肯德基家鄉雞 (KFC)

營業中

休息中

KFC 既蜜蜜燒雞翼KFC 既蜜蜜燒雞翼又番黎喇！以前中學每次佢一出就會食佢既雞全翼，宜家仲出埋雞中翼😍😍 一拎出嚟已經聞到蜜糖陣甜味，咬落去佢既雞皮烤到又香又脆，內裡既雞肉並冇因為烤過而變得乾，老土啲講句，真係好嫩滑同埋juicy，雞肉既油香係個口腔散開😂好邪惡，但一餐半餐冇所謂啦！呢個蜜燒雞翼比佢平時炸粉個款雞出色得多，平日唔食雞皮既我，今次連雞皮都食埋🤣至於原條香熱粟米都幾甜，仲用埋原粒牛油，超級甘香！ KFC honey roasted chicken wings is out now!!! It was my childhood memory. I still remember the time I ate with my high school friends during the school lunch hour🤣 As soon as I pick it up, I can smell the sweetness of honey. I bite it off and the chicken skin is roasted to very fragrant and c

響我仲懷念緊朱古力葡撻嘅時候～ Kfc話咁快又出新野啦，而家仲有雞軟骨食添～ 呢個係單點item，仲要係一隻雞只得一塊既雞胸位 🐓 平時甚少食雞軟骨嘅我，食得最快就係呢個，拎到返嚟都仲係脆嘅～ kfc獨有巴辣香雞味，One bite size 係咁擺入口，轉個頭就食晒～作為一個炸雞fans 🍗 每次只係想食雞，最好就係一次過食晒唔同嘅口味～ 新出既y2餐雞翼三重奏就滿足到我 😆 睇番大合照，由近到遠，有蝦醬雞翼、蜜蜜燒雞中翼同巴辣香雞翼。三款口味口感，夠晒飽好滿足。highlight一下：秘製蝦醬雞翼：港式風味，一打開個外賣盒就聞到濃濃蝦醬味，食落又啱啱好，怕重口味既朋友都可以試吓呀

同朋友行行下街突然心血來潮想食炸雞，唔知係咪太耐冇食呢，今次d炸雞夠哂熱好好味皮超級脆，正呀試埋個朱古力葡撻都好滑個朱古力味超級濃 又唔會話係死甜果隻 我諗我好快又會忍唔住再食

近日KFC全新推出了脆濃之魅系列和兩款套餐，在C1經典巨盒套餐及C2重量巨盒套餐就可吃到這兩款甜品，或者單點「脆脆朱古力葡撻」或「脆脆朱古力鬆餅」純享受以雀巢®KIT KAT®製造的新口味甜品。「脆脆朱古力鬆餅」 質地軟綿綿內有濕潤感，入口啖啖香濃朱古力，仲有脆卜卜的朱古力粒粒， 軟硬兼師，雙重口感。「脆脆朱古力葡撻」面層鋪滿朱古力粒粒，內裡是軟心朱古力， 加上鬆脆葡撻撻皮，上下層都酥酥脆脆， 邪惡指數滿分，哈哈哈哈。

嘩！嘩！嘩！😱見到KFC新出嘅脆雞胸軟骨條，當然唔好錯過啦！一隻雞只得一條，點都要去試下嘅。🤣🤣🤣口感獨特同好特別，又有軟骨嘅咬口，外層炸到脆卜卜，真係香脆可口，又食到停唔到口，用嚟送啤酒真係一流，值得推介。👍👍👍我哋仲買咗雞翼三重奏，有齊三種口味，巴辣雞翼，蜜蜜燒雞中翼，仲有秘製蝦醬雞翼，其中巴辣同蜜蜜燒就唔多講啦，好多人都食過，但今次我想講下港式風味嘅秘製蝦醬雞翼，估唔到蝦醬同雞翼係咁夾，又唔會過鹹，蝦醬又入到味，真係又好食又惹味。買呢個真係滿足到我呢個選擇困難症嘅人，又可以一次過食到三種味嘅雞翼，真唔唔錯嘅選擇。😚😚😚最後，當然要有埋佢嘅薯蓉同汽水，咁就真係超滿足啦！🤗🤗🤗提外話，我今次係外賣返屋企食，我買完之後，仲去左超市先返屋企，但冇諗過外賣返到屋企食都咁正同脆卜卜，我估堂食會仲正，所以我下次一定要堂食先得。👏👏👏

雪糕之前做優惠，買一送一，一吱完雪糕俾我已經係溶溶地，影埋相更加溶😂我朋友話佢之前大腸桿菌超標，叫我唔好食咁多，不過我都係等佢有優惠嘅時候先會幫襯，其實雪糕嘅份量唔多

😋 《KFC 蜜蜜燒雞全翼&中翼》I▪️🅘🅝🅣🅡🅞燒雞翼我最鍾意食🎶🎵🎶🎵更會瘋狂添加蜜糖❗️KFC一直以黎嘅#蜜蜜燒雞翼 是熱門嘅食品❗️今次仲推出埋蜜蜜燒中翼添❗️亦係套餐中加入了～名叫～Y1套餐❗️我點會錯過呢😋Y1 餐：蜜蜜燒雞全翼, 蜜蜜燒雞中翼, 香熱粟米, 汽水係咪睇見都好吸引呢🤭介紹返蜜蜜燒雞翼嘅味道喇😘蜜糖嘅香甜味，吸引到不得❗️另外，用手輕輕一扯就骨與肉分開，證明雞肉好嫩滑～仲好juicy添❗️我還是不能抗拒蜜糖嘅香甜味呀❗️🤤🤤另外，有樣經典回歸嘅食品，就係用竹籤拮住條粟米嘅 #香熱粟米 ❗️ 依家其他一人餐都可以揀呢款原條香熱粟米架❗️原條香熱粟米配上原粒牛油，牛油嘅香味加上粟米嘅甜味，真係好正❗️

同女友行行下apm 突然想食炸雞 醒起apm有間KFC 即刻去左食 我地嗌左個下午茶黎食 炸雞夠哂熱同埋個皮 非常之香脆 葡撻十分之香滑 其實我自己覺得KFC最好食係葡撻 而薯格亦無令我地失望 好好味

知道KFC出咗脆濃之魅系列，仲有兩個期間限定套餐 C1經典巨盒同C2重量巨盒，嗱嗱臨去食 😋今次試咗C1經典巨盒，個餐都幾大份量幾多嘢食，大約$50，一次過滿足晒我又想食雞食葡撻同薯格嘅慾望脆脆朱古力鬆餅以雀巢®KIT KAT®製造，比較甜同乾身，感覺比較像朱古力餅，很適合嗜甜的朋友脆脆朱古力葡撻都係以雀巢®KIT KAT®製造，朱古力脆脆夠crunchy，朱古力醬味幾濃，配埋嫩滑嘅蛋漿同香濃嘅朱古力醬，脆脆嫩嫩mix埋好好食毫無違和感，特別喺撻面個朱古力粒粒提升咗個口感

現在的「肯德基家鄉雞」，也推出了一款炸雞塊小食食品，名稱叫做「上校雞寶」。但是「肯德基家鄉雞」「上校雞寶」的最大分別，就是只有一款口味調味醬汁，可以供食客選擇。「肯德基家鄉雞」沒有為「上校雞寶」推出任何為「上校雞寶」獨立銷售而設的套餐，只是安排了「上校雞寶」跟一般「雞下髀」、辣味「蘑菇薯蓉」加上飲品砌成一個「上校雞寶」餐而已。恰巧「肯德基家鄉雞」最近也推出了一款，名稱聲稱也叫做「Sweet Purple Potato」，加入「紫薯」，而不是「紫心蕃薯」的牛奶飲品，就叫做「紫薯牛奶」算數。於是我見「六點鐘」規定堂食時間已經過了，所以外賣自取購買了一份「上校雞寶」套餐，至於套餐飲品就另外加錢，變成實際份量看來頗大，有糖漿另外附送的「紫薯牛奶」飲品。看來「肯德基家鄉雞」也一早已經看到「紫薯」實際甜味濃度，始終不及「紫心蕃薯」甜味那麼濃厚，所以刻意為「紫薯牛奶」飲品附送糖漿，「肯德基家鄉雞」的安排看來頗為貼心。相反「上校雞寶套餐」裡面的所有炸雞食品，始終都不適合長期運輸，即使我已經在外賣自取運輸期間，已經嘗試過打開紙盒，讓炸雞避免被焗到口感變腍，但是結果還是事與願違。結果「上校雞寶」和「家鄉雞

呢日比原定時間早搞掂啲嘢，仲可以有個break食個 #下午茶☕️ 不過我心儀嘅 #餐廳 早就排曬長龍，唯有食快餐啦。當時正正係 #下午茶時間，冇理由比錢叫 #正餐，而唔食下午茶嘅啫🤪 套餐可以配 #葡撻 但係又可以走 #蘑菇飯 嘅，就只可以食 #雞髀王葡撻套餐。$30有雞髀、有汽水，仲有葡撻，其實真係好抵嘅。不過我就嫌個 #炸漿 太厚，同件炸雞髀肉幾乎係1:1嘅比例，真係有啲誇張🤪不過撕開層炸漿之後，#白雪雪 同 #熱辣辣 嘅雞腿肉呈現喺眼前🤩 肉質唔會太乾，仲保留到啲肉汁🤤 件 #葡撻 唔使講當然就冇得頂啦🤩KFC 雖然係至肥嘅食物，不過間唔中食吓又幾過癮嘅🤤 加上APM分店有天然光線，而且 #售賣服務 亦都改善唔少，再唔會好似以前咁等等等... 係 #速食系列 嘅一個 #好選擇😆

Kfc有我最鐘意既黃金食物🤩講緊係新出鹹蛋黃金系列，我當然要即時試吓啦！我點左鹹蛋黃金脆雞薯蓉餐+鹹蛋黃金之翼。金黃色鹹蛋黃包住脆嫩炸雞🍗鹹蛋味很濃，食落有啖啖鹹蛋黃金香😊呢款我覺得很好食，吾會太乾，又有鹹蛋味。喜歡食甜品既我特別推介流沙黃金新地🍦流沙鹹蛋跟雪糕奶味很夾，甜甜地鹹鹹地好特別！原來鹹蛋配雪糕係甘好味😋我直情連續食左2日呢個雪糕。這個組合其實份量都很多，如果女仔2個人食都夠！

最近周不時都會見到周圍都有黃金系列的食物，這次決定在這裏嘗試一下黃金系列的炸雞，黃金顧名思義就是鹹蛋黃，鹹蛋黃是我的最愛，想不到配上炸雞也是如此好吃，真的不錯👍

鹹蛋金黃脆雞A1餐 $47從來不會錯過任何鹹蛋黃食品的我自然要去試試KFC新推出鹹蛋黃金脆雞！A1餐有2件鹹蛋黃金脆雞、Classic馬鈴薯蓉及中汽水。脆雞炸得金黃香脆，上面一層厚厚的香濃鹹蛋黃醬，一咬進去雞肉多汁又滑嫩。加配了鹹蛋黃金之翼（$12）同樣出色，雞翼迷絕對不能錯過！另一驚喜之選是流沙黃金新地（$12），沒想到鹹蛋跟香滑的牛奶味雪糕這麼配，毫無違和感！These salted egg crispy chicken and wings are probably my favourite creations of KFC so far！

星期日晚上，無姐姐煮飯，所以就食個快餐算，滿足大人懶惰嘅心態，又滿足吓小朋友食熱氣野嘅慾望🤪 叫左爸爸落樓下買外賣返嚟，估唔到行左15路程後啲野食仲好熱，炸雞都要等一陣先揸到响手。蘑菇飯係小朋友至愛，一定有order，依家啲餐都幾抵，三個餐加埋就有雞有飯有薯格有薯蓉有葡撻👍🏻 個香辣炸雞都好香又唔太辣，但反而個普通雞件就太多肥膏，我要將啲皮咬走.....薯格就俾我想像嘅多，但都係一陣就俾小朋友消滅晒🤣