良髀

營業中

休息中

之前叫過幾次雞髀外賣覺得都ok, 所以上星期同小朋友游完水諗住同朋友一家去舖頭幫襯！我第一次堂食，叫左老公去拿位先，我一黎到就見過有女人閃左埋嚟幾秒冇講野走咗，當時見我老公低頭睇緊餐牌之後一直冇員工響附近一路冇員工，直到我朋友叫咗「幾次唔該」都冇人行埋嚟落單，再等左一陣我老公再叫「唔該落單」就個女職員就發晦氣大聲話「得啦」頭先行埋嚟你又唔叫我老公話冇見過你行過嚟，你冇同我講嘢，我耷低頭睇緊餐牌真係唔知你有黎過！ 如果我未得會答你「轉頭先落單」…..我哋而家想落單但個女職員就黑口黑面立即鬧我老公又唔落單，突然廚房有個男職員那那走埋嚟夾攻大聲一齊鬧我老公話邊忽有講「得啦」，仲鬧我老公：你去「驗耳啦」🙄當時我clam down老公先，但比二個人夾住話真係嬲左😤最後我老公話「唔食啦，咁樣做生意…馬上走人事後我問個朋友和阿囡都聽到個女職員有咁講又唔道歉！二個職員態度差到呢！我估佢哋係情侶老闆先可以咁大大聲鬧客🙄六點成間舖只得一枱客，一隻雞髀幾十蚊一杯飲品最少都$28又冇餐，唔夠人手可以答等等轉頭黎，而唔係串住悔氣答「得啦」之後黑面再鬧客人「聽錯」咁耐以黎我都未見過老公會響餐廳發脾氣，就算叫嘢食

突然想吃炸脾，上網𝐬𝐞𝐚𝐫𝐜𝐡大埔良脾出名就來試試熱鬧的街坊小店，下午近客滿，也有不少人等外賣▸ 招牌炸雞髀 (原味及小辣)雞髀生炸好大隻，一隻辣一隻原味，一人一隻不用爭哈哈炸粉不算厚，外層酥脆，內裡肉質鮮嫩，又不會太油膩呢▸ 炸燒賣食炸物必點的燒賣，份量足夠，不錯▸ 香辣肉碎炒腸粉炒腸粉中還有辣肉碎及芽菜味道帶點少辣，整體好惹味▸ 鹹魚雞粒炒飯由於太肚餓的關係，所以點了炒飯炒飯正常味道，不過不失啦(´･ω･`)

夜媽媽想食宵夜一定諗起《良髀》！鋪頭收晚上1:00 ～炸雞髀真係必食！！好入味，又唔會炸得好乾身，加埋大大杯雪糕紅豆冰超級滿足❤️ 其他野都好好食，份量又好足！近排周圍都好多食肆結業，你地要撐住阿🫶🏻🙌🏻🙌🏻🔶饅魚炒飯🌟🌟🌟🌟🌟飯底炒得好香，仲有一大塊饅魚😗抵食！！🔶咖喱炸雞髀飯🌟🌟🌟🌟🌟+$5 可以有煎蛋/芝士.. 邪惡到爆🤭🔶避風塘炒三式🌟🌟🌟🌟辣辣地好香口..🔶藍牛🌟🌟🌟🌟好靚，打卡一流！🔶雪糕紅豆冰🌟🌟🌟🌟🌟兒時回憶返晒黎其實杯野好多紅豆，我影得唔好🤣🔶紅豆玉子奶凍🌟🌟🌟🌟🌟推介！ 好似豆腐花，又好似牛奶布甸～滑溜溜

2大1B坐4人枱，order左2炸髀2爆珠檸，野食到左成盤一野掟落張枱，全程西口西面，係唔中意我哋有小朋友佢食自己野定係點？比錢食野仲要受氣？雞脾冇味冇汁，除左皮有味，就唔知食左D咩？杯爆檸算可以，2脾2野飲買單百二大洋仲要受氣仲要難食，你哋自己諗諗

呢個復活節假好多人都北上消費，而我就緊係留港撐小店啦😗其實香港都仲有好多好野食架！！🔸招牌炸雞髀沙律🌟🌟🌟🌟🌟炸雞髀外脆內嫩！！好味😋😋 又唔會過火喉～配埋個沙律真係一流！！ （出面食親啲沙律都就咁加沙律醬好水，我唔鍾意食）🫣🔸日本炸吉列蠔🌟🌟🌟🌟$28/4隻，呢隻蠔食落唔會太腥.. 最後緊係要食埋甜品啦🔸紅豆玉子奶凍🌟🌟🌟🌟🌟價錢好平，大大碗！！一啲都唔馬虎（第一眼以為係豆腐花黎🤣🤣 配搭得好正）食咁多野先百零蚊，香港好多小店都好值得支持架！執一間就小一間！！ 眼見好多好味既鋪頭都做唔住好心痛

入咗呢間店，頭先就揀咗份炸雞脾配意粉，個脾喺我眼前新鮮出爐，一啖落去嘅時候，口感唔係講笑，脆得嚟又keep住雞肉汁，真係扎實，嗌中辣，辣得嚟正啱口味！意粉啲酸酸甜甜蕃茄醬，以家庭風格呈獻，簡單得嚟夠曬味，傾心意！乾炒肥牛公仔麵都唔錯，肥牛肉味足，麵條爽口彈牙，一叉子卷起嘅滿足感，真係食到响指。呢啲宵夜時段嚟到，食埋佢們家嘅黑牛爆檸，清新解膩，豪邊飲邊嘆，食飽飽，夜晚行大埔都有精神啦！整體命中率高，你問我會唔會再嚟？答案係肯定嘅，真係啱晒我哋啲夜貓子🌙🥤🍝。

今日嚟到大埔梗係要幫襯良髀啦😋下晝竟然得我一枱客⋯⋯🔸招牌炸雞髀飯🌟🌟🌟🌟🌟必食😋自己落辣粉，岩晒我呢啲怕辣又想食辣既人！！雞髀卜卜脆，咬落有肉汁、一啲都唔會乾，連啲菜都好入味🥹🥹🔸特式豬扒包🌟🌟🌟🌟好多醬，好鬼邪惡😛 下午茶時段仲跟埋野飲，好抵！🔸咖喱吉列豬扒飯🌟🌟🌟🌟🌟老闆話呢幾日有新野，即刻試！好好味，撈飯一流！塊豬扒勁大塊，女仔基本上唔會食得晒！抵食～～不過餐牌仲未有架，去既時候可以問下老闆😛睇下有無緣份試到個咖喱汁🎀良髀開到凌晨1:00 ， 想食宵夜可以考慮下佢地， 大家一齊支持小店💪🏻💪🏻p.s： 下晝都可以咁靜，希望佢地可以撐住🙏🏻🙏🏻

黎到良髀不得不食嘅就係生炸雞髀，雞髀生炸大大隻，比手掌還要大隻，有大中小辣可以選擇。想惹味啲嘅話，建議可以揀中辣。味道可以話比起出邊餐廳都有過之而無不及。唔想食得太煎炸，可以試一試滷水雞髀，滷水雞髀同樣大隻，而且十分入味。仲要點每次都要食嘅豉油肉碎炒腸粉，腸粉軟滑，醬汁香濃，帶少少辣味。令人忍不住一口接一口。今次試咗個豬頸肉炒公仔麵，麵條比較幼身，醬料偏向美極豉油味。飲品點咗一杯爆檸，即係檸檬茶加爆珠，一杯大大杯，夠兩個人飲。非常解渴。

好耐無去食好西，今日一放工，就去咗食大埔名物，滷水雞髀。入到去，侍應好nice咁招呼咗我地坐低，就介紹咗佢地出名既雞髀。我地叫咗滷水雞髀、香辣肉碎炒腸粉同埋乾炒豬頸肉公仔麵。滷水雞髀Juicy大雞髀，隻碟有幾大，隻雞髀就有幾大，食落熱辣辣，而且醃得啱啱好，唔會太鹹，肉汁仲好入味。香辣肉碎炒腸粉平時食既都係蒸腸粉加混醬，今次係炒醬腸粉，加咗香辣肉碎同埋芽菜，即刻變咗泰式粆腸粉。乾炒豬頸肉公仔麵豬頸肉炒公仔麵好有鑊氣，炒得好乾身，配埋其他配菜同醬汁，食落好惹味。

上星期係大埔收工個同事話附近有間邪惡食物好好味難得入黎大埔，一於去試下嚟到依間店，梗係要食吓佢嘅炸雞髀炸雞髀 $32外層雞皮炸到好酥脆由於生炸咁，所以外層唔會食落好油膩用刀叉食，切開之後內層熱辣辣既煙飄晒出嚟真係好香好吸引而且肉質好鮮嫩一個人食晒一隻都得炸燒賣 $22話晒食邪惡嘢，又點少得我鍾意食嘅燒賣燒賣每粒都好大粒唔會炸到好乾身乾炒肥牛公仔麵 $48呢個炒公仔麵真係有驚喜佢完全唔油膩而且每條麵都好分明唔會痴埋一舊舊咁肥牛份量都好多，好滿足黑牛 $28咁經典飲品黑牛梗係要叫黎飲呢可樂配雪糕呢個配搭真係好夾爆檸 $28檸茶配粒粒爆珠口感好特別一咬落去就爆左啲果汁出黎玩味感都重

小朋友食炸野就最開心 但原來大朋友都係🫣見到大大隻雞髀 雙眼係真係會發晒光嫁🤩襯住假期 一於俾自己放縱一下喇🥳今次黎到街坊小店良髀 一睇就知佢深受街坊歡迎皆因佢既主打 就係大人細路都好愛既招牌雞髀🍗➷🪐 招牌炸雞髀🪐 招牌滷水雞髀招牌雞髀分兩款 炸同滷水 可以話係老少咸宜👍🏼熱辣辣炸髀炸得非常通透 外皮係脆到入口索索聲🤤內裡仲保持住有肉汁 一啲都唔覺得乾身而滷水雞髀既醬汁調教得好好 唔會太過咸 帶有醬甜香雞髀都滷到入晒味 但係肉質又唔會嚡身 啖啖肉好滑溜😋§🪐 炸燒賣呢個都係童年回憶既小食🤣唔會炸到硬掘掘 內裡都係好彈口👍🏼加啲辣會更有風味§🪐 乾炒豬頸肉公仔麵鑊氣火喉都夠晒 炒起上黎特別惹味🤤乾身得黎又唔會見到油浸麵 好喜歡呢種感覺爽身既麵條配落油脂豐盛既豬頸肉度 無得頂呀真係🫣➷久唔久食吓啲地道既小食的確係幾開心🙈就算食小食 都要食得有質素🤟🏼➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟

黎到太和，相信唔少人都會諗到係小食之都，因為近太和有唔少屋苑係附近，所以都出左唔少平民良品嫁💯就好似今日呢間係翠樂街既良髀咁，都係見到有唔少人買先發現到既小店😍。跟朋友車黎到呢頭又想揾啲小食🍗離遠見到有啲人係到等緊外賣🥡咁我都睇下岩唔岩食，結果就入左黎，又可以同大家分享一下好店🍖。🐒滷水雞髀💰$32🐒香辣肉碎炒腸粉💰$34首先佢邛出名既雞髀有2款，我就揀左無咁heavy既滷水雞髀，佢另外都有個雞髀set，會配埋主食同飲品🥤不過因為我想試埋炒腸粉，所以就無跟餐啦🍟呢到既食物款式其實都好多，另外仲有一樣好既係可以坐低慢慢食🪑even我今日黎食都係想揾個位坐下，所以都幾欣賞呢啲小食店😚值得更多人認識

好耐無去太和食嘢🙊係美豐花園都有幾間出名的地舖，其中一間就係食馳名炸髀😋今次放肆一下去食雞髀！✪ 豬頸肉炒公仔麵 ⌫ 💲48炒得夠鑊氣🔥份量十足。公仔麵口感彈牙，搭配著鮮嫩多汁的豬頸肉。豬頸肉經過炒煮後保持肉質柔軟度，好香好惹味！✪ 招牌滷水雞髀 ⌫ 💲32同炸髀價錢一樣，我揀咗滷水雞髀，無咁熱氣。雞髀肉好嫩滑。滷水的湯汁濃郁醇香，滲透到雞肉中，當中雞皮就係最美味的部份。✪ 沙嗲雜菜撈公仔麵 ⌫ 💲30撈公仔麵配上豐富的雜菜，包括椰菜、芽菜、青瓜、紅蘿蔔等，增添了爽脆的口感。加上大量沙嗲醬的調味，好邪惡。✪ 蜜桃梳打 ⌫ 💲28蜜桃的甜美和梳打水的氣泡結合，帶來愉悅的口感。感覺消暑解渴！【 良髀 】📌 太和翠樂街11號美豐花園地下1號舖

《良髀 - 大埔》作為大埔友，要介紹區外人入黎食宵夜又點少得呢一間人氣嘅良心小店啦😎多數啲人入嚟都係食佢最出名嘅炸雞髀🍗不過我個人就更加推介呢度既油髀啦😉💁🏻‍♀️招牌滷水雞髀 $32點解我會講滷水雞髀好食過炸髀？因為佢個滷水汁唔會過鹹又帶點甜，香料既味道都幾出，個油髀煮得夠入味，油汁juicy，如果唔想食太熱氣油膩既炸髀😋油髀的確係不錯既選擇（之前食炸髀食得多🤭一試發覺油髀原來都好正）💁🏻‍♀️椒鹽雞軟骨 $48雞軟骨都係我經常會點嘅小食，炸香左之後再落滿椒鹽，超級香口☺️成日都會買番屋企睇住戲飲住酒食架我💁🏻‍♀️大檸賓梳打 $28朋友今次點左大檸賓梳打，檸檬利賓立本來就好夾，加左梳打水後味道更加清爽👍🏻💁🏻‍♀️黑牛 $28好耐無飲呢款傳統飲品啦，可樂上面加左一球朱古力雪糕後會有化學作用，雪糕會起泡泡然後就好似mouses咁好滑溜，間中破下介飲都幾令人懷念架

因搬了家的關係，太和對我來說再不是遙遠的新界地區。原來這裏充滿了各種小店和餐廳。昨晚我發現了這家的平民小店，他們以招牌炸雞髀而聞名。環境不大，卻有人情味。當然我們點了招牌炸雞髀。 炸雞髀外皮炸得酥脆金黃，咬下去時傳來一陣鮮嫩多汁的肉汁。雞髀的肉質鮮嫩且飽滿👍🏻👍🏻 另外有個套餐可以搭配上卡西西意粉，意粉的濃郁番茄醬汁和蒜香，味道更加豐富。意粉本身煮得剛好，彈牙有嚼勁😍接下來是他們的沙嗲肥牛撈公仔麵。公仔麵是經過煮熟後拌入醬汁，吸收了肉汁的滋味，口感柔軟順滑。濃郁醬汁的肥牛增添不少口感😋😋