老馮茶居 (大棠路)

一向都好鍾意飲茶食點心，但唔鍾意去酒樓，所以點心鋪就啱晒，元朗老馮一向出名，咩時候去點都要排一排隊，好在佢而家用埋隔離鋪位，店面大咗一倍，裝修有啲玩味，七八十年代嘅舊式感覺，幾得意我哋開咗壺鐵觀音，點咗咸水角、XO醬炒蘿蔔糕、蝦餃、馬拉糕、鳳爪同南乳腩肉飯，仲嗌咗凍檸茶同凍奶茶呢度啲點心全部都好好食，蝦餃皮薄多餡，咸水角脆卜卜又煙韌，蘿蔔糕炒到好香脆，馬拉糕好軟熟，不得不提嘅呢老馮嘅辣油，點點心同撈飯食真係一流，檸茶奶茶個茶底又夠濃，價錢又唔貴，真係值得不斷返轉頭幫襯

週末難得飲早茶🤩去到老馮有幾組人等緊，但好多人都未到齊唔入得，令到我哋好好彩兩個人可以坐到四人卡位仲要係窗邊！話說今次係第一次堂食，感概點心果然係新鮮熱辣食會好味好多🥹·老馮金沙米皇腸$32·老馮鮮蝦餃$30·蟹子燒賣王$28·沙爹豬大腸$28.香煎蘿白糕$30·窩蛋牛肉飯$35兩個人食咗6樣嘢痴線😂本身個朝係好肚餓，但見到點心上枱我就開始飽🙈我必須要講個金沙米皇腸超好食❗️佢係蝦腸+炸兩混合體，個餡啲脆脆比炸兩更鬆化，必試‼️燒賣相對失色，蘿蔔糕偏粉可以煎脆啲，窩蛋牛肉飯好普通下次應該唔會再叫。另外想讚下裝修，老馮走懷舊路線，室內場景還原七八十年代老香港，呢種室內設計好蝦人做，一不小心就會做得好假，但老馮裝修得好細緻，唔會有好突兀嘅感覺，最欣賞假閣樓嘅公屋走廊，真係好似真嘅一樣，連比例都拿捏得好！真心推介大家帶外國遊客去「參觀」，分分鐘好過去行所謂歷史博物館。

今日難得好天氣 諗諗下好耐冇飲過茶 媽媽提議黎老馮茶居我第一次黎 想唔到入面既裝修都幾懷舊以前經過見應該細間d 家下擴建咗 都見週末有好多人排隊平日黎飲早茶 就唔洗等 人流不算多臘腸滑雞飯 $38蟲草花燉雞湯 $42老馮鮮蝦餃 $33蟹籽燒賣皇 $32薑蔥牛柏葉 $32豉汁蒸排骨 $25鮮蝦腐皮卷 $28蜜汁叉燒腸 $26基本上 可以用抵食去形容食物上枱夠熱 味道好食 腸粉又滑 我地都有d眼闊肚窄，2個人係食唔哂個滑雞一大部分外賣拎走

垃圾service, 門口個職員話入面有位叫我行入去, 入到裏面, 裏面職員態度極差地問我做咩自己衝入嚟(黑人問號？)???? 之後我行返出去, 門口個職員又再叫我行入去, 再入到裏面, 裏面職員態度比之前更惡更無禮貌地問我做咩又入返嚟LOL 再行返出門口先話我知原來係無位👏🏻 坐低未叫野食, 已經比咗張單我(黑人問號？), 原來係比錯咗人哋張單我LOL 個餐牌本身已經得好少選擇, 仲要叫咗兩樣都話無。然後食物係出得勁慢嘅, 等咗好耐先有野食。只係嗌咗6樣嘢, 但食物俾錯咗兩次 (第二次有圖為證🙌🏻)。嚟錯咗嘅食物, 喺我哋枱玩咗十幾分鐘之後(要等職員嚟收同check單, 唔係我拖佢)直接拎返俾隔離枱客人食, 乾淨又衛生👏🏻👏🏻👏🏻本身啲野已經唔特別好食, 再加埋咁嘅service, 不了。

上次來老馮尚未完成裝修，這次來裝修完成，舖位擴大，座位多了，坐得舒服。以前最多坐4人一枱，現在有大枱，可以坐6人。全部點心即叫即蒸，新鮮，熱辣辣。燒賣新鮮，有好大粒蝦。鳳爪排骨飯加了少量豬油，香口，排骨份量多。金沙米皇腸，內包春卷，食落口仲係脆。椰汁糕：椰汁香，不太甜，啱晒做飯後甜品。炸物都即炸，熱辣辣。老馮食物誠意十足，值得一來再來。

🐥 老馮茶居 🐥<XO醬蘿蔔糕>Xo醬好似唔洗錢咁好多 夠晒惹味 夠晒香😍蘿蔔粒唔會係一pat pat果種💰$28<蝦醬蒸腩仔飯>好香蝦醬但都幾咸腩仔幾有口感💰$ 38<蜜汁叉燒腸>腸粉好滑‼️叉燒正常 足料💰$ 23<鮮蝦腐皮卷>好脆入面放左啲原粒蝦仁🍤又脆又爽！💰$ 26<蟹子燒賣皇>好大粒😍面頭蟹子比平時既多💰$ 28茶芥 $10/person_________________________總結：唔驚喜但裝修令 回頭率 :🐥🐥🐥🐣/5

突然挑起條筋想飲茶，就揀咗老馮茶居，元朗紮根咗好耐嘅良心小店環境及裝修: 鋪頭以懷舊香港做主題，都幾靚，不過就好多塵，眼看手勿動。舖頭得10零張枱，有卡位，所以好快打爆，繁忙時間晏咗嘅都要等位，今日我都等咗五張籌，等咗半個鐘服務:正常偏好，繁忙時間只准落單一次，食一個鐘，做生意都明嘅食物: 整體嚟講都好食嘅，真材實料蟹子燒賣皇: 足料燒賣，蝦肉豬肉比例都好古法牛肉球: 足料，唔會太油口，但芫荽味可以多少少鮮蝦腐皮卷: 新鮮炸起，好脆，唔會太油，啲蝦都好新鮮香滑牛肉腸: 普通啦，都係嗰啲牛肉，我個人鍾意拉布腸多啲，所以佢皮偏厚，同唔係好夠米香，食豉油味片香馬拉糕: 好食，有椰香夠鬆軟金牌叉燒包: 個包皮就好食嘅，但個叉燒就普通，唔夠惹味四寶滑雞扎: 足料及用料特別，出面有啲雞雜夠膽拼舊火腿，佢有豬肚豬皮滑雞花菇，味道好好蝦醬蒸腩仔飯: 我比較重口味，每次嚟到必食，個腩肉鹹香好味，撈埋啲白飯，好好食論食物質素喺元朗點心都算數一數二，加埋良心小店，一定長期支持

【元朗超正港式懷舊茶樓🫖老馮茶居】-🫖老馮茶居🫖長期排長龍😮‍💨想食幾次都比佢條龍嚇怕左😂今日平日諗住去睇吓有冇位😆竟然唔洗等！即刻開門入去坐低😎-餐廳裝修充滿懷舊風味😌綠色格仔地磚、雞毛掃、窗台式冷氣機、收音機📻好似返咗七八十年代🤣茶樓比較多人🫡繁忙時間只可以落單一次 同埋用餐時限60分鐘😙-😋魷香肉餅飯🦑 $35用「缽仔」蒸出黎嘅飯特別乾爽😜粒粒分明肉餅口感彈牙😍唔粗嚡同唔鬆散淋上甜豉油提鮮灑上蔥花😌真係超好味好味指數：🌕🌕🌕🌕🌖-😋薑蔥牛柏葉 $28牛柏葉口感爽彈🤩佢嘅薑蔥醬汁調味好正有少少辣🌶食得幾過癮好味指數：🌕🌕🌕🌕🌗-😋鵪鶉蛋燒賣皇🍳 $28燒賣入面嘅蝦仁好彈牙🍤 加埋面頭嘅鵪鶉蛋😍口感好豐富好味指數：🌕🌕🌕🌕🌘-😋金牌炸芋角🥇 $18外皮炸得鬆脆🥰入面嘅芋頭軟綿綿中間仲有啲肉碎😚非常可口嘅一道鹹點好味指數：🌕🌕🌕🌕🌘-😋薑汁燉鮮奶🥛 $20薑汁濃度啱啱好唔會太辣🤩燉鮮奶奶味濃郁😍而且好幼滑不過可以在甜少少🤏🏻好味指數：🌕🌕🌕🌕🌑-老馮茶居比我想像中仲要好味🥳怪唔之得成日大排長龍😂聽講餐廳會擴大🥰到時會有多啲位置容納到多啲客人😜咁就唔使排咁耐隊啦～-📍老馮茶居元朗：元朗大

今日由荃灣行山行到元朗大棠，行左四個鐘，體力差唔多透支，於是去到元朗老馮茶居飲茶，去到約三點半錯，等左一陣就有位入座，呢間茶居裝飾比荃灣千色薈分店更加經典懷藍，點心款式同荃灣分店差唔多，今次叫左下列點心老馮鮮蝦腸$26腸粉蒸得幾滑，每條腸粉都有兩隻蝦，配埋豉油都幾好食正宗潮州粉果$20個粉果皮都煙韌，餡料幾豐富，有沙葛，花生同韮菜，食落都好爽口古法牛肉球$23牛肉球都好大粒，食落都好有牛肉味，混埋蒽粒食幾好味，不過調味稍為鹹左少少老馮流沙芋泥包$20賣相唔錯，芋泥餡唔太甜都幾有流沙，必食不過今日d點心稍為唔夠熱，呢點可以改善下仲好，整體點心質素同荃灣分店差唔多，都好抵食

📍老馮茶居 / 元朗 / 荃灣 長期人龍港式茶樓 (*´꒳`*) 嘆點心仲有凍檸茶奶茶飲!! 點心款式多又新穎，仲要即叫即蒸😻✧ 蝦醬蒸腩仔飯 $38💬唔好落太多豉油，蝦醬本身都好濃味(≧∀≦)✧ 招牌牛腩腸粉 $38💬滑到好似食緊柱候牛腩河咁款🤣完全唔係本身諗嗰款傳統腸粉～牛腩好入味好邪惡✧ 老馮流沙芋泥包 $20💬芋泥包係每次必食！芋頭味好香又唔會甜～✧ 黑椒牛仔骨 $33 咖喱魷魚 $28 沙嗲豬大腸 $28 ✧ 鵪鶉蛋燒賣 $28 馬拉糕 $18 老馮鮮蝦餃 $30回頭指數😼4.5/5（唔洗排隊就好了(*'ω'*)

蒸籠港點各式蒸點、煲湯盅熱騰騰的上桌我愛的蒸餃、燒賣、流沙包這兒都有滿足我想念港式小點的慾望！自助餐檯 美饌熱菜、燒臘冷盤、煎炸港點，餐點選擇超級豐富老哥最愛「鮮蝦腐皮捲」而我則是喜歡「泰式魚片」酸香帶點微辣的滋味「芥蘭牛扒」和「牛小排」都超鮮嫩的！中場還可以吃點「川味雲耳」轉換味蕾繼續品嚐港式經典的「冰火菠蘿油、蛋塔」啦！

呢間元朗人氣點心小店，食物出色，裝修有特色，賣點係老香港情懷，假日閑閑地要等個半鐘至兩個鐘。今次閑日下午2點去到，唸住過咗繁忙時間唔使等咁耐，但都等咗35分鐘。不過據聞茶居會擴充，攞埋隔離鋪位，10月尾裝修完，希望到時等位唔使咁耐。一般茶樓飲傳統中式茶，但呢度可以叫奶茶、檸檬茶，我哋揀咗中式茶。我哋3個人有細路，點咗5個點心。*****炸雲吞細路鐘意食，每次嚟老馮都必點，炸得好脆，蝦好大隻，爽脆滑嫩，正！****叉燒腸皮薄餡靚，腸粉滑捋捋，叉燒好重料，腸粉身形肥嘟嘟，咬落去好有滿足感。****牛柏葉好入味，好爽口，冇其他豆卜、蘿蔔配料墊底，成碟都係牛柏葉，誠意又老實。**燒賣正正常常，唔算有驚喜。***魷香肉餅飯即叫即蒸，等咗25分鐘先上，飯加咗豬油，好香，好味！但唔記得影相。😅因為趕時間，肉餅飯食唔晒，要打包。提醒一下，打包點心盒size好細，1蚊1個，如果唸住打包，可能要用幾個盒。建議自帶餐盒，支持環保。

難得入到嚟元朗，冇諗過夜麻麻都有得飲茶🫖呢度仲要冇+1服務費👍🏻👍🏻首先講一講呢度嘅環境先啦好有懷舊嘅風格😍令我回想起小時候好多回憶例如：大排檔嘅風格而家香港真係冇㗎喇茶芥每位$5咁我哋就食咗下面嘅嘢蟹子燒賣皇鵪鶉蛋燒賣皇正宗潮州粉果四寶滑雞扎蜜汁叉燒腸五柳炸雲吞老馮流沙芋泥包鳳爪排骨飯蝦醬蒸腩仔飯黑椒牛仔骨凍薑汁燉鮮奶熱薑汁燉鮮奶估唔到會有鵪鶉蛋燒賣😍我好耐冇食過啦仲記得細細個同屋企人飲茶一定要呢個嫁自從唔知幾時開始就冇得食啦

新式茶樓黎講環境算係企理，第一次去食晚餐，唔洗點等就入左去坐。之後再去食午餐等左成粒鐘都未入到去食，出面仲要又落雨又凍。野食係唔錯，態度係幾好，重點推薦魷魚配甜醬食蝦餃大大粒，雞札同腸粉就一般可叫可不叫。全日感受係要等半個鐘以上既，我諗我會考慮食其他了，畢竟元朗大把好野食😓

成日去到邊度都想食點心 之前喺OpenRice一早留意到呢間 完美地將電視劇見到嘅畫面搬入舖頭入面❣️老馮鮮蝦餃 $30一籠四粒脹卜卜 每粒入邊都有兩三隻🦐好鮮味 唔使點任何醬汁就食得 真正嘅皮薄餡靚❣️金牌炸芋角 $18無可厚非係被個名吸引咗 點知嚟到真係勁鬆脆 炸到熱辣辣新鮮上枱 裏面芋頭餡都好大舊必試之選❣️咖喱蒸魷魚 $26咖喱味超濃好惹味 🦑滑捋捋塊塊都好大塊唔係切爛晒個隻 咖喱汁淨係用嚟撈飯都啱晒❣️古法牛肉球 $23呢個size真係好意外超大粒 實際尺寸同長洲魚蛋一模一樣入邊勁多配料 唔會話剩係得肉丸咁齋無乜味❣️金牌叉燒包 $18食唔飽用呢兩個填肚啱晒🤰🏻中間熱辣辣嘅叉燒 都佔咗個包嘅三份二 咁足料下次會想試埋奶皇包