老蔡台灣牛肉麵x茶茶滾

老蔡台灣牛肉麵 x 茶茶滾大埔餐廳必食雙殺：蟹皇乾拌麵 + 特濃芋泥鮮奶行開大埔想掃街食好西？約老蔡聯乘茶茶滾呢個組合真係無得輸！今次試咗兩款招牌，食完直頭想encore，同大家分享下～蟹皇乾拌麵：蟹膏控尖叫級！一上枱就聞到超濃蟹膏香，唔係味精味，係真·蟹皇嗰種鹹鮮！撈勻每條麵都掛滿金黃蟹醬，仲食到啖啖蟹肉絲，口感勁滿足。麵身用幼身拉麵，爽彈唔淋，掛汁力100分。最驚喜係加咗少少醋提味，中和膩感，食完一碟都唔滯。重點：百零蚊有交易，比出面蟹粉專門店平一大截，性價比爆炸！特濃芋泥鮮奶：芋泥山火山爆發！茶茶滾嘅芋泥一向無敵，今次聯乘版再升級！目測半杯都係芋泥，綿密到黏住喉嚨，仲保留微微芋頭粒增加口感。鮮奶用本地品牌，奶香醇厚但唔會搶芋頭風頭。甜度固定（約微糖），建議飲前瘋狂攪勻，每啖都係芋泥+奶香double kill～凍飲杯底仲有芋泥沉澱，飲到最後都仲有料，抵讚！食評小筆記：蟹皇麵記得趁熱撈勻芋泥鮮奶揀少冰都夠凍，冰量固定唔怕沖淡味。兩樣夾埋食超有罪惡感，但⋯⋯人生就係要任性啊！（笑）總結： 蟹皇麵鮮味直擊靈魂，芋泥奶誠意滿分，兩款都係「食過返唔到轉頭」級數。經過大埔記得留肚試，保證唔會中伏！…查看更多

上網睇話呢度牛肉麵好正，今日入咗大美督就決定嚟試吓，當日係假期，都幾多人，不過我哋就唔使等位，啱啱有台客走。打開餐牌都有好多款嘢食，不過我哋主要目的都係食牛肉麵，我同我女朋友每人叫咗一碗半筋半牛肉我哋都係一致好評，牛肉入口軟林，牛筋q彈，湯底濃郁，濃濃嘅藥材味，比起台灣係真係有啲唔同，因為台灣食完都係成口味精同埋好頸渴，呢度個湯底真係冇得輸，食完先知我原來用咗成50斤牛骨去煲。之後叫咗個夜市必吃雞軟骨，又係好正，唔同香港嗰啲雞軟骨，真係台灣直送，唔食呢個必定會後悔。跟住叫咗個椒鹽魷魚鬚，正正常常，好味跟住叫咗兩杯黑糖珍珠鮮奶，真係好飲，佢唔會好甜，但係又好夠味，珍珠好in un ，奶靚，一致好評，冇推介錯。…查看更多

今日中秋同班細路去大美督玩,上網睇吓附近有咩 食,見到呢間台灣菜就試吓,始終啲嘢食都啱食朋友 食啲。去到門口都見有人排緊隊,我哋等咗一陣,室內有張 枱坐有冷氣位。開不了口首先入到嚟嘅時候我唔會咁大期望,叫咗個套餐食始 終係咩都有,碗麵係一試完啖湯,再食左舊牛肉,我 就開始覺得呢間野真係好用心去做,先講個湯飲得出 每啖都係心機,濃濃嘅牛骨湯味,再加埋佢哋藥材秘 方,個啖湯真係嘩一聲,牛肉入口即化咁滯,絕對冇 誇張,真係比台灣嘅更好食,仲有個滷肉飯又係好 正,職員話滷肉都係自己整,出面既多數叫現成貨, 如果一人餐真係超飽,細個叫咗個蟹黃麵佢都話好 正,跟住仲有個蛋餅正正常常啦。另外個滷水拼盤又係超入味,總係食到陣陣台灣嘅味 道,飲品都係相當出色,起碼珍珠喺煙韌,出邊嗰啲 一係就臉啤啤一係就硬屈屈,當然價錢有返咁上下 啦,$90碗麵貴唔貴見仁見智,但係真材實料就一 定。…查看更多

CP值超高，😋set A乜都有套餐百幾蚊超抵食，👍🏻真係乜都有，套餐包括🍱大碗牛肉麵，🐮牛筋牛肉乜都有，牛肉好夠淋好入味，仲有好多舊，清燉牛肉湯清甜無味精🥣小碗滷肉飯，其實都唔小嫁啦，一個正常飯碗滿晒，太好味唔小心食哂然後牛肉麵就食唔哂仲有三款小食，花枝丸，炸番薯條，🍠台灣腸，全部中哂我口味，都係我想點既小食再包一杯野飲，真係好豐富小食我另外再點左，肉鬆芝士蛋餅，👍🏻👍🏻👍🏻勁好味，皮煙UN,整體好balance，好好味，必點👍🏻👍🏻👍🏻另外仲叫咗鹽酥魷魚鬚，都係無叫錯，香口惹味，調味做得好好今次點嘅所有嘢都好合心意，係飲品太甜…查看更多

今日星期日同老公入大美督行吓，去龍尾灘曬吓太陽，嗰日都好多人，好彩車位充足入嚟都唔使塞車，我哋喺沙灘曬緊太陽嘅時候已經睇定今晚食咩，見到前面有一間台灣菜，好似好好食就打電話去訂枱試吓。夜晚6:00天都未黑我哋去到老蔡台灣牛肉麵，好彩留咗枱，坐低落20分鐘已經成堆人衝入嚟我哋叫咗個開不了口套餐，佢個套餐仲包一杯嘢飲，我叫咗鴨屎香手打檸檬茶，杯野夠大杯又夠凍，呢間店舖係用香水檸檬，飲得好正嚟咗個開不了口套餐，牛肉好腍滑，湯底濃厚藥材味超正，飲完成個人好舒服，仲有台灣腸，地瓜條都好好味。跟住另外叫咗碗麻辣鴨血冬粉（走青），鴨血又大件又正，係個湯辣左小小，但麻辣味好香好正食到停唔到，見到出邊開始有人排隊，所以我哋都嗱嗱臨食完走，埋單唔使$300唔錯。…查看更多

星期日去大美督見到有一間台灣菜同茶飲店。餐廳好闊落，有戶外同室內位揀，一入去兩個侍應好熱情咁招呼，感覺已經好好。嘢食方面有好多選擇，全部都係正宗嘅台灣菜同茶飲。我叫咗一個三寶牛肉麵同埋一杯黑糖波霸鮮奶，牛肉麵有唔同嘅麵種可以揀，我最後揀咗手工麵。上菜嘅速度好快，同埋俾佢嘅份量驚喜到。碗麵好大碗，同埋唔係一般牛肉麵，而係有牛筋 牛肚 同埋牛鍵肉。湯底亦都唔係普通味精湯，係好重牛味，仲有啲藥材味同少少辣。好足料，食完係會好滿足同飽肚！嘢飲係超級大杯，好多珍珠，黑糖同鮮奶嘅比例啱啱好，唔會太甜。特別想讚下服務！侍應嘅服務非常好，好有禮貌。落單嘅時候有問必答，介紹咗唔同麵嘅分別。好深刻嘅係佢哋嘅主動熱情，上餐嘅時候搵唔到匙羹，我無問但係佢哋見到我搵緊，主動攞俾我，好加分！非常推薦去食，有種去咗台灣一轉嘅感覺！…查看更多

今日晏晝嚟到呢間老蔡台灣牛肉麵，好多人，等左室內一陣位，因為有冷氣，午餐都係50-70$價錢，非常抵食，而且份量非常大份。我哋叫咗個滿漢三寶牛肉新竹米粉，湯頭非常濃郁藥材味，熱辣辣真係超正，牛肚爽陣，牛肉軟林度岩岩好，喺香港真係未食過咁正嘅牛肉，配埋新竹米粉，唔知以為自己喺台灣食緊。朋友叫咗個蕃茄牛肉台灣面，濃厚蕃茄湯，係台灣人非常鍾意食，呢度都試到真係非常驚喜。再嚟一個滷肉飯，熱辣辣，食得出係自己做，加埋蘭王流心蛋，誠意滿分，可以講話係香港最好食嘅台灣菜竟然喺呢度食到。飲品亦都相當驚喜，濃厚芋泥+鮮奶，普通一杯香芋珍珠都做得非常好（因為出邊飲親都係好似飲水咁），呢杯真係飲到香芋味，真係要大推！…查看更多

今日冇嘢做同老婆入大美督行吓，因為好耐冇嚟過，見到呢間台灣嘢新開一於試吓，舖頭標榜大良牛骨及藥材湯，一於試吓去個牛肉麵，平時去台灣都會周圍試吓人哋啲牛肉麵，但係香港試過幾間就係麻麻哋。我上網睇到有人話可以加溏心蛋，我又試吓+1隻$15 ，店員話喺蘭王牛肉麵因為我叫走酸菜走蘿蔔，所以乜都冇，嚟到試吓個湯頭，好濃藥材，好濃郁牛骨味，有微微辣，好正，牛腱肉超腍，入口即化，糖心蛋流心，早知加多隻。另要咗個車花椒香麻辣乾拌麵配滷水雞翼，我問店員可唔可以加多條腸？佢話平時唔得，我話俾錢得唔得佢話問吓老細，跟住回覆我老細話請我食，但係下次唔可以咁叫😱所以我決定上嚟寫個review讚揚下以表多謝。雞翼滷得好入味，另外個乾布麵真係油麻又香，又少少辣，呢個真係超級好食，好難得喺大美督竟然會搵到一間咁好食嘅台灣菜。…查看更多

心血來潮好想食台灣料理，記得之前喺大尾篤見到呢間“老蔡台灣牛肉麵x茶茶滾”，決定一試！環境唔錯，大尾篤巴士總站行過去大約兩分鐘，地理位置非常方便。門口有杯巨型珍珠奶茶模型，吸睛！食店有室內或戶外區域，如果天氣涼涼哋坐出面食嘢你都咪話唔chill。室內環境整齊清潔，店員服務熱情，有禮親切，感覺舒適。第一碗麻辣鴨血湯冬粉，湯頭麻辣溫和，唔會太辣；鴨血大大塊，又夠飽滿，口感嫩滑；冬粉Q彈，吸附湯底一並食用，美味極了！第二碗蟹黃油乾拌麵，蟹黃油香，色澤金黃，醬汁鮮味香濃，麵底跟黃油蟹醬混和一體食用，超級好味！當然仲有必食台灣駐名小食 - 九層塔鹽酥雞， 外皮酥脆不油膩，薄薄嘅粉漿包著嫩滑多汁嘅雞肉，加上仲有酥炸頂級花枝丸，大大粒嘅花之丸炸到香脆可口，簡直係人間極品，最啱一路傾計一路食！今次真係大滿足！…查看更多

黎到大尾督踏單車之前就緊係係呢邊食埋飯啦😄 中意佢好貼近大自然同埋多餐廳可以帶狗狗😊 好想飲手搖飲品, 仲有牛油果🥑呢間台式餐廳就岩哂我地喇😋1/ 蕃茄筯肉雙盛牛肉麵🐮 $96牛肉超嫩滑而且好入味, 蕃茄汁酸甜度岩岩好完全滲入牛肉內, 牛筋唔油膩, 份量都唔少👍🏾2/ 香酥排骨蔥油乾拌麵🐷 $84香酥排骨夠香口又唔乾, 蔥油滿滿令整個麵超香, 好似食緊撈麵咁👍🏾3/ 黑糖小饅頭配煉奶(三件)🥖 $36簡簡單單既小饅頭帶有淡洣既黑糖味, 配上少許煉奶好滿足😋4/ 芋泥肉鬆起司蛋餅🍳 $74超級足料既蛋餅, 外脆內軟皮又夠薄, 肉鬆既量都唔少, 層次孓口哂分明, 大推！5/ 特厚芋泥鮮奶🍠 $42超順滑既奶昔, 飲落又唔會好甜但芋泥味好出, 一杯唔夠好想叫多杯🥹6/ 牛油果奶昔🥑 $50牛油果味香濃, 仲有好多牛油果肉係入邊, 好正😋…查看更多

估唔到有台式飲品同台式餐廳喺大尾篤出現，去完龍尾沙灘，嚟呢度飲杯台式飲品真係好爽，睇嚟呢度嘅老闆系周杰倫粉絲，有一啲套餐超抵食系用周杰倫嘅歌名黎改名的 ，套餐嘅麪食可以揀刀削麵、台灣面、粉絲和冬粉 好多元化😆而且麪食好大碗，我哋叫咗開不了口套餐，非常豐富，有幾款台灣小食，台灣腸，炸花枝丸炸番薯條 樣樣都可以試到 而且新鮮熱辣👍好好味❤️ 另外好推介呢度嘅蛋餅，非常大份，而且材料好豐富，好飽滿，芝士拉絲的 👍同樣即叫即整木瓜鮮奶好fresh，食得出水果好新鮮😍營養好豐富 …查看更多

🥢蕃茄特選腱心牛肉麵，一上枱就聞到好香嘅蕃茄味，湯底紅卜卜，望落已經好開胃。飲啖湯，嘩，好濃郁嘅蕃茄味，酸酸甜甜咁，好refreshing！佢哋用嘅係特選腱心牛肉，煮到好腍好入味，一啲都唔韌，而且份量都幾多，啖啖肉，好滿足！麵條方面，佢哋用嘅麵好掛湯，食落好有口感。成碗麵嘅配搭，真係perfect match，喺凍凍哋嘅天氣食，成個人都暖笠笠，好舒服！🥢凍鴨屎香手打檸檬茶：其實「鴨屎香」係一種茶葉嘅名，佢嘅特色係帶有淡淡嘅花香味。呢杯檸檬茶，一飲落去就覺得好清香，檸檬嘅酸味同茶嘅甘味mix埋一齊，好match！而且佢哋係用手打嘅，所以啲檸檬味特別出，飲完之後成個人都醒晒，啱晒食完heavy嘢之後解膩！🥢台式酥炸花枝丸：佢哋嘅花枝丸炸到金黃色，外皮好酥脆，咬落去卜卜脆，入面嘅花枝好彈牙，仲有少少juicy，加埋胡椒鹽，味道啱啱好，唔會太鹹！🥢凍牛油果奶昔：呢個係我嘅健康之選！牛油果本身嘅營養價值好高，而且佢哋嘅奶昔打得好creamy，好香滑，牛油果味好濃郁，但又唔會太膩。飲嘅時候，可以感受到牛油果嘅天然香味，好舒服。如果你想飲啲健康啲嘅嘢，呢個絕對係一個唔錯嘅選擇！🥢台式滷肉飯：肥而不膩，撈飯一流！！佢哋嘅滷肉飯偏濕潤，滷肉係半肥瘦嘅，食落肥而不膩，入口即化，而且滷得好入味，好香！撈埋啲飯一齊食，真係perfect match，我可以食到兩碗都唔夠喉！佢哋仲加咗啲酸菜，可以解膩，令成碗飯嘅味道更加豐富。聽講正宗嘅滷肉飯，滷肉係要用脢頭肉同豬皮碎去滷嘅，咁樣先夠油香。🥢香酥鹽酥雞：外皮好香脆，入面嘅雞肉好嫩滑，而且調味調得好好，唔會太鹹，又唔會太淡，鍾意食鹽酥雞嘅朋友，絕對不能夠錯過！…查看更多

同肥仔係大美督睇完日落食完西北風之後，就決定係附近搵餐廳食晚餐，係老遠就見有間餐廳好光猛，一定入去試吓😋餐廳有內外兩區，內部有唔少台灣城市嘅相片，加上接近新年，佈置相當有氣氛。說好不哭套餐（青花椒香麻辣乾拌麵配手撕雞，小滷肉飯、麻辣湯高麗菜豬肉水餃、麻辣鴨血、台灣腸、特厚芋泥鮮奶）-$148估唔到份量會咁多，除左兩個主食之外，仲有三份小食，乾拌麵有滿滿雞絲而特厚芋泥鮮奶，杯邊掛滿芋泥，飲落甜而不膩滿漢三寶牛肉麵-$98相當有驚喜，首先湯底非常出色，濃濃飲得出藥材同牛肉嘅味道👅仲帶小小辣味，另外牛腱心、牛筋同牛肚都燉到十分軟腍，麵質彈牙，食完成個人暖笠笠小食拼盤-$198一共有8款小食，其中我覺得最好食嘅係三角雞軟骨，即雞嘅心口骨，其次就係甜不辣脆口就嚟甜甜地又煙韌，係炸豬排有少少乾入面的職員亦都好健談，會同你推薦餐廳入面嘅菜式，肥妹仔都係聽佢建議叫菜咋😚…查看更多

今日去遊車河，又係入大尾督食下午茶，今日晏晝唔想食咁飽見到呢間台灣菜就試吓，車可以泊隔離店舖，免費的，都成下晝四點幾，有午餐Menu牛肉麵都係$60咁緊係食呢個啦，見佢滷肉飯有隻蛋於是我問店員個麵可唔可以加隻蛋，佢竟然問我要糖心蛋定要熟蛋？問佢咩蛋佢話係蘭王？不過就要加$10，蘭王都係+10$？最後我都加了，加埋杯香芋珍珠都係$80，差唔多啦。先講吓碗麵，熱辣辣上枱好香，湯底濃郁牛骨味，藥材味，麵條Q彈牛肉入口即化，仲有小小筋肉住超正，有菜，有羅白，蔥花，隻蘭王蛋真係比100分，就算其他拉麵舖佢都未必捨得比呢隻，加隻蛋又幾好食喎👍🏻建議下次都可以加隻糖心蛋，因為我兩啖食左所以無影相，太幸福了。另外會香芋珍珠我叫咗小珍珠（驚肥）甜度適中，香芋味濃，珍珠Q彈食物飲品都好有心機整，唔錯。…查看更多

今日出面落大雨，唔想出街，之前叫過你間台灣菜外賣，打電話去問佢有手提電話落單，幫我校有泰菜越菜台菜餐牌電話😂，於是我叫咗個越南蔥油飯，跟住一個台灣夜市炒飯同埋一個夜市炒麵，未食過，加多杯木瓜鮮奶。店員整好左打比我，仲問我住邊送埋過黎真係好窩心。打開熱辣辣，仲送咗兜咖喱汁俾我先講個蔥油拌飯，多蔥油，豬肉串燒，雞翼，豬頸肉，勁豐富都係60元，非常出色。台灣夜市炒飯，呢個真係未食過，啖啖牛肉，好惹味，超好食呢個一定會再食。台灣夜市麻辣炒麵，呢個出奇地好食，辣辣地，麵爽彈，炒得好好夠哂味。木瓜鮮奶又係好好飲，濃郁木瓜。二百蚊真係超抵食，最值得一讚係落雨，佢哋會送埋俾我真係好窩心。…查看更多