老馮茶居 (荃灣千色匯II)

之前係元朗分店食過覺得唔錯, 今日去荃灣附近所以又去一盅兩件下國際慣例要排隊啦, 仲要係星期日既下午排左40-45分鐘到就入得落單時店員會再三提醒盡量一張單落晒避免加單要等得耐雖然真係好多客又好忙, 但店員仍然好有禮貌好helpful食物方面普遍都係元朗店既出色d尤其腸粉皮比較厚炸物類係好食既, 鬆脆度絕對唔係炸定等上菜既感覺雖然話元朗店出色d, 但呢到既點心依然比酒樓水準高, 而且有誠意 除左點心, 推介下大家食佢既肉餅蒸飯同埋今日無叫到既蝦醬腩片

放工之後想食點心🫖又係時間叫埋啲街坊出黎飲夜茶了！荃灣雖然有幾間夜茶揀，但我都係忠情老馮茶居，價錢唔貴，夜晚又唔洗好似中午咁排隊👍🏻🛎 $20 老馮流沙芋泥包第一次試～芋頭味香濃，未打開個包已經聞到😍咬落會食到流心芋泥😚仲有啲細細芋頭粒，幾真材實料🛎 $30 五柳炸雲吞好脆！入面蝦肉多加上佢個酸甜汁唔會覺得油膩，反而更開胃😋🛎 $26 古法千層糕呢個甜品喺出邊嘅茶樓好少見🤔白色嗰層係椰汁，咬落仲有啲椰絲黃色嗰層係鹹蛋黃，會食到鹹蛋黃粒兩者一甜一咸，竟然好夾！直程想叫多籠😂🛎 $33 老馮鮮蝦餃🛎 $32 蟹籽燒賣皇飲茶必叫蝦餃燒賣🤤兩款都係有4粒，大大粒咁蝦肉爽口～咸香充足🛎 $25 蜜汁叉燒腸有三大條好多叉燒好足料～不過腸粉皮有啲啲厚🤏🏻🛎 $32 咖喱蒸魷魚係咪得我覺得佢擺盤好霸氣😂咖喱好香濃惹味魷魚亦都彈牙易咬👍🏻🌐 環境/服務有好多舊時店鋪既招牌做背景真係有返左7、80年代嘅感覺🤣平時中午要排長龍，不過夜晚等位好快

周圍環境都好似好懷舊。有唔同既鋪頭，好似文具店、通渠🪠但要坐好入先影到好多。牆身有好多舊時既廣告牌，電話號碼仲係6位數，真係好認真。叫得茶居就一定係飲茶，好多點心都好有特色，有懷舊砵仔蒸飯，鳳爪排骨飯、鵪鶉蛋燒賣、仲有啲燉湯都有兩款，蟲草花燉雞湯同螺頭燉瘦肉湯、中式甜品，好似燉鮮奶、紅棗糕、榴連糕，手拉古法腸粉，煎炸點心。XO醬蘿蔔糕呢個好值得推介，炸得好金黃，十分香口！八珍糯米雞入面有隻鹹蛋黃

近期我搵到好多地方都係以懷舊香港既特式餐廳, 但係今次應該係早餐會多人dd. 位於荃灣既茶室, 每次去到拎位, 2位都要等10張以上, 每次因為肚餓得濟就去左第二間, 今次終於成功等到去食, 期待左好耐入到去就係老牌既大牌檔個款既茶樓格局, 係幾特別, 餐碗係用雞冠既碗, 好老牌feel🤭我地都係叫左個古法牛肉球, 腐竹底, 好好食; 仲叫左個老馮咸水角, 好耐無食啦, 好味bor. 見到個招牌牛腩腸粉好似幾特別, 叫左黎試,原本以為係蒸腸粉入面既牛係牛腩, 點知原來係牛腩係放上面既, 有好多牛腩汁, 都好味bor, 但就未至於好味到要排咁耐隊🫠食完我地既點心, 緊係等我地好想試既砵仔蒸飯, 點知見佢出左好多轉都係肉餅飯, 都未有我地既排骨飯既🫣 好似好多人叫肉餅飯, 唔知係咪因為肉餅飯出名d 呢🤭 期間有個姐姐可能見我地無野食就走過黎收走我地既碗, 我地即刻叫停佢, 話仲有野🤔我覺得有d 唔禮貌, 佢可以問一問我地仲有無野食先收會好d, 對佢地服務係有d 失望見等左咁耐, 我地就搵第二個服務員追下我地既飯, 咁lee 個服務員就好有禮貌, 但係同我地講漏左單, 即刻幫我地整過, 我地

食過大約5次終於整合了一些必食的點心。首先，係老馮茶居嘅特色點心包括老馮流沙芋泥包同老馮金沙米皇腸，兩個都係超級好好食！每次去都係必點嘅😆另外，就係正常點心但都係必食！蟹籽燒賣皇同XO醬蘿白榚！

老馮茶居之前嘅舖頭係元朗同大埔，兩間對我來說都係好遠🥹而家發現荃灣有分店就方便很多了！店舖size 都幾大同埋裝修得好靚，有保留啲懷舊的味道🤩而點心整體都好高質比平時酒樓好食😝

已經係第二次嚟，第一次星期六下午嚟好多人等位，所以冇食。今次星期日晚上光顧，唔駛等位，直接可以入坐。點心店地方較大，坐得舒服，有2人枱，4人卡位，4人圓枱，6人圓枱，各取所需。室內裝修懷舊，枱椅杯碟清潔度滿意，服務態度良好。點心方面，牛腩腸粉，沙嗲豬大腸，薑汁燉鮮奶，流沙芋泥包，較為特別。今次點了流沙芋泥包，叉燒腸粉，金牌炸芋角，咖哩蒸魷魚，薑蔥牛柏葉，五柳炸雲吞，黑椒牛仔骨，薑汁燉鮮奶，大至上滿意，只係牛柏葉唔夠淋，薑汁燉鮮奶唔夠滑，唔夠薑。總結茶位每人$6，冇加一，點心價錢不貴，晚上去坐得舒服，一試可再試。

地方有小小難搵，喺千色店出口果個凹凸位。店內裝潢幾有特色，以本地懷舊主題為主。座位整體比較迫，同埋需要搭枱。用餐時間只是一小時，而且不可以加單。食物cp值高，平靚正。 流心芋泥包超超超好味。足料得嚟包又好軟熟。蒸豬大腸份量大亦冇異味，亦係必食之選！ 蒸飯完砵蒸，非常又粒粒分明，唔係一般蒸飯可以媲美。炸嘢就一般啲，感覺太油。整體嚟講性價比好高，價錢平水滾茶靚，點心質素拍得住添好運。因為唔可以加單，大家要注意啊

喜歡食點心，搬咗嚟荃灣後時不時都會光顧老馮，係時候寫下食評。1. 蟹子燒賣皇：足料，味道唔錯　★★★★2. 蝦餃：爽脆好味　★★★★3. 蒸鳳爪：每次都有啲失望，鳳爪係靚貨，汁嘅味道唔係唔好但有時太鹹，最大問題係蒸得唔夠耐，連入面舊麵根都未入味，但因為我中意食鳳爪，所以每次都會比機會佢　★★4. 蒸排骨：少肉多肥多骨，又係蒸得唔夠耐，咬唔開　★5. 糯米雞：足料味道正常　★★★6. 雞札：味道正常，但無芋頭，我亦唔食豬皮同豬肚　★★★7.  煎蘿蔔糕：好味，臘味香，亦煎得脆，如果蝦米可以浸耐少少就 perfect　★★★★★8.  鮮蝦腐皮卷：夠香口　★★★★9. 牛肉腸：皮有啲厚，味道普通　★★★10. 梅菜肉餅飯：肉餅有種奇怪嘅味道，可能係我自己唔習慣　★★11. 叉燒包：足料，味道OK　★★★會繼續幫襯，希望鳳爪有改善，我真係好中意食！

今日做隻早起的鳥兒，諗緊食咩早餐之際見到時，見到難得無人等位，咁就一於入去飲個靚早茶啦🫖店舖用懷舊擺設同環境做主題，好有舊香港既風味，可以懷愐過去🤣🤣連餐具都係用舊式雞公碗，而家市面都比較少見到～1️⃣ 🍛 蝦醬蒸腩仔飯 （$38）外面酒樓多數係比較常見既排骨飯、滑雞飯等，比較少見呢款既蒸飯🤩。蒸飯一上枱時已聞到好香蝦醬味，腩肉亦都醃得好入味。蒸飯吸左蝦醬腩肉既香味，而且唔會蒸得太濕，口感味道都值得推介🤤2️⃣🍖 家鄉砵仔排骨（$26）本身以為只係普通既豆豉蒸排骨，但黎到係無豆豉的🤣🤣食得出用南乳醃過，味道特別，又夠香口👍🏻而且有芋頭粒係底同排骨一齊蒸，吸收埋精華好好味🤤
3️⃣🫔蠔皇鮮竹卷 （$25）
鮮竹卷好足料，食到有粒粒蝦肉，仲有紅蘿蔔絲等等既材料，蝦肉蒸完都仲係好彈牙😍4️⃣ 🍰 古法千層糕 （$26）千層糕既餡料好豐富，由佢分層見到餡料仲厚過佢白色果層包皮😳而且見到有大大粒既鹹蛋黃碎同埋糖冬瓜茸，鐘意食千層糕既必試🤩🫖茶芥 每位 $12

好耐冇寫食評諗住嚟呢度食個悠閒嘅下午茶點知食到嚇死我咁濟建議樓面個後生女唔想做可以唔好做或非常建議老闆再次培育員工利申 為表中立呢件事發生唔係我身上 我只係旁觀者但點解我會留意源於佢miu嘴miu舌既態度放menu 掉到台面最遠既角落轉身走呢啲行為同執碗碟執餐具掉野 產生非常大嘅噪音 我坐側邊 會成個人彈起嗰隻總之一入去見到佢就好似得罪佢咁非常非常大既怨氣我相信 去過既人都知我講咩我點完餐有一對中年夫婦入黎 話要一碟菜侍應女仔原封不動企係點餐機大聲嗌雖然佢應該都係想問清楚要邊款菜嗰對夫婦亦因為佢企得太遠 聽唔清楚 要求重複侍應女仔極大聲 成間餐廳都聽到既聲量 企係點餐機度重複我都係因為佢呢個聲量嚇一嚇 心諗洗唔洗咁嗰對夫婦 嚇一嚇 即刻答「生菜啊，哇 洗唔洗咁惡啊 咁大聲做咩啊」聲音有收小 唔係鬧佢既態度但個女仔仲唔收仲行近企係側邊講：「哇！咁都要鬧啊？你聽唔到咪講大聲啲囉！有咩問題啊？」（夫婦坐住向上望住佢）夫婦：「咁你聽唔到係應該行埋嚟，唔係咁大聲好似鬧人咁樣」個女仔：「咁你聽唔到我大聲啲有咩問題啊？講你又聽唔到，講大聲啲又我唔岩，咁你想點？」夫婦：「你都仲要咁嘅態度喎，你係咪做生

一個人，想飲茶，除左去酒樓之外，仲可以去茶居或者點心鋪。老馮茶居之前經過元朗店已經見到門口大排長龍，荃灣開左分店無咁多人，自己一個，就排下啦。以為一個人唔洗搭枱，點知都係要同另一個人搭，不過張台都大又用膠板隔住就由佢啦。入坐前朋友仔已經同我講左幾年前食過，味道一般，咁我一個人又想飲茶無所謂啦。叫左壺鐵觀音同三個點心，茶幾香幾好飲既。牛肉球同金錢肚都係即叫即蒸，熱辣辣上枱，溫度足夠，但味道尚可。XO蘿蔔糕都幾惹味，不過一個人食左幾粒已夠覺得好漏，下次都係同屋企人一齊飲茶叫多幾款開心Share好啲🤣🤣

老馮有驚喜呀！最好食的是「蔥花腸」簡單野，最難做而老馮的腸粉做得好好朋友直情話…. 下次要來外賣呢個腸粉好有舊式風味其次係薑汁糕佢個質地做得好弱糯呢個做得咁好相信佢既年糕應該都會好唔錯仲有呢間茶居竟然沒有加一我地5個人去食食到要打包都係$66 一個人抵到難以置信不過佢啲位….. 超勁迫坐得好唔舒服.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

今日一家人去排下呢一間老馮！真係每次經過都好多人排隊，本身以為佢新開，所以好多人會以試新餐廳所以好奇，點知開咗一段時間，午餐晚餐都有人喺出面排隊！去到等咗大概20分鐘，就有得入座，不過講到明只有60分鐘既用餐時間，而且冇得加單，第一轉落單，就需要叫晒所有嘢食。我地都叫左好多飲荼必叫，同埋寫住推介既點心：鳳爪🌟🌟🌟🌟個味道唔錯，係個汁略嫌甜咗啲，但係墊底既”麵筋”幾好食！蝦餃🌟🌟🌟🌟皮薄，蝦都爽！性價比算高！馬拉糕🌟🌟🌟🌟佢好鬆軟，同埋個味道都好香，好值得推介大寫試，不過要趁熱食！ XO醬炒蘿蔔糕🌟🌟🌟🌟呢個原來係新鮮炸起，每一粒都好脆！但裏面又好鬆軟！個XO醬好香，但係略嫌蘿蔔糕無乜XO醬味。牛腩腸粉🌟🌟🌟未叫嘅時候，以為佢點放牛腩入去腸粉入面，點知原來只係放係面。所以有啲失望，但係牛腩係唔錯，牛腩汁亦好入味。燒賣🌟🌟🌟🌟呢個唔錯，鮮蝦好爽，值得叫。牛仔骨🌟🌟呢個係老奉推介，不過個人覺得一般，正常味。鯪魚球🌟🌟🌟都係正常味道，略嫌覺得冇乜鯪魚味。牛肉球🌟🌟🌟🌟呢個做得好舊式既做法！落左多梳打粉，個味道好夠食，如果想食返以前飲茶的味道，呢個一定唔可以錯過！總括嚟講，嘢食都幾唔錯，價錢相宜

上星期來和媽媽飲茶，等了45分鐘才有位，但味道不錯今次1540來職員說不搭枱要等，等了10分鐘後職員說都是有機會搭枱，但我看店內有二張大枱是吉的，疫情相信沒人喜歡搭枱吧，這間食物鏈需好，但職員的態度和做事方法太家長式，永遠不會再來光顧