老蔡台灣牛肉麵x茶茶滾

營業中

休息中

下晝無聊去左大埔，5點幾入大尾篤行下，見到呢間台灣菜幾光猛，又幾靚，門口有人等緊野飲，出面有鴨屎香手打檸檬茶，整返杯消暑下，順便見到有台灣面食，索性入去食，食埋走人。我哋叫咗個紅燒三寶牛肉麵，湯底重牛骨味及藥材味，最尾成碗飲哂，牛肉好林夠味，牛根正常，牛肚爽口👍🏻講真好有台灣感覺。老婆叫咗個蟹黃麵，雖然在台灣未見過，但係都幾好食，每一啖都係蟹肉非常掛麵，都推薦。我問侍應可唔可以鹽酥雞拼雞軟骨，佢話可以，兩樣都好食，鹽酥雞炸得乾身左小小，但味道是正常的，而雞軟骨又好juicy，都唔錯。手打檸檬茶非常冰凍及消署，忍唔住叫左兩杯價錢都合理，飽到夜晚都唔洗再食。不知是否新開關係環境亦乾淨企理👍🏻

-老蔡台灣牛肉麵x茶茶滾-📍大埔.趁住最近天氣幾好，放假就同男朋友去咗大美督郊遊一下，發覺原來大美督都好多餐廳。本身只係想買杯手搖飲品，但係發現原來佢哋旁邊仲連埋一間台式料理餐廳，便決定喺度解決我哋嘅晚餐。.九層塔鹽酥雞 ($68)鹽酥雞小食的份量都唔少，雞肉炸至外層香脆，配上九重塔香味，非常開胃。.老壇酸菜牛肉麵 ($98)酸菜的酸味更帶出湯頭的清甜，台灣麵食落奶油口感，好細滑。.牛肉都好高質，滷至入味，食落有八角嘅香味。睇落完全冇脂肪，但食落一啲都唔韌，入口即溶，而且每件都帶有軟嫩牛筋嘅部份，食落啖啖骨膠原咁。.花椒香麻辣乾拌麵配香酥排骨 ($88)乾拌麵可以選擇唔同配料，我揀咗香酥排骨。排骨外層炸至香酥，食落一啲都唔韌。.花椒香麻味好濃，加埋佢哋嘅特製辣油，辣椒香味和花椒麻味味道層次較更為豐富。.特濃黑糖仙草鮮奶 ($44)飲品都好大杯，黑糖好香，仙草都好多。.

餐廳位於大尾督村湖畔景色怡人，菜式種類多，台式飲品更係用心之作，例如見到招牌木瓜牛奶用上原個木瓜去打，非常足料涼拌小黃瓜：呢個菜式清爽，小黃瓜爽脆，配上醋、蒜頭同香油，味道鮮美，適合夏天食用。香酥魷魚鬚：魷魚鬚炸得香脆，外層酥脆，內裡嫩滑。加埋啲辣椒醬，更加開胃。黑黑糖小饅頭：呢款饅頭外皮酥脆，內裡鬆軟，黑糖味道濃郁，好適合當甜品或者早餐。酸菜魚湯麵：湯底酸酸地，魚肉鮮嫩，加埋酸菜同麵條，味道豐富，暖胃又開胃。

今日收工同朋友嚟到大美督食飯行過見到呢間新開台式餐廳佢係一間餐廳、一間手搖飲品連埋感覺好似行緊台灣夜市咁樣因為好多夜市小食同手搖飲品我哋叫咗以下幾樣嘢食- - - - - - - - - - - - - - - - - - - - - - - - 1. 老蔡滿漢三寶牛肉麵見佢餐牌寫咗老闆特登去到台灣拜師湯頭用咗16種唔同中藥材同50斤牛骨熬成重點係冇添加任何味精 夠晒新鮮飲落都真係幾濃郁夠味 帶有微微辣味入面三寶包括牛腱肉、牛筋、牛肚浸過啲湯之後 昇華晒啲牛肉嘅味牛腱肉好軟嫩、牛筋就好Q彈同埋牛肚都好爽有咬口 真心唔錯2. 夜市必吃三角雞軟骨＋香酥魷魚鬚呢度有我最鍾意嘅大大粒雞軟骨一咬外層係好酥脆 內裡軟骨口感爽脆魷魚鬚都一樣 外脆內裡肉質彈牙雞軟骨或魷魚都幾新鮮 唔似雪藏上面灑咗少少香料 海鹽、辣粉等等食到咸香微辣 感覺好似行過夜市即叫即炸3. 特濃黑糖波霸4.3鮮奶＋特濃木瓜4.3鮮奶特濃黑糖波霸鮮奶啲珍珠好重黑糖味食落口感煙煙韌韌 好有咬口～加埋4.3鮮奶平衡返黑糖嘅甜味特濃木瓜鮮奶似係鮮打出嚟好似前排去台灣夜市入面飲個啲唔算好甜 帶有少少木瓜清香冰度揀咗正常 飲落質地比較濃稠

大尾督新開張台灣牛肉麵×台式茶飲店。餐牌除左招牌紅燒牛肉麵，仲有老蔡傳承手切滷肉飯、雞湯麵、乾拌麵、起司蛋餅、台式滷味、必試人氣甜品；另外仲有多款台式飲料，包括鮮純水果茶、厚奶茶、純茶、鮮奶等，全部都可以按個人喜好，添加配料、選擇甜度和冰塊。老蔡紅燒半筋半肉麵：這碗麵一次過可以吃到牛肉和牛筋，兩者都炆得軟腍入味，麵質地煙韌，粗幼適中，掛湯力強，湯底濃郁鮮甜，帶啖啖牛骨香。古早味香菇手切滷肉飯(中滷)：豬腩肉肥瘦相間，配香菇、滷水蛋、小唐菜，撈埋醬汁一齊食，真係可以食到兩碗。迷你爆汁豬肉生煎包(6件)：飽入面既肉香濃而不膩，一口咬下去，馬上就有湯汁爆出來。椒鹽甜不辣：酥脆口感，係台灣經典小吃。波霸奶茶：茶味甜度恰到好處，搭配Q彈綿密既珍珠，超好喝。特厚芋泥4.3鮮奶：真材實料，用左4.3明治鮮奶，跟拌勻既芋頭完美融合，味道好有層次。總結，餐廳環境舒服，食物用心製作，令我哋食到台灣原味道。

今日在大尾督完成了單車行程後,感到有些疲累,於是趁著還有時間便前往附近一間名為「老蔡台灣牛肉麵 x 茶茶滾」的餐廳用晚餐。這家餐廳同時提供台灣牛肉麵和各式台式飲品,我們倆都對這樣的組合頗感興趣。餐廳的裝修風格十分明亮舒適,暖色燈光搭配杏色的桌椅,給人一種乾淨整潔的感覺。由於我們並不太餓,點了相對份量適中的「滿漢三寶牛肉麵」、「九層塔鹽酥雞」,以及兩種台式飲品和兩款甜點。滿漢三寶牛肉麵的份量非常豐富,配料也十分豐富多樣,牛肉軟嫩多汁,帶有濃郁的肉香,麵條本身質地彈牙爽口,整體味道相當出色。九層塔鹽酥雞經過精心烹調,外酥內嫩,入口即化,相當可口。我們點的兩款飲品分別是「特厚芋泥鮮奶」和「仙草凍奶茶」。前者的芋泥口感濃郁,清甜可口,層次豐富;後者的仙草帶有淡淡的清香,與濃郁的奶茶完美融合,溫潤順口。最後,我們還點了「手工黑糖花生麻糬」和「三色芋圓鮮草凍配牛乳」兩款甜點。前者的黑糖脆皮與內餡的軟糯香甜形成強烈反差,口感層次豐富;後者則將清涼的鮮草凍與濃郁滑順的牛乳完美搭配,芋圓的軟糯與牛乳的濃醇渾然天成。總的來說,這次台灣風味的晚餐體驗堪稱成功,不僅環境清雅,菜品也別具特色,完美地呈現了台灣美

上網見大尾篤開左台灣菜，決定入去試下，去到都幾多人下，仲諗住會無乜人。呢度牛肉麵出名，標榜大量牛骨同埋冇味精，我地六人叫左一人一碗麵一齊試下經典鵝油拌麵：呢個一上台已經非常香，呢度撈麵要自己撈，另配豆腐牛肚雞翼，雞翼入味，牛肚爽彈！讚！紅燒滿漢三寶：有牛肚，牛根，牛肉，爽！彈！林！大家食完第一啖牛肉都望住對方，因為出奇地好好食問店員話廚師（應該係老蔡）係去台灣實習過好幾年先返來香港開店，當然食得出碗麵好有心機！雞軟骨又係好好食，唔似平時食個d細細粒，又夠味另飲品就正正常常，黑糖鮮奶同手打檸檬茶好飲真係可以一試，十分推薦，絕非打手

大尾篤一間台灣料理 附近多數都系泰菜/ 越南菜 / 日本串燒 / 燒烤類呢間好適合做附近居民閱飯堂 簡簡單單可以一餐 價錢晚餐黎講唔算好貴都有唔少選擇 紅燒蕃茄特選腱心牛肉麵 $86 湯底濃厚 酸甜味道 夠哂開胃有台灣麵/刀削麵簡 ， 今次試左台灣麵都幾掛汁👍🏻下次可以試刀削麵 應該會更加煙韌牛肉唔韌 份量都有三/四大舊 酥烤雞翼略嫌有少少冰鮮味道 可以更好滷肉飯配鹽酥雞👍🏻好多滷肉 撈飯一流鹽酥雞新鮮炸 香脆可口 值得一試肉鬆起司蛋餅 必吃！兩大塊 ☺️好有蛋香味個餡都好full 好爆當佢系主食 叫杯野飲都夠👍🏻牛油果奶昔 & 烏龍波霸奶茶口感豐富 牛油果味濃 夠creamy 珍珠煙韌整體黎講 大家都可以黎試下 蛋餅黎講真系少少surprise🫶🏻黎到大尾篤行吓沙灘 行吓山 都唔使淨篤得bbq食 咁Heavy laa👍🏻

本身都好鐘意入大尾篤行山食飯，都食咗好多年。點知就比我遇到間咁嘅餐廳，食到一肚氣！落完曬單，等咗20分鐘都未有，問樓面話多單整緊，點知遲過我地坐底嘅客人上野食先，為餐廳大忌，已經好無奈。半小時後終於上齊，點知啲單岀錯，已經等到耐到唔記得自己嗌咗乜，仲要到樓面問你地有無嗌呢樣架？？好似驚我地呃佢啲食物咁🙏🏻但其實當日係得個幾張枱都等咗半個鐘，唔會推薦！新開業員工態度差，不會有下一次。都係去食翻忠誠泰國菜好過，質素好，幾忙態度都好好！

行過見到呢度新開張，一於試吓，有驚喜。環境裝修光猛，我哋兩個人叫咗少少嘢食。老蔡紅燒特選腱心牛肉麵：佢話湯底係用50斤牛骨煲成，牛肉味香濃，有三件牛肉非常腍滑，麵質Q彈，比起當年我在台灣吃的劉山東，林東方更好吃，咁有心機整一碗麵確係高分。酥炸花枝丸：粒粒都好豐滿，問待應係咪「振興」，佢話係台灣飛機貨，$68真係交足功課。酥炸魷魚鬚：呢個食唔晒，打包左返屋企慢慢食依然酥脆，宵夜係最佳不過。台式滷水拼盤：入邊就係眼見既野，都好豐富，有雞翼有雞腳有雞腎有雞蛋有海帶，全部都好入味，特別隻台灣豆腐好QQ，真係就係個隻古早味唔識講，先賣$78，唔知開張試業先咁鬼平定咩，要食快啲好食。主要嚟講呢個價錢有呢個味道質數真係交足功課有餘，要食快啲好食，唔知佢幾時加價，至於飲品，留返下次先試。