俾我，仲同我講餐廳裡面啲人5點幾就嚟到㗎啦，你唔留位，咁我訂位嚟做咩？等左幾個字佢係咁放其他啲3，4位嘅人入去坐，個職員有行過出嚟講唔好意思會盡快俾位我哋，但我有老人家喺度等緊，最後就去左第二間食。總括嚟講係對呢間餐廳嘅服務失望

閒日7點去九龍灣鋸扒，去左好耐歷史既扒房-花園餐廳，對上一次食已經係小學了。裝修5同左好多，無北角果間用格仔枱布咁懷舊feel(宜家5知變成點啦當然，可能已經無左)，就只係一間普通闊落既餐廳，環境都算舒服。我同女友各叫左肉眼牛扒同西冷扒，加白湯配包。等左3個字，湯黎左，正常味，無面粉味。可惜個上菜方面我覺得太急，湯一黎飲左幾喺，就隊個扒黎。講真，枱如果夠大當然無所謂，但我地坐緊細枱，一次過黎哂有d逼，可改善(話哂扒房先咁要求)。講番食物，肉眼好嫩5駛力都咬得開，重好大塊，份量足，美中不足肉味偏啖; 西冷好厚望落好滿足，雖然無肉眼咁大塊，但個人覺得肉味香d。 就味道而言，各有各好。 *薯條吸哂汁我覺得正*不過題外話，我聞到個鐵板有d燒乾左塊鐵既腥味，5知大家明5明我講咩，我覺得有少少關於清潔問題，講順道講講。總括，環境可以，味道以比較平價黎講ok既，至於會5會特登再食，我睇就未必，但今時今日110蚊食大件扒，可以一試既。

餐廳位於商場三期2樓，比較隱秘既地區，需要多小小時間先搵到餐廳。我地今次有3個人點左三個扒餐，每個餐有埋熱辣辣餐包 and 餐湯。餐湯 - 羅宋湯餐湯 - 忌廉湯雖然接近全場爆滿，不過都係等左大概十分鐘，最期待既主菜就送到，鐵扒夠熱，送到黎時香味四溢，待應會等你塊扒黎到先問你揀咩汁。(有黑椒 OR 蒜蓉汁)蝴蝶型肉眼牛扒 (全熟) $110點知發生左小插曲，我點果份蝴蝶型肉眼牛扒 (五成)變左(全熟)。應該同其他單調轉左，不過都無阻我對佢既愛意。巨型T骨牛扒 (七成) $125真係超巨，完全覺得物有所值。雖然張相影得唔係好靚(下次會影好D)！不過真心推介好好食。紐西蘭西冷牛扒 (七成) $110送到黎係真7成，所以好鮮嫩。