體諒同事一個人食 lunch 悶悶不落，等我陪您食啦。見個二人餐似乎幾抵食咁喎，每人一個碗湯河加兩個小食一碟菜，百幾蚊幾好噃。同事一直覺得係老趙，我已講多次係老許，大家黎到終於水落石出喇。第一次黎當然要望真個 menu，菜色花款多樣化，起碼比一般越河食肆為多，除左大路越色食物外，仲有快餐、廣東小炒、西餐，連生蠔都有。梳打青檸，咁甜既？下次要少甜之受得住。越南春卷，問清楚係邊隻先，好采係炸。唔係粉皮有芫茜芹菜那款，最怕香菜我一食就反胃。沾少少魚露再用生菜卷住食，炸得金黃鬆脆熱騰騰，味道不過不失，平凡不無特別，合格可以一試。粉包，貌似暖暖地，竟然入口熱到出煙！真係超級熱，雖食得出微波翻叮。放左入口出晒煙，吞都吞不下，呆足十幾廿秒先慢慢趙得到乍。上面鋪著札肉，餡料同春卷差不多，加上肉碎同吃好香口，估不到的美味，推介。加 $5 蚊就有的前菜，梗係加啦！本身我唔食蔥，不過炒得香口去左草腥味都食得到。隻碟好熱，微波味濃，粉皮超級燙嘴，成舊掉入口眼水都飈埋，好采無灼傷甩皮。濕濕黏黏粉皮包著肉碎，表面鋪上炸蒜青蔥粉絲札肉絲甘筍絲，外觀唔討好，但全部食材混在一起時，蠻不錯喎。生牛肉金邊粉全走，不要芫茜蔥、不要九層塔、不要芽菜，指天椒青檸另上，梗係要兩份先夠酸夠辣啦！靈魂都係靠個湯底，即時淺嚐幾口，微暖溫度還可以，湯汁味道偏淡，牛肉及香料味道薄弱，比起越棧、老趙、阿呂還要淡呢。牛肉質素就還可以，中規中矩，不太鞋不太瘦，嚥韌帶點點牛甜味。海鮮炒飯，真的嗎？驟眼望落去見唔到有海鮮呢，耐心搵一搵，見到有幾粒蟹柳同幾粒魷魚，再落力兜兩兜，驚見兩粒蝦仁，皇恩浩蕩，多謝多謝。撇除配料問題，其實個炒飯都炒得幾好，不太濕而有鑊氣，味道滋味可口，賣相就不敢苟同。蠔油白菜，如果係雞油白菜就好喇，白菜配蠔油硬係怪怪的。半生不熟，爽爽水味濃不苦澀，過得去。馬拉盞炒通菜，雖然只係旱通，但炒得鮮甜翠綠多汁又爽口無渣，好滿意。仲帶少少微辣不太油，合格！越式牛腩河全走，次次都係生牛河有點悶，專登轉下口味試試個牛腩。質感有點硬掘掘，羶味強烈，我都係食返生牛河算喇。個湯只係暖暖地，又未至於太凍，免強接受，湯底味道非常清淡。生牛肉河全走，梗係唔記得我要全走，亂七八糟仲有幾條芽菜幾粒蔥，想揀死我咩！牛肉片成卷上，一團牛肉是故意賣點嗎？外層廿十成熟，幸好裡面還是嫩紅色。嫩紅夠鬆軟，深啡就乾鞋。蘿蔔微弱的甜味，爽爽多水多汁無渣。湯頭平庸，牛骨湯淡淡然，合格無驚喜。沒有很想一飲再飲的衝動，混上指天椒青檸汁開胃多了。最喜歡幼河粉，最衰實淨沙河粉平平無奇，略略拖水，實淨不綿滑不索湯，是但連湯倒落肚算了吧。侍應叔叔哥哥們都主動熱誠，勤奮有衝，非常好。…查看更多
佢仲好意思想收我凍飲錢6蚊。。我話我飲都無飲過又無黎到甘先唔收我6蚊紅磡有好多間越南野，無必要不用去食，又唔係好食，人又惡唔夠人就請人啦，搵客黎鬧都有⋯
