老趙越南餐廳

營業中

休息中

收工由尖沙咀行到去佐敦搵下有咩美食啦，行到身水身汗，天氣太熱，真係無咩胃口，見到好耐無食過嘅老趙，就入去食碗凍檬消下暑先啦！一坐低，冰涼嘅冷氣啊！先講下以下2碗凍檬，個碗就大喇，個檬粉連餸唔到個碗嘅3份1啊，睇下圖4！我夾起咗d雞翼撈下d檬粉，完全未食嘅情況下 得嗰少少檬粉咋！香茅雞翼凍檬，雞翼應該係預先煮熟再翻炸，唔夠嫩滑，勝在香茅味重香茅豬扒凍檬，同樣醃得夠味，不會太鞋，讚！併盤好味，咁多款只係128元，串燒個沙嗲醬一流

Simply put- not cheap. Not authentic. Food- i ordered lunch special beef pho, pork cold noodle, fish cake and vietnamese cofffee.Beef PhoThey don’t even have beef when I visited. This should be the main stay for any shop offer Pho. They replaced with beef meat balls which is not the same. Soup tastes ok but not Vietnamese pho soup. PPork cold noodleTaste ok, but nothing memorable. Good enough to eat but certain not out of the worldVietnamese coffee not authentic, but tastes ok.  if you charge me

放工經過 想食越南野就入左去食叫左一個豬扒撈檬、青木瓜沙律同沙嗲河。因為份量有d大，所以2個人食到超飽都係食唔晒。青木瓜沙律味道不錯，甜甜酸酸非常開胃，而且木瓜很爽口，所以不斷食，食到停唔到口😛。豬扒撈檬的豬扒亦煎得非常香，再配上撈檬既甜酸汁，真係絕配🥰

聽了很多次，老趙沒有以前咁好食？係點唔好食？點解變了？出左名就變了？點解咁認為？唔好聽人講，真係去試下。的確，我看到餐牌，感覺太貴了。因此散叫。再落單時，除了粉包的皮麻煩一點外，基本上可以自己煮。我只認為，裝修的格局，跟餐牌的價錢有點不相稱。大部份成本應是來自租金。春卷：自己買合來炸、買生菜、加酸汁就是了。粉包：是有手工的餸，粉漿自己整完再蒸，都有點功夫，但得2件。馬拉盞炒菜：忘記是辣，原來咁辣的。生牛河：湯底真係濃厚，可以加返一塊香葉，會更香。牛尾煲：um...,都好味。是抵食的餸菜。遊客仍然有，但以一間有名氣的小店，應該有自己獨有醬汁，或獨有小菜。沒有以前咁好食，係因為唔抵食，定係我地識多左野，自己煮黎食？還是沒有以前昔日街坊的味道？

今天專程去了這間位置偏僻的米芝蓮推介老趙越南餐廳一試。來得越南餐廳，當然要試生牛肉湯河。這裡的生牛肉河賣相精緻，河粉面頭鋪了牛肉、洋蔥和白蘿蔔。牛肉河湯頭還可，淡淡清香，味道略帶偏甜，可惜香料味不夠重，欠缺層次。河粉抵讚，晶瑩剔透而且非常幼滑，卻仍能保持彈牙，不會太腍身。生牛肉偏熟，不過有牛味，而且亦腍身。午市套餐包括飲品，點了一杯蜂蜜柑桔露，清潤解渴，不錯。餐廳除了Pho，亦有檬粉、飯、咖哩、粉河等。

今日話説我就同colleagues 出去食 本身講好左想食泰國野因為本人好想食pad thai 但好可惜我地想食個間今日竟然冇開 所以我地就去左附近嘅老趙食越南野😋🤪 都差唔多姐^^入到去見到個餐牌都好多選擇 本身我想食撈檬 但見到廚司推介個到有個叫做金不換牛肉炒河好似好好食 而我本身都係想食炒野( pad thai) 所以就叫左依個啦 野飲就叫左桂圓紅棗茶簡單啲黎講 依碟野係乾炒牛河 我鐘意佢一上到枱好多煙好有鑊氣之餘 佢食落唔太油 河粉都幾乾身 而且好多牛肉片 足料呀 而啲牛肉都唔”孩” 個人認為佢裏面同乾炒牛河唔同嘅位係佢有檸檬葉係裏面 令你有少少東南亞嘅味覺 幾好食! 果然係廚司推介 而杯紅棗茶就正正常常但依然滋潤出去食真係好^^

大食妹真係好鍾意食食越南野夜晚喺佐敦做完嘢之後想食d 清淡野，即刻search下邊度有好野食，見到呢間間老趙越南風味餐廳幾多好評，一於試下喇招牌係一個好和藹可親嘅叔叔的頭像，睇得出間餐廳係行親呢路線<香茅豬扒湯河$65> (好味:3.5/5) (抵食:3.5/5)豬扒好夠味，炸到脆卜卜，香脆可口，老趙令我失望湯底名濃郁，略嫌鹹咗少少河粉彈牙好咬口<蕃茄蟹肉湯檬粉$82> (好味:4.5/5) (抵食3.5/5)呢個湯檬粉系我食過數一數二最好食嘅越南湯檬番茄湯好濃好清甜，食得出個湯底系用左好多粒蕃茄煲左好耐先煲到咁的濃度蟹肉同埋蕃茄湯底好夾，將蟹肉的鮮味完全發揮出來誠意推介蕃茄蟹肉湯檬粉，唔試一會會後悔<越式蒸粉包$36> (好味:3/5) (抵食:3/5)越式蒸粉包可以skip 外面嘅粉皮整得幾滑幾彈牙，但入而包的料同平時食開的唔同，唔岩大食妹口味<蒜蓉包$25> (好味:2/5) (抵食:3.5/5)蒜蓉包麻麻哋，蒜蓉包嘅蒜蓉味唔夠，所以唔夠香，反而牛油太多有d油而且包太硬，咬到牙都軟，不過$25有4舊都幾平

友人一直想試呢間米之蓮餐廳，今日終於有時間同佢嚟試試，門口啱啱做緊裝修畀啲棚架遮住晒，搵咗陣先見到，雖然如此但餐廳🍴都係坐滿晒人，等咗陣先有位，午餐🥣選擇都有幾多下，最終叫咗生牛肉🐮河、上湯札肉河、炸蝦🍤餅、越式紅豆奶茶同蜂蜜金桔🍊露。生牛肉🐮河賣相好吸引，特別地配上白蘿蔔，可惜係苦嘅，攪到有啲畫蛇添足，牛肉🐮好大塊，咬落一啲都唔韌開易咬開，不過份量略厭唔太夠，食完都唔太飽。上湯札肉河相對嚟講較為遜色🙁，札肉切得好薄，一啲味道都食唔出，湯底本身唔錯幾鮮甜，但炸蒜同蔥落得太多，攪到湯底都係蔥蒜味。炸蝦🍤餅上菜時已經油光滿面，食落口時已經畀陣油味掩蓋晒本身應有嘅蝦味，只係食到陣陣嘅香料味，較為失望😞。紅豆奶茶係基於好奇先叫嚟試下，奶茶較甜🍬配上紅豆更加甜上加甜，不過兩者配搭無想像中咁奇怪，飲落都唔錯，有少驚喜😚。蜂蜜金桔🍊露成杯只有一塊嘅青檸調味，所以對甜味🍬起唔到任何幫助，不過不失嘅金桔🍊蜜。

和朋友約了在佐敦見面，到了餐點，得找一間醫肚 朋友異議越南菜，不約而同都說去老趙，那裡軟殼蟹必吃，炸得金黃脆，一口咬下去，香脆可口，裡面的螃蟹也新鮮可人，在吃上一口生牛肉河粉，一定要喝湯，很入味，喜歡！

约了朋友吃越南菜。老赵是老牌子餐厅。菜式有一定水准。当晚点了招牌牛肉粉，炒通菜和明炉烧青柠炉鱼。炉鱼汁酸酸的很开胃。蒸得也刚好。但是鱼有很多刺，我吃得不多。其他则平均水平。餐厅装修尚可。干净。但不高檔。店员有礼。总的来说还是吃得开心。

年初二走到去佐敦拜年， 晚飯是最令人煩惱的事， 因為許多店鋪在農曆新年假期中是不設營業的。 於是在佐敦打了個轉， 最後給我發現到這間越南餐館。由於接近獨市生意， 所以這間餐廳人流十分旺盛。 餐廳內座位 算是寬敞， 格調舒適。今天只有假日餐牌 供客人選擇， 意味著食物價格會提高， 不過假期外出用餐 貴也是值得。我點了個經典生牛肉湯河粉， 這間舖 的牛肉湯粉偏鹹， 所以拖我是不敢喝的，但用以拌麵吃味道十分出。 可惜的是生牛肉上桌時已經全熟了， 並且口感比較老比較柴。 而河粉算是正常水平， 無論口感和份量 也令人滿意。雖然正值假期， 但一碗可分六十元正也能夠埋單， 個人認為十分經濟。

大年初二，因為新年食中餐都食到有d厭，所以同屋企人嚟老趙食越南野開年。book 左八點，個個都仲睇緊煙花，所以唔使等位😁 自己帶左枝紅酒，要收$50開瓶費。一坐低，叫左個青木瓜絲沙律，味道甜，略嫌辣味不足。小食拼盤，每樣食物的味道不錯，由其一讚當中的蟹皇金磚。法式蒜片牛柳粒十分好味，牛柳粒鬆軟入味。咖哩雞煲，全煲都是雞肉，差不多沒有薯仔，食肉獸至愛！整體而言，四人計不計酒水，性價比尚算高，值得推介！

唔想煮飯，同老公出街食，越南菜同日本壽司二揀一，首選壽司店但被包埸，所以轉食越南菜前年食過一次都幾好味，後尾其他地方都有好多又平又美味的越南餐廳所以好耐無食呢間!今日再食，發現唔需要有下次啦!今日點左小食拼盤、咖哩雞同蒜蓉包!上菜速度超快!首先係小食拼盤，落單時已知無春卷，補上兩隻雞翼，當時只係7點，好生意成咁？魚餅、蒸粉包普通!最差係豬肉串燒，有半串都係肥膏，其他係肥脂肪串燒吧!之後係咖哩雞，汁好香，但雞肉完全唔入味雞切到碎晒好多雞骨碎，而且份量少蒜蓉包唔脆!埋單250，真心覺得唔值!

是日又約咗個同事一齊食lunch，兩個人未決定食乜好，行咗去渡船街文匯街果頭先再諗。行過呢間老趙越南餐廳，見唔駛等位又有lunch set,就入去坐低。lunch set價錢由$50-$80+,包飲品，亦可以加錢要小食或時蔬。lunch hour得一個鐘都要快食，light啲都OK,同事叫咗扎肉湯河，我就鍾意食撈檬多啲，嗌咗香茅雞翼撈檬。飲品揀咗熱蜂蜜柑桔露，唔駛加錢。另外亦有桂圓紅棗茶，係冬天想養生嘅選擇。最amazing嘅係上菜速度，快到好似就咁喺廚房拎出嚟咁，雞翼有四隻，炸到熱辣辣，配料有醃咗嘅紅蘿蔔絲同白蘿蔔絲，加少少花生碎，簡簡單單，都非常大碗，夠晒飽肚，夏天唔想食啲太熱嘅嘢都可以食撈檬。食食下發覺員工要食飯，我哋啱啱好彩趕得設喺佢哋食飯前落單，所以下次記住要大概1:30pm前去食，如果吾係可能要等好耐!

今日放學就同同學去咗佐敦附近食晚飯，行行吓見到呢間個名幾特別就入咗去試吓。今晚叫左個香茅豬扒粉，香草蝦膏蟹肉炒飯，冰越南滴餾咖啡。炒飯熱辣辣上枱，好香，味道都吾錯，豬扒都好味，咖啡香滑，整體都好好。