聚福樓 (已結業)

7月份沒有特別的公眾假期，因此很需要放假輕鬆的感覺。三五知己來個可以放空的小店來聚餐尋找一點安慰。 一個酒樓名字但滿滿中東感的咖啡店，很有趣吧！它有意大利粉/飯/all day breakfast 及蛋白蘭地。 可能價錢跟市區差不多，因此星期天的人流也不算多。 我選了個蛋白蘭地（對！我就是喜歡這樣叫，不是很貼切嗎？！） 真心，如果底層的包不那麼濕，可以脆一點我會更喜歡。 如果你要點餐還是點意大利飯（朋友選）比較穩陣。但食物賣相很好，打卡一流！飲品都很好！甜品沒有試，沒有想試的衝動及肚子。

平日夜晚無咩人，朋友住呢頭，話想食呢間野。班尼迪克先生 $82好多年無食過班尼迪蛋，覺得好heavy所以都介左好耐。不過因為太耐無食又想食，於是叫左個。蛋漿流出黎啊正😍最期待既畫面！不過bacon有點乾身。.黑松露蘑菇頭天使麵 $138天使麵，好多蘑菇啊，不過不失嗯嗯😗如果比我叫多次我都係會食蛋🍳不過店鋪位置有點遠離市中心呀，可能只係因為我路癡🧐如果無咩事我都唔會入黎咖喇🤭.佢地個Menu改既食物名好得意，覺得好有心思。

店舖位置不太難找,如果住在區內/附近的可以到訪一試.於晚市到訪此小店,環境擺設簡單舒適.點了這個黑松露蘑菇意粉.上菜時已聞到陣陣香氣,看得出在presentation上也有花過心思. 吃下去意粉質感屬偏軟,如果對硬度有要求的朋友或要先指明. 吃完了整碟也不會覺得太膩,算是較健康之選.但以這個價位來說(連加一服務費),不包括任何餐飲/前菜/甜品,份量略為偏少.

平時整車洗車都去開置樂，今日放低架車打算搵地方醫肚，老婆離遠見到呢間聚福樓話好靚想試下，咁啱係週末有brunch time，消磨下時間好似都唔錯。呢度個all day breakfast好似都幾受歡迎，叫左個試下，再叫多左個沙律，食得清新啲又唔洗太飽，其實個環境老實講真係坐得幾舒服，多綠色植物，又有落地玻璃，播返啲好classic既英文歌，間唔時黎chill下都好正下。All day 望去好豐富，老婆見到已經心心眼狂相機食先😂炒蛋好滑，又有配scone同乳酪唔太漏，個沙律配黑醋汁好fresh又開胃，整體都唔錯！佢呢度咖啡都有好多花款，全部都係打卡一流🤣睇黎每次黎洗車都肯定比老婆拉過黎食野啦！

呢間係屯門深藏不露嘅餐廳我會形容為：奇奇怪怪又好有特色本身同朋友係去個頭食泰國餐廳，點知人地裝修於是誤打誤撞黎左呢間食首先個名叫聚福樓，咁中式嘅名竟然係食西餐裝修又係mix n match，混亂得黎好有格調餐牌都好搞笑，啲名全部都好搞怪好有創意總而言之，好似食氣氛多過食食物不過佢地嘅食物又真係唔差喎同朋友兩個人叫左一個pesto chicken pasta（表示已經唔記得佢個搞怪名係咩）一個烤雞凱撒沙律，同埋一個蜜糖炸雞炸蝦，不過就上錯左做番薯條，老闆都好好人話請我地食個薯條，炸雞另外上俾我地！pesto chicken pasta好味👍🏼 pesto味好出，夠正宗沙律我就略嫌唔抵，不過味道係好好的而炸雞炸蝦就炸粉多左少少，反而食唔出原料係味道sweet potato fries就都好味的，配埋sour cream，係正的好推薦係影靚相嘅朋友們去試試佢～ 因為裝修真係好靚的

【Joy Food Lounge 聚福樓 @ 屯門置樂】明明是一家很色彩繽紛的咖啡廳，卻配上一個傳統的酒樓名稱，這份有趣令我們很好奇。開業三年，每次經過看到漂亮的門面都說想要來試。今天終於完了一個心願。男朋友第一次經過還以為是花店呢哈哈。西式格調小店，配上精美設計的瓷磚跟地版。店裡店外再加一點點植物，感覺很relax，是個打卡好地方。星期日晚上時分來幸好walk in有位，不然建議大家還是先打來做booking。店裡如此西式，但整晚background music play list是九十年代的廣東歌。感覺好親切好fushion哈哈我喜歡！謝霆峰、王菲、林憶蓮、張學友、劉德華通通、彭羚通通都有。表露了店主年紀了吧哈哈！餐牌由前菜、主菜、All Day Breakfast、Egg Benedicts、Burgers、Pastas、Risotto、甜品都有，種類很多，食物名都很有創意！加分！今次選了以下三樣試一下。·🔹Black Forest (Raspberry Chocolate)
Hot - $42 / Cold - $48 朱古力跟Latte的種類不少，較為吸引我的是這杯。一來到是

可愛同事妹生日，因為佢喺屯門住所以唔出省城食，一早諗黎呢度食但無book枱諗住早食應該唔使等位掛，因為只係六點幾。同事妹一直以為我帶佢食中菜，因為個名好中式，到門口佢先恍然大悟，原來係平時行過都唔知佢個名叫做聚福樓。一入到去無客人，話冇訂位就俾咗坐窗邊嘅二人枱我哋😻有得望吓街靜靜地傾下計。店內情調幾好由此咖啡店又似熱帶小酒館，進可攻退可守。望左下個menu呢菜名全部古靈精怪唯有睇返英文😂肥仔哥哥就走埋黎問下使唔使介紹😂，反正唔知食乜，佢又好細心問餓唔餓想食肉定海鮮，飲唔飲酒之類，見我地太早又未係餓就介紹左爆炸吞拿魚同雜菌意大利飯（個古怪名我就唔記得喇），佢地啲飯係有得選正宗意大利飯式更軟身既薏米。我地就叫左薏米可以去水腫嘛😂個爆炸吞拿魚賣相就好吸睛擺盤靚，吞拿魚輕輕地被黑白芝麻包住焗熱左個芯仲係生既，芝麻脆魚身軟，最後再加上年頭加左一對爆炸糖（黃色嗰啲唔係蒜頭係爆炸糖）口感特出但吞拿魚比較淡口要加返多檸檬汁個味先出。配上沙拉菜仲有啲小蘿蔔片同意大利醬醋，一點都唔因爲配菜而馬虎。雜菌意大利飯，正宗意大利好多人怕中間個芯有啲硬，怕胃痛又黐牙。所以店主好貼心有得揀薏米。薏米吸收晒啲汁味道唔算

母親節帶左媽媽去左一間裝修好靚 擺盤好靚又精緻既cafe食晚飯，之前心諗屯門一個咁偏遠既地方竟然有間咁特別既餐廳，因為相比附近既餐廳 佢價錢都唔平 拍得住九龍西餐價，難得母親節正日都唔會迫人食嗰啲又唔好食又貴又整定既母親節set, 一於試下佢#班尼迪克先生既蛋同煙三文魚 $88 😋: 6/10呢度既menu改名好特別，呢個已經係字面最易解，睇英文會好啲😂 呢度既流心蛋熟度岩岩好 唔會流質得滯浸濕哂個包 亦唔會過熟冇左流心效果 真係杰杰地既流心 係dor最鐘意既texture 荷蘭汁味道好濃厚 我覺得略嫌搶左啲蛋味 另外餐廳用左意大利蕃茄包代替muffin都比較特別#南瓜媽媽帶仔去食飯 $158 😋: 8/10大家估唔估到呢個係咩呢😂 就係南瓜帶子意大利飯喇！呢個risotto最特別既地方就係佢唔係用傳統意大利米，而係用左洋薏米做risotto! 我一睇個menu就知媽媽一定好鐘意 因為佢同我都係粗糧控😂 洋薏米比普通risotto更有咬口 加埋鮮甜既南瓜撈埋半融既芝士成個飯好creamy又輕易做出拉絲效果，媽媽對呢個飯好滿意丫！雖然以地段黎講唔盤平 但環境同服務都真係唔錯，聽講有時仲會

今日冇野做由天水圍去咗屯門置樂搵野食第一眼就比呢間餐廳裝修吸引到我😍跟住望一望個餐廳名下！乜係食中餐架咩😂跟住走入去，先知係食西餐😂食物餐牌同飲品餐牌係分開，方便易睇待應哥哥見我一個人睇住個Menu睇到R曬頭就過黎介紹啲嘢食畀我仲話幫我發版諗野食😂真係細心Joyfood salad係一個水果沙律，有火龍果，士多啤梨，紅石磂配油醋汁，勁開胃😋Beef burger好少漢堡有牛肉成數揀😂待應哥哥幫我揀左五成話係最正最好食果然冇介紹錯👍成餐飯都唔洗自己諗😂岩曬我佢話下次同啲Friend黎食要食威靈頓牛肉😂等我下次帶埋啲朋友過黎食先😋

I was searching for a place to sit and have a cup of coffee.  Had a very late lunch first and then sat around to read for a bit.Ordered the all day breakfast. For a girl the portion is a quite big but it was nice and filling.The scone was a bit hard and dry but other than that it was good.The coffee was nice. The atmosphere is very chilled outI ended up reading until it was dark lol. It was that relaxing!It also a nice place to do work or study. Highly recommended! 

約了好朋友傾野想去間靜靜地又近又靚(好多要求😂)既cafe坐下,佢就提議呢間。價錢比同區既cafe高d不過佢話之前經過見到好靚！甘一於就佢啦🙊係屯門住甘多年,平時周不時都會去隔離既小曼谷食野,但係又真係無留意到隔離有間甘靚既cafe。晏晝三點左右到(當時未開燈的),位置唔多亦唔算多人。岩岩好有張室外二人檯。鋪頭裝修有點懷舊,門係透明加粉紅色框的舊式摺疊門,有吊扇同花紋圖案瓷磚牆。加上門口有好多植物,成個感覺好relax。好啦黎到梗係要食野。Brunch set有呢d選擇Well最後我地都揀左港女brunch必揀既all day breakfast.賣相相當吸引啊！有草,菰,蕃茄,腸,煙肉,火腿,煙三文魚,蛋,薯餅,茄汁豆,鬆餅,乳酪。最好味係菰,好香不過得一舊。蕃茄上面有d芝士都抵讚。鬆餅口感唔係食開既一般西式鬆餅口感,比平時腍一d。形容唔到😂藍莓乳酪加粟米片都幾好雖則話以上d食材都好難難食,不過要覺得好食亦都唔係間間做到。可能環境配合啦。覺得整體都還好食乳酪既匙羹都是美美的。跟餐有杯free selected drink 我就加錢揀左rose coffee latte杯咖啡細細杯不過

本來想去附近既泰菜食晚飯，但要排好耐，我地幾個都肚餓，所以就行下睇下附近有咩食，行前少少見到有間環境好靚既餐廳，睇個名開頭以為係中菜黎，睇完門口個menu先知係西餐，大家都無所謂就入左去食。餐牌既名改到好搞笑，就咁睇字都唔太知係咩，經店員介紹後我地嗌左個（真係米收埋隻雞），（我個牛皮包係邊度），（點解你係爆炸吞拿魚）同埋（南瓜媽媽帶仔去食飯）。-真係米收埋隻雞-係燒春雞入面釀左啲risotto，出面有啲黑松露忌廉汁，配埋個汁好好食，隻雞又滑 ，好值得推介👍🏻不過店員話每日數量唔多，想食最好打去book-我個牛皮包係邊度-姐係beef Wellington,酥皮包住舊牛柳，佢個汁配埋個wellington一齊好match-點解你係爆炸吞拿魚-呢個係吞拿魚外面有啲芝麻痴住，燒到大約半熟咁，上面有啲爆炸糖，出奇地爆炸糖同吞拿魚係可以咁夾👍🏻呢個菜好特別-南瓜媽媽帶仔去食飯-南瓜汁帶子意大利飯，呢個飯特別在唔係飯黎，係薏米黎！可能我好鐘意食南瓜我覺得好食最後叫左個甜品呢餐三個人食剛剛好，環境又舒服，埋單每人$300鬆啲，下次可以去試埋其他菜

係openrice睇到呢間有Allday breakfast食，屯門好少餐廳係有alldaybreakfast，同朋友就約左放假一齊去食。去到坐低我地order左黑松露蘑菇意粉，allday breakfast 同兩杯咖啡，坐低傾左陣就上左咖啡，杯咖啡好靚！好快就上埋食物，allday好用心裝飾擺得好靚，仲要係有鬆餅同yogurt,絕對比得上喺出面食既。朋友個黑松露意粉好香又多汁😍佢話味道岩岩好 唔會太重味 份量都好足夠。一路傾計一路聽住啲8，90年代既歌，非常好feel。

Apparently this cafe is very popular in Tuen Mun. Today, me and my friend went there to have a Sunday brunch. The place is quite small so the seating was very cram. But the restaurant is well decorated. Me and my friend both ordered the all day breakfast and it came quite fast. The dish was presented beautifully. There were quite a variety of food on the plate, I found the sausage very yummy, it had a rich flavour. The scramble egg was smooth, the bacon was crispy and flavourful. The hash brown

早幾日同朋友來聚福樓吃tea, 這裏位置較偏僻，係安定果邊行左好耐先到。 聚福樓佈置特別，但座位較少。朋友點左egg benedicts, 我點左all day breakfast. 兩者味道尚算不錯，不過價錢稍貴。未試過可以一試。