聚福樓 (已結業)

星期六同男友早左起身约11:30pm到置樂試lee間穩世小店JOYFOOD Lounge店外店內裝修都比人一種好舒好休閒ge感覺.11:30-16:00PM Brunch跟餐係送野飲:我點左杯Apple Honey floral tea (relax下）男友叫左杯凍Gingerbread mocha .....（要加$8）不過lee杯有點苦...我叫左All Day Breakfast 嘩好靚又豐富。D沙律好新鮮.有蕃汁豆.腸.火腿.煙肉.煙三文魚.炒蛋.薯餅.仲有芝士磨菇蕃茄la.麥片乳酪.鬆餅.幾好味.好飽......牛肉漢堡。配沙律。炸蕃薯條。個漢堡上面有甜洋蔥+大磨菇（的新鮮。個炸蕃薯條好好食ar.)好飽好滿足的Saturday Morning.叉叉電太refreshing la.下次會再黎食過.

小店一向係我最愛 貪佢有人情味之餘 食物多花款 有心思今日就嚟到置樂嘅呢間食 fusion菜 聚福樓 裝修好獨特 有好多植物入面 係行西式嘅cafe路線 播住油油嘅音樂感覺好舒服敘福樓大曬健康沙律 黑醋沙律上面加上勁多生果 例如 藍莓 士多啤梨 紅石榴等等 蔬菜方面有羅馬生菜 火箭菜 蕃茄仔等等 溝埋一齊食 小朋友都岩食龍蝦帶子意大利飯 好濃沃嘅龍蝦味 呢到再加上海量嘅芝士夠曬惹味 帶子仲要係珍寶給咁大隻 煎到外脆內軟 雖然分量唔大但係都夠飽爆炸吞拿魚 吞拿魚柳外面包上芝麻 再去煎 入面仲係刺身嘅感覺 上面加上爆炸糖 食落味道同口感都有好新奇 配菜再加上黑醋沙律 成度菜更加清新覆盆子朱古力 酸酸甜甜幾得意 而且有朱古力嘅香濃 味道幾夾 夠清新

身為屯門友，這次都算是慕名而來，位於置樂花園內街的一間食店，比較新潮。看看外面的裝修和餐牌就知道，不是一般普通的食肆，而是用心經營特別打造的一間潮食店。打理這店鋪的全都是後生仔女， 望真啲餐牌啲價錢一啲都唔平，拍得住中環cafe的價錢， 不過勝在坐幾耐佢都唔會趕你走，因為今次和朋友聚聚一坐，就坐了四個小時🤣。 叫了三個套餐，全部味道都不錯，連味道真的都拍得住中環的cafe。 最特別的是班尼迪蛋，不是每間cafe都做得出色和好味

見食評吾錯，帶老公同仔仔黎試下。首先地方好細，音樂太大聲。1點幾去到我地叫左lunch menu既煙肉蘑菇白汁長通粉同 Egg Benedict加3杯飲品，長通粉同飲品都好好，之後我食哂個長通粉，Egg Benedict都未黎！！就同個小姐講，點知佢話吾記得左落單🤦🤦 （心諗lunch time 3個人黎吾系淨系叫一個意粉share下話？）跟住叫佢即刻落返單之後先比2碗餐湯（我真系未食過一間野系食哂主菜先飲餐湯囉）🙄🙄最終前後等左半個鐘先見到碟Egg Benedict出現，老公切落去諗住食個下發覺個蛋白系硬既 😱😱 拎起睇原來系撞爛左碟塊玻璃片黎！！！即刻叫侍應黎，個男侍應話換個碟比我地，但我老公已經趕住要返工叫佢取消然後埋單。點知個女侍應拎張單黎，我地一睇，仲要收個Egg Benedict錢😡😡😡 之後先幫我地取消返。其實當時店入面只有2個客，而佢地已經差吾多食哂咁滯，點解仲可以漏order？？🤷如果真系吾記得既話不防用紙寫低order就吾怕出錯啦！所以你地既食物飲品做得幾好都冇用！！叫d客點返轉頭幫襯你地牙？

餐廳環境望落好有異國風情，估唔到野食都勁有驚喜，每道菜都好有心機整👍🏻聚福樓大晒健康沙律($138)除左一般醋既酸味，同蔬菜既新鮮爽脆，佢另外落左唔同水果，例如橙乾、苺類、石榴，令沙律加添左有層次既甜味，特別得黎好開胃海洋老友意粉 ($158)意粉加左好多黑椒、炸蒜片同唔同香料，辣得黎好惹味！而且海鮮好新鮮足料，有成三隻帶子、三隻青口、同兩隻大蝦，兩個人分享都夠晒食！我個牛皮包係邊度 ($238)威靈頓牛肉不嬲都好難整，點知一切開牛肉勁juicy，食落好明顯係靚牛肉，而且個汁甜甜地，同牛肉好夾，連埋酥皮食，好吸引👍🏻高質小店，兩個人都唔使$600！餐牌👇🏻

上星期幫朋友搬屋 搬完屋之後 佢就介紹咗係佢新屋附近嘅一間餐廳之前佢試過幾次都唔錯 一於帶我去試下✌🏻 餐廳裝修個感覺同平時嘅餐廳同懷舊意味濃厚 餐廳名「聚福樓」像傳統酒樓的名稱 比人有一種食中菜嘅感覺 原來係食西餐既 好大相差😲入到去餐廳嘅客人唔算多 但我覺得一種好溫馨好似家既感覺 店主將環境佈置得好有心思 係牆磚 地板都是花瓷磚圖樣 甚至洗手間的鐵摺門都可以感覺到餐廳播住四大天皇 劉德華 張學友 黎明 郭富城等等既歌曲 對我黎講有點熟 但對於上左年紀既大人黎講絕對係一首首耳熟既金曲 🎵🎶 聽住音樂 看住形形色色既裝潢 今晚好似進入左懷舊之夜既時光隧道💃🏻 原來每個星期四都會有Live Band Show 我地有幸遇上 好正呀🤭餐牌既設計更有趣 每個名都改得好有香港特色 從中文譯名 你絕對估唔到究竟哩個菜式係咩? 所以我哋就要睇英文既譯法先最清晰知個個菜色係咩黎架✌🏻飲品我同朋友一人一杯 我就揀咗杯蘋果荔枝梳打 飲落都唔係話好甜 但夠哂梳打味 底下有蘋果粒 飲落唔錯 幾解渴💦 朋友話佢杯草莓乳酪奶味好香濃好滑 草莓味🍓幾出 我仲見到係用明治牛奶調製 唔怪得佢話好飲😊不得不提佢有一個

今晚放工在屯門搵食, 選擇去置樂這邊的小店, 西鐵轉接駁巴士, 其實都幾方便。餐廳叫聚福樓, 名字好像是中菜館, 但它卻是一間西餐小店, 這樣的對比蠻有趣。七點多到來, 剛好開始有live music, 有一男生自彈自唱, 聽說好像一星期才有一次live, 真幸運今晚可以邊吃邊聽歌, 有驚喜。算啦！加油啦！海鮮 $128算啦, 取了蒜的同音, 再加些橄欖油煮海鮮, 有點像西班牙tapas, 蝦都幾大隻, 還有些鮮魷、青口等, 配上小片多士吃。黑松露磨菇頭天使麵 $138是一個素菜的天使麵, 黑松露味道不算太突出, 醬汁帶點焦味, 磨菇、露筍等材料十分豐富, 即使無肉也很飽足。我個牛皮包係邊度 $238beef wellington, 酥皮下包著牛柳, 牛柳頗軟腍, 混上一些忌廉汁食也不錯。聚福樓和另一邊的秋香, 應該是姊妹餐廳來。

今天來到屯門的聚福樓食飯,環境優雅,主打的西式晚餐都十分具質素.忌廉蘑菇湯十分香濃,配上香脆多士,十分值得一試.班尼迪蛋,巴馬火腿沙律,十分開胃的前菜,班尼迪蛋蛋味香濃,配上甘香的巴馬火腿和新鮮的蔬菜,作為前菜十分推薦.主菜是燒春雞,即叫即燒,春雞肉質嫩滑,肉味香濃,香草味更能帶出燒雞的鮮味,配上秘制醬汁,不可不試.

如果你只看名字，一定會以為是中式酒樓，中式名字但吃的是西餐🤔其實是一間很有特色的西餐廳, 裝修走優閒小店路線很有特式，離遠已經望到個綠色大招牌，種滿花花草草重有樹👀咁就俾門口佈置吸引左入嚟啦服務員好貼心，見我哋有小朋友安排左一個角落位，俾我哋自成一角👉🏼👈🏼重擺放左好多公仔😍😍😍小朋友見到好開心餐牌菜式名字好特別，有用心改👍👍👍好有創意炸炸諦！蕃薯仔甜甜嘅炸蕃薯條，本身已經夠晒得人鍾意，再加埋廚師特別調製嘅芝士醬，香草同杏仁，食落加倍脆口同惹味！估唔到分量咁多😭😭😭食唔晒好浪費，如果分量少啲再配其他小食更好我個牛皮包喺邊度？？？酥皮入邊包住安格斯牛柳，配蜜糖芥末忌廉汁，味道都唔錯！牛肉十分嫩滑，成為今晚的焦點，而且那個醬汁酸酸甜甜，頗好的！👍👍👍笑爆你個冬菇頭係草地食長通粉最啱小朋友食啦😝

作為有一半時間在屯門生活的人，久不久從網上看到聚福樓的介紹。我一直在找機會想來一試，但是又不太肯定聚福樓的位置，直到某次跟朋友們吃日本菜時才發現聚福樓正正在旁邊，我們默默記住了，再找晚來這裡飯聚。聚福樓店外有別於屯門一般的小店，亮綠的店招牌下有張供客人乘涼的長椅，又擺滿各式各樣自家栽種的盆栽，還有滑板，猶如小小的後花園，給人舒坦的感覺。店內裡環境同樣有種閒情逸致的感覺，簡潔明亮，桌椅均是木製，與店外後園互相呼應。這裡的菜式名字相當有趣，有些更令我們捧腹大笑。可能現在香港的生活壓力太大，餐廳想令大家輕輕鬆鬆笑一笑，為菜式冠上生動搞笑的名字。我們都很好奇甜甜蜜蜜都走左雞同蝦是甚麼來的，為了解開迷思，我們點了一份看過究竟。原來是炸雞塊與炸蝦伴蕃薯條，雞塊外層酥脆，多汁鮮嫩的肉質，不會因油炸關係而覺得油膩。蝦隻同樣炸至金黃香脆，爽口彈牙，加上香甜的蕃薯條，真的甜甜蜜蜜。菇唔到水餃王都有機會到意大利一吃難忘，比起意式雲吞，水餃更為飽滿，肉餡鮮美極致。與此同時，中間那大啡菇放了一團意大利飯，黑松露和白酒醬汁融入其中，濃醇的飯粒伴上大啡菇吃，不時踫出大啡菇獨有的鮮滋味。實不相瞞，森山黑松露蘑菇頭天使

和朋友共晉晚餐，朋友特意安排這間位於置樂的西餐廳。門口有花園般的裝潢，置身於其中，彷彿走進另一個世界。餐牌上的菜式名字很跳脫，予人一種輕鬆的感覺。我個牛皮包起邊度是威靈頓牛柳，牛柳肉質軟腍，富有牛肉味，表層的酥皮很香脆。點解你係爆炸吞拿魚鮮味的吞拿魚，伴以清新的蔬菜，健康得來又非常有特色。海洋老友記得意海鮮炒扁意粉，蝦大大隻，非常爽口，意粉少少辣很惹味。百香果梳打酸酸甜甜，富有百香果的味道。芝麻拿鐵少少甜又有點芝麻香，是朋友最愛的飲品。

係有一點秋意嘅星期日，懶洋洋地賴床到中午再施施然去置樂那邊剪髮。髮型師問我一陣會去邊度，突然諗起其實成日都係市中心啲大鋪頭搵食（貪大熱天時有冷氣嘛！），不如問下髮型師有咩好介紹～髮型師比咗幾間餐廳嘅名我，一聽到聚福樓就諗起呢排呢間餐廳都幾多fb pages或者係ig提及，原來咁近剪頭髮嘅地方，咁擇日不如撞日，剪完頭髮馬上起行！開著google map搵，原來間嘢外面比好多樹木包圍住，行到入去覺得啲裝修好特別！好似去咗泰國嘅cafe咁～成間嘢個格局都覺得好舒服好relax完全唔似係香港!佢原來仲有做個vip promotion, $350入會，全年可以有85折同埋可以有一次免費係另一間泰式按摩做facial!可惜我好少去開呢邊所以無join～裏面環境好悠閒，上面嘅吊燈好感覺好懷舊～一開始望到個menu，每道菜式都覺得好特別，因為店主好幽默地改好特別嘅名，令到我對住個menu一睇再睇，最後點咗一個成日食早餐成日食早餐($138）嚟到覺得好amazing估唔到個早餐有鬆餅仲有粟米片加士多啤梨味嘅乳酪！ 成個早餐好食不再話下，連個外表都present得好靚，絕對無hea人！不過個鬆餅有少少遜色

這小店有品味和很有心思的簡單裝修。員工友善，細心。是一個好好的環境去享受美味的食物和傾談的地方。有點在外國的地方。食物方面，本人叫了雞肉漢堡飽配蕃薯條，蘋果花茶。食物賣相很好 - 飽，雞，沙律菜都十分好味道。但價錢就太貴$198！我一邊食一邊講好味好味，再問朋友，真係$198？ 太貴 太貴！ 雖然好好味 環境很好 但不值$198這價錢。我覺得$100比較合理。

呢間餐廳幾次係門口經過都俾佢地吸引，今日有時間專程黎試下點解會係咁吸引，因為餐廳裝修有幾多綠色植物做裝飾，好有田園味道，入到去坐低有一種輕鬆感覺睇完餐牌，點左個All day breakfast份All day breakfast望落去相當足料兼精美，例如常見既有煙肉，腸仔，鬆餅薯餅炒蛋，食完肉類仲有蕃茄，菇沙律雜菜平衡返，最估唔到係仲有煙三文魚份炒蛋炒得好香，好有蛋香味，啲菇都好香，不過啲菇得一粒，而粒菇放係蕃茄上，令到蕃茄都有茹味，最值得讚既係佢地既鬆餅反而係細細地，對好多人來講係好，唔會食濟，唔會食完個鬆餅都唔洗食其他野整體來講，呢間小店既出品相當有水準，真係值得再幫襯

一放暑假兩個仔女多咗時間係屋企，煮得飯多偶然都想做返一兩次無飯主婦，最近睇到fb上面有個專題介紹呢間餐廳，就決定今晚過黎試吓。佢哋啲裝修都幾特別，好多植物，夜晚掛哂波波燈，離遠已經望到，位置喺置樂一個小區入面更加顯得悠閒舒服，仔女們一見到已經嘩嘩聲不過餐廳最重要當然都係食物，難得一家大細出嚟食飯冇理由淨係食個意粉就走，聽到店員介紹話呢度啲燒春雞都幾出名，入面有釀飯，於是叫左呢個，原來佢真係原隻春雞咁樣燒㗎，配埋個cream sause好香，雞肉都幾嫩，juicy，唔錯。另外仲有小朋友至愛既炸雞塊同炸蝦，醬汁酸酸甜甜超開胃，最後叫多左一個龍蝦汁帶子意大利飯同埋慢煮豬肋骨，意大利飯質素幾好，食落唔漏但係又夠濃味，豬肋骨煮到好淋配埋bbq sause好好食！仲有蕃薯條做side dish，幾特別。整體黎講食物質素都唔差，只係屯門區黎講價錢偏貴！但計埋環境裝修視覺效果，呢度都算相當唔錯。員工服務都幾好，下次會再黎