良髀

營業中

休息中

在良髀這家餐廳裡，前名是十分有名的三多。今天品嚐他們的招牌美食——炸雞肶及沙嗲豬頸肉撈麵。首先，讓我來描述一下這碗沙嗲豬頸肉撈麵的特色。豬頸肉爽口彈牙，每一口都讓人感到滿足。撒在上面的洋葱完美地浸透了沙嗲醬汁，為整道料理增添了更多的風味層次。這種結合豬肉、麵條和香料的組合簡直一絕。另外，我還選了他們的招牌炸雞肶。這道料理可以選中中少辣，而我偏好原味，另外伴菜搭配意粉、白飯或沙拉。炸雞肶的意粉上淋上了卡西西醬汁，醬汁的濃郁與蕃茄和雜菜的清爽相得益彰，而意粉份量非常大，足夠讓你享受滿滿的感覺。接下來，我想分享一下在良髀享用的飲品。他們的金牛和芒果雪糕絕對是讓人驚艷的選擇。金牛飲品不會過於甜膩，而且芒果的香氣十分濃郁。在表面撒上聰明豆，這種小巧的配料增添了口感的層次，讓整個飲品更加豐富。如果你喜歡朱古力，必定選黑牛這杯飲品，他們的朱古力雪糕香濃的朱古力口感能夠消暑，十分享受。

如果有人問去大埔有咩好食，炸雞髀一定係其中之一！以前係舊果邊店叫「三多」，已經開業多年，招牌炸雞髀在大埔區薄有名氣。雖然裝修簡樸，但最重要係食物呀😆好多大埔人都叫外賣返屋企食，證明人氣高強👍🏻滷水招牌雞髀 🍗新鮮出爐後肉質濃厚內軟，一口咬下可吃到啖啖雞髀肉，配上滷水豉油的鹹香，不論是口感或味道都非常豐富！而且好大隻呀🤣另外，叫左生炒牛肉飯， 冇諗過甘有鑊氣，味道又好唔會好咸。 飯類都好出色。 🍋🍸一杯檸檬茶都擺得好有心思，證明用心制作。😆

🐻同良髀有住好深厚嘅感情，由佢仲叫新三多嘅時候就已經食緊，每次打完波或者車聚完要搵宵夜食嘅時候，佢就會係其中一個邪惡到癲嘅選擇🤣 所以今次帶埋🐨過嚟，尋找返青春嘅味道🤪招牌炸雞髀 $32呢隻大埔名物相信好多人都識，出名Sɪᴢᴇ夠大隻，今次叫咗Bʙ辣，都辣得幾過癮，肉質嫩滑，一切開仲滴緊肉汁，炸粉唔算厚，炸到脆卜卜，真正外脆內嫩😋沙嗲豬頸肉撈公仔麵 $48呢款又係必食推介，呢個沙嗲係超級惹味，味道好濃郁，而且份量好多，用嚟撈麵真係一流，每啖麵都充滿住沙嗲，豬頸肉都一樣😂 而且豬頸肉份量都幾多，都爽口彈牙，宵夜食佢真係邪惡到極致🤤椒鹽雞軟骨 $48份量巨多，每粒都炸到金黃色，調味適中，食落脆卜卜，最特別係佢有洋蔥，令到啲雞軟骨略帶少少洋蔥味，非常惹味🤪爆檸 $28其實佢係一杯加大版凍檸茶再加爆珠，但佢啲爆珠唔係酸嘅，係甜嘅，令到成件事好爽好過癮得嚟又好鬼Mᴀᴛᴄʜ，而且茶底都唔錯，茶味都幾香濃😚🐻話炸髀+沙嗲撈麵+爆檸係佢當年嘅宵夜Cᴏᴍʙᴏ Sᴇᴛ😂😂 大家有興趣嘅真係可以嚟試吓，因為呢個自訂Cᴏᴍʙᴏ Sᴇᴛ當邊餐食都係咁邪惡🤣🤣

📍良髀（大埔）呢間有時同朋友做完運動 會過黎食宵夜吹下水咁🤣今日晏就想食雞髀 又係屋企附近就去左食🥰▫招牌滷水雞髀滷水雞髀好入味同好大隻 而且入面juicy 肉質好滑 好好食😋▫招牌炸雞髀（大辣）呢個唔太食得辣就唔好叫大辣 隻辣都幾有後勁 食左朋友一啖都覺得好辣😂不過炸雞髀咬落夠香口 又唔會炸到好乾👍🏻▫豉油肉碎炒腸粉平時好少食腸粉既我自從之前同朋友黎食呢個就愛上左🥰變左我黎親都想叫 調味岩岩好唔會好咸 炒得有鑊氣▫黑牛可樂同朱古力雪糕▫金牛忌廉配芒果雪糕

大埔人一定識呢間宵夜🤩良心小店💛前身係三多唔少區外客都會專程黎買個炸髀🤪1️⃣招牌炸雞髀 🍗$32雞髀🍗有得揀炸或鹵水 咁最出名係炸髀 梗係揀炸髀啦～辣度可自選🔥揀左小辣 都已經幾辣下😆隻雞髀即叫即炸 大過我塊面😂保持香脆既一貫水準 肉質又夠滑2️⃣香辣肉碎炒腸粉 $34呢個都卻幾邪惡 👿油膩少少但真係好惹味 忍唔住清晒🤪連d配菜芽菜都好夾～3️⃣西多士 $28又一樣邪惡小食🍞又食晒！好味過一般茶記！最特別係佢個餡有火腿同花生醬🥜 味道特別突出！

今日同班fd專登由九龍揸車黎食！！💛 水準依然keep 到， 全部即叫即整熱炳炳😋😋！！ 椒鹽雞軟骨、香辣肉碎炒腸粉 係必食既～～ 當然唔小得招牌炸雞髀啦， 入面無雪味，好正！ 滷水雞髀都好滑😍😍 仲有邪惡三層西多士！特飲仲要大大杯，好抵飲～食完野就緊係食埋糖水啦！紫米露好滑，好足料！簡直滿足埋第二個胃阿！ 老闆仲請我地食雪米滋😍最後同老闆傾左陣計，希望佢地可以加油繼續支持住💪💪 咁好味又平民價錢既鋪頭，實屬難得！

大埔既餐廳同小食都多，大街小巷都搵到好野食。舊墟直街盡頭接著既翠樂街就有間開得夠晏，做埋宵夜既小店，佢地既主打野食係如其餐廳名既良髀😋不過我地今晚唔係食宵夜，係想黎食雞髀、炒腸粉果d，所以直接黎食dinner😆我地都叫左唔少野食，先叫個炒腸粉同豬頸肉炒公仔麵🤤髀就點都要叫黎食，但因為有d熱氣，所以我地今次叫左鹵水髀🥰最後再加杯經典白牛，雪碧配雲尼拿雪糕，甜品飲品二合一炒腸粉我地叫左甜豉油炒腸粉有炒到有d焦脆邊，但唔會真係燶左，咁先夠香口👍🏻👍🏻調味都唔錯，咸甜甜。加埋唔少既肉碎，香味同口感都有😋炒公仔麵份量好足，已經公仔麵仲有彈力，唔會林哂😍調味都到位，而且豬頸肉都好多，肉質彈牙唔會好膩，食下一條食下又一條👍🏻主打既雞髀，期待值高，先睇size同色水😍size夠大隻，而且色水都唔錯，望落閃令令，好似好juicy咁食落亦都冇甩拖，口感嫩滑又多汁。味道亦都做得幾好，有鹵水既咸香同甜味成隻雞髀真係成隻手掌✋🏻咁大，食落非常滿足食哂三樣野，我地已經好飽😆但野飲當然都要飲埋，經典味道，雪糕亦都唔細球🍨一開始有汽水既酸爽，飲到雪糕同汽水融合果陣就好似忌廉溝鮮奶咁，奶滑香甜👍🏻下次要黎食炸髀，不過做

三多呢個名，對於住大埔嘅街坊一定唔會陌生！而呢間量比就係三多嘅改咗名，但係味道依然咁好食😍雖然個個都推介呢一度嘅炸髀😙但係我自己就最最最最最鍾意食呢一度嘅雞軟骨！😼☘️雞軟骨 $48 （外賣加一蚊）唔係講笑！呢一度嘅根源個係我食過全香港最好食㗎😍今次喺附近食完飯，經過又口痕就叫左個拎走食，即叫即整，大概等10分鐘左右😚呢個價錢嘅話都唔平🤣但係份量又真係幾多嘅！外賣食都幾好食，但係都係堂食最好食😂外賣點都會淋咗少少🤏而我哋就叫左小辣，感覺好似冇乜料到😂但係在下一級已經係中辣🌶中辣對於我哋來講係超級大佬😂整體都幾建議大家嚟試吓佢嘅雞軟骨同埋炸雞髀🍗，但就盡量堂食！好味 ：❤️❤️❤️❤️🖤抵食 ： ❤️❤️❤️🖤🖤

太耐冇嚟，來到先發現轉咗名但見餐牌同以前差唔多就坐低20:30坐低見一個客都冇都覺得奇怪兩個人叫咗1碟豉油炒腸粉 1隻炸髀 1隻油髀炒腸粉同炸髀還好，但同以前三多真係差好遠油髀就中曬伏🤦🏽‍♂️放低已經聞到浸怪味，個顏色好似白烚咁，完全唔掂，咬咗一啖就冇再郁過本來諗住叫佢換隻炸髀，但女朋友咬咗我隻炸髀一啖佢都係決定算數唔換了埋單時同個應該啱啱新做嘅妹妹反映左，佢只係細細聲講咗句唔好意思，咁我就走人了，唔會再有下一次

十分之差………因為太耐冇離以為係三多……問女職員是否三多，佢話一樣，見餐牌同三多一樣我不以為意，一出離隻油髀已經好淺色…..味道亦好怪，我相信食大家樂大快活都會更好食，炸髀亦都冇味，我山場水遠離到唔知自己食緊咩…..其實唔一樣可以同我講，轉左手轉左人定點……我再考慮食唔食，你唔應該同我講同之前一樣冇分別…..雖然係好簡單嘅食物真心希望你哋可以喺食物方便比返小小質素…唔好求求其其就比顧客，十分之失望

宜家啲食肆大多數都好早關門，開到凌晨嘅＂良脾＂就係宵夜嘅好選擇。🌃生炸雞脾配卡西西意粉 ＄49雞脾即叫即炸，等咗大約15分鐘。一送上枱就已經聞到好邪惡嘅香氣，雞脾係炸到出曬煙🍗雞脾嘅size算係幾大隻🤤咬落非常脆口，炸粉同麵包糠唔會上得太厚，所以唔洗膽心會刮親個嘴~雞脾好入味，我叫咗中辣，所以更加惹味🌶另外，餐廳炸嘢嘅火候控制得恰到好處，雞脾食落非常juicy有肉汁 做宵夜真係一流！意粉就以蕃茄汁作為主調，酸酸甜甜，好開胃。配埋爽口嘅蕃茄同椰菜多一份口感～🥰

大埔人宵夜必食，整個餐牌滿滿都是重口味及邪惡的食物😋我們週六晚餐時段到訪，堂食就只有我們，反而外賣訂單都不少。我們點了炸雞脾配卡西西意粉，男朋友很喜歡吃他們的意粉，一來飽肚，二來蕃茄醬炒出來的意粉非常開胃，也能中和炸物的膩。意粉的感覺好有家中煮意粉的感覺，會有一點椰菜﹑片片蕃茄肉。炸雞脾仍然超大一隻，炸粉不厚但整隻雞脾都炸得香脆之餘保留了裡面的Juicy肉汁，加上香辣的調味粉點綴讓人食欲大開😎另外點了一份乾炒肥牛公仔麵，表現正常，肥牛的份量也不少，也是宵夜必備較鹹香的味道，質素與價錢亦相符😁

是日中秋，啱啱放完工嘅我，真係好想食宵夜。最後行行下黎左良脾，由三多$20 食到$32 都係咁好食。先黎紅豆冰，我無要雪糕，椰味好香，偏甜脆脆炸脾，一如以為 入味，脆，可以食辣嘅可以加辣，但我就唔喇⋯

好耐無食過差不多成一年，無令我失望水準還在，比一年前食更多肉汁，新鮮炸起，薄薄的脆皮，內脆內嫩👍🏻我喺其他地方食嘅炸髀因為炸得太乾太硬好容易會刮損口，係呢間食就唔會擔心呢個問題唔好意思一攞到隻雞髀已經忍唔住咬兩啖先，一咬啲肉汁係咁流出黎，真係好正因為新鮮炸起，外賣攞返屋企食都仲係熱辣辣多汁見舖頭貼住有米糠布甸賣，不過問店員話無整，因為人手唔夠只有jelly賣，希望下次黎會有，下次黎再試埋招牌既肉碎炒腸粉，希望改左名都好個水準會繼續係到！

2個服務員都不太友善 特別是女服務員 西口西面 好似欠左佢錢 可能佢係老闆掛 所以態度咁差 但我一定唔會再去 收費極不合理 一罐可口可樂收10蚊 仲要落單果陣明明講3蚊 到走果陣就收10蚊 性價比低 炸髀好細隻