聘珍樓

營業中

休息中

聘珍樓以前是一級酒樓食材環境都相當不錯，唔知幾時變成一般街坊酒樓那都不重要，為何食物那麼難食？相信街邊的魚旦粉雲吞麵比他還好食，你們看看圖片都不需怎樣解釋 都知有幾難食。 嫩雞煨雞你見過好似麻繩咁粗嗎？湯是稀稀的點味都沒有！海蜇拌雞絲全都是雪藏雞胸肉1點味都沒有，叫經理加點麻油我還以為叫佢加上天的甘露，加兩滴，10分珍貴

朋友聚會，四個人食晚餐。網上先訂位，不過其實全晚都有空枱，Walk in都冇問題。叫咗一個$888龍躉靚湯套餐：廚心煲靚湯個湯係紅蘿蔔粟米瘦肉湯，幾鮮甜。冰梅欖豉骨排骨應該有炸過外脆內軟幾特別，調味酸酸鹹鹹好惹味，全晚最出色係呢味餸。蟹肉扒田園蔬蟹肉份量夠，可惜唔夠鮮味。枝竹炆龍躉腩煲龍躉骨多肉少，不過枝竹都炆得幾入味。蒜香脆燒雞燒雞皮都夠脆，不過蒜香味再強啲就更好蔥花叉燒粒炒飯炒飯偏乾身，飯粒較硬，水準一般。甜品只有最普通嘅紅綠豆沙選擇，煲得夠火候，唔會太甜。整體總結食物不過不失，不過服務唔錯，坐咗成晚都冇催人走。

最近與朋友聚會，首要條件要求地鐵沿線嘅食肆。今次唯有選擇鑽石山，方便搭車來回港九新界！今次朋友選擇「聘珍樓」食晚飯，十幾年冇幫襯過喇。有機會試試係咪真係咁好食，因為成日見到好多食客。點了6個小菜，分別係 ‘甜酸咕嚕肉’、‘甜豆蓮藕炒魚鬆‘、’燒味拼盤‘、‘翡翠帶子蝦球‘、‘花菇京蔥爆刺參’、‘什菇炒斑塊’。除了燒味拼盤味道一般，甜酸咕嚕肉炸漿比較厚身，食咗幾嚿都係厚漿包肥豬肉炸。其他幾個小菜味道都唔錯。飯後再叫甜品，點了紅豆沙、綠豆沙、薑汁燉奶、黑芝麻糕、雷沙湯丸。薑汁燉奶，入口超甜冇薑汁味又燉過咗火喉，燉奶內有好多氣泡嘅窿窿 ，食入口很老，真不知道製作過程是燉還是蒸；大家都係食咗一半就放棄了。黑芝麻糕，芝麻味唔濃甜度適中，黑芝麻份量應該比較少所以味道淡淡的，不過有混合凝固成份嘅粉類(例如魚膠粉或大菜之類) ；所以入口感覺有少少似啫喱或大菜糕。雷沙湯丸，賣相幾吸引。不過，入口一咬百份之九十都係糯米粉糰，只有少少嘅芝麻醬餡料，差啲以為食緊糯米湯圓。整體嚟講，食肆嘅小菜可接受。但係簡單又基本嘅甜品反而做得差，非常失望！可能平日比較少人另外叫甜品，製作上稍為鬆懈！ 但以上嘅甜品不難製作，對於

第二次來食呢間分店，九點早茶時段，不知有分段離座有折，九點半仲等緊野食，突然個女職員拎單來叫我埋，我冇叫埋單望住佢，才講十點前埋單和走會唔知平幾多，我話唔知喎，佢態度好差咁問我埋唔埋單，咁焗住埋啦，仲要埋完唔俾收據冇得儲商場積分，都唔想再叫返佢返來黑面。本身一坐坐低叫個蒸飯話冇我改叫另一個，即拎來係凍冰冰，已經覺得唔好，呢間高級酒樓來的，然後叫個齋蒸餃又作酸，開頭以為錯覺，食到最尾一隻仲酸就要求退，個男職員較好，即話換另一個點心俾我。真係差左好多。唔會再食。

蠔仔粥足料，粥底幾甜幾滑。其餘三款（綿花雞、桑寄生茶、鮮竹卷）OK，我個人覺得濃味左少少，而我媽覺得味道恰好。第一次來，服務幾好，轉了三次枱都無問題，會再來的。

晚饭点了4个菜。每一个菜都明显味道是一样的用大量调味调出同一个美极鲜酱油的味道。咸！食材不新鲜！ 什麼安格斯牛肉丁218元炒得超级过火，又硬又咸口。每一个99元的蟶子王蒜茸味道太大，没有海鲜的味道。 芥蘭炒腊味D臘腸用特別差的食材 沒有月腊味的香氣完全是又硬又咸。服务也非常一般。哎，以前又好吃又高级的酒楼淪落到咁樣。。。。。本來不想寫但覺得真的好不明白為何能這麼難吃還收這麼貴。荷李活廣場的酒樓好多都關門了。可惜呀。

今日同屋企人去咗聘珍樓飲茶，之前去觀塘分店覺得味道都唔錯，但今次係荷里活廣場就覺得一般喇😅 一啲普通既點心，例如牛肉球、雞扎等等味道都正常，但唔係特別好食。但食到啲炒類，例如叫咗個豉油皇炒腸粉，真係比較咸🥱呢個價錢本身都希望質素會好啲，但真係失望。

特意訂位-竟安排坐近六圍英雄宴因為光顧過幾次，覺得可以向家人推介，於是特意打電話訂座，但係一行四人就安排坐近六圍英雄宴。位於鑽石山，地方便利又有足夠嘅空間做英雄宴，其實都係一個社會責任，值得鼓勵。只是—需要知道特意訂位的客人通常都有一些喜慶事情要慶祝，這樣的安排其實都令人感到有些費解。尤其係預約咗七點入座，入座嘅時候其實係冇乜客人的，嘅都將訂位嘅人安排喺英雄隔離其實真係好奇怪，咁可能係因為唔係熟客嘅原因呀？因為不是第一次光顧留意到經理知客對某幾枱應該是熟客大概六七十歲嘅客人都會噓寒問暖一下，喺人手不足嘅情況底下都堅持呢個做法值得嘉許，似乎聘珍樓係專注於熟客。 同一個商場接近價位，類近選擇的食肆都好多，客人選擇聘真樓一定有啲原因，希望食肆會珍惜……

去食片皮鴨套餐1880元未計加一服務費及茶介，叫咗個蛋白炒飯非常多油似油飯，而且套餐食物不好食及好油膩(劣食指數1級） 侍應服務非常差，人多沒有用，問待應取BB凳叫咗幾位侍應才拿到，有D待應故意聽唔到。待應上菜不在上菜位，茶壺加熱水後在不同客人位置亂咁放，要客人就侍應自己方便放茶壺位置，之後同她們講在上菜位上熱水及菜，他們答應了但係態度依舊，根本不配改善，叫他們食物大碟轉細碟，常常說倒埋一齊，放便他們，其實就係懶，似稻香的格局 家人同意下次不會幫襯，永遠不會，。

叫左一碗叉燒飯好唔得，叉燒又乾又鞋口，好似食柴皮咁乾，上面既叉燒非常乾但下面既飯又太濕太削，好似食粥咁，d飯一pat pat，真係冇食過咁差既叉燒飯，仲要係高級茶樓，質素仲衰過茶記。窩伊麵就係最好，伊麵食落OK，唔削仲有咬口，蝦肉彈牙，仲有d貴花蚌幾爽口。點心方面叫左燒賣（正正常常），叉燒飽（好濕好厚皮），咖哩魷魚（點心方面最好味）。講完食物就講下服務，差到一個點，坐低左5分鐘先有人擺位開茶，問佢拎辣椒醬一個推一個等左10分鐘，叫一碗叉燒飯，點知傳菜姨姨又黎多一碗，同佢講已經有一碗到咗食緊，個阿姨一直企喺度望住我哋，同佢講咗好多次嚟咗食緊仲一直問我哋點解決，之後另外一個侍應就走過來鬧佢話：人哋都食緊啦唔通食兩碗啊

好耐無飲茶啦🥢見多人排隊就試下啦😆等左差唔多45分鐘先入坐。▪️蓮藕餅：煎得香口但好油。呢啲煎炸嘢應該好難難食吧😂不過有啲似煎鯪魚肉餅啊，上枱嗰陣以為落錯單（小編有啲臉盲🫣）。▪️虎皮青椒：都係同蓮藕餅一樣嘅問題。味道有點辣嫁，成抽籽完整無缺保留喺度😵‍💫。食一兩條都仲可以，如果食晒成碟嘅話真係好開心啊🌼🌼。唔食得辣嘅朋友要小心。本來以為係釀🫑，點知係乜都冇，就咁煎青椒（心諗早知係禁就唔點啦😑），所以有啲失望啊。▪️叉燒腸粉：腸粉正常普通水平啦，不過腸粉皮唔係好黏笠果種。叉燒無味嫁，但係加咗豉油就覺得好鹹喎，真係好1516啊😂▪️蝦餃：係必點點心之一啦🫶🏻都幾大粒既，但啲蝦有啲雪藏味囉😕。▪️豉汁蒸鳳爪：朋友話正常普通啦，佢覺得豆豉汁唔夠濃，所以成個味道就淡左啲。（因為小編唔鍾意捽腳趾😝）▪️桂花糕：賣相好晶瑩剔透，味道亦都唔會好甜嫁。但桂花香味就唔突出啦。 🤘🏻整體感覺一般，無乜記憶點😆唔值得花時間排隊🫢同埋食左差唔多$400，價錢偏貴啊。小編覺得可以有其他選擇啊🤫但都有欣賞既地方既，服務算OK啦，樓面侍應唔算多，但都唔會唔理人/扮睇唔到既。同埋啲餐具冇乜污跡，感覺都乾淨既。

價錢唔平，招呼，態度9流，約人傾計，諗住搵間舒服酒樓傾。揀平日非煩忙，入去我以為去咗茶記，叫我自己搵位有位就坐，叫佢開茶就變咗隱形人。只係坐咗1小時50分就幫我哋埋單，以為只係截數，點知再過10分鐘，就叫我交枱，其實我哋都差唔多走，但條氣唔順，你聘珍樓冇講過話只可用餐兩小時，簡直係趕客，唔會有回頭，呢個級數只係喺一啲酒樓嚴重唔夠人，全場得兩個侍應嘅服務態度，而且食物品質一般，絕對唔值呢個價錢。我都係要慢慢欣賞呢個品牌嘅沒落。中上價錢，以前澳牛服務享受！！基本上服務係冇星。

位於鑽石山的聘珍樓，早前茶市曾經來試過，那以的點心水準一般而已，今次再來想試下這裡的晚餐是如何，這晚食物水準有好亦有不好，整體都是一般，個人感覺是名過其實。（1）生拆大開蟹扒豆苗 $248😋，這道菜式烹調火喉剛剛好豆苗爽嫩，水準OK，讚👍。（2）香檳焗肉排 $158 ，半肥瘦的肉排size適，可惜肉排醃製不夠入味，個酸甜醬汁又偏淡，差👎。(3) 話梅子薑炆鷄煲 $188，這道菜上枱時見個賣相已不對勁，再夾件鷄試一試，真的鷄肉完全不夠入味，就連個醬汁嘗不到話梅和子薑的味道，差差差👎。(4) 臘味糯米飯 $160，糯米飯飯粒粒夠分明，配上臘味、臘腸和潤腸粒粒夠香口，OK。

原來這間酒樓是日本公司，日本才是總店，但是味道和菜式都偏向粵式，點心款式總類很多，價錢適中。🌟整體🌟🌸性價比：8/10🌼美味：9/10🍁環境：9/10🥛大良炸鮮奶💰35 ❗️推薦❗️有6小件，皮簿而且很脆😀，奶香味好濃，糖度適中，不會太甜，一定要趁熱吃，我曾經在佛山大良吃過，有85%相似🤩，唯一炸衣有點不同，但整體也覺得很不錯！🥳🥯煎焗叉燒包💰35共有3 件，這是隱藏Menu🤓，點心紙上並沒有😜，我們看見很多檯都在吃，然後問服務員才有。餡料充足，好味。🥟蜂巢荔蓉芋角 💰35 ❗️推薦❗️必點❗️🤩特色芋角😊，外面表皮酥脆呈蜂巢狀，餡料很飽滿，有點像奶皇味😋，甜甜的味道。🍀田園莧菜餃 💰35 ❗️推薦❗️有3 件，外表呈元寶型，晶瑩剔透😮，內餡有足料莧菜和少量蝦肉豬肉，有點類似菜苗餃味道😬🐙沙爹蒸土魷 💰40魷魚份量很足🥺，起碼有7-8塊，沙爹味有微辣小鹹，很入味。🥳🥕瑤柱蒸蘿蔔糕💰35蘿蔔糕表面有瑤柱臘味🥓，伴有醬油，整體偏鹹🥺，蘿蔔蓉為主，我更喜歡煎蘿蔔糕🧐。🍜四川擔擔麵 💰55上海麵軟硬適中，鹹味和花生味足🥜，辣度偏低🙃，湯不算濃稠，唔算太正宗的四川辣🌶，喜歡吃辣的人應該不過癮😜。另外鮮竹卷和布

今日對貴公司太失望。一間高級食府服務可以令到食客會永遠不會再去食。真係無言。我地係今晚晚餐時候7點入座叫左一個套餐食。冇幾耐出左個燒味拼盤我哋冇為意就照食。食到就嚟食完點知有個侍應搶左碟燒味拼盤走就禁話落錯枱就走左。轉個頭返嚟話落錯枱我地食左要比返錢。。。佢係唔係過份左啦呢！！落錯枱我地問題嗎？要比返錢講聲就得。我地無錢比咩！就算要比返錢都唔洗收左碟果走吧！就算比返碟野我地。離開左我地張枱仲可以食嗎？禁樣對食客。禁樣服務。真係搵你地公司老闆自己去試下。不知所謂。後來仲要有個女人講5流利講東話係到不停解釋。。煩唔煩。食餐飯要比個侍應覺得我地貪小便宜。我地無錢比燒味拼盤咩！一肚氣真係要比各大群眾睇下禁樣所謂高級食府。