至尊雲吞麵雞煲

營業中

休息中

一開始阿姐放低雞煲後就幫我地開火，但之後就話d雞已經熟唔洗再煮。當佢地發現個煲燶左後，就拎壺湯底過黎，想直接將湯倒落去個燶煲裏面，即刻比我地阻止左，我地請求佢地幫我地換過一個新煲，佢地就拒絕：「我地呢到唔可以換煲，冇咁多煲。」最後要我地加錢，先換到一個新湯底比我地。另外，係就黎夠鐘既時候，reception個員工超大聲大叫：「仲有5分鐘交枱！」夠鐘時又大叫：「交枱呀！」望到佢係長期黑面，態度非常之差。覺得今次用餐非常不悅，未試過係咁差服務既店食雞煲🫠絕對不會再黎！！！

間舖係濕地公園旁邊，7點前嚟到已經座無虛席，證明好食，雖然要等枱，但都唔算等得耐，天水圍都有雞煲放題，正，唔使去第二區食。先上雞煲，雞走過油，超多芫茜，一上枱已可食，雞好正好味，不是太大塊，枱上放左隻大碗放垃圾骨頭，就唔惊到處都係污糟邋遢，好有心思，食完個雞煲，即刻就可以加湯底打邊爐，過爐好正，一大煲湯好快就滾，點左啲食物轉頭就到，員工又多又快手，服務唔錯，最緊要係上菜快，怪不知枱都轉得幾快打邊爐食物都好好，無雪味，我哋叫左粉腸和鵝腸都好正，鮮蝦雲吞就唔係勁大粒果種，一啖一個，娃娃菜好新鮮淋甜，最特別係有炸饅頭，係必食，飲品有自家製羅漢果菊花茶，仲有豆漿，汽水…仲係兩小時任食，超抵😋

近排天氣開始秋涼，最啱就係去郊遊啦！嚟到濕地公園，喺濕地保護區行吓沼澤、泥灘、紅樹林，再睇吓濕地生物，玩咗成日真係又攰又肚餓。好彩喺濕地公園隔籬就有一間任飲任食嘅至尊雲吞麵雞煲，好味之餘，價錢又夠晒親民呢！麻辣雞煲天水圍至尊雲吞麵雞煲用咗新鮮辣椒，加上大量芫荽、洋葱同各種香料炒香，雞件索晒辣汁，夠晒惹味。我哋叫咗小辣，唔算太辣，鍾意食辣嘅朋友不妨由中辣挑戰。雞件大小適中，非常新鮮，仲可以無限添加雞肉。火鍋配料配料多達50款，真係花多眼亂，最正嘅當然係鮮牛肉同肩胛肥牛片，兩款牛肉都新鮮嫩滑，肉味香濃。脆鯇片、鵝腸同牛柏葉等火鍋都係必叫嘅配料，同樣夠新鮮，索晒湯汁就最惹味。雖然係任叫任食，但火鍋配料嘅質素都唔會將貨就價！炸饅頭以為呢度最出名嘅係雞煲，咁你就大錯特錯喇！炸饅頭係至尊雲吞麵雞煲嘅其中一款必點食物，差唔多每一檯都叫嚟食。炸饅頭外脆內軟，加埋煉奶，簡直係畫龍點睛，真係都忍唔住encore多碟！

秋風起。來來吃雞煲湯底選擇多有至尊惹味雞煲、酸菜魚煲、椰子雞煲、藥膳雞湯煲、濃汁蘿蔔牛腩煲等等 。餐廳裝修新淨每個座位都非常闊落坐得好舒服😊😊😊價錢非常相宜，星期一至四$178位/2小時，星期五至日$188位/2小時🤭設有自助調料吧，而且乾淨企理，有齊豉油、蔥、辣椒粒、蒜蓉、乾蒜和幾款醬料。鮮生肉、鮮蝦雲吞、韭菜餃、芝士竹輪都唔錯選擇～估唔到仲有炸饅頭食😋📍至尊雲吞麵雞煲天水圍濕地公園路1號Wetland Seasons Bay地下8B號舖

店鋪位於天水圍濕地公園站，一出就見到。星期一至四 $178位/2小時（設有自助調料吧）雞煲選了BB辣。不太辣，不吃得辣的人都可以過下口癮!雞件非常多，絕不吝嗇，雞煲醬汁非常惹味同香口。任食放題的配料非常之多，兩個人的份量剛剛好，配料新鮮：肩胛肥牛片 👍🏻豚肉片 👍🏻鯇魚腩蟹柳爽口水餃🥟- 👍🏻必點，名副其實，非常爽口麻辣牛肉丸 👍🏻芝士竹輪 👍🏻芽菜炸饅頭 外脆內院非常好食👍🏻生菜 👍🏻萵筍 👍🏻鮮牛肉👍🏻粟米蜂窩豆腐 👍🏻油炸鬼重點是多款飲品😍有羅漢果杞子 菊花茶。豆漿。咖啡。奶茶。檸檬茶及各式汽水任飲凍豆漿有豆味不太甜凍奶茶香濃滑身至尊雲吞麵雞煲 (天水圍)天水圍濕地公園路1號Wetland Seasons Bay地下8B號舖推介指數：⭐️⭐️⭐️⭐️⭐️

餐廳：至尊雲吞麵雞煲 (天水圍)地址：天水圍濕地公園路1號Wetland Seasons Bay地下8B號舖喺屯元天各有一間分店嘅至尊雲吞麵雞煲 @supremechickenpot ，除咗主打性價比高嘅茶餐廳美食🍴，超平價兩個鐘任食雞煲放題亦喺一眾客人嘅圍爐之選🔥，星期一至四每位$178，早鳥優惠12pm-5pm每位再減$20😍，埋單每個人都唔使$200，認真抵食🤑先喺十款火鍋湯底裡面揀一款，有卜卜蜆雞煲、鹹菜胡椒豬肚雞煲、椰子雞煲、酸菜魚煲等等，而今次我就揀咗最受歡迎嘅至尊惹味雞煲🐔，店員話九成嘅客人都喺揀呢個鍋😆，有五款辣度，走辣亦都得🌶，我叫咗BB辣，大概10分鐘左右店員就送上一鍋雞，份量多到傻🤣，絕對唔止一隻雞咁少🤣，雖然雞肉唔算話超嫩滑，但至少香濃惹味夠晒入味，忍唔住食完一舊又一舊，仲可以無限️任加雞件♾，追加多兩次都夠回本，不過記得食得晒先好嗌，唔好做大晒鬼啊👻雞煲食得七七八八就可以叫店員加湯打邊爐，點餐紙有56款免費追加食物，肩胛肥牛片、豚肉片、雞子、OPPA魚板、海鮮沙律丸、竹昇麵……款式種類唔可以話多但絕對夠食👍特別一讚爽滑彈牙嘅鮮嫩魷魚🦑，仲有即叫即整嘅煉奶炸鰻頭，

超便宜的雞煲、火鍋吃到飽！是真正雞煲都可以無限次追加，不是只有火鍋任吃！屯元區朋友不會不認識，我在元朗吃過無數次，現在連天水圍都有了 ❤︎︎ 真正屯元天都有分店 ❣︎ 記得要吃炸饅頭和雲吞( ´▽` )ﾉ環境天水圍這一間分店始終是新店，所以設計都比較時尚一點，有別於元朗和屯門的路牌香港餐廳風格。餐牌 至尊雲吞麵。雞煲放題 $178 有數款可選，有3款可加錢升級，因為店員說卜卜蜆雞煲(+$98)元朗沒有，所以我們就點這個！一上桌，超！大！份！真的是份量驚人！蜆肉可以說是海量，雞的份量更加不用說，喜歡這一家的雞件，煮得好香，皮都炒至微脆，雞肉做得較乾身，所以更能滲入辣椒香及味道，吃上去就更惹味，有別於大部份餐廳較濕的煮法，我個人也較喜歡。蜆肉沒有追加，但雞件無限添！我們再追加了一次中辣雞件，光吃雞真係已經飽了(˶‾᷄ ⁻̫ ‾᷅˵)雞煲後加湯吃火鍋，配料選擇不少，超過50款，在吃雞煲之前馬上先點招牌之一的炸饅頭，雖然有人可能認為吃放題一定不會點這些飽肚的食物，但炸饅頭是這間店每台必點的食物！另外既然店名叫雲吞雞煲，原本雞煲裏面沒有鮮蝦雲吞就自己點，雲吞皮好薄，蝦肉彈牙，必點。鵝腸都可以吃到飽，質量也不

同屋企人去食，六點零時唔算太多人，高峰時係八點零鐘，坐無虛席！除左雞煲，佢仲有晚餐外賣，都係$50，食得過！晚市二百蚊有找，種類都算多，幾抵食！湯底有好多種，我地簡左雞煲，走辣，如果食得辣既要辣應該更惹味！呢度雞係四人份，但唔夠可以任添加既！雞件好入味，肉質嫩滑，雖然醬汁唔辣，但都好好味！食完雞就可以叫職員加湯打邊爐！炸饅頭都係呢度特色菜！即叫即炸！外脆內軟，點埋煉奶食一流！我自己都食左三個！醬料自助區汽水櫃，同咖啡奶茶果啲都係任飲。鯇魚片厚切，好大塊，食落好新鮮，無泥味！食左勁多豬潤同鵝腸，好爽口！肥牛唔太肥，望落去色水都新鮮既。仲有可以任叫吉吉家既芝士竹輪，好味，可以食到夠！蔬菜都好多選擇，夠新鮮，吸晒火鍋啲精華，好甜！整體上唔錯，會再去既餐廳！

平時呢間雞煲放題食得多，午餐未試過，聽人講幾抵食，專門黎試下。之前朋友見過有西檸軟雞飯食（sor小小麻甩😂）今日就黎食呢個，問餐廳姐姐先知原來唔係日日都有，係按每日午餐款輪住出。雖然有D可惜，不過最後都叫左出名既酸菜魚飯。（要讚下餐廳姐姐都好有禮貌，見我咁想食，專門幫我望下下次幾時出西檸軟雞😊）酸菜魚飯（小辣）配埋餐飲$50，魚片真係好多，魚肉質嫩滑，唔會有魚腥味或者泥味，湯入面仲有幾多芽菜同少少紅薯粉。我係超級食得酸，呢個對我黎講唔夠酸，但係夠麻夠辣，仲配一大碗飯，男士既話應該可以清曬，女仔可以叫少飯😂好耐無食過西多士，就叫一份黎食仲要跟餐飲，印象中係30幾蚊。因為啱啱炸起，一上檯好熱，攤左一陣食都唔會成口油，入面放左滿滿既花生醬，仲要係粗粒花生醬，好好食，好滿足☺️總結：大碟抵食＆好食

#天水圍美食 #天水圍 #天水圍宜家都有分店啦$178蚊實現任吃自由，一個價錢任食任飲 #啤酒汽水 佢地亦有一個醬料區域 ，比客人自己調味，調出適合自己既味道，地方寬落，一d都唔逼，而且職員姐姐都好nice，上菜都好快雞煲也是可以任食，雞肉嫩滑大塊，而且味道也不錯，下次也會再吃 味道太喜歡了不吃雞煲也可以轉火鍋，火鍋種類也很多，基本上隨便講一種火鍋配料都已經有😎他們的炸饅頭也好好吃，外脆內軟，一定係配埋煉奶先好食😎我地雞煲揀咗微辣，頭一轉嘅雞都已經好夠兩個人食份量好多，唔會全部都係骨好多都係肉#至尊雲吞麵雞煲 (天水圍)天水圍濕地公園路1號Wetland Seasons Bay地下8B號舖

今日紅雨，途經濕地公園。以前都成日係呢間既元朗分店食雞煲，今次第一次食左個中午既快餐，叫左一份港式叉燒炒蛋飯。上菜時發現係用韮黃、蔥炒蛋，再加上有d頹既叉燒，同自己期望有落差。叫餐後好快出到菜，上菜溫度微暖，如果再熱d會更好。

火鍋放題的滋味🍻🍲放工後，我們決定來到天水圍濕地附近的【至尊雲吞麵雞煲】，享受火鍋放題慰勞自己。進入餐廳，我們立刻被寬敞舒適的環境所吸引，而且整個裝修非常俐落清潔，完全沒有一陣打邊爐味的味道，讓人感到非常舒適。這裡的火鍋放題價格也非常合理，平日只需＄178，即可享用2小時的美食時光；而週末、假日及前夕則稍貴一些，價格為＄188，同樣可享用2小時。對於小孩子，只需＄78。此外，餐廳還貼心地設有自助調料吧。我們點了卜卜蜆雞煲作為火鍋底，這款煲的特色是可以加入雞肉，讓湯底更加鮮美。在我們點完火鍋底之後，服務員隨即端上一盤精美的火鍋配料。裡面有牛柏葉、魷魚、豬膶、雞子和鮮牛肉等等，每一樣配料都新鮮美味，讓人垂涎欲滴。先是把卜卜蜆和雞煲內的雞吃完，再請職員倒入湯！除了火鍋底和配料之外，餐廳還提供了多種精緻的火鍋配料供客人點選。我們品嚐了魚皮餃、鯇魚腩、生菜和蜂窩豆腐等，每一樣都讓人驚艷。魚皮餃的皮薄餡多，鯇魚腩鮮嫩多汁，生菜清爽可口，蜂窩豆腐則入口滑嫩，完全吸收了湯的精華。這裡還提供羅漢果杞子菊花茶、豆漿、咖啡、奶茶、檸檬茶及各式汽水無限供應，花茶清涼解渴又下火！食幾多都唔怕！這裡的火鍋放題價格

呢間雞煲放題真係太吸引青春嘅胃啦！食物款款都令人垂涎三尺。我最愛嘅係惹味雞煲，小辣嘅口味真係啱晒我嘅胃口！每一口都充滿咗濃郁嘅香辣味道，辣辣嘅辣椒令人上癮，真係停唔到口。而且仲有火鍋食物任食，真係太過癮啦！芝士腸同芝士竹輪係我嘅最愛，每一口都有咗芝士嘅香濃味道，好滿足我對芝士嘅熱愛。鮮蝦雲吞、鵝腸、萵筍同豬潤都好鮮美，令我嘅味蕾享受到極致。油炸鬼同脆響鈴卷都好香脆，一口咬落去，嘅口感真係好過癮。最後仲有芋絲札，香甜嘅芋頭絲滑入口，真係太好味啦。豆漿同可樂係我嘅必飲之選。豆漿清香爽口，正好搭配熱辣嘅食物。而可樂氣泡爽口，一啖落喉，真係暢快無比。呢間雞煲放題真係係90後文青嘅天堂！食物多款多樣，味道豐富，每一口都令人驚喜。係一個文青必去嘅好地方，絕對值得一試！

天水圍終於有雞煲放題了！在輕鐵濕地公園站，一下車就見到有幾間食肆，其中一間是 至尊雲吞雞煲，見到星期一至四是$178 一人任食2小時，價錢都ok喎。.煲底款式都很多元化，有：至尊惹味雞煲、卜卜蜆雞煲、椰子雞煲、藥膳雞湯煲、濃汁蘿蔔牛腩煲、咸菜胡椒豬肚雞煲、重慶麻辣燙、馳名咖哩牛腩等.今次吃得健康一點，選了藥膳雞湯煲，一打開煲蓋就飄來香淳的藥膳味，湯底也是呈藥材顏色，我和朋友都各飲了2碗湯才正式起筷。藥材與雞件的份量都不少，感覺淨湯煲到回本了哈哈。.最正的是，雞煲是任加的，一開始以為是加生雞件，原來是加熟的至尊雞煲；更加好呢既可以食到藥膳雞又可以食至尊雞，一雞兩味。如果是這樣的話，下次我會叫酸菜魚湯底。.火鍋配料有不少，當中包括肩胛肥牛片、鮮牛肉、豚肉片、鯇魚腩，及多款肉丸蔬菜，應有盡有的。.作為澱粉質一族，放題時都是喜歡叫下麵食哈哈，叫了比較特別的竹昇麵-好彈牙下；炸饅頭也是必食之選，沾上練奶無敵呀！.飲品除了有汽水，港式飲品也是無限供應的，正呀！.天水圍好少放題，而且有都好貴/坐得不舒服。今次是開在新屋苑入面，環境好好食物又好。

天水圍新開左任食雞煲火鍋店，價錢勁平，每人$178加一，一個惹味雞煲，仲有任食配料同多種飲品選擇至尊惹味雞煲可自選辣度，今次試下小辣。雞煲醬味道非常濃味，另外乾蔥、麻香味都好突出，雞件數量有一隻雞既份量，唔夠食仲可以加雞件tin! 配料肉類有粉腸、牛柏葉、餓腸、鮮牛肉牛味香濃，仲唔會好多肥肉，丸類款式勁多，特別D既有墨麻辣牛肉丸、芝士竹輪、扎肉、海鮮沙律丸等，蔬菜類有爽木耳、粟米、芽菜，白蘿蔔、蟹味菇、鮮冬菇、蓮藕片等調味品吧選擇都唔好少，特別要試下沙嗲醬，點牛肉食一流。飲品仲有可樂，支裝飲品外，仲有茶記咪道既奶茶、自家制既無糖菊花茶，解熱氣必選。