聯興茶餐廳

營業中

休息中

呢日去開黃大仙上面果頭探朋友，佢就帶咗我去附近嘅街坊茶餐廳食個午飯，就咁睇我以為佢淨係賣外賣嘅，原來入到去餐廳都幾大，環境比想像中舒服同乾淨，呢個時勢佢仲有提供紙袋俾我哋放口罩添，抵讚👍👍！椒鹽豬扒飯，呢個係我叫嘅，椒鹽豬扒炸得好香脆，而且啲蒜粒仲辣辣地好過癮呀。🐷🐷豬扒大大啖肉，正，同時餐廳亦都搭咗幾條白菜仔中和一下。食完成個飯已經非常飽啊！牛雜河，呢個係我朋友幾好嘅，睇個樣都幾吸引，因為好足料下。我試咗一舊金錢肚，確係幾正，因為非常彈牙。另外我估唔到嘅就係嘅蘿蔔非常入味🤤🤤奶油多，我哋都非常為食，所以嗌多咗一份奶油多，好彩食得哂，因為好味呀，因為基本嘅口感同味道都做到足。飲埋杯熱檸蜜真係非常滿足☺️☺️。

夜晚同朋友落黃大仙食晚飯，揀咗茶餐廳食啲簡單小炒！一入門老闆娘同員工都好熱情啊，介紹咗我哋食兩款小菜特價晚餐$63，包湯、小菜、白飯選擇困難症嘅我哋一於就直接叫老闆娘嘅推介啦！首先上枱嘅係雪耳節瓜紅蘿蔔煲豬骨湯！兩個人有一大碗！好誇張超足料唔hea啊！天時暑熱飲多啲湯水真係舒服啲㗎！第一款小炒係：🐷冰梅一字骨醬汁甜酸甜酸咁，好味好開胃，送飯一流！一碟有成七至八舊，送晒成碗飯都可以啊！第二款就係：🐟炒小白菜配魚鬆今日冇乜食菜就夜晚食多啲菜健康啲啦～呢味老闆娘話個魚鬆係自家制㗎，好彈牙！最後同朋友一人叫一杯：🍧椰汁紅豆冰椰汁係打成沙冰咁，配煮到超綿嘅紅豆！好好飲啊！！！十分推薦～

凍奶茶 + 特濃凍檸茶少冰 乾炒牛河-乾炒牛河其實好易睇得出廚師嘅功夫到唔到家,呢度嘅乾炒牛河就做得好出色,色香味俱全,炒得夠乾身唔會好油,牛肉食落鬆較,份量大大碟好抵食!!!牛筋蘿蔔河-湯底鮮甜,牛筋好入味,口感煙煙靭靭有咬口,蘿蔔入口即溶完全冇渣!!!西多士-麵包炸過後一片金黃,外脆內軟,吸飽了蛋漿,亦吸飽了油,牛油和糖漿交融的味道，足以令人把減肥二字拋諸腦後!!!最近嘅疫情人人口不離罩 ,當食嘢嘅時候經常發生口罩唔知放喺邊好既情形,呢間舖頭好貼心,會附上口罩袋畀你可以將口罩袋喺袋裏面等用餐完畢後再帶上,既安心又衛生!!!

聯興茶餐廳 黃大仙母親節前夕，今日做吓孝順女請媽媽去食佢鍾意嘅茶記。呢間位於鳳凰新村嘅茶記每日都好多人食，佢嘅茶餐非常抵食，又有啲特別嘅飯同特飲。🍛 午餐 - 咖喱牛腩飯 配餐湯飲品 （$43）最愛咖喱嘅媽咪揀咗快餐咖喱牛腩飯，咖喱入面超多肉，仲有幾粒薯仔。咖喱比較結身，感覺真材實料🤤 唔係好食得辣嘅我覺得呢個咖喱算係偏辣😝🍱 日式鰻魚炒飯 （$58）最愛鰻魚嘅我就揀咗呢個鰻魚炒飯，炒飯入面有鰻魚、蛋、葱、洋蔥等等，加埋甜甜哋嘅鰻魚汁，我至愛😋🍳 芝士白菌奄列 配多士 （$33）呢個奄列有嘅芝士一切開就多到溜曬出黎，白菌份量都勁多～ 邪惡又好味☺️🍹 特飲 - 椰汁紅豆冰 （+$13）呢個椰汁紅豆冰好驚喜！椰汁部分係沙冰黎，好消暑，好好飲！❤️❤️🍸 特飲 - 凍柑檸梳打 （+$19）呢個柑檸梳打係泰式嘅，一樣都係非常消暑！梳打係罐裝上嘅，加埋酸酸醎醎嘅柑檸，我同媽媽都好鍾意！

今日去黃大仙送口罩俾舅父。又好肚餓搵到呢間好有特色嘅茶餐廳。佢覺得好有特色情懷值得緬懷一番。我自己最鍾意係佢嘅雲吞麵同埋牛筋.首先就係夠大件而且抵食。尤其是距地雲吞麵裏邊嗰隻蝦好大隻大大粒爽到爆口。一碗雲吞麵可以已經飽肚。加埋杯凍奶茶都唔使40文。我朋友叫左個肉醬意粉。佢話味道濃郁而且好鮮味。食落好如意。睇到餐牌原來晚市去到七點咋。嚟緊母親節好想帶媽咪去試下有水準嘅雲吞麵。呢間餐廳唔錯而且老人家行過嚟好方便。😊

前幾日同個住黃大仙的朋友去左沙田坳道個到行山，食完之後，佢同我講係鳳凰村個邊有間茶餐廳佢食開，好正好好味，所以我地去左食。餐廳仲會提供紙袋比人袋口罩，方便食客唔怕唔知放邊同整污糟口罩。我地去到就食左一個下午茶炒粉炒麵餐，揀左金菇肥牛炆伊麵43蚊，同埋一個淨雲吞，因為我朋友話好耐無食，好想食，所以就叫埋，飲品就揀朋友介紹的個兩杯，椰汁紅豆冰同凍柑檸梳打。我朋友鍾意飲紅豆冰係因為呢間的紅豆冰椰味好重，同出面食個啲溝好多水、花奶、冰粒好唔同，而且紅豆冰仲會連埋冰一齊打碎，凍得嚟又唔會溝淡椰味。而至於柑檸梳打方面，有少少似鹹柑桔，但係就無咁鹹同埋就算篤爛都唔係太酸，原來個老闆娘話係泰國入口的西檸，因為係西檸所以就唔會太酸，亦都有小清新的感覺。淨雲吞都有7粒，湯底清清甜甜，連埋雲吞飲都好好味，最正係無鹼水味，蝦都大隻同爽口，食得出係自家包。金菇肥牛炆伊麵就出面比較少有，至少我比較少見，料都好多，絕不吝嗇，伊麵炆得入味，但又唔會好濕同太乾，我個覺得啱啱好，恰到好處。而且佢仲有咁多唔同的下午茶餐，連早餐個啲都仲到6點，可以加錢轉配咁好飲的紅豆冰，真係不錯的推介。

來到黃大仙放低車子做些簡單修理，過來聯興茶餐廳吃個下午茶。近日疫情影響卡位中間都貼了膠板隔開，除了探熱也有提供搓手液及口罩袋，感覺安心。下午茶小炒餐選擇也不少，我們要了干炒牛河（$43），下午茶餐份量也不少。河粉夠滑又有彈性，牛肉嫩滑有醃過，真的好吃，配上辣椒醬就完美了！另外我們還要了扒芝士火腿三文治配鮮果沙律（$37），三文治有烘底，外脆內軟有牛油香，簡單得來味道很好！鮮果沙律有蘋果、紅蘿蔔、粟米、青瓜、薯仔等，跟卡夫沙律醬份量比例剛剛好，也好吃！泰國甜柑檸梳打（跟餐加$13）是老闆娘極力推介，杯內是一整個泰國柑檸，戳開混上梳打水，鹹鹹酸酸，醒胃又好飲。另外秘製紅豆冰（跟餐加$13）都好有驚喜，紅豆多之餘上面是椰汁打的幼滑冰沙，椰汁味中又不會太甜，好喝！沒想到會找到一家這麼有水準又價錢合理的街坊小店，以後來這區一定要再來。

呢間位於鳳凰村嘅茶餐廳已經經營了好一段日子，因為食物質素高而且抵食，所以能夠吸引到好多街坊幫襯！我細細個經常到呢度附近探親戚，都會黎呢間茶餐廳食嘢，今日重遊舊地！當然也要食個午餐回味一下啦！簡單的叫了味菜牛柳絲炒麵及熱奶茶，一間茶餐廳的水準，只要看看他炒麵的功夫就知龍與鳳！呢度嘅炒麵水準一流而且夠鑊氣！首先炒麵要炸得鬆脆，呢間茶餐廳就能做得到！而上面嘅獻汁味道濃郁夠厚身！牛柳絲大大條而且肉身軟滑，茶餐廳能做到這個水準，已經值得一讚，嘩！大大碟的牛柳絲炒麵價錢只係$54，而且加$6就有杯熱奶茶，街坊價錢真係抵到爛！唔怪得知街坊咁擁戴佢啦！有機會再嚟嘅時候，一定要再幫襯，感受一下佢哋對街坊街里嘅人情味！

唔講唔知，係山中段呢間茶餐廳已經是年到半百的老店啦，旁邊有個公園仔比小朋友的，抗疫同行，每張枱都保持1米距離，入餐廳先量體溫。氣炸鍋的生炒排骨？68hkd呢到的伙計都好親民有禮，一睇就知我唔係熟客仔就會問下我，食物岩唔岩食，點左呢個生炒排骨是即炸的，唔係預先煮的，一上到枱上，每件排骨都係平均的金黃色，咕嚕肉汁夠酸夠開胃，3色椒咬落亦非常爽口，整體感覺都健康，白飯都幾大碗，好食。難怪星期六午市時間都咁多人。抵飲13蚊特多份量招牌紅豆冰加配左一支招牌紅豆冰，支野都幾大支，唔係一般茶餐廳用來影相果隻杯。紅豆大大粒，最正的亦都係特色之一就係紅豆冰上方的椰汁泡沫，增強左視覺效果，似係用令既攪拌機先做到的效果。揚州炒飯 47hkd哈，食過既人都知道，餐廳鑊氣有幾勁，未食到口已經嗅到飯香，干爽白飯，蛋粒分明，火腿叉燒唔少得，最後記係蔥花粒，簡單又好食。會keep住來光顧小店，支持

今天工作來到黃大仙鳳凰新村，雖然很多人可以home office，無奈我這份工作還是要到處去，但感恩的是，在這非常時期，很多行業被迫放無薪假期，我仍然有工開，這真是萬幸啊！ 所以每一天都應存感恩的心去生活。工作完畢，和同事來到這間「聯興茶餐廳」食下午茶，一進店，先是量體溫和消毒雙手，老闆還貼心地每人派一個紙袋給我們放口罩。下午茶餐選擇頗多，價錢合理，同事分別叫了火腿蛋菠蘿包和珍寶熱狗沙律，而我就叫了一碗雲吞魚蛋河。雲吞和魚蛋分別有三大粒，以下午茶價錢來算，份量足夠，味道可以。現在飲食行業正進入嚴冬時期，希望大家在保持警覺之餘，都能繼續支持小店。

從來都沒有想過，原來可以去一間茶餐廳，去食鰻魚焗飯。常餐有得揀，就一啲都唔出奇。.這一間茶餐廳位於黃大仙與慈雲山中間。.我們本來想吃的是鴛鴦炒飯，但大廚走過來，跟我們說，其實這一家店的鰻魚炒飯，比鴛鴦炒飯更好吃。.我們問他，除了炒飯外，還可以有焗飯的選擇嗎？佢就即刻走去整咗俾我。好正，茶餐廳DIY。.之後，大廚問我們想喝什麼？我們說，去茶餐廳一定要是喝紅豆冰，因為茶餐廳怎樣製作一杯紅豆冰，完全反映了茶餐廳的質素。一般普通的茶餐廳，只會用花奶作為整杯飲料的核心，但這一間茶餐廳，竟然用椰汁沙冰啊，而非花奶溝糖水。好抵讚。..最後要講，這裏的炒米粉也非常好吃，汁香，面底一流。

上次去醫院探望母親時，路經這裏，看到一間歷史悠久的茶餐廳，今天剛巧經過，便入內試試。店舖歷史悠久，光顧的大部份都是區內的街坊，還有提供室外進食的地方。豉椒排骨炒麵，鑊氣十足，豆豉和辣椒的香味，令到排骨更加惹味，麵條已經炸過，香脆中帶點嚼勁。牛腩拼牛雜河，牛腩脂肪分佈均勻，軟硬度適中， 牛雜有牛肚、牛蒡、牛腸，還有一塊蘿蔔，滷水味道偏鹹，不過混合河粉和湯底一起吃，味道便不同了。凍鴛鴦，奶茶、花奶和咖啡的比例適中，是不錯的港式味道。

原來黃大仙呢帶都好多美食，今日唸住求其同朋友搵間茶餐廳坐下食下野吹下水，估唔到都食到間水準超班的茶餐廳。來到聯興茶餐廳見入面差不多滿座，應該都食得過。同朋友入去坐左卡位都算舒服，我們求其點了些野食，有吉列魚柳配薯皇，淨雲吞，同埋兩杯椰汁紅豆冰。發現這家茶餐廳的野食同平時食開的口味不同，先知原來老闆係做好食物方面花了這麼多心思。這個魚柳超級新鮮及滑，原來是用新鮮魚炸出來的魚柳，難怪肉質這麼滑溜滑溜。淨雲吞雖然看起來普通，但裡面釀了的餡是新鮮肉之餘，仲有一些秘製材料，講不出來的味道，但真係超好吃，特別係個湯底，我未試過會飲曬一碗淨雲吞的湯，簡直顛覆了我對茶餐廳的要求。最後一定要講這個椰汁紅豆冰，紅豆豆質同平時食開的不同，大大粒新鮮紅豆，而這個椰汁更是人手打出來，椰汁泡滿滿浮面，真係難得。今次的體驗真係超驚喜，而且價錢合理，下次可以再來。

友人約我在他家附近一聚，反正今日過開黄大仙做嘢，去到半路正值下雨肚又餓，就係茶餐廳坐下先。午餐『椒鹽豬扒飯連熱飲』$43飯旁一堆碎上豬扒，底下邊有幾條白菜仔。豬扒幾鬆幾厚，食到蒜粒同辣椒籽都幾惹味，米飯一粒粒，無汁都可以食得滋味。熱華田+煉奶，很夠阿華田味道。朋友點『牛雜河 』$32D 牛雜幾企理，為食嘅我黐咗兩件食，牛肚淋得來有咬口，牛蒡粉，牛肺彈牙 ......有四，五件白蘿蔔添，河粉正常爽滑。過咗一陣(傾偈傾耐咗)，再點咗份下午茶餐，『油沾多連熱飲』朋友點了熱檸蜜(加$3) 。油沾多好油水呀，牛油多，沾醬多，好味呀。 熱檸蜜有多片檸檬，D檸檬皮耐咗亦唔有苦澀味，飲蜜糖水還可潤肺，他真識揀。

喺屋企悶悶地，忍唔住岀去抖下氣✌🏻一順便去茶餐廳嘆個下午茶☕️飲杯野✌🏻呢間平時行過都想試吓🙈餐廳門外有露天茶座🤩有一棵棵大樹相伴🌳天氣好嘅時候喺樹下乘涼🌬超級正！怕吹到又可以喺室內嘆✌🏻呢度下午茶選擇都幾多👍🏻炒野中式西式都有很揀✌🏻炸雞脾炸到香噴噴，脆卜卜🤤熱狗薯條都即叫即整😙最讚係杯茶走✌🏻 茶味好濃，同奶份量比例好好👏🏻座位寬敞，坐得舒服，尤其外面位置，乾淨不污糟，值得一試！