興記

營業中

休息中

尋晚原本好開心約左朋友一早入去三聖食海鮮,我地4個買左千五元海鮮到興記加工. 服務我地張枱既阿姐,一開始已經係差服務態度, 問佢有咩煮法,就好"HEA"咁答我地,又表現得極度不耐煩.阿姐磅完D海鮮出來同我地講總數幾多斤,佢自己發音唔準(佢講野係含住沙個種),個到又嘈,我地問佢講咩? 個阿姐發晒火咁講9斤呀. 大佬,我地只係問一次同想問清楚,洗唔洗咁大火氣. 最離譜係我地其他海鮮到晒,我地食得7788咁濟,發現鮑魚仲未到.咁己經費事搵個阿姐問,搵其他員工幫我地追,問左幾個都無人覆我地係咪溜單定點,我懷疑都無同我地跟.最後我地搵返落單個阿姐問, 佢條粉腸都未入去睇,就已經態度勁差話我: 小姐,咁多人,邊有咁快,等一等得唔得AR(係用極度差態度) 我地已經等左40 MINS以上,仲食晒其他先追,個刻我真係火都黎,鬧返阿姐. 佢真係斯善怕惡,見我發火,即刻SAY SORRY. 我以後唔會再去LAW,俾錢仲要一肚氣.加埋煮工又一般. 

在香港食海鮮好貴喎，最重要是無得選擇，料新唔新鮮，煮法，酒家大多都設定好，隻蝦大唔大隻，想食一隻或食三隻，菜上檯先知有幾大碟，可怕是碟菜同張相唔同嘅。。。自選海鮮來料加工，就可以解決這些問題，不過當然係不平宜啦。。。 >.<今次第一次試三聖村，一場嚟到，大家要行下長堤，千萬勿食完就走，好像沒來過，睇下漁船，行下海鮮檔，咁先享受。買料，賴尿蝦，厚肉紅鬼蝦，鮑魚，各一斤，五百多元，（主要是紅鬼蝦貴，未食過又好好大隻，點都要試下啦），全部新鮮跳跳吓，拿到興記，和阿姐講，怎樣怎樣製作法，食幾多，點樣食，食邊隻，酒家海鮮套餐菜都不能比。（當然要比貴些吧）賴尿蝦， 原隻椒鹽，啖啖肉，提議不要選有膏，反而無膏賴尿蝦，肉質結實彈口厚肉紅鬼蝦， 嘩，未食過，新鮮，彈牙，大隻過越南虎蝦，新鮮生猛，同雪藏絕對兩回事，豉油王煎。。。鮑魚， （@.@ 由另一篇食評偷師，話婆婆指定）薑蔥胡椒鮑魚，有樣學樣，個然好正，好像薑蔥蠔，但鮑魚彈牙，更有口味，‘趙‘口，一絕。。。婆婆識食燒鵝 ，推薦必食，肉質佳，入味，熱辣辣，比深井名店更好，上幾次往深井食燒鵝，都甚為失望，故不到這裏食到靚燒鵝。。。油火錢，

同事話3聖村食海鮮平靚的我地一行8人就揀左一個星期5放工一齊黎食黎到就去對面海鮮檔揀左d唔同o既海鮮之後就拎黎俾佢煮book左20:00, 不過星期5始終多人食飯最後都等左半個鐘先入得黎得哩度o既人, 通常都係o係對面買海鮮再同食店講點煮, 或者侍應都可推介煮法招牌燒鵝外表脆卜卜肉唔算好鞋蘸埋酸梅醬, 好食油鹽水花甲海鮮檔送o既花甲冇乜沙除左花甲, 仲有粉絲同薑絲, 僻左d腥味黃金蝦成隻蝦都滿晒黃金食完齒甲留香食到停唔倒口豉椒炒蟶子上碟時已經拆晒殼就咁夾就食得, 好方便豉椒好惹味, yummy蒜蓉粉絲蒸象拔蚌每隻象拔蚌上面都鋪滿蒜蓉象拔蚌都索晒蒜蓉味, 正果皮蒸鮮鮑第1次食咁大隻鮑魚果皮味唔算好重食落甜甜地味鮑魚肉質彈牙, 好味海鮮湯係用海鮮檔送的料整的好鮮甜湯渣, 睇下幾足料d瀨尿蝦都唔細隻難怪咁鮮甜椒鹽瀨尿蝦成隻手掌咁大隻椒鹽好惹味, 好好味食完今次我終於識剝瀨尿蝦喇砵酒焗蠔因為之前o個d都好重口味哩個就相對普通, 不過其實都唔錯的鹽焗蟹每人分倒半隻好多膏, 鹽焗好夠味, 好好味以上海鮮除左蟹係每人半隻外其他都係每人一隻再每人叫左枝汽水每個送加工費大約$100最後埋單每人竟然$30

老爸生日嚷住要食海鮮，已經好幾年冇食過，依然保持水準，慣性去發記買海鮮(可以簽卡，又有新鮮魚同一些貝類送，記得要多口問句，咁就有啖滾海鮮湯飲喇)，興記加工，$58一斤，平日晚市免加一，買左5樣海鮮，因冇買魚同龍蝦，買料唔使一千蚊～～

舊年三月，一班死佬好兄弟入嚟新界西大食遊，先到屯門三聖炒蝦拆蟹食海鮮，再到元朗佳記食B仔涼粉，不過，嗰次喺星期五晚，唔喺好齊腳，無份去嘅自然抵唔得頸，所以，今年就再大搞多一輪，繼年初二月嘅死佬蛇宴迎團年，依次勝完再「聖」再嚟死佬三聖海鮮局 ，可惜嘅喺原本「夫添」15人齊晒，臨時有兩件死佬因事嚟唔到。上次晌三聖村買海鮮就幫襯咗關財記及發記，今次費事煩，全部晌晒發記搞店，「死佬」之一孔Sir發辦揀海鮮，小弟今次被為以重任，負責管數 ，所以，又影相，又記低單價，非常忙碌 ，唯一做唔到喺記低啲海鮮重量，海鮮檔又唔會逐樣同你寫低，要單都喺一張過手寫銀碼單咁大把。搞咗半粒鐘，海鮮就買好晒，一共買咗9樣海鮮，單價如下。不過，小弟唔喺好鐘意啲海鮮唔標價，下下要問，標明價啲客睇啱咪買囉，唔使下下問佢哋，咪可以煩少啲。 花螺 $96/斤 大蟶子 $140/斤 大瀨尿蝦皇 $200/斤 厚肉紅鬼蝦 $380/斤 桶蠔 $160（大杯）/ $80（細杯） 象拔蚌 $360/斤 印尼龍蝦 $480/斤 大扇貝 $68/斤 澳洲鮑魚 $260/斤夾夾埋埋足足23斤嘢，合共$5,180 ，

上星期去左屯門~三聖邨興記食海鮮,超正呀,吾好講咁多上菜!!咸蛋黃炒蝦 ~ D咸蛋黃好好味呀,不過隻蝦好似差小小D肉吾太得炒蜆 ~ 好味冇沙架手掌咁長既瀨尿蝦 ~ D肉超厚呀,蝦味勁出勁鮮呀,一人一隻吾夠喉呀><芝士龍蝦伊麵 ~普通芝士龍蝦伊麵冇咩特別, 但D伊麵好似吾太似伊麵薑蔥炒蟹 ~ 又係超正呀, 蟹味勁出呀蒜容粉絲蒸扇貝~ 係手掌咁大隻既扇貝, 不過蒸得有小小過火胡椒粒炒鮑魚 ~ 炒得大乾喇,個邊太硬,但裡面好鮮架,浪費左蒸老虎斑 ~ 因為太飽喇 , 食左小小都吾錯既

4月10日約埋家人往興記食海鮮慶祝生日，点知失望到極点，之前去開南記廚師不錯但招乎的員工就嘛嘛，六点鐘攞台食飯不停摧促要八点前交台極煩，所以今次見興記在網上的評分与南記差不多便試一試，点知買左三仟多元的海鮮全遭撻，連招牌燒鵝的皮像塑胶，炒碟通菜亦很硬，唉！我以後都不会幫襯，食过無數次海鮮此次真是最差，澳洲龍蝦無味仲要花多八十元加伊麵得一小撮，羌冲蟹無鍋氣味，最慘D迷理象拔蚌蒸到個樣好核突又韌，仲有南非鮑魚，花蝦，聖子，巨形賴尿蝦全不知所謂，連我帶去個生日旦糕都搞到扁埋一边，真係黑個墨斗！！！

三聖村食海鮮, 人生都係食過幾次, 好多年前上酒樓, 加工費好貴,大排檔食過兩次, 印象都不錯. 今次呢間係第一次食 , 友人教我係荃灣買海鮮去加工, 比係個邊買海鮮平………當然有些大型海鮮同特別海鮮, 街市不一定有 加工錢係段斤計, 佢話9斤半, 收我$600加工費, 平均$60蚊一款, 算化算聖子 - 豉汁炒 - 不錯, 有d咸小象拔蚝 - 生炒 - 幾有穫氣奄仔蟹 - 鹽焗, ok白鱔 - 豉汁蒸-ok賴尿蝦 - 椒鹽- 炸不夠乾身, 有水出……..客人太多, 做呢d求其左d 帶子 - 蒜泥粉絲蒸-ok生蠔-紅酒焗 - 差……無紅酒味, d蠔仲好生……食落五知用乜煮…………早知炸或姜蔥焗, 可能好d另定左半隻燒鵝 - $220半隻, 不平, 但品質比深井好, 肉好柔嫩, 皮薄, 入味, 無so味, 也不會死咸(深井個d好咸)驚喜, 怪不得要訂先有腐魚通菜 - ok 

不知為何，連續幾次都是上菜極慢，等到想走，但啲海鲜又拿吾走，真係餓到想放火燒左佢間舖，以後都係去另一間，啲燒餓又肥又老，跌晒水準。開酒又要錢，開汽水又要錢，切餅又要錢，xYz。

昨晚自携海鮮，六点入席，九点几才上完菜，等得耐，可能人多，自㩗三百多元的桶，講明胚酒焗，变作炸干加献汁，$440的烧鵝不脆皮，不香口，冇味，認真麻麻，不值。收$58/斤加工费，好心有的商德，羌葱蟹冇乜葱。厨師只懂白烚(但收$58/斤喎)。下次请我都不去。

拿着忠仔記的一大袋收獲前往興記，這兒的海鮮飯店選擇很多，想要比較高檔裝潢的可以選擇最近海鮮排檔的廣東名門，要有市井風味的可以選擇後排位置的熟食檔。走到盡頭，看見最後一個檔口，戶外撘起紅色的帳篷，遮擋了部分興記的招牌。走入店內，老闆娘說今晚全滿，要個半鐘內還檯。我們被安排在後方的帳篷區，那邊雖然有冷氣但稍嫌不夠涼，地方算乾淨企理，只是有一隻擾人的蒼蠅不停飛來飛去。甫入座，店員拿了一個紅A膠桶過來，檢查過海鮮的種類和我們要求的煮法，便向我們說明這兒自購海鮮的加工費$54/斤，收費比同區的泰海鮮貴每斤$6，雖然不同海鮮可mix計算，但不足一斤亦會當一斤計算。由於我們只有兩個人，興記馳名的燒鵝今次是無缘品嚐的了。龍蝦我們選擇了配芝士伊麵，大約等了十分鐘便端上來，是眾多海鮮之中最早煮好的一道。手臂長的花龍蝦被切件，盤底淡黃色的扁身伊麵被上淋芝士醬。蝦件堆疊起來，加上焦焦的芝士，賣相挺誘人，不過伊麵入口比較腍身，而且全無芝士味，感覺像白汁多一點。最出色還是龍蝦本身，啖啖肉之餘又夠結實鮮甜。這個芝士焗龍蝦伊麵的份量頗多，只有兩個人的話是注定要打包的。手掌大的元貝，選擇以大路煮法配以蒜蓉粉絲清蒸，一擺

2個人，RELAX飲下啤酒吹下水，2個人就業碟野啦京都骨：夠味，夠林，好味，夠鑊氣豆腐：面太乾，入面當然是濕的，如果無咁乾更好鮮魷：味夠但不入味，如果入到味會更好大排檔來講，算好舒服，因為有冷氣食物夠鑊氣又唔細碟

三聖村出名食海鮮，呢度間間餐廳都只做來料加工。即是係隔離海鮮街市自己買料，再交俾食店加工，咁餐廳就收番加工費。有少部分以餸計，大部斷重量計錢，興記就是其一。入去前指定動作先到買海鮮。今餐買左蟹、大蝦、扇貝同埋蜆，埋單唔夠400以為好抵。第一味豉椒炒蜆好普通，夠在食材新鮮。接住係大蝦焗伊麵，呢個真係唔錯，個伊麵同芝士好好味。跟住係粉絲蒸扇貝，不嬲呢味都係粉絲好食過扇貝。不過食次扇貝夠大隻，食落好鮮甜。最後係焗蟹，D蟹好似洗得唔乾淨，有少少up味。唔到埋單都唔同知條數點計，自己食之前都上過黎openrice睇過知大約50蚊一斤。所以埋單前都心裡有數。點知張單一來就火都來。原來呢度係要收茶錢同加一，大排檔收茶錢同加一真係第一次見。咁就盛惠4xx!!!! 冇錯! 係4xx! 仲貴過d海鮮。真係妹仔大過主人婆，個個都o晒嘴。

今日入屯門探同事嘅bb, 入得屯門，之後順便去三聖邨食海鮮！之前聽朋友講冬菇亭興記好食，所以早兩曰就book定位。不過都係只有外邊位咋。不過後尾都安排咗坐内廳！lucky!我地揀咗3樣海鮮 - 賴尿蝦、肉蟹羔蟹各一和扇貝。扇貝最好味，蒸嘅時間剛好，扇貝鮮味。薑葱炒蟹係啲standard嘢，冇驚喜，而且唔夠熱。食親薑葱炒蟹，最好味嘅都係啲薑葱架啦。椒鹽賴尿蝦炸得唔夠透，咬落一口油。幸好賴尿蝦肉質夠厚，尚算彈牙。椒鹽嘅料落得少，好慳皮嘅感覺。另外，我地叫咗上湯浸菜心，燒鵝同咕嚕肉。咕嚕肉唔得，切得太大舊，炸得又唔脆，汁太酸。燒鵝好味，唔肥、夠香口，又嫩！

青島旅遊時吃不到美味新鮮的海鮮，回來香港一定要到三聖吃個夠! 早上才決定晚上到三聖吃海鮮餐，先打電話到興記預訂室內冷氣坐位，幸位地預約6:00PM仍然有位，實在太好了，汲取了上次即興到興記要坐露天坐位的經驗，這次一通電話即可預約室內位置，那通電話實在打得合時.比預定先間再早半小時到興記，放下物品後即到關財記買海鮮. 我們選了新鮮游水龍蝦、大扇貝及龍躉肉，承惠$700.回到興記後，店員詢問我們想用那種方式煮海鮮，我們就決定上湯焗龍蝦、清蒸扇貝及清炒班球. 另外亦點了一客椒鹽鮮魷($85)及一支藍妹($30).興記的海鮮來料加工是每斤$52，不論是那一種煮法. 星期一至五免收加一，價錢很合理.椒鹽鮮魷($85)鮮魷份量不多，而且炸粉也厚，炸物的油亦不新鮮，可見顏色很深，雖然鮮魷彈牙，但總體來說一般.上湯焗龍蝦龍蝦非當新鮮，而且啖啖肉，肉質彈牙，調味合宜，不會過鹹，很美味!清炒班球油泡後的班球有點過老，肉質不夠嫩滑，雖則伴以西芹、草菇等，但仍只屬一般.清蒸扇貝清蒸扇貝大如一隻餐碟，配以粉絲香蒜同吃，那會不好吃.早前在青島沒有喝青島名物新鮮生啤，這次吃海鮮必定要配以啤酒同吃，吃海鮮還是要喝啤酒