至尊雲吞麵雞煲

營業中

休息中

我今晚仲正喎、飲左兩支大啤酒、去洗手間、店內沒有洗手間提供、需要出店外、行左30米到達、洗手間鎖左我返店問係咪要鎖匙🔑、店員答我吾洗鎖匙可能有人、我返去再等、好幾分鐘、敲門都無人應、我再返店問職員佢答我佢都無鎖匙、我問佢咁我去邊到先有洗手間、佢叫我過對面俊宏軒、真係服務一流。我都好想知職員係咪吾洗去洗手間？我見店內都有類似洗手間、但個職員從來沒有借比我用、一間食肆可以無洗手間提供👍🏻。最後因為急都行左過俊宏軒商場、來來回回十幾分鐘。返到嚟都無職員跟進、我只好打去管理處問、請管理員帶鎖匙嚟店鋪。管理處話每間店鋪都應該有鎖匙供食客去洗手間、但店舖堅持無鎖匙、只提供方法去俊宏軒洗手間。食品係好味呀、但欠缺人情味、同理心。從來無用心去解決自家食店問題、洗手間我諗係基本設施掛。職員佢有佢食宵野、你急你事。管理處借鎖匙都係食客自行處理。食店應記一功👍🏻、再講多次食物好味呀、第一次都係最後一次、最後太谷氣。食吾飽埋單走人。