肥仔雲南小鍋米線

營業中

休息中

　　今日經過九龍灣，諗唔到食乜嘢；上網睇吓九龍灣有咩好食，喺網上見到一間叫肥仔雲南米線，網站裡寫住「九龍灣必食」，又喺連登睇到話呢間野係香港「Top3米線」，咁嗱嗱臨去試吓啦。　　我食米線習慣第一啖一定係飲湯，一飲就出事，個湯好甜呀，唔係形容佢好鮮好好味嗰一種甜，而係落重咗糖嗰一種甜，每一啖都甜到入心甜到「漏」，老實講佢啲餸既味道米線嘅質地係正常嘅，豬紅都幾入味幾好味，但係好可惜米線最重要嘅係個湯，出晒事，我食咗半碗都唔夠，食晒啲餸我就放棄，好「漏」食唔落。　　肥仔雲南米線係我人生第一碗食唔晒嘅米線。😂

九龍灣重口味米線首選。今次點了麻辣小鍋米線 (微辣、蘿蔔、豬軟骨)。豬軟骨炆得夠時間，所以軟骨都變成啫哩狀而且夠淋滑。唯一挑剔係肉比較散。蘿蔔就清甜冇渣，係夏天都算難得。遠看廚房發現廚師逐碗煮，用猛火爆香辣椒、肉碎、酸菜等，所以湯底肯定再香d。唔似大集團咁只用電爐加熱預制湯底。我估計佢嘅湯底係偏酸，所以我點了麻辣小鍋米線但麻辣味唔夠。米線份量足夠好大碗，男士一定食得飽。最後一提，食肥仔米線記得留意佢嘅社交平台，因為佢每星期休息一日。

早幾日同朋友出左九龍灣行街買嘢，佢突然好想食雲南米線，我哋就搵咗呢間肥仔～呢間餸嘅份量唔多，米線就勁多食嗰陣口味唔算濃，但食完超級口渴😐😐我叫咗豬軟骨，黑木耳，生菜酸辣米線豬軟骨得三嚿仔，真心少😅三樣餸味道都正常～朋友叫咗螺旋藻，腐竹，鳳爪酸辣米線鳳爪嘅賣相色水都不太吸引🙈味道普通雲南米線嚟講呢間真係唔係特別推薦，一定有好多更好嘅選擇🙈🙈#九龍灣餐廳 #得寶商場 #九龍灣米線 #雲南米線 #肥仔雲南米線

每次去肥仔我都會加錢叫”芫荽蔥” as 一個餸我已經食咗幾年 仲係專登過海食第一張相係今日去食嘅份量～其餘三張係過往的份量～佢上枱嗰一刻 我呆咗 然後同佢講 ：芫荽蔥我係加錢叫的一個餸，呢個份量係平時食開嘅三份之一 （睇真啲其實係四份之一）我同佢講呢個份量太少然後有個阿姐大大聲同我講：之前俾多咗你啫！跟住有個哥哥仔攞住一細碗少份量嘅芫荽蔥 大大力拍落我張玻璃枱上面😰 大聲到其他枱都望住食碗米線 真係受氣 香港食肆淪落到咁真係有原因。

座位比較窄！坐落冇甘舒服！要同人搭枱，店舖環境清潔程度都可以，服裝員態度都几好，有笑容，上菜速度都算快！米線選擇酸辣小鍋米線同麻辣米線味基本上係冇分別既，食落味道是一樣，感覺有D取巧，而且吃不到麻的味道，我懷疑根本没有落花椒，因為我已經食過好多次，還有湯底太多辣椒籽和辣椒碎，会令到面好辣同埋口感不佳，應該隔一隔D辣椒碎先，才放D辣油甘樣会好好多！碗米線味精重了點，吃了很口渴，整體都好算食，如果加埋花生就更好！

聽過哩間米線好耐，終於試到排咗十分鐘 一入座 嘩 個位會唔會太窄呀 我唔係特別肥都覺得勁逼 男朋友直頭全程要縮埋隻手食 🤯🤯 枱細 張凳又細 ！ 叫咗酸辣 腩肉 大腸 海藻 ，食落第一啖感想… 只會嚟一次 😵‍💫 雲貴X仲好食過佢 整體好咸吓 食一啖要飲一啖水 🤯 餸亦好少 ！ 同埋真係太逼 完全食得唔舒服 得罪講 無下次 ，湯底係偏甜味果種，米線係幼身米線 😖 食一次當完咗個心願 ～～～但個環境 啲擺枱 ，座位 。。係咪俾小矮人定侏儒去食㗎？？？ 😂😂😂搞唔掂！ 名過於實！

真係好耐冇食，所以掛住肥仔嘅米線所以叫咗外賣平台落單，但係咪算嚟到係唔熱已經大打折扣小鍋米線嘅重點就係熱辣辣，是諗住自己叫外賣冇辦法，點知連米線都有啲唔熟。感覺到廚師嗰種冇生意，而令到自己冇追求進步。😞豬頸肉明明係最推介要食嘅，點知最後都係硬柴柴。小窩米線唔好食，豬頸肉又唔好食。

喺呢頭番工，成日都聽話呢間米線好好食，咁就趁lunch time黎試下佢啦。叫左個雞絲墨魚頭麻辣米線，又真係唔錯喎。比起譚仔米線食落多左麻辣香味，又少左味精感，墨魚頭夠爽口，雞絲就正常啦，平日lunch預左要等10分鐘左右，入面雖然細細間但turnover好快，黎開附近可以一試。

🤍米線真係試多幾間都唔怕多~每次都期待可以食中一間岩自己口味又抵食既米線🥹，網上肥仔米線評論好壞參半，所以都係親自拜訪下～👀間店係喺德寶商場入口嗰條巷仔，店舖細細座位之間都尚算逼•酸辣小鍋米線 (墨魚頭、螺旋藻*小辣)🐙湯底有小小似雲x香既小鍋米線，湯底酸辣balance 得岩岩好，唔會成層油浮面，米線份量偏小，墨魚頭都比較細舊，只係得一兩舊係大舊爽口，螺旋藻食落同海帶差唔多 米線比偏幼身小小，滑但唔彈牙•酸辣小鍋紅薯粉（豬紅、豬頸肉*小辣)🐽豬頸肉就有小小失望，以為會帶小小焦香，個人較喜歡焦香斜切豬頸肉（類似泰式個類)，豬紅有小小彈性總結⚠️如果要係九龍灣地鐵站行過去或者特登去食就不了，除非順路都可以考慮下

九龍灣呢邊都有d野食下可以揀下不過行到黎得寶就無試過，今次就因為想試下米線所以就行左過黎食。呢間都係小店部分位置會坐我得比較迫既，食物方面其實都係普普通通，炸鮋魚鬚，小窩米線紅腸雞翼雞絲，凍檸樂。炸鮋魚鬚比較失望，食落去感覺肉質比較小，吃落比較多粉，可能鬚比較幼所以炸完口感就一般般而已。紅腸雞翼雞絲米線，還好不過不失，料都算是多的，份量ok, 雞絲都有唔少，味道就沒咩特別不過份量算搭夠。凍檸樂，係一罐可樂另外檸檬加冰上。總結黎講。。。覺得正正常常未食過就試下。不過鮋魚鬚就失望少少了。

米線關注組谷友介紹今日去咗‘肥仔’度試吓⋯⋯叫一碗米線需時25分鐘先食度見前枱對夫婦同一個單身女客人吹侍應（原來已經等左2X分鐘）但當時個埸得10個客（有5個已經食緊）終於等到啦！叫左1:朱紅、墨魚頭中小辣 2:朱腸、魚腐小辣 3:炸雞亦一傷米線超淋淋淋⋯⋯😵朱腸碎上碎條⋯⋯😵‍💫魚腐真正身份系⋯⋯⋯⋯⋯⋯魚旦🙄朱紅正常兼滑👍🏻雞亦脆皮肉嫩湯味較肥膩辣味比一般店辣整體只可說一般唔太出色唔會掛住佢🤪

成日聽人講肥仔米線好出名，今次終於黎左試下！位於九龍灣得寶商場，外圍小巷地鋪，少少隱蔽，少少難搵，但平日晚上入到去都差不多滿座。🔸紫菜雞翼酸辣小鍋米線叫小辣，都已經好夠辣，碗湯食到最後都仲係好熱，米線煮得夠煙韌！夠濃味！份量亦十分多！紫菜掛湯！雞翼不過不失🔸豬頸肉豬大腸小鍋米線朋友叫的，兩個餸都份量十足！好食！

米線關注組有唔少人推薦呢間係九龍灣嘅米線舖，當我滿心歡喜以為搵到好西嘅時候，只可以話，可一不可再🫥⠀我嗌咗紫菜雞絲麻辣米線🍜(加杯凍檸茶)，對於我比較細食嚟講，份量都唔少架，但係一試就... 雞絲偏“嚡”，不過有好多米線舖嘅雞絲都係咁。紫菜好吸湯，但係個湯出晒事，鹹到不得了😪，之前聽聞過有人話呢間店嘅米線偏鹹同重口味，我冇諗過係鹹到令人食唔到，失晒望。⠀雖然加咗嘢飲後嘅價錢依然相宜，但係食物質素令我投晒降。喜歡食濃味嘅人可以試吓，但如果食慣淡口味嘅人就自行斟酌。

九龍東其實一直都好難搵到好食嘅米線店唔同油尖旺開到週街都係如果叫我揀九龍灣最好食嘅一定要介紹呢間肥仔米線由荃灣搬過嚟嘅已經有好多年經營經驗每次路過都聞到好香有時夜晚食嘅話要排隊配菜份量好足夠，而且好好味每次都係嗌螺旋藻同墨魚頭， 有時會配雞翼螺旋藻好有咬口， 而且唔係週圍都有得食如果會幫襯嘅話建議試下 墨魚頭都好大粒不過辣度有啲飄忽唔穩定有時小辣已經好夠辣， 有時又好淡如果鍾意食辣嘅話保守起見叫高一個辣度

幾乎每次食酸辣米線都會諗起肥仔😋😋😋有時收工都會特登過去食～😚不過有時夜晚比較多人，繁忙時間就要等位...咁多年都keep到質素～湯底好濃味，夠辣，係重口味人士之選！唯一就係舖頭比較迫個人覺得衛生程度可再加強🤏🤏🤏