腸粉皇

平時經過呢條克街，兩邊都有好幾間食肆，兩餸飯、cafe、小食店、糖水店都有，人流是有的，但呢條街的食肆唔係間間都做得住，眼見執咗一間又一間，留得低都係實力餐廳。離奇的轉角呢間腸粉皇，經常人頭湧湧，無論中午放飯，或者收工，都有唔少附近返工返學的人買腸粉食，有啲揸住隻碟喺隔離食，有啲攞走買返公司食。腸粉四條+5粒燒賣，成為$10，以為唔夠飽，其實都幾飽，腸粉加醬汁，熱辣辣一碟，腸粉滑捋捋，燒賣又有咬口，食落不知幾滋味，食嘅除咗係童年回憶，仲有街頭小吃那種感覺，難怪咁多忠實fans。…查看更多

灣仔腸粉皇套餐同事買了這個腸粉皇套餐給我, 有腸粉﹑燒賣和魚蛋三寶, 好的是店家願意提供多醬, 這不是所有店可以做到的, 例如大師傅粥品便不會這樣, 所以還是小店比連鎖店更有人情味, 需知道腸枌不夠醬的話真的不好吃, 因為腸粉本身就沒甚麼味道, 有醬料加持才會發光發熱, 喜歡重口味的我會將腸粉解開, 攤開成一塊去沾醬汁吃, 便不會覺得淡而無味, 食法就像吃河粉般。燒賣和魚蛋都不錯, 兩者都彈牙, 不會覺得霉霉的。早餐買來吃, 或者放工時用微波爐叮熱便可食用, 仍是那麼好吃。重要的是價錢親民, 可以一試這種港式風味。…查看更多

腸粉皇灣仔區知名小食店，腸粉10蚊4條，我加多幾粒燒賣要多6蚊。客人絡繹不絕，大家都嗌腸粉，無他真係好滑，配合埋甜醬麻醬芝麻豉油，真係食下一條食下一條，好快食哂。放左工有d肚餓，嗌一份啱啱好。…查看更多

行經灣仔街頭，見到「腸粉皇」條人龍長到爆，懷舊港味即刻勾起兒時回憶！😍呢間小店超有人氣，平靚正，滿滿街頭風情，啱晒同朋友快閃食！見到即點即剪嘅腸粉同金龍燒賣，忍唔住即刻試！今次點咗經典腸粉同小食，味蕾瞬間返晒童年！✨ 混醬腸粉&金龍燒賣 $16即點即剪，醬料落得超足！腸粉滑嫩彈牙，米香濃郁，甜辣醬同豉油完美融合，甜甜辣辣，入口好順！😋每啖都係懷舊嘅幸福感！ 標明用金龍燒賣，果然係我嘅心頭好！😍煙韌彈牙，魚味香濃，味道層次爆棚，超滿足！ …查看更多

🔥呢一間主要賣腸粉嘅小食店位於灣仔，雖然佢距離地鐵站遠，但係每一次經過見到都好多人排隊，今日就決定去試吓佢嘅食物質素，今日就叫咗一個撈麵加燒賣！價錢嚟講我覺得都幾正常如果喺灣仔，唔會話太貴！燒賣有兩種唔同嘅選擇，可以選擇陳記燒賣或者金龍燒賣，我就每樣都揀咗，撈麵我覺得就中規中矩冇乜太大特別，不過勝在係即叫即做熱辣辣，所以呢一個亦都可能係好多人排隊嘅原因！下次嚟到嘅時候會再試埋佢去餐廳傳統招牌菜腸粉！…查看更多