芋圓控

營業中

休息中

尋日去開觀塘，諗住食芋圓🤪於是外賣返屋企食地點距離觀塘地鐵站都要行少少路一上到去點知都好多人堂食同買外賣好出名😆·自選diy 8款 $48仙草凍 芋泥球 包心芋圓 芋圓 蜜芋頭 蜜紅豆 焙茶丸 黑糖汁對於芋頭愛好者的我真係一大福音🥰芋圓真係好好食，口感煙靭有芋頭味。成碗糖水又唔會死甜，仙草好滑，最勁係焙茶丸焙茶味係出的！有驚喜！👍🏻·良知甘露 $46芒果肉 柚子肉 寒天晶球 白玉丸子 西米其實同平時楊枝甘露差唔多，但多咗寒天晶球，變咗成糖水個好有口感😋芒果味都足夠，芒果都比得好慷慨，而且鍾意食煙靭嘅人加埋白玉丸子💓，有層次的感覺。整呢間糖水舖值得再去，店員亦都好好態度。包心芋圓啱啱用晒要再煮，店員都有提醒我要等耐啲，而且另外一個店員比外賣我嘅時候溫馨提示啱啱煮好，叫我小心燙口，貼心的一間店。☺️

最愛芋圓店跌落神壇😨，汁底同配料都退步了欸哭哭TT・・・・・・・・・・・・・・・・・・・・🥭 良知甘露 HK$46＞ 芒果肉、柚子肉、寒天晶球、白玉丸子、西米 (芒果汁底)・味道：好sad今次個芒果汁底有啲人工糖漿甜味，其他就幾好食嘅。不過波妹表示白玉丸子冇味又太大粒，入口好似食緊舊粉咁。而本波食咗粒都的確係食到陣麵粉味⋯⋯連芒果汁底都遮唔住🥶。・口感：其實白玉丸子係幾煙韌，如果味道冇麵粉味更好。🍠 自選DIY HK$44＞ 奶茶凍、芋泥球、芋圓、地瓜圓、紫薯圓、西米、椰汁・味道：奶茶凍茶味好出，略嫌唔夠甜同奶味。芋泥球好綿幾好食。三款圓比起之前食好似有小小冇咁出味欸。椰汁唔夠椰香欸，呢個好失望☹️TT・口感：三款圓都係一咬就化但彈口嘅，未到有拉扯感嘅煙韌。椰汁比較浠，味唔夠，整體唔太掂。・・・・・・・・・・・・・・・・・・・・🤰性價比：中～🤰9衝度：可試～🤰結論：我要哭了最愛芋圓店跌落神壇，同樣價錢唔少芋圓店同糖水舖表現更出色😭。・・・・・・・・・・・・・・・・・・・・

#芋͎圓͎控͎一直bookmarked左想試好耐終於買左外賣返屋企慢慢食超大碗好足料😆 可以當正餐奶茶凍味道幾濃 同仙草一樣夠滑又唔易散最愛白玉丸子🍡😍包心芋圓入面有蕃薯 兩重口感焙茶圓茶味回甘甜味不會死甜 岩哂怕太甜嘅我🤍☆彡自選DIY 7款 $44奶茶凍 芋圓 地瓜圓 紫薯圓 焙茶圓 西米 淡奶☆彡自選DIY 8款 $48仙草凍 包心芋圓 芋圓 地瓜圓 紫薯圓 焙茶圓 白玉丸子 4.3牛乳📍觀塘駿業里6號富利工業大廈11樓B號舖(*小店只收現金)

天氣轉涼突然好想食芋圓，就Google一下，發現個名叫芋圓控，食評大部份都好好就儘管揸車去試一試由於店舖位置是工業大廈，不過就喺巧明街附近，地理位置都算方便，我是買外賣的，雖然係工業大廈上邊，但係去到都有幾多人買緊份量超大，每項餸都有四粒，最欣賞的是包心芋圓，煙靭有咬口，又有夾心唔會太單調，最重要係價錢實惠，性價比極高總結如果鍾意食芋圓的，極力推薦呢間，性價比好高

作為一個真‧芋圓控，依間真係可以滿足到我嘅三個願望好食、足料、好多選擇!! 第一次見到佢MENU真係花多眼亂，處於咩都想食嘅瘋狂狀態對選擇困難者嘅福音就係，除咗DIY自選之外仲可以叫佢哋SET好嘅選擇今次買埋屋企人果份，最後嗌咗3個SET每個SET都可以係STEP 3揀一款做底嘅汁 A有仙草凍、包心芋圓、芋圓、地瓜圓、紫薯圓、粉圓、西米，4.3牛乳C相對少啲，芋圓、地瓜圓、紫薯圓、寒天晶球、小芋圓、西米，椰汁E有奶茶凍、蜜紅豆、芋泥球、包心芋圓、芋圓、粉圓，淡奶因為平時都好中意飲奶茶，所以就揀咗有奶茶凍果SET(然後有每碗都偷食一啖)奶茶味好出，加埋淡奶係天作之合! 最重點嘅芋圓，食得出每一隻味嘅分別，唔只係顏色上嘅唔同好感動煙韌有咬口，每一啖都係幸福嘅感覺不過包心芋圓對我嚟講大粒得濟，有小小膩無普通芋圓咁好食蜜紅豆煮得好淋同好入味 因為三碗都有食過，我覺得都係淡奶最正!!今次係外賣拎返屋企，過咗超過半個鐘都仲係凍同埋唔會浸到淋晒，仲好有咬口(當然天氣可能都有影響，我果陣未算最凍但入夜所以都唔係最熱果段時間)

今日要介紹嘅係有世一芋圓之稱既芋圓控📍觀塘芋圓控芋圓控可以DIY揀自己鍾意嘅芋圓口味或者揀佢推薦既口味4.3牛乳，奶茶凍，芋圓，地瓜圓，紫薯圓。5款$36黑糖汁，雞蛋布丁，包心芋圓，桃膠，小芋圓。5款$36推薦：4.3牛乳，奶茶凍，芋圓，地瓜圓，包心芋圓。芋圓控既芋圓好煙靭，奶芋凍好滑好爽口，最開心係可以揀自己鍾意嘅口味，5款先36蚊好抵食。結論：飯後甜品係一個唔錯嘅選擇。人均$3610分滿分）價錢：8/10味道：8/10環境：7/10

超好食芋圓😋😋觀塘區甜品芋圓係真材實料💜每日人手製造😍有勁多選擇 除左有set左既 menu你仲可以因自己喜好去簡心水我就沖住佢地有既奶茶凍同焙茶圓去出面無見過 今次同朋友簡左兩個自選DIY試左11款材料同2款底桂花凍，雞蛋布丁，芋泥球 ，焙茶圓，芋圓 ，粉圓，桃膠 +淡奶 $48 奶茶凍，地瓜圓，白玉丸子，小丸子 + 4.3牛乳 $36 因為人手製作所以好多款都幾好味每款都係好出味👍 奶茶凍偏淡，但反而桂花凍比我想像中出味佢一款已經可以蓋過曬所有 清甜香滑 下次試下將佢同仙草夾下先雞蛋布丁好滑口焙茶圓真係好有焙茶味真心驚喜地瓜圓幾好咬口 質感100 分 最驚喜係白玉丸子 軟淋淋得嚟有咬口 ❤️反而小丸子就有對比下失色左嚕 粉圓幾Q彈 會不知覺就咬哂 整體係正既 下次會想再去食 私心：白玉丸子，焙茶圓✨✨✨#Foodie_aki #yum_yum

朋友推介,話鐘意食芋圓一定要試.點左份自選.仙草凍-口感偏固體,比較實芋圓同包心芋圓-第一啖,好重芋頭味,係真既芋頭.真材實料,亦好homemade.芋圓就中間好似食到芋頭咁,但口感唔煙韌,有少少隔夜咁,唔知係咪太實料,粉既比例唔太岩地瓜圓同紫薯圓,口感方面好好多,煙韌,亦食到地瓜同紫薯味密芋頭-好味,少甜,真芋頭西米-我唔討好睇你追求d咩la,味道呢度真係真材實料既,但口感唔係我鐘意個種.價錢都合理

自選芋圓（6款）：$40由社交平台網店開到實體鋪，證明呢間嘅芋圓係真材實料，食完真係大力推薦！果然所有圓都好有味，我覺得個汁唔會太甜都幫到手😂我地揀左仙草汁同4.3牛乳，2樣都唔係好甜，更加突顯到每種芋圓嘅味道！就算奶茶凍都食得出係自己造嘅，所以冇甜味如果著重健康，唔想食太甜嘅甜品，呢間一定滿足到你。而要數咁多種材料，令我最驚喜嘅係焙茶圓同芋泥球，焙茶圓真係好有焙茶味，入口齒頰留香😋芋泥球質地非常綿密，啲芋頭打得好細滑，而且有好香嘅cream味，好想食完一球又一球！不過包心芋圓冇想像中咁好食，個皮有啲硬，唔係咁推介。

近幾年越開越多賣芋圓既舖頭，但芋圓控真係其中一間最好食！每次黎觀塘必食！🤤♥️芋圓夠味，唔係得紫色♥️配料選擇夠多，除左芋圓、包心芋圓呢d，亦有焙茶圓、寒天晶球等♥️店舖闊落，可以坐低慢慢食♥️有得自選、亦有set好既口味我每次都會想試唔同配料，所以一定係自選😆綜合咁多次，私心最推介👉🏻配料：包心芋圓、焙茶圓、寒天晶球底：淡奶舖頭除左芋圓，仲有其他飲品，不過口味有少少太甜🤏🏻🤏🏻都係比較推介芋圓！

芋圓控最出名就一定係芋圓‼️因為佢哋嘅芋圓係每日人手製造所以我試過買嘅時候係賣晒當然係有啲失望嗰一刻但係我覺得合理呀，因為人手製造嘅數量一定有限最欣賞芋圓控嘅係成碗糖水嘅材料可以任揀推介嘅一定係要有芋圓啦‼️亦都好推介食包心芋圓兩樣都係好煙韌但係記得芋圓係唔可以放落雪櫃一放咗落雪櫃嘅芋圓就會好硬同埋佢有好多配搭係時令不停咁創新配料變相可能你兩至三個月去一次嘅時候就會發現又有新嘢呢樣嘢亦都係我好欣賞兩個老闆對食物嘅追求唔會原地踏步，都會有好多新嘗試而家除咗觀塘有分店之外連葵廣都有分店鍾意食芋圓但係又未試過嘅話就一定要試🤗

每次嚟觀塘女朋友都話要食芋圓控，因為佢自己都係一名芋圓控 😋🍡之前帶過佢食深水埗嘅康X，但佢覺得冇咩特別，反而呢間係佢心目中暫時係香港食過最好食嘅芋圓 🌟👌今次我哋叫咗兩碗五款DIY自選第一碗係桂花凍、芋圓、紫薯圓、地瓜圓配黑糖 🌼🍡🍠🍠🍠🖤另一碗係雞蛋布丁、包心芋圓、小芋圓、焙茶圓配4.3牛乳 🍮💛🍡🍡🍡🍵🥛三色芋圓、紫薯圓、地瓜圓好出色，真材實料大大粒，我哋合埋眼食都分到佢係邊隻圓我哋一致認為配黑糖最夾清清地又唔會太甜加埋桂花凍味道好清新呢間仲有比較少有嘅焙茶圓選擇幾特別，焙茶味好濃4.3牛乳味食落去感覺有點怪怪的好似冇乜牛奶嘅味道之前試過椰汁都係麻麻地至於小芋圓同雞蛋布丁唔需要特別試了小芋圓黐住一大嚿一pat嘢咁又冇乜味雞蛋布丁屬普通貨色，冇驚喜早知試試奶茶凍可能特別啲總括而言，我哋覺得芋圓、地瓜圓、紫薯圓同埋焙茶圓都值得試😋配黑糖汁最夾提提大家，堂食最低消費每人$30蚊

佢係傳說中嘅芋圓啊！你可以瘋狂自選DIY配料㗎，我就揀咗六樣，分別係奶茶凍 4.3牛乳芋泥球，包心芋圓，培茶圓同西米奶茶凍嘅味道好濃郁，一啖落去就好似喝緊一杯香濃嘅奶茶咁，而芋泥球，佢係用新鮮芋頭磨成嘅，有啲綿密嘅口感，每一口咬落去都可以感受到芋頭嘅香甜味道！仲有包心芋圓，佢個外層係軟糯嘅芋頭，一咬落去就會噴出芋頭嘅香氣同汁液，真係大驚喜！世一芋圓真係一個好正嘅甜品選擇！如果你鍾意芋頭同奶茶味，一定要試下！仲要早d去好心賣曬！

全部配料好好食，食完後念念不忘，三日內食左兩次了🥹🫶🏻每款手工配料都係主角，好食！✨7款配料$44 1️⃣4.3牛乳底焙茶圓，包心芋圓，地瓜圓、芋圓、奶茶凍、芋泥球2️⃣4.3牛乳桂花凍、芋泥球、焙茶圓、紫薯圓包心芋圓、寒天晶球✨包心芋圓好出色，大大粒有層次✨芋泥球好正正，超真實唔甜嘅芋頭味✨焙茶圓有驚喜，真係食到啖啖茶味，雖說茶味唔係勁濃，但都滿意👌🏻🙌🏻✨桂花凍同寒天晶球都好食，感覺到係用心製作之品

係觀塘行到咁上下 想食吓甜品好耐之前曾經bookmark咗芋圓控😝記得以前好似係唔開星期六日所以一直都未食到但係佢而家都有開啦😆見到餐牌上面 分別會有自選DIY又或者就咁叫一碗已經預設咗嘅甜品😝- 自選DIY奶茶凍 芋泥球 芋圓 寒天晶球 西米 4.3牛乳- 三色分立